香港新浪網 MySinaBlog
JO | 29th Jan 2009 | 我所想 | (210 Reads)

祝大家

牛年身體健康,

青春常駐

龍馬精神

心想事成

個個賺多d

     

 


JO | 24th Jan 2009 | 食食食....食肥我 | (404 Reads)

近期又再勁煲openrice,今次想食拉麵睇左openrice介紹之後就去左sogo附近既八八八拉麵店啦...這間野真係估佢唔到咁多人會去食..好彩早左少少去所以一去到未要等位...不過過多幾分鐘真係開始等位啦..我地叫左個醬油湯牛油粟米拉麵;另一個就係豬骨湯底既..再order一個炸芝士同埋餃子就收手啦.

小食方面..食評無介紹錯個炸芝士真係幾好味又唔會太溜咁...餃子都ok最正係個醬汁啦...至於碗麵我個人就食唔出有咩咁特別啦...我覺得此店既拉麵都唔多選擇來來去去都係得又燒一樣配料..都唔似其他店有豬軟骨呀或者素菜等配料..可能日本就係咁簡單得又燒一樣料啦...所以唔係好岩我花心既口味..至於加左塊牛油又唔係太突出牛油香..只限係牛油附近既湯有d牛油味之外,這舊牛油都起唔到咩大既作用又唔會話令到d粟米香d個湯香d咁..真係可有可無...

走果時..已經見到條人龍係度排隊..真係厲害呀.


JO | 21st Jan 2009 | 食食食....食肥我 | (293 Reads)
睇個標題係咪好正呢...上次終於踏出我另外一個第一次就係同左blog世界內2位素未謀面既美女blog友(ar mui & hello connie)出來見面...今個星期一我又再次與其中一位hello connie見面

今次只有我地2位單獨見面, 心情都有點緊張...因為我怕我悶死左connie...今次我地既約會地點係applegreen @ TST...

2個人叫左maggie介紹既薯皮, 另外叫左個salad同埋carbonara...個薯皮真係唔錯外皮可以做到脆脆地咁,

不過connie都實在太細食啦...2個人最後就食剩左

原本大家仲想係度食埋甜品...但當時實在無咩位再放野入個胃..所以connie提議出去行下先再食埋甜品我更係舉腳贊成啦..2個人行左利時一陣就轉彎想去sugar度食甜品, 點知星期一休息..最後我地就去左甜蜜蜜食啦都無計

connie既甜品係.........我唔記得個名..總之就有水果同雪糕(洗鬼講咩有相都睇到)

我大食過佢咁多...我更係叫2碗啦..hohoho..係唔知咩鬼甜品不過分過個芒果汁一碗, 水果又一碗咁...

食飽飽好滿足...大家就散band回家休息lu...

最後...........在此多謝connie的禮物同愛心手造食物..佢整野食真係好得呀...

個朱古力蛋糕真係好香仲要勁到係底部有少少脆好鬼死..我一定要問佢攞recipe呀...另外有個唔知咩cherry撻都好正,第2日我就叮番熱佢做左我既早餐啦.


JO | 20th Jan 2009 | 食食食....食肥我 | (463 Reads)

2個人都咁為食更係順便又去搵間好既食店食番一餐.原本一心一意想去東來順食飯,點知當要book位時又話6時來都已經full左就算walk in最早都要9時先可以入座.最後好趕急之下我地就試下打去和宴問下有無位,好好彩都有位.
地方都算唔錯,可惜我地被安排坐係4人枱但用簾分隔2張枱,基本上我就可以好清楚聽到隔離枱d人傾計我地同搭枱無咩分別.
食物方面:我地叫左佢地既介紹既日本和牛拚盤, 再叫左個海鮮餅及灼蔬菜沙律,最後亦追加一個厚切牛舌.
老實講日本和牛拚盤真係唔算好食同抵食.成盤野最正就係只有2件唔知咩部位既和牛係入口即溶既感覺,其他和牛都好似有少少un, 至於個煎餅就另外感到意外真係好好味仲好味過去韓燒食店食既煎餅, 另外個salad都算唔錯勝在係d燒肉店唔想燒蔬菜但又想食到d菜時叫salad一個選擇.
不得不講係個牛舌..真係唔多好味..味道唔算好正令到我十分失望..估唔到這間收費貴過盛八但燒肉既資素會差過盛八咁多..相信我都唔會再來.

