香港新浪網 MySinaBlog
JO | 25th Feb 2009 | 我所想 | (379 Reads)

好開心..

其實原本我一早已經打算去印度..點知後來事情有變同左家人去日本旅行

仲以為今年又錯失一個機會俾我各世界出發睇下文化遺產or古蹟.......

點知好彩地可以大家夾到時間easter又可以再去旅行啦..雖然天氣關係我唔去印度啦,但係今次去既地方都係我好想去既地方............土耳其

超開心..我今晚去開旺角仲落左訂la...宜家等緊成團...

不過昨晚就好慘啦...俾人拉住唔走得都係班損友啦...攪到我宜家超眼訓呀...大家仲以為我吹水要咁早起身又話唔番工都得..成班人只有我一個要番咁早...其他人唔係星期六唔使番就係番成11點/2點先開工...佢地更係可以玩天光都無問題啦...最慘我又要開車又唔飲得酒...成晚就好似陪坐又無野食又唔飲得酒..仲要零晨時份回家沖完涼要訓果時...都訓唔到...因為呀成日覺得自己好似未沖乾淨仲有好大煙味...唉..激死...唔該下次放我走先啦..真係眼訓死


JO | 24th Feb 2009 | 食食食....食肥我 | (364 Reads)

上次去左太古城食左拉麵覺得好好味,所以昨日又再去試埋cwb這間拉麵店.其實早前去日本旅行個導遊都有介紹係新宿這間拉麵店..明知日本同香港都差好遠..鬼叫我上次去日本無機會試咩..所以番來香港食番補數啦.102_壞大叔

今次我叫左個豬軟骨;拉麵我就選左普通既拉麵配料可以選3款我更係要唐心蛋, 粟米同埋木耳...至於老闆佢就叫左7味雞翼; 芝麻拉麵....忘記左佢連個湯底都有得選濃味定淡味, 又可以加唔加辣油咁..都幾好.

等左一陣就來到..我個軟骨真係唔錯好好味又夠淋..不過個麵真係唔及老闆叫既芝麻拉麵特別...仲有佢個唐心蛋都好好味唔錯唔錯..098_洗澡


JO | 23rd Feb 2009 | 食食食....食肥我 | (363 Reads)

情人節對我這名實際鬼來講真係唔會賺到我咩錢....大家都唔想煮野食咁更係出去普通食一餐就算數架啦...
2個人叫左小龍包, 蘿蔔絲酥餅, 東坡肉同埋肉碎干扁豆...

起初都怕唔夠..點知2個人食又覺得岩岩好(因為我要食甜品)

基本上成晚我地叫果4樣食物我都十分欣賞..

個小龍包皮薄多汁..正; 蘿白絲酥餅就更加唔洗講即叫即整夠熱個酥餅好香又唔會覺得油; 東坡肉真係做到一層肥一層肉炆得好淋好入味..不過都係久唔久食一次就滿足..我都唔係好敢食太多怕肥
另外干扁豆真係整得唔錯...無油之外d肉碎入面仲加有蝦干一起炒就更加香口...成餐飯都食得好滿足..

最後又再派coupon引我再來...hohohoho..下次一定要再試埋其他食物:P

食完飯更係去埋附近食松記啦...來這區真係為左食甜品多d...

一坐底就見到隔離枱有個好似刨冰既甜品..hee...我又跟人地叫來食..點知原來味道麻麻可能d冰太多好似攪到成碗野無味咁; 另外叫左個芒果琉璃好爽口不過太多琉璃啦好似食極都食唔完...不過這裡既甜品又真係幾令我回味架.

最後情人節我更係要買多送俾自己令自己開心d...hohoho普通2本漫畫同埋re-ment就已經好足夠

 


JO | 20th Feb 2009 | 食食食....食肥我 | (256 Reads)

人有惰性真係無錯(俾下藉口自己)事關太沉迷太沉迷玩機玩隻pet society都玩到我連upload相上blog都懶呀..hohoho...今日見到hello connie咁鬼勤力連紙袋都寫一個post,我都要做番個勤力人先.

其實這篇post都係新年時發生既..hohoho..大家睇下我幾勤力過左咁耐先寫...無計睇下blog入面既photo album就係欠這幾張未寫.

年初二就左去睇戲, 唱k兼食飯...............

去左我地好耐無去既意粉屋食..真係估唔到宜家意粉屋全部套餐都係2人餐...咁好多人去又想食餐咪要叫幾個..咁攪鬼.

2個人叫左唔知咩賀年名既套餐...老闆好攪鬼想為左個賀年名唔知咩財源廣進定步步高升果類野叫個set係我唔岩食既..當然我更係唔要啦...

叫左唔個set有pizza同埋個牛尾闊條麵...估唔知個牛尾闊條麵好好味又炆得夠淋好正..下下下下下次都要係屋企試煮下先..hohoho

 

食完飯...有咩好做呀...更係食埋甜品先散band啦...

 

好啦...88我寫完今日既blog..幾勤力


JO | 17th Feb 2009 | 我所想 | (274 Reads)

我用攪笑來形容今年情人節真係好岩...首先一早ar mui好好咁介紹左我點樣係pet society果度搵快錢...但我睇左照跟做都唔得更係即時叫老闆幫我...點知換來就係成個早上俾佢話我..總之罵到我死..真係成個早上都唔知幾鬼勞氣呀..真係要攞佢出來打就岩.

不過後來2條友都無事..仲要攪笑到今年我會有花收...其實識我既人就知我又慳(某d野)又無情趣又超級勁實際既人..仲要帶少少扮野...我又點會自己開口叫老闆送花仲要係情人節....點知老闆前一晚誤會左我意思..我只不過同佢講係pet society買左束花當係佢送...就係咁.

