香港新浪網 MySinaBlog
JO | 28th Apr 2009 | 買買買 | (555 Reads)

一早打算星期日早d出去cwb買野,所以今個星期就無整到包啦.

差不多一時多d就已經去到LCX啦...其實係CC個BLOG已經睇定知自己要買D咩...點知去到左睇右睇..又選多幾樣野.

買左CC介紹既MB shampoo & conditioner...昨晚用左又真係唔錯個conditioner真係幾潤仲幾香.每支都係$90抵呀.

好彩地,PHYTOMER既TONER係最後一支都俾我買到, 另外原來係想買佢地既植物磨砂, 點知買曬...位BA小姐好好咁介紹另外一支又話都岩我既敏感皮膚只要我唔好用太多係面2邊都OK.昨晚都有試用都唔錯 $170.

最後緊唔住又買多一樣保濕精華素$300, 不過仲未用呀.其實原本想買佢支cleansing milk架, 大大支都係$320, 不過真係明知自己一年內用唔曬, 所以都無貪心買到..

最後忍不住買左支防曬呀...明知佢8月到期, 不過見$70支好平佢俾我試用又覺得唔錯都算幾爽, 所以明知佢快到期都買來用呀.

好啦...買完護膚品..又忍唔住去睇下d香水..一睇下發現真係幾平..忍不住又買左支

真係超平呀..$230成90ml抵呀...好開心

今次真係滿載而歸.

 


JO | 27th Apr 2009 | 食食食....食肥我 | (791 Reads)

住在一晚愛琴海附近既酒店又要離開真係有d唔捨得. 今日一早要搭飛機回到Istanbul, 所以我地都要好早起身.一早起身天都未光, 所以我又走出去睇下個景係點樣先..睇落都幾得意又無聊地係露台影左一陣相.

一早到左機場check in等上機, 到左Istanbul都已經係中午時段啦.來到istanbul就好似去到一個發展城市咁人多車多成日都有traffic jam. 一落機就車左我地去食lunch先啦.

其實來土耳其最喜歡就係飲這個豆湯, 就算係香港飲既豆湯都無這個咁好飲可能當地落得比較多香料.

lunch今日食雞肉串配飯, 估唔到佢地這裡既串燒真係燒得唔錯, 好juicy好好味.

食完lunch之後我地就行路去藍廟&聖蘇菲亞大教堂, 事關行去都係十幾分鐘, 如果我地又要坐車可能仲會耐過行.

未入去之前領隊帶左我地去附近既廣場睇這3支野...最有印象係一支係由埃及運來..(不過唔好問我咩來有咩用等..我係唔記得左啦)

係廣場出面有好多人買燒栗子, 粟米

影左一陣相, 佢開始帶我地去聖蘇菲亞大教堂 - 這教堂係公元537年由查士丁尼大帝興建, 是一座拜占庭式的建築物, 圓頂, 室內無柱. 這教堂原為基督教興建, 後來被伊斯蘭教取代係土耳其既地位其後亦改為伊斯蘭教廟宇.不過教堂內仲有好多耶穌等牆畫.

行完大教堂之後我地就去藍廟 - 由於廟內用藍色既磚頭鋪滿已得名.不過我入到去參觀都唔係覺得好藍色...不過內裡又真係幾大幾靚既.原來佢地伊斯蘭教徙入去前都需要清潔好先可以入去架..這處就係佢地清潔地方.

佢地教徙參拜時係分開男女, 當然男係前女係後面啦.入廟前

睇完藍廟之後, 我地就去左伊斯坦堡既大市集行街街...這個大市集真係好大好多商店, 所以好易迷路, 領隊仲要千叮萬嚀叫我地要認住出口唔好唔見呀.入面真係有超過3千多間店鋪

最勁係俾成2個半小時我地去shopping喎..真係唔簡單...不過我地都無咩要買...大家又估唔估到我地點樣花這2個半小時.

