香港新浪網 MySinaBlog
JO | 17th May 2017 | 我的食譜 | (4 Reads)



上星期家中有人唔舒服, 所以我都係煮D清淡以蒸為主的菜式比較適合. 這個菜式做出來真係唔錯, 特別對於老人家無咩牙力, 而且加入豆腐令到肉餅更加滑.

 

食譜參考:

http://josearfung.blogspot.hk/2017/05/blog-post_17.html 


JO | 16th May 2017 | 2017 ~墨爾本塔斯之旅 | (2 Reads)
14/04/2017

最後一日係塔斯今日景點都唔多, 離開住宿時見到主人傾左2句,佢好心提一提我地今日係Good Friday好多地方都無開同多人, 令到我地先醒起唔怪之得琴日去超市會勁多人買野...所以今日我地無得再去間好大既超市再行啦!!


一早睇左D旅遊書介紹話Richmond Bakery同樣出名,咁近我地更係要去試下有幾好味.
這間店相比Ross Bakery更加大, 但味道真係差好遠. 最簡單一杯咖啡都無Ross整得咁好飲, 出名既Pie我都覺得一般,好失望!






Richmond大概可以遊半日左右,視乎休閒度。天氣好古僑影相超靚,仲可以沿河行一小段公園,另外公園內有郊野烤爐,行完古橋可前往附近教堂。





原本見到附近有個果園見到時間尚早就想去睇下有無開, 點知都係咩都無開...唯有直接去Mt. Wellington出發..

其實行過三個郊野公園,對呢個山係無期望無計劃就咁上去,點知原來都好玩!一方面係呢個山最尾段山路抯車本身都幾刺激,路偏窄兼灣多(似香港石澳),雖然未至於係一線雙行,但始終路段部份身處涯邊,都有幾分刺激。其二係上到山非常大風(小心帶夠衫上去),而當中有幾條Track可以行。可惜係之前無做功課,我們只係行左半小時的Zig Zag Track(感覺都落左200至300米左右),若果有做功課,就可以沿Zig Zag Track落,Organ Pipes Track上,應該都幾好玩。上落一段小山後,就係上面環視Hobart,都真係好肯定呢到夜景一流,唔會比香港弱,但駕車上山就要預時間和落車要小心。
不過講真這個景點真係好值得一來, 原來這裡都有行山路段. 不過我地咩都無準備, 所以只係小行一段過下癮就算.







落山後時間可以Check in,但我地一心預時間再行超巿,去到Sorell基本上就係乜都無開,包括油站,真係似過年。
順路去埋Barilla Bay Oyster Farm買生蠔作為我地既午餐,蠔係平,喜歡應該會好正。
然後我地就返Discovery Parks - Hobart check in.




其實回到住宿處都係放底D野, 唔停得既我又建議去Hobart海港行下,順便買份Fish & Chips 作茶點啦...這裡仲有幾首船咁停係旁邊, 有D就係買魚, 海鮮, 有D船就係買熟食炸魚薯條..我地去左間比較多人排隊去買...味道都係一般啦..
不過一提這裡停車場係要收費, 自行到旁邊的入錢取回票後放係車上就可以.







4時多我地就真係回住宿處休息執下行李同準備晚餐.
因為時間實在太早,無聊到行晒成個住的地方,竟然有一個小小果園,係好細細個隻,但最開心係有新鮮蔬果免費供應,我地食左新鮮採摘的瓜果,果然係特別甜美。簡單地用D新鮮瓜果整個沙律真係好鬼正.









不過,呢個站仲有件唔開心事,遇到兩個無品家庭,住係附近,嘈吵到近半夜!(有一個係香港家庭,救命!)其實大部分外國人,去到夜晚都會好靜,幾時大家先學會入鄉隨俗呢!
整體來講這間住宿提供房內設備都不足, 舒適度都一般, 唯一只是比較近機場.


-住宿Discovery Parks - Hobart

JO | 16th May 2017 | 2017 ~墨爾本塔斯之旅 | (2 Reads)
12/04/2017



今日都係一早起身食埋早餐準備午餐就交房出發去今日另一個國家公園行下山, 今日車程大約4小時左右.我地第一站係去回壁畫鎮作補給站, 入好油買好晒食物就真正出發去今晚住宿處Westerway小鎮先. 今晚我地住農莊主人既小木屋, 真係好期待.
到達住宿處check in 已經見到農場主人岩岩係度, 佢好好人同我地介紹左一陣就話要出去啦..
原來今晚得我地住...這間小屋好正好舒服...