條白痴友唔知聽咩..以為我叫佢送花...一早同我開戰完後仲要去買花俾我...睇到束花仲火起勁罵完一論之後先原諒佢啦...hohoho...最後仲要好現實地問佢花左幾多錢...宜家想起都覺得這個情人節幾鬼攪笑


JO | 16th Feb 2009 | 食食食....食肥我 | (357 Reads)

記得康山jusco岩岩重開時..真係人山人海, 每一間食店都要排上最少1小時先有得食飯, 不過宜家已經無之前咁瘋狂啦人都少左好多

又或者我琴晚平日去啦加上又早食飯..所以昨晚去食飯都唔需要等位....唔洗等位我更係選一間我比較想試又一直試唔到既山頭火拉麵店啦...6時左右我地就食飯啦,不過咁早都有幾枱人客, 心想唔通真係咁好味

2個人叫左個餃子定食同埋炸雞定食.
個定食都唔錯有一碗小拉麵再加一個飯..最喜歡就係個炸雞好好味...我就叫左個辣味麵豉湯麵, 不過一d辣既味道都無....成個麵我覺得最正係2塊又燒呀....這一間真係好味過cwb既八八八拉麵多多聲呀..

順帶一提...初頭入到店d人又唔俾menu我地又一班人圍埋一起傾計..仲以為服務唔好,但送食物來又好nice又會自動幫我加水,最後我出去埋單多口問一句有無泊車優惠時..佢仲主動俾左2張單我泊2小時free parking..真係多謝咁樣我又慳番d泊車錢

 

最後仲要多謝老闆送既朱古力...


JO | 12th Feb 2009 | 食食食....食肥我 | (413 Reads)

上次整個南瓜包懷疑係d yeast存貨唔好壞死左,所以d包發極發唔好...所以自己都唔敢試.去完旅行回來已經唔見左d包啦..可能我偉大既媽媽幫我消滅左又或者係偉大既大口仔消滅左...who's know

上星期六放左工就回家啦..一心一意想整野食...原本想整糯米滋留番麵包星期日先整..左想右想最後都係整包仲要成9時先開工整喎...好彩今次都整得好滿意..可能天氣回暖關係發酵麵包既時間都短左發出來又好正...

不過食譜人地用薄薄既火腿..我又貪鬼心用左火腿扒厚到食...整極都整唔到人地既麵包造型..攪到醜到死....整左2個都唔得呀..最後亂整一通算數

拿拿拿...d麵包同我一樣架..無外貌但有內"餡"..第2朝拎個當早餐...好滿足呀!!!

 (閱讀全文)

JO | 11th Feb 2009 | 食食食....食肥我 | (344 Reads)

真係唔多信2個人可以叫左咁多點心再加一個炒烏冬...幫我地落單果位都嚇左一跳...不過最終都係成碟烏冬打包加1個點心...

這一間所謂既酒樓其實係我公司工業區附近既....見openrice有介紹又有我想食既流沙奶黃包, 上星期六又要番成日工..加上去左日本5天有d想食點心...咁多個原因加埋就引發我去啦...

仲要發傻勁叫勁叫野食..不過此店既點心都幾有特色...例如有西洋菜魚卷, 賽旁蟹餃...其他點心都ok啦..係工業區有d咁既水準都算唔錯又唔係太貴..不過估唔到此店既炒鳥冬會咁貴要成$88...下次都係唔叫炒粉麵啦..都唔抵食.


JO | 10th Feb 2009 | 食食食....食肥我 | (3389 Reads)

我好少加食譜係個blog度..原因我覺得唔多特別又唔係十分極之好既食譜,所以平時整完野都好少copy人地既食譜..不過今次不得不同大家分享這個食譜超級好呀.

自己都整左2次糯米滋..第一次好味不過唔雪得仲要即日食先ok雪左後要反叮個皮先軟..第二次要整芒果糯米滋所以一定要搵d食譜係可以雪得落雪櫃先ok...個食譜係ok不過好痴手又難包..包個幾粒野都用左我成2小時所以都係唔值得推介.

今次第3次包..終於俾我搵到個超好既食譜...無咁痴手又易包...大家不妨試下跟以下既食譜做自己喜歡既餡料糯米滋.

材料:

糯米粉   140g 
粘米粉   1湯匙(我無粘米粉改用左栗粉, 另外再加多10克綠茶粉)
糖     73g
油     1湯匙,
椰汁    200g
鮮奶    117g(又係無奶用左水)
椰絲/朱古力粉      適量

芒果/朱古力粒   (切粒)適量

做法:

1. 糯米粉、粘米粉,籂過備用。
2.
將鮮奶、椰汁、糖、油放入煲內煮沸倒入 (1) 的粉內,再快手攪勻至無粉粒。
3.
(2) 倒入已塗油的碟內,隔水蒸15分鐘至熟。
4.
(3) 放暖(或略雪凍包會更易),分約25g一份粉團,包入芒果餡,沾上椰絲便成。

同場加映我亞媽包既芝麻餡湯丸(d芝麻餡係我整借俾佢用架)...不過這個孤寒婆包得太少餡..似食一粒無餡既湯丸多d.


JO | 9th Feb 2009 | 我所想 | (465 Reads)

大家唔好怪我懶呀..因為我發現今次去日本真係好少影相同影景...不過以圖係我住富士山上其中一晚既濫溫泉酒店..不過真係好古舊呀.

不過我地去這5天都算好彩..只係落機第一晚同第2天早上係有落雨, 之後既日子就天氣好好陽光普照啦.

 

大家睇下富士山幾靚...

仲有晚上迷人既彩虹橋...至於其他景點..都係shopping & disneyland,所以都無影到相

這個旅程就係我無無糊糊之下渡過

 


Next