香港新浪網 MySinaBlog
JO | 31st Oct 2008 | 食食食....食肥我 | (366 Reads)

希望我無記錯此店既店名啦..宜家淘大真係開左好多食店...這間menu又係新開張既...我咁鬼貪新鮮更係會去試下.星期六又係要返長命工既時候,所以一早出左去食lunch以免同人地迫呀..

2個人叫左個小食拚盤同埋一個鰻魚牛肉石頭飯....2樣野都唔錯...特別個飯有d飯焦最岩我食....鰻魚都好正夠多汁最差就係d牛肉啦..焗得太乾啦有d un呀..

.小食當中以個春卷最正又脆卜卜...咩脆卜卜野我都岩食架.....下次都可以去試埋其他野食.


JO | 30th Oct 2008 | 食食食....食肥我 | (290 Reads)

其實我都唔應該用"介紹"來做題目, 不過我想唔到其他字眼,但又怕大家以為我係介紹咩食店俾大家食試,所以最後都係要加多一句..係唔好去試.(不過都係自屬我個人口味及意見啦)

星期六又係一早可以放工...所以我就去左旺角搵禮物...行到咁上下都未搵到所以我地就去左上次係女人街入面有間食卡巴既土耳其小店.

6時左右已有好多枱人客啦..心想d食物都唔錯.睇左一陣menu最後就選左個羊肉卡巴, 另外再點個牛肝薯條2個dinner set都係配唔知咩鬼茶凍入+$3; 我就+$15轉左個豆湯試下.

無耐個卡巴就來啦...味道都ok啦..不過唔夠羊肉多什菜係入面, 值得一讚只係個皮做得幾脆口.

跟住其他d食物都係......個豆湯難飲又超咸...心想真係"把"鬼仲要加$15飲個咁鬼難飲既湯...老闆杯野飲都正過我..今次真係蠢左.

個牛肝薯條..ok啦不過太多牛肝d薯條都唔算炸得好正..又無咩醬汁乾"渣渣"咁...

我唔覺得唔值得去既重點係...食物唔算好味(除卡巴叫可以)價錢仲要唔平又無服務得一位女服務員仲要學人收加一服務費...所以如果大家喜歡食卡巴我覺得灣仔果間卡巴店仲正過此店多多聲又大份又多肉..唔似這間咁孤寒得少少肉.

 


JO | 29th Oct 2008 | 食食食....食肥我 | (371 Reads)

上星期日又再整餅..都係整回上上星期日唔係好成功既芝士波同埋超失敗既軟曲奇....今次芝士波就尚叫成成地功....今次我係個食譜到叫多左芝士粉咁樣就會有d咸香味..又真係唔錯....

不過個cookie仍然唔合格...今次已經好醒目近足食譜啦同材料啦...又將個cookie整得薄d...睇個樣時間仲以為成功左..但食落又覺得口感麻麻...真係唔知邊度出錯呢?

算數...收工下次再整.


JO | 28th Oct 2008 | 食食食....食肥我 | (314 Reads)

天氣未凍已經俾個大家樂邊爐吸引左去試食啦...2個人share一個就食啦(扮下細食先)

其實一早就想到會去食甜品啦..不過個邊爐真係麻麻地..其實2個細食既人share就一定無問題,可惜我咁大食又點會夠呀..所以一早已經想定去木槺食甜品套餐啦..今次叫左個$68套餐:選左芒果pancake, 原味木槺同埋什果涼粉

加埋這3個咁heavy死既甜品就岩岩好啦..

hee.食野真係令人開心啦.


JO | 27th Oct 2008 | 食食食....食肥我 | (370 Reads)

睇openrice同報紙介紹左好耐..但佢開業咁耐我都從未試過....原因多人..每個星期日經過都見好多人排隊..所以一直都心想等佢無咁多人先去試.

星期四晚,見經過都算唔叫做太多人啦..所以我就叫左個招牌芝士+肉醬薯條試下...食第一條之後都知道點解個薯條真係有咁多人會食..

薯條炸得外脆內軟再加上d 芝士醬真係好好味...

不過價錢計落都唔會平啦...大家有興趣都可以一試既..


JO | 27th Oct 2008 | 食食食....食肥我 | (300 Reads)

睇openrice同報紙介紹左好耐..但佢開業咁耐我都從未試過....原因多人..每個星期日經過都見好多人排隊..所以一直都心想等佢無咁多人先去試.

星期四晚,見經過都算唔叫做太多人啦..所以我就叫左個招牌芝士+肉醬薯條試下...食第一條之後都知道點解個薯條真係有咁多人會食..

薯條炸得外脆內軟再加上d 芝士醬真係好好味...

不過價錢計落都唔會平啦...大家有興趣都可以一試既..


