香港新浪網 MySinaBlog
JO | 11th Dec 2008 | 我所想 | (372 Reads)

mov

一早已經想去睇戲, 原本plan定想睇小鳥介紹既走路芝娃娃既..但點知時間唔岩,最後係無咩選擇既情況之下就睇"証人".成套片長109分鐘, 但估唔到都無悶場.我覺得都幾好睇喎, 張家輝做得好好呀..連謝霆鋒都做得好感人..大家有時間都可以支持本地製作入場睇下喎.

另外星期日我更係又要做下餅先心息啦...因為星期一一早約定會見blog友"ar mui" & "hello connie",所以我好唔知醜地做左d芝士曲奇俾2位作見面禮.

同場再整多個raisin scone俾自己試下先


JO | 10th Dec 2008 | 我所想 | (293 Reads)

接到瘦瘦既tag..我當然要努力去答啦..

關於我的睡眠 BLOG TAG遊戲開始

 1:你習慣幾點睡?
答:11時-11時半

 2:你有穿睡衣睡覺的習慣嗎?
答:有

 3:你睡前會做什麼?
答:我就一定要睇小說

 4:你的床是什麼顏色?
答:深紅..都唔知點形容

 5:你的床上會擺些什麼?
答:無野放

 6:習慣側睡還是正睡?
答:側側下又會正睡番

 7:有聽音樂或歌曲睡覺的習慣嗎?
答:無

 8:會聽些什麼類型的音樂或歌曲?
答:無架..流行曲

 9:睡前會不會想些事情?
答:發下白日夢呀..
10:多數都會想什麼?
答:嫁個有錢佬hohohoh

11:當睡不著你會?
答:沖個熱水涼

12:睡到一半突然醒來,之後睡不著,你會?
答:睇書

13:熟睡中突然電話響起,你會覺得是誰打來?
答:白撞既人

14:你會有開燈睡覺的習慣嗎?
答:無

15:睡覺時最討厭聽到什麼聲音?
答:人地講野既聲

16:有做夢的習慣嗎?
答:唔係時時

17:你最有印象的是什麼夢?
答:無呀..都無咩印象

18:惡夢、甜夢;你會選擇做哪個夢?
答:更係甜啦

19:想看誰睡覺的模樣?
答:無喎..見到有人訓我都想訓架啦

20:會抱著東西睡覺嗎?
答:公仔

21:你的床上用品圖案是什麼?
答:無圖案

22:睡到一半突然肚子餓,你會?
答:飲水啦..唔想食野食飽又會訓唔到都係麻煩

23:你的睡姿好看嗎?
答: 唔知喎..應該都唔會太難睇呀

24:有說過夢話嗎?
答:更加唔知

25:睡醒來發現自己不在床上,你會覺得在哪裡?
答:地下

26:睡到一半突然肚子痛,你會覺得如何?
答:咩如何呢...更係去洗手間

27:什麼時候你才會想睡覺?
答:時時都想訓啦..

28:有在家裡以外的地方睡過覺嗎?
答:更係有啦...

29:什麼原因讓你在外睡覺?
答:...去旅行時更係去酒店訓

30:現在跟誰一起睡?
答:自己..宜家工作緊就更係無得訓

31:每朝早能可以不用別人或鬧鐘叫醒,而可以自己起床嗎?
答:更係唔得啦.

32:睡醒後第一件事情做什麼?
答:turn off the alarm clock ...我都係

33:醒來後,你覺得昨天睡的好不好?
答:好..

34:早睡早起、晚睡早起、早睡晚起、晚睡晚起;你是哪個?
答:香港人來講..我都應該叫早睡早起

35:醒來後,發現頭髮亂的跟鳥巢一樣,你會如何處理?
答:去整理下個頭髮啦...

36:每日大概幾點才起床?
答:7時左右

37:你有賴床的習慣嗎?
答:有..

38:答完這個 BLOG TAG,你覺得『睡覺』對你來說是什麼?
答:非常重要

多謝瘦瘦俾個機會我認識自己既睡眠狀況..我唔tag人啦..大家有興趣都自己試下玩下


JO | 9th Dec 2008 | 食食食....食肥我 | (430 Reads)

之前睇到hello connie既blog都有介紹過此店..一直都好想去試但都無咩機會行尖沙咀,所以拖到上星期六放工之後先有機會試下...放工去到都已經2時啦...叫左個kaya 多士跟煎蛋; 同埋個叻沙..個土司真係好好味以前聽到kaya都無咩好感成日覺得會好甜估唔到此店既kaya幾好味喎不過塊牛油真係好多食左都覺得好guilty.

另外個叻沙都唔錯個湯底都幾濃既蝦味唔錯唔錯..食完野走左去gucci想睇野點知要排隊,原因係佢地開始on sales呀..跟住又想去jill stuart睇下野點知又係要排隊..仲要衰到我去時都係4時半,佢俾張紙我叫我6時再來...真係傻架6時我都走左啦仲要係度等等等咩...火到來呀半日假就係各大店舖既....門口排隊呀咩世界..邊個話經濟唔好呀.

算數..好彩lunch都食到d好味既kaya 土司


JO | 8th Dec 2008 | 食食食....食肥我 | (377 Reads)

話說我食完印度野都好似個胃都唔夠加上甜品係我既至愛,所以我又去左食埋個甜品滿足下先...我好勁地叫左個合桃糊燉奶補補個腦先; 老闆又跟我不過佢叫芝麻糊燉奶;

不過燉奶真係好滯食食下都覺得超飽既感覺...下次都係唔可以再咁樣放縱自己食到超曬額.