食完晚飯..我地更係要行一陣再去挑戰我地既至愛-----------------甜品

我這個OPENRICE迷更係一早搵定要去邊間食啦..難得好會來TST..我一定要食曬我想食既食店先安樂既..

HOHOHO...我一坐底想都不用想..我就只係想食個椰皇雪出...老闆就叫左個唔知咩WAFFLE..個椰皇真係唔錯..個冰係用椰青水打成好清甜, 旁邊有一粒雪米滋同埋紅豆底部就有D涼粉...涼粉係我都好喜歡食可惜佢應該雪到D涼粉結曬冰...不過來到此店真係好值得一試這個甜品..起碼未係其他甜品店食到.

其實佢個WAFFLE都好正即叫即整帶少少微暖...不過我唔係太喜歡佢落咁多朱古力醬..食飽就更係回家訓覺啦.


JO | 19th Jan 2009 | 我所想 | (452 Reads)

大家都知牛頭角下村好快又要重建..好多食店都就快要搬走...不過你問我幾時要拆呀..咁我又唔知..我個人就係咁成日檬檬一日過一日咁..

不過星期六好明顯好多影相人士都去影相留念...我都唔輸蝕趁lunch時間出來食飯順便都來影下相..不過人地個個都攞住d重炮相機..相比我攞住個機仔又幾鬼唔pro..不過唔理照影..其實你問我牛頭角下村又邊間食店特別好味...咁又我唔覺得會好好味..不過就係好似佢開左咁耐所以突然間話執你會覺得有d唔捨得啦..人就係咁犯賤架啦..有果時又唔覺得有咩特別;到就來無/無既時間又會好想要番.

 

影完相順便食埋lunch先回公司工作啦...不過有2張相俾我攪到upload唔到..就係生牛河同埋香茅豬扒撈檬啦...此店都係牛頭角下村入面味道都ok只係想係佢地執之前再回味一番.


JO | 17th Jan 2009 | 食食食....食肥我 | (840 Reads)

有時都會想下做人工作都只係為左食...如果有病要介口既時間又真係幾痛苦.....所以有時候都要俾適當既放肆自己盡情咁食...想放肆地食就更係食buffet啦..所以今次我一早seach定去松屋試下啦..原本我上星期已經可以食到..點知俾人放飛機真係火都起好彩最後我今個星期都有得食..仲要再肚左我一個星期我更係好盡情咁食啦..不過我都係果d快食快走既人唔會係果到磨磨下食多d..因為咁樣頂住個肚會好唔舒服架..所以原本可以食到8時..我地2條友仔未到7時已經開始收工最後7時左右就埋單走人..原來再早半小時埋單又再平$10真係抵呀..不過如果我有print openrice coupon仲再平多$10...當時真係覺得好蝕..我就開始做"常蛾"勁過唔抵呀唔抵呀..煩到老闆死為止.

好啦..講完一堆廢話..等我講下松屋有咩好食先...原本睇食評又話食物好多選擇..點知去到先覺得都唔係好多特別係刺身,壽司都係好少好少..刺身都ok啦不過我都係食左2次就停左, 壽司就更係唔洗講啦都唔算好味..這間野最正係有飲品任飲可樂汽水橙汁柑桔水綠茶都有就連日本啤酒都有..不過我唔好所以都無叫啤酒飲..

不過成晚我最欣賞都係佢地既串燒, 當中我更係最開心有牛舌食啦..咪講笑我自己一個人就食左5串啦..暫時都可以唔洗再食牛舌住..另外燒羊扒都好食, 仲有燒豬大腸, 煙肉蕃茄, 茄子,冬姑,翠玉欣等都好好味, 天婦羅我只係叫左炸蝦同埋炸蠔.....全部野即叫即整來到時都係熱騰騰好鬼好味...另外佢地都有湯麵湯烏冬等食物..不過我地無試到呀..最後都係食埋4個scoops既雪糕就走人啦...

 


JO | 16th Jan 2009 | 買買買 | (501 Reads)

唔知點解我d 皮膚咁鬼差既又有黑頭...最衰我係咩呀..忍唔到手啦..成日用手整d黑頭出來架...前幾日睇到報紙介紹圖中係10蚊店買既黑頭mask...宜家經濟唔好呀都係慳d洗先.....$10貨仔更係要買來試下好唔好用啦.