放低行李食埋個午餐, 我地就再出發去Mt.Field National Park行山, 我地都無咩點理只係泊左部車係visitor center就開始去行山啦....這裡同之前2個國家公園都唔同, 入面好多榭都好大好高無咩太陽, 所以簡唔中都見到好多唔同既菌類.



這裡我地都係預左小行下...主要都係來睇下個water falls.






今日行了兩條登山徑,分別是Russell Falls,由於時間依然尚早,順路落Tall Trees Walks,至此還有一個選擇是Lady Barron Falls。全條路的森林美觀極舒適,呢到以樹木為主,小動物並唔多,但喜歡菇的話,絕對是一條有趣味的路。
從Lady Barron Falls回Mt.Field Park Visitor Center時,雖不是推薦路,行了很久也沒遇上其他人,途中突然有一個型仔出現,佢快速咁介紹左自己,並同時不讓我們前行,正當我們懷疑前路可能維修時,他的對講機發聲,然後他又帶我們過路,原來我們遇到拍攝隊,還遇上兩匹馬和彷當地土著。當然我地一個演員都唔識!!!






我地hea行完山又開車回住宿處休息下..慢慢整下野等入夜又係見到天空好多星真係好開心.




住宿: Duffy's Country Accommodation

- 即日超巿攻略:Deloraine係途中經過的大巿鎮。
+感言:正式來講,今日有半日係「趕路」(4小時車程), Google Map會有兩條路選擇(分別行A5和A10),兩邊大概差半小時,但考慮到當日天氣好,加上A5近路有較多巿鎮,所以擇短車程的路。係快接近Mt.Field Park沿住Great Lake的一段路,雖然是A級公路,但絕對唔係路,唔係石屎路,屬於沙石路,所以都有少少驚險。A5沿路風景不錯,有時間不妨在湖邊停停看看。
然後先到Duffy's Country Accommodation Check In,此民宿係入住裡面設施和環境最佳。獨立的農場,很多位置設計十分細緻設計和打理,絕對是拍照好地方。住宿環繞附近均大部份是農場,若果季節適合有機會買農作物食。

JO | 5th May 2017 | 我的食譜 | (2 Reads)

近期愛上食bagel, 喜歡佢有D咬口, 有時整左一星期份量, 食唔到咁多就放入冰箱想幾時食都可以.

今次加入葡萄乾帶少少甜, 烘熱再搽少少牛油已經好滿足.
食譜參考:

 

https://cook1cook.com/recipe/29833 






JO | 4th May 2017 | 我的食譜 | (5 Reads)



去台灣最喜歡就係食肉躁飯, 覺得好香再加上D飯吸晒D肉汁真係一流...

其實自己係家中都可以20分鐘之內整到一大盤肉躁, 喜歡伴飯, 伴麵都可以, 有時灼完D菜覺得無咩味加D肉躁同樣美味.

今次用左五花腩, 記得留埋D豬皮加入去煮, 真係與別不同.

 

食譜參考:

https://cook1cook.com/recipe/29809 


JO | 3rd May 2017 | 2017 ~墨爾本塔斯之旅 | (4 Reads)
11/04/2017


今日係行山日
7點起身就去行左The Nut先. 咁早當然停車場都係只有我地一部車, 但估唔到行上山時, 已經見到對父女去跑山,這個山用跑既真係要加多十萬個like俾對父女, 特別估計只有十歲左右的小妹妹.
一開始行上山時已經係一條非常斜的路, 如果仲要用跑既我真係非常佩服佢地...其實大家想唔行這條斜路, 其實可以坐纜車上山既..當然我地咁早既時段我地唯一選擇就係步行上山啦...其實都只係20分鐘左右. 上到山都係一大平地, 我地都係圍住行一圈需時都係1小時之內啦..回到住宿處執下行李整埋午餐, 我地就交房出發去今日住宿加景點Cradle Mountain.