 


JO | 24th Apr 2009 | 食食食....食肥我 | (485 Reads)

 

大家睇到就知我又post d劣作出來嚇人...無錯上星期日我見落雨都免得出街, 所以決定成日留係家中整野食啦...點知仲衰過平時趕頭趕命整既食物..今次想用埋上次既木薯粉就再整多次芝士波波啦..可惜今次用既芝士粉唔夠味呀又落少左鹽, 所以味道唔好呀.

跟住搓包時都覺得唔錯, 點知最後一次發酵既時間, 我又放左成盤排包放入之前焗完芝士波既焗爐入面..可以太過熱啦令到第2次發酵好似發到過左龍...所以焗出來既排包非常樣衰啦...唉...又失敗左啦.

好悶呀..宜家對pet都無咁大癮啦..不過最可怕係我沉迷左玩restaurant city...仲大癮過之前玩pet呀...真係救命.加上宜家少左去人地度睇blog啦..又見平時睇開既blog都好似好少update..所以近來都係悶

5月頭又多野做..但最慘係我仲未ready5月頭既工作呀...點好好懶呀...


JO | 23rd Apr 2009 | 我所想 | (766 Reads)

太太太懶, 明明已經好努力咁去寫自己個土耳其旅程..點知中途發生左少少野令我走左去另一邊沉迷當中, 所以無法專心寫.

今日再寫多日day 5發生咩事...其他day 5算係我咁多日當中最開心既一天,去完棉花堡我地跟住就去左以弗所古城.這個古城係公元41年開始建築, 係公元117年就完工, 直到宜家d建築物都保存得好好, 証明當時d人建築用材幾真材實料.

這個古城真係好大好多野行. 這個古城係古時d人既商業及宗教既重要城鎮, 亦都係中亞細亞的羅馬省市首都.這個古城以建築宏偉, 工程龐大見稱, 採用古希臘建築, 內有能容納2萬5千人的露天劇場.

這一個係古時既議事廳.

這一個就係醫院

這一個就nike之自由神喎...

這一個就係古時d人既廁所, 無錯佢地會一起去廁所一邊傾計一邊痾野...聽落都覺得幾攪鬼.

這一間就係妓女既房, 佢地仲會係牆上繒有佢地個樣架..

最正係這個就係妓院既廣告呀...

至於這一個就係可以容納2萬5千人既劇場...當時古人就係係度聽歌啦...佢地用咁既設計基本上個歌手企係中間唱歌都可以令到成場人聽到...真係佩服古時d人既智慧.

去完以弗所古城都好滿足, 今日既行程都完啦...最後我地就回酒店...

今晚住係古薩達斯即係位於愛琴海傍

. 我地晚上住既酒店亦可以望到愛琴海, 不過最令我開心就係我被安排住係一間最好view既房間, 仲可以影到好多日出既相真係好開心. 平時住既房都係要行好遠d位置一d都唔好, 估唔到今次咁鬼lucky可以住到一間咁正既房. d團友仲要好攪笑地要求入來影個靚view...

食完飯,我地就無出去市集行啦...只係去左酒店附近一間supermarket行一行就回酒店休息啦.


JO | 21st Apr 2009 | 我所想 | (754 Reads)

終於踏入行程既尾聲, 終於去到我來土耳其之目標地 - 棉花堡. 一早食完早餐check out埋, 我地就坐車去棉花堡出發.

其實係棉花堡內係有2個景點, 一就係棉花堡, 另一個就係羅馬古城希羅波利斯.

可惜跟團有一個唔好處, 時間係俾人掌握住...我地基本上行完一個圈再行埋落棉花堡就無時間去睇個古城..當然我一定要放棄去古城影相, 去棉花堡係我來土耳其既最大目的.

等我介紹一下棉花堡先: 其實棉花堡名由係因為地下溫泉水不斷係地底湧出, 而d水含有極高礦物質, 經過好長時間, 石灰質聚結邢形成d白色既岩石,遠睇好似棉花所以大家就叫佢做棉花堡.

可惜啦,好似十幾年前, 有酒店/水上樂園起係棉花堡附近, 抽走左地下好多既泉水令到棉花堡無左d泉水, 所以宜家既棉花堡已經唔似以前咁白咁靚. 宜家土耳其政府仲要花好多金錢去保育這個地方, 有某d地方係唔可以俾人行, 我地都只係可以行一少部份落去睇下.