另外一件慳錢事件就發生係昨日啦...(扮下自豪先)話說我收到land crawford 話買美容護膚品滿$980就會送$100 cash coupon喎..咁好既時機我就更係去la mer睇下野啦..點知昨日問清楚先知原來d cash coupon用到今年既3月...咁我都打消個念頭啦..算數又慳番d錢啦.

點知...係度慳左去到睇下衫..忍唔住又買..仲要俾個sales姐姐叫我又買夠3件又會有幾多折..又話點平點平..最後都乖乖聽佢話.


JO | 15th Jan 2009 | 食食食....食肥我 | (280 Reads)

好小有機會lunch時段來中環, 咁岩要工作更係就岩時間順便食個lunch.

最衰趕住出來工作,所以無搵定有咩好食最後都係亂入一間食個lunch就算...
見到這間BAR有SET LUNCH供應,更係即刻入去坐啦..
2個人叫左一個素三文治配薯條; 友人叫左個羊仔肉都一樣配薯條(2個set都包餐湯同埋飲品)飲品仲可以叫beer / wine既..當然我對酒類無咩興趣都係叫回普通飲品算數.
講番d食物先..我個人最欣賞係個三文治d餡係grill過既蔬菜都幾入味唔錯,至於羊肉反而覺得一般啦..另外佢地既薯條都炸得好一流唔算太油...一個lunch包湯包野飲都係$100之內真係值得一來.

 (閱讀全文)

JO | 14th Jan 2009 | 我所想 | (281 Reads)

Thank you to share my happiness & sadness all the time. I wish you have a good health & best of luck.


JO | 12th Jan 2009 | 食食食....食肥我 | (319 Reads)

網誌分類:飲食專區 |

圖片

網誌日期:2009-01-12 09:06

好耐都無寫過BLOG寫下自己近來去咩度食野...原因唔係我懶係因為我之前真係無咩去過邊度食飯就真係連飯都無時間食..不過辛苦完宜家都算過左, 有D唔開心既事都暫時忘記左啦..我都係學下CONTROL下自己既情緒唔係咁樣好似病死.

HEE...上個星期去左旺角APPLEGREEN食野..原因係我之前係BLOG友~MAGGIE睇到介紹,我又幾喜歡再上OPENRICE度睇,原來佢地都幾出名所以一心想BOOK位去食啦..點知..佢話6時半FULL曬仲話WALK-IN你都等好耐...咁我更係死死氣話食6時啦仲要要求7時半一定要交枱...好殺你鬼叫我想試呀...

準時6時去到都唔算多人啦..只有2-3枱人; 不過好多枱都放左個RESERVED,睇左一陣MENU我已經知道自己要叫咩...我地叫左CARBONARE,SESAME ORANGE CHICKEN SALAD同埋4 cheese quesedilla.

成晚我都食得好開心,因為真係樣樣野我都覺得好好味, 個意粉好正d意粉煮得岩岩好又唔會煮得過軟, 煙肉好香口只不過用cream去煮此終都係幾HEAVY, 所以食左幾啖都覺得好溜呀.

個SALAD只係HALF PORTION但好似食極都食唔完咁..個SALAD 醬汁就岩曬我啦酸酸甜甜都唔似用芝麻醬汁..似係d醋多d不過如果佢落多d汁我就更加喜歡啦...個salad仲有d雞肉同橙再加上d脆卜卜既炸米粉同春卷皮, 咁樣既配搭又幾特別

佢地仲有好多款唔同既salad選擇, 又或者自己選擇岩自己口味醬汁/材料既salad都得架..大家對salad有興趣都可以去試下.

另外有個quesedilla烤餅加上我至愛既芝士上面再有d sour cream同埋蕃茄真係好正個烤餅就算加左4款cheese都唔會覺得溜, 可能就係因為面頭d酸酸地既蕃茄中和左啦..

見隔離枱唔知食咩鬼海鮮藍咁都好似好正,不過我以後都唔可以食咁多海鮮啦...忍口忍口忍口...我已想定下次要來試d咩啦...不過大家記住一早訂位比較好d

 


Next