香港新浪網 MySinaBlog
JO | 27th Nov 2008 | 食食食....食肥我 | (425 Reads)
09:35

星期日又繼續做做做..平時星期日我都係做半日包就出去按摩.上個星期日我就好努力咁做,做到唔得閒去按摩就係為左想試下整到完美既燒肉出來.

一早都係做左芒果糯米滋先...切好d芒果粒攪埋個皮就開始包.因為上次整紅豆用1:1既粉同水攪到放左入雪櫃後個皮就硬到好似石頭咁,如果要再食一定要叮熱先食到.咁今次我整芒果糯米滋就一定要凍食啦,所以我又再上網查下有無一個可以放係雪櫃既食譜.原來加多d水個皮就會煙un d放係雪櫃都無問題.今次我用左425ml 芒果汁+300g糯米粉就無問題.最大問題都係包芒果餡啦..這盤只有22粒既糯米滋我足足用左1-1小時半先包得完...不過咁辛苦都無白費..d小朋友好喜歡食呀..仲同我一晚食曬.

跟住我就整燒肉既時前功夫又煮肉又用針篤肉再去封乾等晚上寺焗去啦.

咁無聊既時刻,我又手痕痕去再做包啦..今次我就俾足夠既時候夠麵團發酵啦..可能星期日當日都幾鬼熱發酵既時候都唔需要好耐已經發到好靚..最後出來俾大家食都好滿意..大家都話今次係最最最成功似出面街食果d喎...成個人開心曬.

正當我做2樣野都咁鬼成功..自然地我就變左 "hill"士啦成個人都飄飄然以為自己都係化身左一個廚神啦.

點知上天係公平既...我做既燒肉最終失敗...我跟足步驟啦..但個皮燒出來都唔脆既..唔通我封乾既時候太長...有無人答到我呀.


JO | 25th Nov 2008 | 食食食....食肥我 | (428 Reads)

咪講笑..我宜家真係好似太沉迷整包整野食啦...我會唔會變成大肥婆架...好嚇人呀...hee.

今個weekend真係整左好多野呀..不過post左第一日整左咩俾大家睇睇先.一個係焗紅豆西米布甸, 下款為提子包....這個西米布甸我係跟"大少奶"個食譜架..點知原本都幾鬼甜下次起碼要減一半糖先叫岩岩好.

至於個提子包係跟書做既,不過我發現原來我一直整包發酵既時間都只係跟足書話一個小時就一個小時,完全唔理個麵團size係咪已經達標就入爐,所以焗出來既包都係唔夠出面果d鬆軟...不過做完這個提子包後,我就知道一定要俾佢發酵到一定既size先可以做下步功夫.所以第二天做既包係完全合格...明天再post埋第2日做左d咩呀.ee..


JO | 24th Nov 2008 | 為了靚靚 | (609 Reads)

hohohoho...我又失守於sogo啦..不過今次真係無心去買架..其實我星期二都去過cdp counter架啦但左想右想又唔知自己岩用d咩,所以最後都無買野就回家.原本都心想今次sogo thankful wk我都係買左2支指甲油...又真係幾慳家架啦.

點知昨晚上完堂心思思又再走去cdp睇下..點知一去就見到係又一城做既BA小姐...我都知道我見到這位超NICE既BA小姐我一定會買野架...點知同佢傾左2句下...我又開開心心咁買左D野回家.

買左上次佢俾SAMPLE我試既去角質CREAM,再買多支CLEANSING FOAM就送左3支野俾我啦..


JO | 20th Nov 2008 | 蛇@愛收藏 | (523 Reads)

星期日同家姐去左sogo,佢睇手袋..我都無咩心水要去買野架啦...不過之前又係睇中左chanel支指甲油見出番,所以心思思想買...都係問下我個彈主家姐意見好d.

見佢都話ok..所以放心買(hee..我多舊魚架我其實已經鎖定目標要買,不過見佢唔會太大反應即係唔會彈我好多所以安心左d)

跟住我又再買多支佢新出既色都幾靚...ok攪掂俾錢走人.

其實又話經濟唔好,好多人俾人lay off..但sogo半年一次既減價日都係人山人海..真係厲害.

 

另外,有一人我個無聊人係度等車時...見到隻蜜蜂係塊葉上......痾左2舊泥黃色既野..唔知大家可唔可以話我知咩來...係咪真係屎呢..

hee..我個人就係咁無聊架啦..請大家blog友見諒.