不過行一少部份已經令我好難忘好開心....果景真係好正.

岩岩除鞋行落棉花堡既時間真係又凍又痛...果d岩石好硬, 赤腳行真係好痛..不過我當然一定要行畢全程以免令自己後悔啦...岩岩行出去時d泉水真係好冰凍, 好彩行落d就好暖個view仲好正....所以我真係好推介大家去土耳其.

係棉花堡前後都係留左2小時左右真係覺得唔夠呀..不過無計作為團員一定要大家守時合作...最後好趕咁回集合地, 跟住我地就向另一個名勝地以弗所古城出發.不過途中更係又帶我地參觀一下d購物地方 - 今次係叫大家買皮褸.

最正係有model行cat walk真係超攪笑

好彩有個型男睇下

佢真係幾靚仔, 可惜我影唔到佢望鏡頭同單眼既表情啦..hoho..最攪笑最尾聲時,仲請d團友一齊行cat walk.....最估唔到係佢地d款式都ok唔錯, 不過size太大岩歐洲人多過我地d亞洲人穿...所以大家都係睇完就走啦.

跟住去古城之前, 我地又去食lunch啦...今次lunch又係以buffet形式..味道都ok啦..來來去去又係果d菜, 肉丸,飯..

hee...每一處都係有d猫係度...今次這間餐廳有2隻成日叫成日討食物既為食猫.


JO | 20th Apr 2009 | 我所想 | (739 Reads)

係part 1 忘記左提, 佢地仲帶我地去埋駱駝商旅到行下, 感覺又唔錯. 當時起這個商旅, d商人係唔需要俾錢住架, 事因佢地土耳其係要吸引d商人來土耳其做交易, 一般佢地可以有3日免費住宿..不過當然佢地唔係每日一間房啦..只不過一間大房入面有好多張床.

(hee...土耳其真係好多猫, 仲要好"痴"人架..超可愛, 這時其中一隻,我係商旅時見到既)

跟住我地就經過棉花堡既後面, 當然導遊都俾左少少時間我地影下相啦. 影左一陣我地就回酒店啦.

睇下d水入面勁多蝌蚪河

今晚我地就住係棉花堡附近既溫泉酒店.一到左酒店就安排食晚飯, 因為佢話想大家休息一陣可以多d時間去浸溫泉喎.

我地當晚食完飯休息一陣, 我地就落左去浸溫泉啦...一落到去見到個池都幾嚇人架. d水真係黑黑黃黃似d污水多d..不過當然果d係硫磺水啦..唔理啦對皮膚好既我一定要浸既. 落到水都唔覺太熱, 相比日本溫泉水, 這裡d水溫真係唔算高.不過我地浸左20分鐘都開始有d頂唔順, 最後要上水休息5分鐘之後先可以再落去浸.

不過我地都係浸多15分鐘就走人啦..當然一浸完回去再沖涼後我地就可以即刻訓覺啦...仲要訓得好好..


JO | 18th Apr 2009 | 我所想 | (785 Reads)

不知不覺又到左行程既第四天..真係快樂不知時日過. 住左2晚係奇石林, 終於我地要走啦.坐車向期待既棉花堡出發. 不過今日我都要坐差不多9小時車程, 不過好彩間唔中都可以落下車去睇下名勝.

一早食完早餐, 我地行左一陣車程就去左一個地下石洞, 又係古時d人一起住既地方. 睇落都幾特別架, 更加覺得古時d人比起我地現一代既人有腦得多.可能我地宜家科技太進步, 反而令人腦退步.

這個係古時既廚房, 個洞係用來放食物既.

而這一個就用來放柴既.

這一間係佢地既房間..每一間房都幾大架..

這一個就係佢地既儲水庫啦.

這一個圓石係一度門來, 如果佢地受外敵入侵, 佢地就會用機關將個石門關上,咁樣就可以阻礙一下敵人既入侵令佢地有時間逃跑.

