香港新浪網 MySinaBlog
JO | 31st Mar 2009 | 食食食....食肥我 | (282 Reads)

其實這間越南野開左好耐我都未試過...不過見openrice d食評都唔錯加上開左咁耐都未執笠味道應該唔差啦..所以昨晚就去試一試.原本想睇下d2人餐好唔好食..點知d食物都唔吸引,最後就散叫左個炸蟹餅撈檬, 馬拉盞通菜, 芝士焗青口..同埋想試下個咸青檸檸蜜

我覺得這間店都唔錯喎..個炸蟹餅都幾好味..不過我真係食唔出佢同炸蝦餅有咩分別..只係多左d紅色點咁解..

反而我覺得d青口麻麻地有一粒仲有沙又或者我唔係特別喜歡食青口啦.加上上次睇亞so話青口其實好唔乾淨係海洋係垃圾桶咩都食,所以我就更加唔太喜歡啦..

至於我叫個杯野飲就好一般既一般啦..都係叫回咸檸7好味好多.

不過我都決定下次會再去試下佢地既生牛肉河同埋牛油雞翼lu...地方都唔錯夠光猛試食報告完畢biiiiiiiiiiiiiiiiiiiiiiiiiiiiiiiiiiiiiiiiiiiiii


JO | 30th Mar 2009 | 食食食....食肥我 | (327 Reads)

網誌分類:飲食專區 |

圖片

網誌日期:2009-03-25 09:14

hohoho...愈來愈發現自己個blog就似一個個人化食評網..希望無悶親大家啦.

其實只係無咩野寫, 所以寫下我自己最喜歡既事.........食啦

今次要介紹一下係石磨坊....可能大家都食過..不過我唔係成日去旺角,所以好少會去食....上星期六去左機舖磨左成個鐘都唔知點樣係大富翁部機攞到bonus, 見到隔離果位人兄對我個位成日虎視眈眈..就一早知佢想食左個三百幾個coins啦...點知我一走佢就即刻要爭我個位呀...點知俾另一位人兄爭嬴左..不過我都唔想睇佢點知可以攞到bonus啦..算啦.我係唔會再來燒錢..去jumpin gyms玩好過..仲可以換禮物.

玩完更係去食甜品...叫左芝麻糊+芝麻湯丸同埋一個朱古力燉奶....個芝麻糊就更係好滑好好味, 不過估唔到湯丸入面既芝麻餡就好難食..真係唔知點形容既難食..好彩湯丸唔係我要求叫,所以我只負責食一粒, 至於個朱古力燉奶又幾好味...不過相比義順既雙皮奶..當然我會喜歡後者多d啦.


JO | 28th Mar 2009 | 食食食....食肥我 | (303 Reads)

之前已經講左2次都話要去潮樓試一蚊雞...點知2次都勁多人所以最後都係試唔到.上星期六好醒目地機都唔打住6時就走上去食個早飯先.好彩仲未傻到6時都要等位...不過未夠6時半已經開始full啦...真係勁呀.我地都唔輸蝕叫左一蚊既梅子雞, 另外叫左個豆醬春菜, 炸蟹"祖"拚鵝肉同埋一碗蠔仔粥.

估唔到一蚊雞係最遲上枱..我地差唔多食左一半先來..老實講以一蚊來講真係無咩野可以彈呀...不過以味道來講我就覺得麻麻地成碟野好咸又油d雞又唔滑其他食物之中最欣賞係個菜啦叫做好味,其他既都唔算好味...

最後用dbs仲送左個唔知咩鬼紅豆糕..味道都ok既.

食完飯拿拿聲又走去機舖


JO | 27th Mar 2009 | 食食食....食肥我 | (1249 Reads)

網誌分類:我的煮食天地 |

圖片

網誌日期:2009-03-23 09:58

星期日又係我開工整野食...今日又係整左2樣野..一樣就比較麻煩d另一樣就超易整.一樣就係雞尾包,另一樣就係豆沙軟餅.

搓完包後等發酵既時候,我就做左個豆沙煎軟餅...這一個真係超易呀..

糯米粉: 100克,

麵粉: 20克,

熱水:100克.

3樣野攪埋再包豆沙餡..咁樣就可以去煎啦...我覺得慢水煎去會比較煎得好d..同埋都係煎完食就比較好味d, 凍左味道就麻麻..大家都不妨試下整.

 

反而雞尾包真係幾麻煩..又要搓包又要整餡料再要整埋出面2條甜甜地既裝飾..不過好彩整完出來個味道我都覺得ok起碼唔會好似出面咁甜..又可以自己控制甜度.不過我就仲唔係好識整包既造形,所以整出來都唔係欖形有d怪怪...