 (閱讀全文)

JO | 19th Nov 2008 | 食食食....食肥我 | (430 Reads)
既內容可能會令部份閱讀者情況不安...本人係..盡對唔負責架..

星期六放左工心思思去左廟街食蠔餅煲仔飯...2條友仔叫左個x腸滑雞煲仔飯, 一個蠔餅, 一碟白灼東風螺...後來食食下覺得唔夠又再追加碟西芹炒豬頸肉...我真係覺得此店既煲仔飯好好味又多飯焦..基本上成個煲既飯焦都係我一個人食曬...東風螺都唔錯...反而出名既蠔餅我就覺得ok啦..可能煲仔飯太吸引我啦..最後碟西芹都係口痕叫啦無咩話好唔好味既..不過此店除在蠔餅會超快上枱外,其他野都要等好耐先會到架...

大家以為我咁樣就會食完呀..我咁耐無去廟街我更係要去埋買好多頭髮產品果度睇野啦...所以我地食飽飯後就由油麻地行去佐敦啦..(唔係點樣俾我消化後再食野)..行去佐敦買完野後,我地原本係想去松記食甜品....d人有扮勁帶我遊花園..點知搵極都搵唔到...火都起最後去回澳洲牛奶公司就算..

我原本都只係叫左蛋白燉鮮奶同埋杏汁燉蛋

點知有人提議叫個雞蛋三文治share食...岩曬我心意啦...更係即話好啦...其實真係好飽好飽,但又真係受唔住此店既雞蛋誘惑..最終我就咁樣食左半件好正既三文治啦..

雖然好大食,但我真係食得好滿足.

 


JO | 17th Nov 2008 | 食食食....食肥我 | (337 Reads)

一早已經有曬詳盡既plan..一心一意要整包整燒肉...點知整左出來好似無樣野得真係勁唔開心...

一早起身又整野啦..今次個麵團我就用機搓,費時攪到對手都無埋啦..仲要扮勁學人玩湯種呀.....點知到清潔野時先發現我既烏龍本色又出現,今次係量好曬既糖都唔記得放.....攪湯種時又覺得唔似樣..總之就唔得啦...

唉..算啦照做啦...咁當個麵團係度發緊時,我又做定燒肉既預備功夫啦...又過水又醃肉跟住就去封乾...心想一陣去完massage回家就可以燒lu.

好啦好啦...好忙地又再整個包啦..今次我就整左菠蘿包, 腸仔包同埋紅豆沙卷.

大家睇下個樣..

老實講....我覺得d包個樣係ok架...(我對自己既要求係好低, 對別人就另計), 但個菠蘿包真係完全唔得啦..又唔甜個包皮又唔得..就係唔得唔得唔得啦...個腸仔就ok啦..不過無我第一次自己搓包咁鬆啦..紅豆卷叫最好..因為個包可以有一絲絲咁...不過唔知點解同一個麵團會做同質感既包出來咁怪既.

 

最後講埋我舊燒肉啦...星期日去完massage後,去左sogo睇下有咩平野執...左行右行後回到家..亞媽話開飯..唔係化我舊燒肉都未整...咁我好心急地即去整啦又減左d時間,所以最後舊燒肉燒左出來個皮就似但舊肉係未熟架.....激死呀..星期日攪左一日都無野完成架..白做.


JO | 15th Nov 2008 | 食食食....食肥我 | (924 Reads)
這期對煮野食真係有點兒瘋狂地迷上,日日都上網睇下有咩食譜可以整野食.(其實心就係想用埋多餘既麵粉, 不過宜家想深一層我整新野又係要再買多幾樣不同既材料, 真係沒完沒了)..算數唔理..想做就做.今次鎖定目標...整豆沙糯米滋問你地怕未!!!!

一早係10蚊店買左包紅沙想星期日做個豆沙包,昨日係網見到有豆沙糯米滋d材料正正可以俾我用埋上次整芝士波既糯米粉啦..放左工又再去買埋椰絲同椰漿..快快腳回家整糯米滋lu.

我這個咁鬼死怕麻煩既人..最終都係決定用個最最最易既食譜整..只係用相等份量既糯米粉同椰漿再加糖攪埋一堆去蒸20分鐘左右啦..咁就ok..取出再包紅豆再放椰絲..咁就做完啦..咁鬼易大家都可以整來試下..真係超級死無難度...不過最難係包個紅豆餡啦..我成日都包到個餡唔可以係正中間同埋收口時個收口位勁多糯米皮啦...唔知大家煮食高手可唔可以教我點包得靚d啦..我想緊老左無野做無飯食時都可以包下糯米滋放係街頭買架...