睇完一個地下石洞, 我地行左大約1-2小時又去左一個景點 - 藍湖.

大家睇下...個景點我只係影左一張相...都幾無聊.

其實點解叫藍湖..係因為如果天朗氣清既時藍天白雲, 咁樣就會反映到d湖水都係藍色之名藍湖.不過當日我地去既時候, 係陰陰地天所以就唔多好睇.

不過好在同場見到有人放羊, 所以我地大班團友最後係去影羊多過睇湖呀.

中午時段, 我地係中途站既一間餐廳度食飯就算..不過都係來來去去既湯, 沙律+燒雞+飯..

這一塊pizza呀好好味, 不過唔敢食多只可以食一塊試下就算.

今日我都係參觀唔到棉花堡..不過就會睇左地下棉花堡先. 估唔到地下棉花堡都好靚好吸引我, 當時我就想棉花堡一定比這裡靚好多.

這一個地下棉花堡真係好細架..大家行唔夠15分鐘就走人啦..不過我都係果度勁影呀.唔蝕抵


JO | 17th Apr 2009 | 我所想 | (832 Reads)

中午去左唔知邊度既餐廳食魚餐, 圖上原來係heater都幾有特色喎..不過就無咩作用, 因為只係企係個heater附近先熱, 行開少少都唔覺熱架.

圖上係係炸薯角..好好味架如上配上少少佢地既醋仲正呀.其實佢地來來去去都係果d食啦...

今餐每人一條魚加少少什菜, 最後仲送上rice pudding...不過我無試..

食到咁飽...好彩地我地都有機會行下山, 今次帶我地由另一邊既山頭行到另一個山既山尾參觀希臘人以前既村莊...當然途中又帶大家睇下d用想像力出現既奇石啦..行完希臘村後, 我地就再行埋最後一個係奇石林好出名既"仙境煙窗". 其實"仙境煙窗"係由於火山爆發, 令到火山灰覆蓋成片土地再經過長時間的腐化及侵蝕, 形成最頂部都有尖岩石, 底部只有一支支好石柱形容就似金字塔形, 圓錐形或似戴左個帽子既石柱

行完這個名勝地之後, 我地又再次被人安排去睇下手飾啦..不過今次大家都空手上車啦.話咁快又第3天既行程完結啦.回到酒店見有時候, 我地盲 心思思想去試下土耳其浴.

事關今次這個導遊其實都幾懶惰,一早同我地講定佢唔會再特別帶我地去玩土耳其浴,所以叫我地係奇石林這間酒店內玩左去就算.咁當然我一早聽左湯美猫既介紹都一定心思思想試下..點知這間酒店既土耳其浴好特別...係特別怪.

明明標明土耳其浴+sauna係us 20; 另一個package就加多左peeling及foam massage就us 55.咁我地就一心一意試左土耳其浴就算啦...點知...原來平果個係自己沖涼就算係無人幫你, 當然我更係唔要啦..啦啦拿又走出去話要加錢做另一個package..咁樣先可以試到俾佢地幫我刷背啦..不過你問我覺得舒服嗎????當然麻麻地啦...foam massage亦唔似massage實在太流啦.

算數..叫做樣樣都試下先不枉此行.

做完massage係酒店食埋dinner就開開心心去disco(石洞歌舞),欣賞下土耳其旋轉舞同埋土皮舞.

我亦試左當地好特別既白酒,這款酒原本就係透明不過一加入水之後就變奶白色, 不過酒精成份都好高有成45%架...味道方面就更係.................難飲.有一陣味唔易入口..我都係飲左小小就放棄又係叫做咩都試下就算.

其實土耳其出名既旋轉舞都幾悶, 相反佢引入到埃及之後由埃及人跳既旋轉舞就好睇得多.

不過好彩後來d舞都有d音樂節奏..唔係都悶死.


JO | 16th Apr 2009 | 我所想 | (926 Reads)

第2天我地一早就出發去玩我地既自費活動 - 熱氣球從高處欣賞奇石林區.

