香港新浪網 MySinaBlog
JO | 31st Oct 2007 | 食食食....食肥我 | (517 Reads)

好耐都無去此店食飯啦..星期一心血來潮就同老闆上左去食壽司波..見到有新壽司, 當然要試下啦.

.筋子魚子壽司同埋他他秋魚壽司(圖)...前者真係可以唔食係超咸, 係咸到苦..波.食唔出有咩鮮味; 後者味道就似煙三文魚又係不值一試...今次試menu既壽司都唔算吸引, 最慘係就連普通叫開既壽司水準都下降, 十分失望ㄚ忠(ING)自創PicturePicture


JO | 31st Oct 2007 | 食食食....食肥我 | (398 Reads)

星期六又係要番全日既日子, 所以同老闆又去淘大搵食...基本上好多野都試過, 今次就試吓車仔麵..此店係嘉和園樓下...不過見到d價錢超平竟然$17係有5款餸包豆漿一杯..超平

份量都唔少架...味道就一般啦..值得讚就係唔會太重手落味道啦...係平價之選PicturePicture


JO | 29th Oct 2007 | 為了靚靚 | (3622 Reads)

這個係我個人既心得與大家姊妹既分享.

唔知大家有無長期/一段時間無法去廁所(我指係大號), 我就係一個咁既人最長係連續3-4天都無去過, 成家都知我有咁既問題, 有一日我亞媽做聽佢d游水友教佢用醋浸黑豆每日一早空肚食十多粒就會解決便泌既問題啦.(其實老闆都曾經浸過俾我食, 初頭都好得但久而久之就失去功效最後我都無再食)

不過今次亞媽浸左好多佢又迫我食之下, 初頭幾天都無咩作用, 點知宜定我日日食都日日有得去...真係幾勁吓..以前我都要用藥物宜家食左醋豆後簡直連藥都唔使食..做法簡單又平..如果大家有興趣都可以試下.

材料: 黑豆, 八珍甜醋

將黑豆洗完再放乾, 放入一個瓶再放醋浸過黑豆..幾天後就可以食


JO | 29th Oct 2007 | 食食食....食肥我 | (329 Reads)

一直都有幫襯開此店既甜品...吸引既地方係佢地既甜品真係整得唔錯加上有d$10既特價甜品選擇, 所以第一次為著$10已經有d特色甜品食而入去試...一試之後每次星期六去淘大食lunch如果有胃口都會走入去食吓甜品先再回公司工作既...不過上星期六真係令人有點俾屈既感覺.

同老闆食完車仔麵, 2條大胃王又再去此店食甜品..老闆叫左個紅豆刨冰特價$10既...我就叫原價既唔知咩鬼甜品有豆腐花+涼粉再有一個雪糕球($18)...味道方面依舊好味啦..不過出去俾錢時佢竟然話要$33..查問之下佢話個特價刨冰係俾個大既我地所以收多我地$5...真係覺得有屈人既感覺, 以前我地食開特價就係特價無分咩大同小架啦..唔通標明係特價就俾細d就唔係特價甜品啦....不過我地都無同佢爭論, 俾佢賺盡都係$5..不過對此店就有個非常壞既印象啦.

牛頭角淘大商場201號地舖


JO | 27th Oct 2007 | 食食食....食肥我 | (280 Reads)

蠱 惑 董 事 拖 欠 薪 金 真 實 個 案

1. 用 公 款 作 私 人 用 途 , 包 括 買 演 唱 會 飛 、 聘 請 外 傭 , 甚 至 包 二 奶 , 導 致 拖 欠 工 資
2. 經 營 私 校 的 公 司 董 事 , 突 將 學 校 賤 賣 給 親 友 的 公 司 , 然 後 藉 詞 無 資 金 發 還 欠 薪
3. 公 司 倒 閉 前 私 自 取 走 按 金 、 頂 手 費 等 , 甚 至 將 資 產 非 法 轉 移 至 另 一 公 司
4. 欠 薪 4 至 5 個 月 後 突 加 薪 10% , 以 便 公 司 結 業 後 員 工 可 向 破 產 欠 薪 保 障 基 金 申 領 較 多 款 項
5. 董 事 之 間 在 出 糧 問 題 上 互 相 推 搪 、 鬥 氣 , 員 工 慘 遭 無 了 期 欠 薪