 


JO | 26th Mar 2009 | 食食食....食肥我 | (396 Reads)

一直以來對d酸呀辣呀都好岩..特別係酸野識我d人都知我食粉麵可以夠膽死落曬人地一樽醋...食辣都係發覺愈來愈好味,可能喜歡少少辣既刺激感...星期四原來又係想上去潮樓食一蚊雞..點知又係無緣食呀又係太多人等左半個小時都無叫..更係唔等走人.突然想起銅鑼灣有間米線店我想食好耐都無機會試, 所以2條友就走去試.

2個人叫左個過橋米線, 鹽燒牛舌, 麻辣涼瓜同埋香辣羊肉串....估唔到樣樣野都好岩我食呀...個米線叫左小辣, 不過我就覺得無咩辣啦,下次可以再叫辣少少都ok...另外個麻辣涼瓜既麻辣醬係另上...咁樣就唔怕太辣攪到成碟涼瓜都食唔到..講真個麻辣又真係幾辣不過就好惹味, 最正都係我至愛既牛舌呀..樣樣野都咁我食..以後係港島區都有得食好味米線.


JO | 25th Mar 2009 | 食食食....食肥我 | (353 Reads)

星期六最衰自己貪玩係機舖玩到唔捨得走人, 原本一心一意想去潮樓食一蚊雞上到去都爆滿要我等位..更係下次先食啦.

最後亂去左一間係女人街入既素食店 - 青亭

好彩d食物都幾滿意, 叫左個和風牛肉石頭飯, 什錦豚肉燒餅同埋唔知咩鬼秋刀魚.

不過我最欣賞都係個燒餅,真係好似食肉咁架.好香好好味, 可頭飯都唔錯有我最喜歡既飯焦個牛肉都好好味唔錯, 最差都係算個秋刀魚啦好油又唔好味...不過這間做素食真係幾有水準..(我既水準係覺得佢做出來係似食肉咁就為之有水準)所以簡唔中我都會再來食.


JO | 24th Mar 2009 | 食食食....食肥我 | (496 Reads)

一直都好想去mega box此店試下佢地既burger, 上星期六2條友無無聊聊就去此這裡食lunch.見到有lunch set,我地就叫左個磨姑意粉lunch set再散order左個cheese burger.

其實個set lunch真係幾抵五十幾元就有salad/soup, 意粉, 甜品同埋飲品...最估唔到係佢地既甜品都唔馬虎, 當日係奶凍味道真係唔錯,不過我食唔落只係試左一啖, 至於佢地意粉真係唔錯仲幾creamy..不過食多2啖就覺得好飽滯咁.

而我最想試既burger當然唔錯啦...最正係塊肉呀真係幾juicy加埋d燒到焦焦地既芝士簡真絕配.

食飽後..無無聊聊去左mega box新開既ceo到唱歌...新開既ceo又真係唔錯..間房仲可以上網...真係幾正仲要選歌係touch screen唔錯唔錯.

不過我都係喜歡銅鑼灣ceo多d..


JO | 23rd Mar 2009 | 蛇@愛收藏 | (483 Reads)


Jellyfish Baby - Chick Slippers - Mayor Doll - Elegant Swing Seat - Princess Wardrobe

大家pet友...今期新貨啦...個swing seat好吸引呀...仲有隻水母都好過癮...大家儲夠彈藥去買貨未?


JO | 21st Mar 2009 | 食食食....食肥我 | (1321 Reads)
近期整野食物都無咩邊樣滿意..終於昨日第一次整無難度豬肉干都算叫滿意啦

材料:

碎肉 $10左右

糖: 我落左3湯匙(大少奶食譜話75g, 我懶只係隨便就算)

玫瑰露酒: 1湯匙(我家無呀..我又隨便落左紹酒)

生抽:1湯匙

魚露:2茶匙

蜜糖:1湯匙(我超喜歡蜜糖,我基本上唔理不停係焗既中段不停再搽蜜糖)

 

1.將豬肉加埋d醃料攪拌到起膠

2.放一張牛油紙再放肉碎跟住再放上保鮮紙

3.用棍轆平..不過幾厚幾薄我都係隨便

4.放入180度焗...無時間架你地要自己不停睇爐...因為有蜜糖真係好易燶.

我自己昨日就好似用左差不多20-25分鐘

仲有中間時間都要翻個豬肉干令2面都有焗過表面

 


JO | 18th Mar 2009 | 我所想 | (2584 Reads)

自星期一pet society更新之後, 竟然出左扭蛋機喎. 貪好玩既我更係買來睇下可唔可以好似$500寶箱咁又賺一大筆錢啦.點知抽左幾次覺得原來扭出來既公仔係唔會賺到錢.每一次抽扭蛋就用$350元, 再sell出去每個都係只值$116.最衰係扭左出來既公仔係唔可以送俾人架.

不過昨日我終於集齊一套既扭蛋啦.

總共15隻公仔..大家集齊未???


Next