打風前,我又再次來日本吉列專門店食野...實在太想再食啦.原本上次已經決定今次食和牛,點知睇緊menu都無和牛,一問之下先知因為賣曬所以暫時無呀.算啦咁今次就叫左個吉列豬柳同埋吉列蝦同蠔...一個湯改做咩豬肉湯.

不過我覺得加二十幾元改個湯好似無咩特別啦...我覺得同麵豉湯無咩好大分別只係加左多d菜同豬肉...唔值要俾多二十幾元啦.

反而今次d蠔好正呀又唔腥, 仲要炸到無油無得彈呀....仲有豬柳真係比起豬扒"鬆"軟d

今次個menu仲加左d咖哩飯, 小食等多左好多野既選擇.

我去澳門賭真係一次都未嬴過(通常我玩一局就算), 今次同家姐入去每人都係換左$500玩完就算...因為2條友仔都唔識,所以我地只係在大小枱行來行去...點知好彩地我就嬴左$200走人,家姐就慘啦輸曬..算啦玩吓就算.

回到房都成12時多,第2朝一班人仲8時半集合去樓下食早餐buffet...(不過味道麻麻仲話係cafe deco最好味都係燒賣

食完回房執埋野就check out,最後一站我地去二龍喉公園坐纜車

去到公園竟然落雨,不過我地都照去坐..不過都幾短吓只係帶下小朋友坐吓行吓公園就算....上到上面再行一陣2位老人家就話要走人回港啦...我地怕好似來程咁大浪坐船會嘔,所以我地決定lunch都係回港先食...好彩回程時都唔算太大浪,大家團友都無人嘔安全回到香港.最後去碼頭附近既酒樓飲埋茶就走人.

唔好以為我地散band呀..我地係大家回家去游水呀...簡直精力旺盛..

游完水玩多一陣就晚飯時間...咁樣我地一家十幾人既旅行就完左.

p.s..其實我地幾兄弟姊妹真係印象中未同個老豆老媽子一齊去旅行,今次仲要同埋d小朋友真係幾開心既...不過唔知下次又會幾時先可以再有機會一齊去旅行

今次澳門遊都算開開心心玩完...雖然去時係仲有颱風坐船有好多人都暈船浪又嘔, 但好彩一去到澳門既時候已經天朗氣清.我地一早就坐11時船去澳門, 去到酒店check埋in都已經一時多, 咁我出門時仲打電話去乙水仔既"誠昌"book定位食蟹粥, 點知我去到遲左15分鐘就係門口勁話我...上到去d人既服務又差..未食我心想點好食下次都唔會再來.

食完lunch, 老豆就回酒店博殺,我地就係附近行吓去等食豬扒包同埋飲吓食吓

我係附近買左杯叫生果撈(即係d生果加埋生果汁)味道都ok, 跟住帶十幾個豬仔去買豬扒包俾大家試吓.點知3時準時到已經見勁多人排隊..我地排左半個鐘買左4個包仔俾大家share來食.

點知d小朋友其實已經好飽,最後都係得4個大人食.....食完飽亞媽仍然話未去過大三巴...跟住我地又浩浩蕩蕩去大三巴行吓

行完後又去買吓手信,老人家話要回酒店...跟住我地十幾人又回酒店休息一陣都已經係食晚飯時候.不過可能係假期呀..我計劃去船屋/公雞食葡國菜都full house無得book位,最後我地又book在係乙水仔既小飛象食就算...好彩d食物都唔錯.食完飯行一陣就回酒店lu....

見人地介紹既酒店d房都好大好靚,自己去到就覺得麻麻...可能我見到果d係再大d同貴d既房啦.

我地沖完涼後就一起落去....睇d小朋友坐船啦

這個真人扮石像真係好鬼死似呀..唔怪之得咁多人睇啦...仲有小朋友船坐時d 人仲會唱歌..仲要個個唱得都好鬼動聽

無份坐船既我..就同家姐去shopping..仲要俾我買左對波鞋.

坐完船都成11時, 佢地就回房休息...我同家姐....就更係去賭場睇吓野啦.

....待續

又係上2個星期六發生既食事, 晚上早收工所以又再搵老闆陪我食晚飯.

明知和民多人又唔可以book位架啦..一早6時多少少就去到.2個人最後食左7樣野先飽...真係肥死呀肥死呀.

叫左個薯仔年糕, 帶子刺身, 什錦串燒, 炸蝦丸, 什錦壽司同埋一個唔知咩卷....刺身就好一般架啦, 不過其他食品都唔錯, 特別個薯仔年糕真係估佢唔到咁好味, 炸蝦丸就要熱食先正, 串燒同壽司就ok啦

eeee...明明得6樣野, 點解有7樣架.

因為我唔記得影埋個甜品啦..就係綠茶刨冰...味道都唔錯有d紅豆,綠茶jelly同雪糕加埋d冰一起食就最正.

不過唔知點解覺得宜家和民選擇既食物好似少左好多咁.

食完burger之後再行埋去後面街食埋openrice都有介紹既一品齋甜品....此店都幾特別.係特別舊呀...真係唔係openrice介紹,我經過都唔會想入去食.店舖細細2邊牆貼左亞成龍大哥既親筆簽名海報.

甜品款式當然係舊式啦...我叫左芝麻糊豆腐花; 老闆就要左綠豆豆腐花再加2粒芝麻湯丸.