JO | 14th Nov 2008 | 食食食....食肥我 | (377 Reads)

睇到個標題又知我這個烏龍王又攪左個烏龍出來啦...

話說明知會去布袋澳食海鮮...今次我就扮勁上openrice睇下果度有邊間食店正啦...點知search左出來只有發記同一間叫海鮮島..咁亂睇左見到一個食評話海鮮島係ar so介紹..咁我就鎖定目標啦..

點知原來身邊友人其實都常來布袋澳食飯,每次例必都係去發記...大家為著我講海鮮島係ar so介紹,大家就陪我去左海鮮島試下啦.

另一位友人就話要食ar so係節目中介紹既炒飯,我地出去選海鮮時仲問亞姐ar so介紹既炒飯係咩..佢仲無咩野講楊州炒飯啦....當時我都好深信此店就係ar so介紹既食店.

當晚我地就叫左蒸扇貝,蒸象拔蚌, 炸生蠔, 白灼中蝦, 咕嚕肉, 海鮮豆腐湯同埋楊州炒飯啦....

老實講,我都係覺得上次去流浮山食既海鮮正d...當晚最欣賞就係碟中蝦d肉真係彈牙鮮甜,反而扇貝同象拔蚌好似蒸過時有dd un呀.

其實小炒同炒飯都係差不多啦..不過份量都幾大下我地都食唔曬..不過這一餐叫左咁多野每人都唔洗$200又真係幾抵

烏龍事件就係我地食完飯...出到去係發記個招牌度就見到

AR SO有張相同發記果男人影架...點解點解喎....HEE..算啦我地都食左啦...朋友們都無野啦.算數...出發去食甜品.

啦啦啦...雖然我話我好飽,但無話食唔落甜品...多謝友人又車我地去西貢滿記食甜品啦...我叫左個海底椰涼粉...唔知點解我覺得西貢同出面市區d滿記好似唔同d既..唔通我心理作用...怪怪..不過這個甜品又真係唔錯喎..好香椰奶味架.

食飽lu...走人

 


JO | 13th Nov 2008 | 我所想 | (456 Reads)

繼上次同友人們去流浮山同下白泥後, 上星期六我地又原班人馬再加另一友人再去清水灣,布袋澳玩玩.

今次去左清水灣郊野公園....真係估唔到這個公園原來都幾大下, 入面仲有個放風箏地方...仲有燒野食啦...當日天氣咁好真係好多人燒野食呀,放狗呀同放風箏....我地5條友就係個公園度亂行一通..又去執下人地既風箏來扮自己放喎...

攪完一論之後,我地就向布條澳出發....

 

我真係從來都未來過布條澳..真係估唔到地方係.................咁........細.

成日都以為布條澳係要係西貢碼頭再坐船去..原來唔係只係開車都到既地方,只不過此地真係只係來食海鮮都無咩野好行既...

不過今次都唔錯呀..我成個大鄉里出城咁度度地方都未去過見識不少...

 


JO | 12th Nov 2008 | 食食食....食肥我 | (345 Reads)

我個人就係咁..俾人讚下個人就"hill 士", "hill 士"完又想再show 下野...計星期日做完d包,自己食完覺得唔錯, 老闆娘又讚..就連亞姨生女帶返學食都俾佢d同學讚好味...你話我咪係讚到成個人飄左上天啦

咁又話說昨日又好早放工, 咁我更係第一時間回家又再....hee..做包啦..

不過今次"懶野"又試另一個食譜,今次個食譜就同上次只係加左d低筋粉..其他野都一樣....

今次唔敢做咁多呀..只係做一半份量明明仲少過星期日但我就搓左成25分鐘先叫ok下...手都累死啦..唔鬼搓啦..算數俾佢自己發姣下...oopssss..係發酵下先.無奈地等等等...第一次發酵先都唔係好大但篤落去又ok喎咁就做形算數..(趕時間想收工呀)...做完形再發酵後入爐lu....焗出來既係肉鬆包.....大家認為佢地個樣o唔ok呢??

不過ok唔ok都好啦...這個包應該係有問題架...係偏咸既包..怪怪...唔知係咪我原來想放糖落錯左鹽呢??所以攪到個包又唔發仲要咸到死呀.

咪攪鬼啦..下次都係他他條星期日/放假先做包啦...玩完收工

 

 


Next