 

食飽行下忍不住就去左影下d 公仔先...又過左一年lu.


JO | 6th Dec 2008 | 食食食....食肥我 | (378 Reads)

咪講笑..我真係食大左....

昨晚去左阿拉丁食印度野啦...記得上次來食都係叫過2人餐,印象中仲食到好飽..點知今次都係叫個2人餐份量都差不多啦..但今次我食完都無飽既感覺既????係咪嚇親大家呀...

登..登...登.....登...........成個餐就係有薯仔角4件, 胡椒薄餅一片, 薄餅3件, 乳酪蝦, 串燒雞, 唔知咩飯同埋2杯野飲.我食左咁多野都話唔飽..大家可以想像得到我有幾大食未呀..不過成餐飯我最喜歡就係...我自己杯芒果乳酪, 其次就係個薯仔角, 至於其他野都好一般啦...不過如果大家又想食印度野又唔想去尖沙咀..銅鑼灣此店都係另一個好選擇既.


JO | 5th Dec 2008 | 我所想 | (370 Reads)

感情係人既生活中真係令人又愛又恨.

有時就會覺得煩,無既時亦會覺得煩.

可能某一D人就一世都好幸運係感情路上都好順暢;

某一D人就次次都會係受傷害.

亦有D可能受左幾次傷得到上天既眷顧終於係感情方面獲勝.

亦有D人完全得唔到上天既照顧,所以仍然係感情路上傷痕累累


JO | 4th Dec 2008 | 買買買 | (439 Reads)

我都唔記得左我有幾多年無放過聖誕節...因為每年都有工作要做仲要做到成個月連一天假期都無果隻...真係命苦...無計啦繼續做...不過做還做都要令下自己開心下先可以繼續做落去架..係咪先各位blog友姊妹

星期日同家姐行街就買左一對鞋,一條裙同一件褸俾自己作為今年既聖誕禮物啦...好啦就來死期來要連續做做做啦..就連做包既興趣都要暫時放低呀..


JO | 3rd Dec 2008 | 食食食....食肥我 | (395 Reads)

hohoho..星期日更係又心思思想整下野食啦..今次簡簡單單整個方包就算...問人借左個方包模.不過這個包我都發酵左前後都要成2-2.5小時呀...不過好彩都叫成功.我真係發現用左老麵整既包都好似包無問題咁...12月忙完都繼續整d老麵種係家方便整包食.

唔好以為我偷懶呀..我星期日仲有整多個soft cookie出來..不過都係唔似出面果d...真係唔知邊度出錯左..不過d小朋友都食得好開心.

星期五無無聊聊又無電視睇,所以又走左去廚房整下蛋糕仔玩下...這個蛋糕仔我仲係無偷懶架,我用分蛋法..不過整既過程之中以為會失敗點知焗完出來都叫ok啦...

最緊要我既fans..(姨生女)都話好味..


JO | 2nd Dec 2008 | 食食食....食肥我 | (357 Reads)

近期受牙魔折磨, 對上一次睇左個黃綠牙醫都攪唔掂,昨日死死地氣再搵多個牙醫睇牙...最終都係要柱牙根...算啦都係怪自己...

放左工去左行一陣就去左time square對面一間cafe食晚飯..真係估佢唔到咁鬼正.我地叫左個鴨胸乾蕃茄意粉, ham & cheese panini, 一杯latte同埋一件apple crumble.樣樣食物都好滿意

意粉都唔錯不過我就覺得油左少少..但食極都食唔到sun dried tomoto係咩味道, 個三文治算係我最欣賞個包好香好好味...就算我牙唔舒服都食得好開心呀.

不過個蛋糕我就唔係好敢食啦...都係試左一啖就算啦.

不過此店既服務都唔錯, 因為我放左d藥係枱時,佢就好醒目問我係咪要水...真係又nice又醒目..相信簡唔中shopping完都可以來此店hea下.

食完飯就走左去shopping下諗住成個12月我都無機會放假同shopping架啦..所以想早d買christmas gift俾自己..點知最後都係得個桔.

臨走時老闆又再次問我同唔同d燈飾公仔影相喎..心想用部手提電話我都唔想影啦..咪答佢唔影啦..點知佢話帶左正相機..我更係即刻話要啦...因為只有用部大相機影我出來先會由醜怪變成正常樣架.


JO | 1st Dec 2008 | 食食食....食肥我 | (969 Reads)

天氣冬最好做咩...咪打邊爐啦.又方便又唔洗點炒野煎野...真係最好既選擇.

今次仲偷勁去sogo買左2盒不同款式日本姑試下..不過老實講我真係唔覺得咁好味啦同街市d姑差不多啦.

另外又買左脆肉鯇..好抵呀$20都唔洗,不過回家切雙飛就切都我手都軟.另外仲有牛肉啦...原本有2盤架..不過我唔係太"好"肉,所以食完一盤都唔想再食啦.象拔蚌都好抵喎$28有成6隻,味道都ok既...咁樣食都係百幾元真係好抵食呀.

唔知大家喜歡係家打邊爐多d定出街打多d啦..我自己就比較喜歡係屋企打啦..除左平之外就覺得好似自在d..有時打打下休息再打過咁樣都食多d啦..