香港新浪網 MySinaBlog
JO | 30th Sep 2008 | 我所想 | (298 Reads)

mov

一早買左星期六晚上去睇mamma mia...因為睇到好多影評都話好正讚不絕口,所以我都好期待去睇.

不過睇完之後..我又覺得好一般啦..又或者我expectation太高啦...不過我都好佩服一班演員又識唱(除左Pierce Brosnan )又識做戲

成套戲好最欣賞都算係女主角Meryl Streep ,咁既年紀仲要又跳又唱真係無得彈.

加上取景真係好正真係視覺同聽覺都好好享受..

如果大家喜歡musical comedy都可以一睇


JO | 29th Sep 2008 | 食食食....食肥我 | (592 Reads)

其實一早已經和民出左這個超平套餐, 昨晚上完堂就更係去食啦.這個套餐基本上3個人都夠飽...講下有咩食先.

有帶子刺身, 唔知咩什錦壽司(即係三文魚, 帶子同埋鰻魚卷),

仲有雞肉串, 泡菜炒烏冬, 牛肉鍋,

魷魚軟骨燒, 焗年糕, 海老沙律同埋2杯野飲.111_一臉肅殺一聽到都知超抵啦..2個人食咁多樣野都係每人數100左右係咪好抵食啦.

仲要2個大食怪都食唔曬.

當中我覺得最唔好食就係年糕好怪, 上次既薯仔年糕好味好多.

個牛肉鍋唔錯個汁甜甜地, 其他食物都ok啦..不過這個套餐真係勁抵,

如果大家有東亞信用卡就可以用咁抵既價錢享用這個餐啦.104_偽可愛


JO | 26th Sep 2008 | 為了靚靚 | (4376 Reads)

今次都係多謝blog友cc既介紹,其實我覺得佢對d護膚品,化妝品等資訊同埋知識都好熟,最正係佢會有咩優惠都會係個blog都update埋介紹俾大家.

今次個cle de peau有promotion我都係從佢個blog度知道.

其實上個星期睇完佢介紹已經心思思想去又一城睇下有無野岩, 但係最後都係要拖到星期一先有機會出去買.

去之前已經上網睇左有咩cle de peau產品會岩自己用架啦(係呀..我未曾用過這個牌子), 原本想買佢個cleansing form既不過屋企仲有2支la prairie存貨,所以都係睇下可以岩d咩....不過人懶睇極都覺得好悶無心機研究都係去到問下人算.

好彩知道這間店D BA好好人好細心,所以我都唔怕問長問短.去到就有位BA來問我要咩,我講左想睇下D DAY CREAM啦...最後佢介紹我買左支日霜同埋支toner啦....無錯我只係買左2支野佢就送左一埋野俾我...包括一set唔記得左咩, 一支cleansing form, 一片面膜, 一個化妝袋,一盒cotton, 仲有一個facial同埋一個30分鐘既home massage/教化妝/皮膚分析.

大家係咪覺得超級勁抵呢????有興趣大家都去睇下有無野岩買啦...好似送facial個promotion做到10月中, 至於買野送咩gift就好似話做到9月尾(不過我怕我無記性記錯呀..大家最好打去又一城問清楚好d)


JO | 25th Sep 2008 | 食食食....食肥我 | (560 Reads)

上星期六睇完戲後仲有時間食埋晚飯先回家睇"家好月圓",我地去左係德福新開既正斗食野.入面d格局都唔錯坐位都幾舒服架, 2個人叫左個豬潤皮蛋粥,滑蛋蝦炒河,上湯灼菜心同埋一個皮蛋薑炸蝦卷.

其實都知道叫多左野食,但真係好想試下個炸蝦卷..最後都覺得無叫錯個炸蝦卷真係幾特別..皮蛋薑配味就係人都知用來包蝦再炸又估唔到幾特別..不過食得多就會有d"滯"

不得不講個滑蛋蝦炒河..d蝦隻隻都好大隻又彈牙真係唔錯值得一試.

反而個粥就一般啦..可能碏潤來時岩岩熟就好正, 我放耐左再食時d豬潤就變得有d "un"

菜心都ok架...樣樣野食都唔錯,不過此店既服務就係好麻麻.


JO | 24th Sep 2008 | 我所想 | (330 Reads)

mov

上星期六可以早放工,所以一放工就走上德福搵戲睇啦.原本想睇mamma mia或者凸務咔啦蘇..點知2套都滿左..最後無咩選擇之後就選左無聲火啦...

這套真係有點悶呀..仲要做成百多分鐘..做60分鐘我已經開始望錶啦..可能我唔係太喜歡個男主角Nicolas Cage啦...又可能亞楊小姐扮啞..當2個人走埋一齊又無咩野講時真係悶到我想訓覺.

算啦...我都係下次早少少買飛睇mamma mia好過.


JO | 22nd Sep 2008 | 食食食....食肥我 | (554 Reads)

星期六打完保齡後,我地就去左沙田市中心行下原本我一心一意要去買衫..點知左行右行都無心水,行唔夠一個鐘我已經想走..但又未夠鐘可以取車所以亂行一通.見就來6時可以走時,俾我入到間店仔睇左好多好既衫...最後仲要俾我買左條裙同一件衫先走.最後仲要車房打來吹我回去取車.hee.