老實講..佢地既綠豆沙真係好鬼特別..又有d一枝枝既物體一起煮味道都係怪怪..都係平時d綠豆沙正d. 至於我既芝麻糊都係一般啦唔算特別滑; 豆腐花又硬都唔好食既...湯丸就比較最好架啦.

不過都係唔會再回頭既店舖啦.

上星期四終於去左burgeroom度試吓啦..果度其實同shake em' buns好近..所以如果我搵唔到這一間都可以即刻去回另一間食burger既.

這間burgeroom都有幾款特色burger,例如龍蝦burger, 鵝肝牛肉burger等..不過當晚我未試過,所以都係叫個cheese burger試左先...再叫左2款小食,洋蔥圈同埋炸芝士條.其實原本想叫薯片; 點知老闆以為我要炸芝士條叫錯左

一來就係2款小食..樣樣都好正特別個芝士條真係整得唔錯(不過要熱食先好味,凍左真係似香口膠咁)

burger就真係幾大個幾多汁..我覺得佢地d burger仲好味過shake em buns喎,所以下次可以試埋個鵝肝牛肉burger先.

最差應該係本凍朱古力啦..一d都唔好飲...

此店地方都幾細架...可能地點都唔算就腳啦,所以唔算好多人...

出來後,俾我發現榮式雞扒都係前幾間店,下次都要試埋先.

好似都有好多日無寫blog啦..一來就快要出去工作啦二來上星期真係無咩心情呀..所以有好多餐飯真係想寫都無未心機寫...今日星期一好似心情好番左好多,所以即刻一早就寫吓野先..

上上星期六睇完一套唔多好睇既戲後就去左尖沙咀太平館食飯,去之前仲有成個鐘時間所以我地就去左做腳按先再去.點知去到太平館都未夠7時就已經要排隊仲要勁多人..心想這一間野應該d野都好好味(無錯,我同老闆係從未去過太平館食飯)..好啦終於等到有位...2個人睇左吓menu之後最後都係叫個2人餐(包湯/沙律; 瑞士雞翼同埋瑞士炒牛河)

我個沙律同埋老闆個湯都覺得唔錯,心想應該係美滿既開始啦..點知就惡夢既結束.

雞翼來到滿心歡喜食啦..點知我覺得同我亞媽煮既鹵水雞翼真係無咩分別呀...個炒河就更加不值一提啦...超級麻麻地呀..總之就唔值收咁既價錢啦...

2條友人死心不息要試埋佢地個梳乎里啦..希望在人間..

點知都係失望咁結束呀..我地估計一年內都應該唔會再食梳乎里甜品啦...

一個星期就只有星期日先可以訓到好晏先起身,點知昨天打個8球波就令到我可以晏到成11時多先捨得起身.一起身就叫家人陪我出去買m記食啦回家當lunch食...不過昨日真係估唔到m記都有咁多人來喎,可能大家都費時煮啦落樓買野食算數.食完lunch後,我地一家人又各自回房各先活動啦...原本想睇埋本小說既點知一訓底落床睇左一陣小說後周生又再次急call叫我陪佢傾計一傾就傾左成2個多小時(有時都發覺自己似一頭豬)...其實我都唔願起身但又怕晚上真係訓唔到仲大鑊呀...所以都迫於無奈起身再活動吓...一起身就落去玩部按摩椅(又再一次証明我係大肥豬)完左半個鐘又再一次回房睇小說啦...好彩家姐叫我一起出去超市唔係我怕我又真係想再訓過.回家再同d小朋友一起玩一陣wii就食飯...

咁既假期就消磨左lu...不過我中午訓咁多當然晚上係會有報應啦..

報應咪係我成1時多都未訓得到

星期六原本要番全日點知突然要同人換,所以下午唔洗返工就即刻去睇我最想睇既mummy 3啦..其實第一,二集都有睇架啦覺得好正,所以我預計第3集都應該唔錯.因為突然唔洗返工,所以無預早買飛.最後俾我發現hollywood plaza先有位,所以一放工就即走人去睇戲.

老實講套戲真係比起上2集都差好多,可能女主角換左第2個人就好似無咩連貫性咁,又無咩點交待清楚.仲有最難頂就係...明明楊紫瓊,梁洛施之前大家都係用國語溝通架到亞媽就快死就用英文真係好攪鬼....楊紫瓊同李連杰都係古代人咁點解楊紫瓊識英文;李連杰就唔識呀因為李連杰俾人封左好多年呀???

成套戲對我來講真係麻麻地...突如其來既半天假到令我整天唔開心呀.真係唔放好過放.接住來成個8月都忙死人...可能都要休吓blog先.

自己行完超市就想入去大江屋坐住等老闆來,點知佢又話要齊人先可以入座,所以我就勁吹勁吹"慢世魔王"快步來到康怡.我都未見過未夠6:30pm 連另一間拉麵店都開始排左十幾人; 這一間大江屋到我地齊人時已經開始要排隊真係厲害

我叫左個梅子醬吉列雞扒飯; 老闆就叫左個唔知咩炸雞扒蓋飯+冷蕎麥麵.其實我地2個人叫都係炸雞扒啦..只不過個醬汁唔同,我就係配似天婦羅汁;老闆個汁就係似bbq醬啦....其實此店既吉列炸物真係唔能夠同世貿果間比就連佢地既椰菜都無果間咁正,此店既炸物此終都有d油唔算十分好味.

成餐最正就係個冷蕎麥麵似係自己手造麵好好味...不過如果要我排隊我就唔會來...