 





 

我地大約十點出發車程唔洗2小時就到搖藍山, 原本係博下可以去check in放低行李, 點知太早都小屋未準備好, 所以我地直接去行山先.
原本我地打算直接開部車入行山入口既停車場, 咁就免左等來回接駁巴士. 因為接駁巴士最後班車是下午5時, 所以令到我地行山會有限制時間. 可惜我地準備開車入去時, 有一個閘位唔俾車入話上面停車場太多車無空位, 最後我地又要泊番部車係visitor center泊車處再去換2張接駁巴士券先去坐巴士, 點知我地上到上面既停車場基本上就有好多空位, 真係唔知點解佢要落個閘唔俾車上.

一入到公園口已經見到多條行山路段, 有長有短當中應該最多人會選擇環湖Dove Lake circuit行一圈大約2小時, 我地唔夠時間攻上Cradle mountain個頂只算去到Marions lookout為終點(有3個路段去到).
不過我地去程行左叫marions lookout link track. 這一段比較辛苦既路段; 大部份都係好多石又真上不過就會比較好玩D, 而這段路我地行左咁耐都無人同我地一起上反而就簡唔中都遇見D人係由這邊落山.










終於行到我地今日既目的地, 見到有人繼續向前上cradle mountain攻頂; 可惜我地要趕落去坐shuttle bus真係無信心可以趕到5時前回到停車場. 好啦我地又開始要下山啦; 下山就選另一條路; 怕去Ronny creek car park等shuttle bus會無位坐; 我地決定行Dove lake car park. 這段路相比上山時真係易行好多, 大多數都係大直路唔算好多石梯, 慢慢影下相行下, 而這段路就多人上落好多.


 

 

終於到達停車場上車走人, 今日行山都見唔到有咩野生動物...點知坐shuttle bus時巴士司機就慢行話我地知有隻Wombat過馬路...HAHAH..真係估唔到呀係山見唔到反而咁樣見到佢一面真係非常幸運的結尾!!!

 


我地5時左右到達住宿處check in; 順便係果度再買少少食物補給就回屋仔到...轉眼又煮好飯食飽又係附近行一個圈就休息啦.


 



 

 

住宿: Discovery Parks - Cradle Mountain Accommodation


JO | 2nd May 2017 | 我的食譜 | (3 Reads)
假日又係我呆係廚房既日子, 今次整左幾款bagel同家人分享. 其實bagel比一般麵包相對係健康D, 唔洗牛油, 牛奶, 雞蛋, 簡簡單單麵粉, 少少糖, 鹽, 依士, 加水就整到, 焗前再係糖水煮一煮這個做法係令麵團密度變大, 食時會有咬口, 另外焗時就更加有深啡色.

一般bagel配cream cheese好好味, 想豐富D就夾火腿炒蛋就更加美味...今日同大家分享下個芝士bagel, 基本上唔加任何配料已經好美味.

 

 

 

 食譜參考:

https://cook1cook.com/recipe/29768 


JO | 25th Apr 2017 | 2017 ~墨爾本塔斯之旅 | (12 Reads)

09/04/2017

 

前一日預定左機場接送未夠6點已經到達機場, 自肋寄行李同check in後, 我地入左機場食左輕型早餐, 我又忙於整個電話上網之後就上機. 1小時既機程真係好快就過, 未夠9點我地已經攞埋行李同車就出發我地真正第一日既旅程.

 

我地今次由Launceston 玩回 Hobart, 今次我地都係租Avis 6天租車加埋$0墊底費合共Aud 590. 原本打算開車去Ross食個早餐先, 但我地唔算肚餓而且安排中午去Freycinet Marine Farm食蠔, 所以Ross就後日先去.

 

今日天氣唔好全日都下雨, 但都無影響我地旅行心情, 開左大約2小時車程終於到左第一站.

到時人都唔多,我地輕鬆搵到枱坐底慢慢睇下有咩好食. 這裡除左生蠔之外都有好多其他熱/凍海鮮選擇. 今日我地食左海膽, 半打什錦生蠔, 檸檬煮青口同帶子.

 

 

 

 

 

 講真這裡的蠔真係非常一般好細又無咩味道; 反而我更喜歡佢地既熱海鮮帶子同青口都做得好出色,煮得剛好又鮮味. 這一餐只係Aud 65真係抵. 最衰要開車唔係飲杯白酒配海鮮慢慢嘆就正.