資 料 來 源 : 勞 工 處

人生都幾多選擇, 除左家人無得選擇之外其他野都係自己要作出決定同埋有選擇權...其實有d幸運兒會選擇到一個好好既另一半; 有d不幸就遇上一個相當壞既伴侶唔單止付上自己青春可能金錢感情都一一失去...原來選擇一個好既僱主都係講彩數....真係唔明點解會有d咁既僱主存在..明明有錢都唔願意支付俾員工令願花費在其他飲飲食食享樂之地簡直神憎鬼厭


JO | 27th Oct 2007 | 食食食....食肥我 | (1093 Reads)

Picture

一直都覺得蘇絲黃介紹既食店都唔算有咩特別,好似上次佢介紹過係太安樓既雞蛋仔就非常之唔得啦...所以好似印象麻麻..上星期日陪老闆娘睇亞蘇既節目(佢係亞蘇既fans)毛毛蟲自創...見到佢介紹係東大街既班片炒河...Picture

點知星期四我4時左右去搵老闆食lunch + tea...我就叫佢帶我去此店食啦..未入去已經見到亞蘇既報紙貼係門口作為廣告啦.迷你窩

我食左野就只係叫左個tea set奶醬多+檸茶, 老闆就試左佢既摩囉雞扒飯...碟野一來就已經好吸引我啦...有一隻荷包蛋係面加上少少咖哩汁..最正係d炒飯有d似印尼炒飯又有d葡萄乾係入面..老闆話味道唔錯.輔大猴

下次我都要來此店試吓亞蘇讚不絕口既班片炒河先.


JO | 26th Oct 2007 | 為了靚靚 | (742 Reads)
咀 嚼 香 口 膠 能 減 肥 。 蘇 格 蘭 的 一 所 大 學 研 究 證 實 , 咀 嚼 香 口 膠 可 以 抑 制 飢 餓 感 及 食 慾 , 有 助 控 制 體 重 。 研 究 要 求 60 名 人 士 在 煮 飯 期 間 , 一 組 人 士 咀 嚼 香 口 膠 , 另 一 組 則 沒 有 。 結 果 顯 示 , 一 邊 咀 嚼 香 口 膠 的 人 士 , 食 量 會 較 少 , 較 沒 有 咀 嚼 的 組 別 人 士 , 減 少 從 甜 味 零 食 中 攝 取 46.5 個 單 位 的 卡 路 里 , 有 助 控 制 體 重

JO | 25th Oct 2007 | 食食食....食肥我 | (254 Reads)

又去左jusco度睇吓有無d零食買先...最後都只係執左圖中一包既牛油香菇薯條...睇個樣都應該味道唔錯啦...emotion


JO | 25th Oct 2007 | 買買買 | (386 Reads)

昨日好早就放自己工, 又唔想咁早返家就走左去行一陣街...原來無咩目的之下反而會買到野...係time squares行入左zara打發吓時間, 點知俾我見到圖中條裙就走左去試啦..點知試左又ok..咁又好自然走左去cashier度俾錢啦...貓咪


JO | 24th Oct 2007 | 食食食....食肥我 | (328 Reads)

成日都係同老闆出街食飯...所以上個星期六我地決定係家中食啦... 中午去左jusco度買材料..晚上決定食一鑊熟..hohoho...買左個旺菜話日本入口..$17有半個就試吓甜唔甜啦..又買左2款"姑"又係日本入口喎!!再買左pack咩佐咩和牛...又買左pack美國牛及羊肉...再去街市買左豆腐同少少丸就回家啦.

hohoho晚上開爐..湯底係用左日本火煱醬油..甜甜地都ok既..唔知係咪真係d旺菜係日本真係甜d, 不過d"姑"就好一般下次可以唔試, 和牛又真係入口即溶既感覺既不過就係無咩牛肉咩啦..反而美國牛就好香牛肉味..羊肉片都ok啦..成個煱都唔錯既..又方便又唔使煮正呀..係家中又食得自在一點既..


Next