JO | 25th Oct 2008 | 蛇@愛收藏 | (388 Reads)

星期三去左學整蛋糕,選擇左係我公司附近既地方整餅..所以放左工慢慢行過去都無問題..不過我遲左少少仲要俾miss打來吹我上堂..hohoho我心想唔係呀你一大班人都唔會等我架啦..點知原來成班就只有我一個人上...另一位女士就學整麵包....真係成個問號係腦海..點"為皮"呀.

今次我選做朱古力榛子脆脆蛋糕..我好喜歡食d脆卜卜既野架..所以想學下點整..基本上我覺得個miss都好心機..不過好似樣樣野都有人預備曬好唔自在..我都係喜歡自己量粉篩粉等工作..不過整餅既過程都幾開心架..由焗出一個海綿蛋糕再做decoration等工作都開心..因為好似係我自己整咁(其實個miss都幫好多手)

最後就完成左..不過我可以話俾大家知..個蛋糕唔算好味..

我覺得個蛋糕唔夠鬆軟...仲有佢既脆脆大片又唔整碎唔多岩我(我之後上網睇回d食譜好多人都教個脆脆雪後可以整碎佢)

所以相信我唔會再來學整餅lu...不過學到d步驟都ok


JO | 24th Oct 2008 | 食食食....食肥我 | (1769 Reads)

去得流浮山更係要食埋海鮮先出去啦...我家去得最多就係鯉魚門,西貢都少..不過印象中真係好似未來過流浮山食海鮮..不過估唔到我最喜歡就係流浮山喎..我覺得價錢平又好味喎.

我地4個人叫左椒鹽賴尿蝦, 酥炸生蠔, 豉汁聖子同埋蒸貴妃蚌另外係間酒樓叫左薑汁炒芥蘭同埋干燒e麵...買海鮮先用左四百多元..真係幾抵呀..後來我地選左去明記酒家食飯(友人在openrice做足reseach,真係多謝她的細心安排)..此店又真係唔錯煮功4樣海鮮先收$180都合理..仲加上每樣海鮮都整得好好味..我地4個人都食得好滿意好開心..

如果大家下次想去流浮山食海鮮都可以試下明記酒家都唔錯喎..


JO | 23rd Oct 2008 | 我所想 | (458 Reads)

自從那件事後, 我既性格就變得幾鬼孤僻又唔願見朋友...跟住人大左就更加不用希望會識到咩新朋友..久而久之就更係孤獨古怪...不過好彩我某d朋友既包容都簡唔中搵下我..令到我不致於一個朋友都無...係度靜靜地多謝佢地.(無人知我寫blog)同埋更係順便多謝埋我家人啦..我d性格咁古怪佢地都受得到.

上星期六一早咪約左友人入流浮山行下食野...不過我真係第一次去啦..友人老公開車車埋..原來佢地話要去咩白泥喎..其實我都唔知邊度坐車照跟人話行就行企就企..不過一落車去到下白泥真係令我眼前一亮..我估唔到香港有d咁正既地方喎..真係好靚...令到我覺得自己去左外地旅行...真係開心.如果我自己識多d路就可以自己開車去啦,可惜我只係識咩銅鑼灣,尖沙咀等shopping 地方

不過大家睇下白泥既景真係唔錯,大家weekend無咩野做去下這些地方行下都幾開心.

 

p.s近日終於係facebook度搵到我一位小學同學連帶再搵到2位..真係唔錯..同整餅一樣繼續努力搵回成班同學仔先.

 


JO | 22nd Oct 2008 | 食食食....食肥我 | (372 Reads)

之前賜openrice已經有好多人話八喜唔錯d胡椒餅最正好好味,我d咁為食既人就更係想試啦...點知星期六我地要去流浮山約左朋友係藍田等一起去.當然我就話去八喜食lunch後先會合友人啦.2個人1時半去到等左一陣就有位啦...原本午市係似飲茶食點心居多既...最後我地都唔理叫左胡椒餅同埋另一個唔知咩肉鬆蛋皮既卷..一心一意期待既胡椒餅來到啦...不過我覺得麻麻啦..個皮又好濕又唔酥胡椒味又唔夠..真係好一般啦...最難頂係個卷呀一咬就覺得似係酸壞左即刻叫佢退回唔要啦...最後再轉左個唔知咩割包呀..這一個都唔錯既...起碼入面件金華火腿甜甜地幾好味啦..另外再叫多2件點心就走人lu...

不過我想講這間野都係麻麻..佢既menu影既相同實物係差好多丈遠架...明明個割包個面係蒸包..點知出來就炸左既..仲有明明入面有炸菜點知我地果碟就無...仲有個卷先勁呀..明明影相時入面勁多肉鬆個皮又薄..點知實物係皮厚無咩肉鬆...個胡椒餅圖咪金黃色啦..出來咪白色咁...

總結係.......我唔會再來..原本之前想試佢既大閘蟹餐..我都係決定唔來lu..實在唔算太好味.


Next