 

估唔到食完之後, 就好多人來到. 我地食飽都出發去Freycinet National Park (Wineglass bay)行下山.首先到公園旅遊中心買左個入場証先, 我地打算去3個國家公園, 所以買個Aud 60 pass比較化算(單一個就Aud 24; 如果入3個以上就買個為期8星期的套票)

詳情可以參考官網:

http://www.parks.tas.gov.au/?base=914

 

原本預算花2-3小時行下山, 但雨愈落愈大加上訓唔夠.我地都係行到 Wineglass bay lookout就算, 大約來回都不用1小時既短線行程. 這裡國家公園有好多不同既行山徑架有長有短. 今日既路段好平坦易行.

 

 

 

 

 

 

 

 

行完山番停車場攞車時, 已經見到袋鼠周圍行等人餵食啦...這裡真係通處可以見到袋鼠.

 

我地今晚會去Bicheno住順便睇下好唔好運可以見到企鵝回巢. 我地回住宿前已經去左超市買左D食物, 估唔到這個小鎮都有個超市都幾大下. 

我地大約3點幾到達, 但屋主已經唔係度留下一封信俾我指示我泊車同間屋位置. 

好喜歡這裡地方唔大, 但樣樣野都提供到估唔到鹽, 黑椒, 茶包, 咖啡都有提供. (之前去挪威真係咩都無提供)

 

 

 

 

咁早回來更係早食早休息, 跟住幾天我地都係好早回小屋早晚餐再去散下步就早訓. 今晚食羊扒, 素意粉同蒸蔬菜. 我係超市買左包2蚊都唔洗既甘筍食足我6日. 這裡的甘筍真係好甜, 簡單蒸出來已經好好味,另外羊扒亦係我地既至愛. 

 

食飽之後, 我地就行去對面海邊睇下有無企鵝. 出到來雨後有彩虹真係好開心.當然我地亦見唔到企鵝啦...跟住入黑我地亦有出去再望一次..HAHAH..當然更係無野睇啦..一來我地都唔岩時間, 後來查番係要日落時先係企鵝回 巢時間.

 

另外我原本係想去附近Blowhole睇果到噴水, 點知我過左5日後先發現自己無去到...有遺憾先可以令我下次再來一次!!

 

 

住宿:

Tidelines of Bicheno Apartments

 


JO | 25th Apr 2017 | 2017 ~墨爾本塔斯之旅 | (7 Reads)

08/04/2017 

 

 

2年前去完悉尼,開恩茲後深深愛上澳洲, 覺得當地食物好正又好玩重點係唔洗坐太長時間飛機, 所以今年再去澳洲主打係塔斯曼尼亞(TAS), 差不多玩左大半個TAS. 花左6日時間行左1千五百多公里車程. 每次出門都好感恩好幸運, 原本打算4月去睇企鵝回巢都無咩可能, 點知俾我地係墨爾本有幸遇見, 仲要係見佢遊回來上岸真係珍貴.除左第1天到塔斯下天雨之外, 其後每日都好好天氣.

 

第一日我地早機係香港出發9小時後到達墨爾本機場已經係晚上10點左右, 基於我地第二日係早機7點幾去Tas,所以我地當晚都係住係機場附近既酒店. 這間酒店唯一好處就係由機場行去酒店都係唔洗10分鐘都好易搵到.

 

 

不過我地落機第一件事係買電話卡, 估唔到晚上10點幾OPTUS都未關, 都有幾個人排隊買卡同開卡. 不過今次我地去Tas見到好多網友話收得好只有TESLA, 但機場無專門店幸好見到有部vending machine可以自肋購買, 當然唯一選擇只有這套Aud 30 prepaid kit

 

番到酒店即刻攪定將卡先, 好快就可以用來打電話啦..至於上網...佢標明4小時-24小時就開通...當然真係要24小時先開到俾我地用. 

只係訓幾個鐘就要出發去Tas!!

 

 

住宿: Holiday Inn Airport Melbourne Hotel

 


JO | 21st Apr 2017 | 我的食譜 | (7 Reads)



上次整個蛋糕剩左D綠茶脆脆粒, 今次焗左條朱古力蛋糕條再放上脆脆及果仁, 令到成個蛋糕都豐富口感, 喜歡食果仁既朋友這個蛋糕可以一試.

 

食譜參考:

https://cook1cook.com/recipe/29555 


Previous Next