  |
  
|
一早已經買定飛去星期六睇batman,預早左成個鐘去到朗豪坊搵甜品店食..點知最後去左italian tomato食下午茶算數.叫左個waffle+腸仔同埋一年唔知咩cake食...個蛋糕就一般啦我都係最喜歡佢地既藍莓芝士蛋糕多d,反而個waffle樣衰衰但味道就好味甜甜地又少少脆真係唔錯.腸我就無食度啦所以都唔知咩味...係italian tomato hea完一輪就走左去mos burger再買個餐俾老闆係戲院食飽佢就算.
batman片長都成2個多小時真係唔偷運d野入去食都幾悶,當然仲要買多桶popcorn俾我自己口痕食啦..不過講番套片又真係唔錯.雖然都成2個多小時,但一d都唔覺得有咩悶場.最重要可能我覺得batman主角幾靚仔既關係.真係值得一睇呀.
老闆這幾天都追問我點解唔寫blog,食飯做咩唔影相..gif)
...我都唔知呀就係樣樣都唔多起勁,覺得自己個blog好悶成日都係寫食無咩特別咁不如唔寫啦.
近期都無咩野做日日都係返工放工,加上無咩購買慾...生活好悶..gif)
只係沉迷上網打麻雀同埋玩nds.
媽媽今年早我一天生日,今年家姐話不如送部按摩椅俾佢喎..之前同家姐去左osim選左2張架啦..我就喜歡新出既yogo系列按摩椅,家姐就選左佢地既舊款音樂椅...最後就由大哥去坐吓2張睇吓邊張正d
不過又要等埋我大哥係香港先可以一起去選..最終約定昨晚一心一意去sogo既osim買架啦..osim果位小姐都預我地實買....gif)
點知世事難料呀...大哥話要去埋pansonic度試埋再講...最後決定買pansonic這一部按摩椅...最主要原因係...佢地可以回收任何款式既按摩椅真係好鬼死吸引...咁樣就算我地買新既回家再退回舊果部...媽媽就唔會太阻眼啦(我亞媽死都叫我地唔好買喎又話浪費又話唔抵又話唔用...多多藉口)不過我地都無理佢咁多lu..買左佢唔用大老闆(我老豆)都會用啦..奧運又就來啦佢實日日坐係個家庭廳..買左部新野佢實第一時間用呀.
.gif)
我亞媽真係好蠢架成世人忙碌咁耐都唔識享福....
希望我對父母健康快樂..gif)
p.s..不過這部pansonic按摩椅又真係幾抵買..首先佢係made in japan(osim既新款yogo係上海造),仲有佢地宜家用恆生卡有又discount又有十倍積分回赠..計計埋埋真係幾抵架.如果大家有興趣都可以考慮一吓
近期成日見到好多平時煮開野既blog友都整冷麵食攪到我都心思思想食...上星期四去左sogo買左支芝麻醬,蟹柳同埋d魚餅,枝豆丸一心一意就星期六lunch食.
星期六老闆唔洗返工,所以佢一早煮定d麵,到我放工上去就撈埋d醬就食得啦.個醬汁真係唔錯酸酸甜甜咁幾鬼正,不過d蟹柳我就覺得同普通街市買既"假蟹柳"無咩分別啦.
最後魚餅同枝豆丸我就放係焗爐焗既..可惜我掛住食無去睇吓d野食..當我記得時d魚餅已經變左燶曬..不過我影相時就將正常果面俾大家睇吓.
上次食過tony roma's覺得好好味,上星期又再接再厲再去一次.上次食過意粉覺得好好味,今次叫另一款試叫左吉列三文魚意粉,今次唔叫ribs叫左個cheese burger(5成熟)...心思思又想食雞翼又再叫埋個蜜糖雞翼食.
今次個pasta完全唔得呀,d三文魚都唔好食個sauce又麻麻地都係上次個大蝦好味好多.至於個burger就唔錯都算多汁不過就唔覺得有咩芝士味道.
最正真係估唔到既雞翼..個外皮好脆呀帶少少甜味真係唔錯.
最後2條友再叫埋個brownie 加雪糕做甜品..肥就肥死去啦...不過係我肥..成個甜品我食左3/4份呀..不過又真係好正.甜就係甜d架啦..不過個brownie帶d暖再配個凍冰冰既雪糕真係好鬼好味..宜家想起都想再食.