攞到車後我地就去左火炭大排檔食野...當晚都唔算好多人我地叫左隻乳鴿, 椒鹽瀨尿蝦同埋蒸泥"猛"..樣樣都好好味呀..隻乳鴿真係幾多汁唔錯, 碟蝦都份量好大每人都可以食到有8-9隻架...不過夏天來真係幾鬼熱架.下次都係冬天來比較好d.


JO | 20th Sep 2008 | 食食食....食肥我 | (584 Reads)

上星期六有半日不用上班,但咁岩又要有野做入沙田,所以就決定果半日假就花係沙田到睇下有咩節目.後來老闆提議去打保齡又岩我喎.一放工就坐車入去...我地仲決定要去富豪花園果度睇下食lunch再打保齡定係去市中心食左野到坐車打保齡...點知見到富豪花園有間新光酒樓老闆就話不如去此酒樓飲茶啦.

這一間酒樓都幾攪鬼架..原本係新光酒樓夜總會...當日2時左右已經見佢地隔左一大個廳位來俾d人來跳茶舞..睇到我眼光光..我真係第一次睇度好多人起舞翩翩.

hee..算啦講番d野食先...唔講俾大家知都唔知這間野勁平但味道又唔錯..特別個蒸羅白糕絕對多羅白絲架...仲有個炸雲吞上枱時仲有微暖配埋個酸甜汁一流.

2個人食左5碟野...大家估唔估到埋單幾多錢呀??

係$71.00呀...係咪超級勁死平呀.


JO | 18th Sep 2008 | 食食食....食肥我 | (375 Reads)

我這個蠢人今日先發現貓比斯俾的blog tag蕉;好啦,我接

遊戲方式:

回答所有問題,並發一篇Blog在自己的網誌上!回答之前,請刪除一條你不喜歡的問題,另出一條問題代替;完成後,再點人繼續遊戲,並到這些人的Blog留言通知對方

 

1) 你自己最大的缺點?
我都超勁多..最大既算係情緒化真係這一分鐘可能好開心,下一分鐘可以即刻黑口面.其實我已經改左d,不過真係知道自己幾討厭

2)你最鍾意什麼活動/運動?

如果講近期算係每星期去跳健康舞,同埋夏天多數游水...當然床上活動-訓覺都係我最大興趣.

3)到目前為止,什麼令你最難忘?(delete)

3)唔知大家有無想過如果自己做老闆會開咩店?

我最想講買三文治果汁既專攻做早餐...因為只係一早起身買完早餐就可以收工.


4)如果時間可以停止一分鐘,你希望停留在哪一刻?

我想停係我親人未死果一刻..我有好多野未同佢講

5)如果你走到人生的盡頭了,那在你人生最後的一段歲月,你會做什麼?

我都唔知會做到d咩..可能坐係度等死.

6)假如有一國家即時批准你擁有永久居留權,你想去邊個國家住?

嘩..或者日本啦.

7)假如神仙比一個願望你,你想要什麼?(不可回答要多N個願望!!!)

俾回我既親人唔需要離世.

8)最欣賞自己身體哪個部份?

腰..hee

9)人生最快樂既一件事?

可能大個左所以識點同我父母相處..特別我亞媽

10.)最令你遺憾的一件事?

親人在生時,我唔識珍惜同佢相處既日子

 

11)如果你可以選擇叮噹其中一件法寶,你會首選邊樣?

叮噹咪有度門可以去未來..我想睇下我老左有無另外一半陪我.

 

12)  如果可以讓你做透明人半小時,你會做什麼?

我向一個我唔敢係佢面前既人say sorry

好喇我都接完呢隻blog tag蕉... 莎莉蛋糕onkei瘦瘦 接啦!!!!!


JO | 18th Sep 2008 | 食食食....食肥我 | (393 Reads)

星期四上完堂去左pizza hut試左個新款pizza.個套餐包左個小食,2杯野飲同埋個pizza.我地叫左個蟹蓋魚圈,個魚圈麻麻地反而個蟹蓋就ok喎,再配上少少菜都唔錯.

個pizza都ok好味既不過就應該超勁死肥,已經個pizza勁多芝士仲要配埋一大碗芝士醬食唔肥就奇.不過..肥還肥我都係照食仲要加好多好多芝士醬先可以滿足到我.

最後當然更係要打包收場...不過如果超喜歡食芝士既朋友,這個pizza都係一個唔錯既選擇.

p.s..不過我相信我可以幾個月唔會再食pizza hut


JO | 17th Sep 2008 | 我所想 | (354 Reads)

難得既中秋假期,真係全部俾曬我d姪仔姪女. 星期日就一家係家中玩bbq,成個星期我同家姐就去預備買野買爐等預前功夫.

星期日已經玩到好晚啦...我地仲勁到安排埋星期一一早就去埋海洋公園玩.不過有時真係要陪下自己d家人.

不過我都好似有幾年都來ocean park入面都加左d新野睇...最開心就係睇到jelly fish啦..真係好得意,仲有海洋館入面有好多不同種類既魚唔係趕住去睇海洋劇場,我估我都會花多時間睇.

當日真係天氣超熱,大家都玩到成身大汗成個人都又紅又黑呀.不過好彩樣樣野都唔算排好耐隊.最開心就係最尾要走時仲可以排隊坐埋個氣球..今次來ocean park都算值回票價啦.


Next