一早被安排車到一個空地上食左件蛋糕仔+杯熱茶先(個人認為似食西北風多d),跟住架車又再車我地去另外一處等個熱氣球降落, 我地一團就接住上去.又唔知係咪對這個自費活動太有expectation啦...點知都令人幾失望. 個hot air ballon controller都唔知係咪懶呢, 成日都帶我地低飛...低都唔緊要..係d草叢呀馬路旁低飛..叫我地睇咩呀睇條馬路定d什草呀..真係攞曬命..由開頭我十分興奮亂影一通..再企多十幾分鐘後..我開始就好想坐低又好悶悶到想佢快d降落.

好彩到最後十分鐘佢就開始升到好高俾我可以從高處欣賞奇石林既景色.

落地後, 又有另外一組就接住上去熱氣球啦...我地亦係草叢上飲香檳同埋派下証書俾大家...就係咁樣咁快又洗左us 250 啦.

回到酒店仲有半個小時食早餐,我地又快手快腳去嘆個豐富早餐先出門.

這個係rose jam..大家睇下真係有d玫瑰花係入面..不過我無食度唔知好唔好食.

仲有當地既唔知咩果汁...不過我又係無試度..hee..我怕太甜既野

大家睇下佢地有好多款乾果架...最邊果隻我都唔知咩來, 不過食落就似葡萄乾, 所以我地自己去到市場上都買左d食.仲有佢地d無花果乾都唔錯.

玩完熱氣球回到酒店再回合另外一d無玩既團友,我地又出發第3天既行程, 其間我地又被帶豬仔去睇左幾個佢地"所謂既景點"啦..當然每一個點都係俾大家落車影左十幾分鐘就走人啦..最有印象就係停底部車帶我地睇下一家三口既奇石喎...其實只要大家好有想像力呀係奇石林區每一塊石都可以影得一餐飽啦.當然出得來玩,人地放得低你去參觀就更係要開開心心咁參與啦..唔係就咪鬼去跟團啦.

去完影下石頭之後, 更係帶班豬仔去購買...今次參觀左一間由土耳其政府支助既土耳其carpet廠. 佢地當中都介紹得幾詳細幾吸引我...當然咁吸引我,我都要買番張carpet回去俾我既大老闆啦.不過買完之後每一程都幾後悔架..都幾重下....不過這裡d 女性大多數都會去學做carpet為生既.這間房內既女性全部都已經係教師級數, 如果要整絲既carpet仲要俾一個好有經驗既人整先得,唔係一個普通女工可以整架..咁又係萬一整壞左咁點算.

仲有介紹埋整絲既過程真係幾得意.

買完carpet, 我地又話去食lunch啦...hohoh..唔變豬都幾難.


JO | 15th Apr 2009 | 我所想 | (984 Reads)

搭左十幾個小時終於到左土耳其的奇石林區, 由於大家團友都坐左好耐機都怕大家無咩心情去觀光啦, 所以這日我地都係好輕鬆地去左奇石林幾個區分去睇下d奇石, 當然大家第一次來就更係好興趣就算佢帶左我地去一個唔係咩名勝地方, 大家都當左係一個旅遊勝力咁左影右影啦.

大家去左都唔知咩地方既地方影左一埋"奇石"之後, 我地就去左近仙境煙窗食左我地第一餐既土耳其午餐, 可能大家都無咩期望既關係, 所以最後都食得好開心咁走人.土耳其食物其實真係幾好味, 當中最常有就係蕃茄, 青瓜, 生菜, 茄子,仲有煮得好好味既飯, 仲有佢地既肉又真係煮得幾好味, 不過反而用來做kebab既燒肉我就覺得乾左d.

食飽飽之後, 導遊就帶我地去左個open air museum(居里默). 此地是當年基督教為左逃避羅馬人既追捕而曾經建立的石中教堂及住所. 入面有成十幾個church, 每一個church既牆上亦繒有很多圖關於聖經故事, 直到現在牆上的圖案及顏色都保存得好好, 當中最出名係蘋果教堂及雙蛇教堂.

今日簡簡單單就參觀完奇石林出名的open air museum, 最後我地亦好早比安排回到酒店休息. 明天就出發一早去坐熱氣球.


Next