係銅鑼灣想食上海野我會喜歡去time square後面街果間滬揚川,價錢又唔貴味道都唔錯.這一間店地方細細,但每晚都幾多人去食吓.
上星期四上完堂就即刻去食,好彩7時半都唔算多人唔需要等位.2個人叫左小龍包,雞絲粉皮,炸銀絲卷同埋炒鱔糊.
小龍包都依然好味,銀絲卷都唔錯,反而今次覺得佢地既炒鱔糊麻麻地好似無咩鱔肉多左好多銀芽,仲有雞絲粉皮d麻醬好似無以前咁香咁.
唔知係咪我個口味變左定係宜家d物價太貴但佢地又要"就"價錢,所以d食物質素下降左呢??以前覺得好味既店舖再次去食都覺得變左質啦.
下次我會去試吓openrice介紹既老上海先..好似價錢都ok不過味道好好喎
再次有幸地接到on kei俾我既game tag,好彩今次既題目比較容易想起好啦on kei我來啦.
1. 你寫Blog有多久？ 最初為什麼會有開始寫Blog的念頭？
其實寫blog我都係寫左一年多,初頭都係見無無聊聊當寫吓自己日常既生活居多啦,當日後自己睇時又另一番感覺
2. 寫Blog至今，最難忘的事是什麼？
難忘係blog友既留言有d真係好窩心.
3. 你覺得寫Blog最重要的元素是什麼？
寫分享喜與悲.喜同人分享大家都會感受你既開心,悲時又會得到大家既支持同安慰
4. 請用一個詞語 / 東西形容你的Blog。為什麼會有這樣的想法？
為食,我真係好為食又喜歡試新店
5. Blog在你的生活中擔當著什麼角色？
其實都好重要,我已經習慣每天去人地個blog度睇野又會有固定既blog友到處留言
6. 你覺得自己和MySinaBlog的Blogger們有著怎樣的關係？
朋友..真係慢慢建立到友誼出來.
好啦..我又要搵多3位blogger幫幫手先.今次叫
Lindberg
cakecake
邱師奶(迫你再寫吓blog先)
其實之前唔想post出老闆送既錶出來,不過亞小氣老闆又話hello connie送既你都逐樣逐樣咁細心影,所以我都係以免佢做"常""哦"我就post埋佢今年送既錶俾我.
昨日開車時突然間想起,這3年間老闆真係幫我不少..好似我經歷親人既離開既傷痛,真係好多謝佢既陪伴開解,如果唔係我都唔知我可以點過.
性格火爆又唔好脾氣既我,佢都可以忍讓(我真係知道佢死忍難忍架)真係辛苦佢這幾年既遷就同照顧.(不過這些說話我一定唔會親口講,我怕同佢講實嚇到佢以為我傻左送我入青山)
點都好啦..多謝照顧同埋多謝你既禮物
我寫blog都有差不多一年,平時睇到好多blog都會話收到其他blog友大家互相寄野俾大家又一起出來見面食飯,自己都好"登"佢地開心. 當我開始寫blog後,慢慢地就識左一班blog友,雖然大家素未謀面,但係一,二天就會到大家個blog度留言問候一番. 對我來講每位朋友既留言都令到我覺得好窩心令我覺得自己都係有朋友.
大家覺得我有時寫blog會幾得意,以為我係好開朗既人.但係岩岩相反我覺得自己有偏孤癖有點冷冷.老闆成日同我講要去搵朋友要笑多d唔好收埋自己.
可能自己在友情路上受過傷,後來我就封閉左自己好多年再築左一個好大好大既保護網包住自己唔再見人.不過這一,二年情況都好轉.
不過我想再一提係真係好多謝細心美女hello connie既生日禮物, 我相信每一位收到blog友禮物既人都會明白我這種心情.真係好感動.
hello connie都令覺得我既存在同埋係blog既世界內真係可以慢慢建立出友誼來.她真係好細心,上次我係她blog度見到佢買既耳環好靚問吓佢係邊度買,點知佢就買左一對俾我 (我今日即刻帶左啦) ,又知我喜歡rement既野又買左個有happy birthday字樣公仔俾我,仲要買支她覺得好好用既lip gloss俾我...我最喜歡係一張卡. 這一張卡我會好好保存.再一次多謝hello connie既美意
.gif)
.大哥好有效率地星期六晚上就送來俾我啦....好彩第2日係星期日所以我可以玩耐D都唔怕..gif)
