香港新浪網 MySinaBlog
JO | 29th May 2009 | 食食食....食肥我 | (205 Reads)

好多人有滿足感可能係讀書取得好成績, 工作表現出色....不過我個蠢人...只係煮到d好野食就會有滿足感架啦..

這幾個星期日我都無心煮野食...原因係懶呀..

不過昨日整天既假期我就一口氣煮左好多樣野啦...而且樣樣食物我都覺得唔錯...真係開心

首先係...一早起身就落去整個包先..做足功夫啦..今日係整蕃茄煙肉芝士包

高粉 - 150g

糖 - 25g (我減至20g)

依士 - 2.5g

鹽 - 1g

溫水 - 35ml

蕃茄汁 - 50ml (我係用新鮮蕃茄榨汁)

蛋汁 - 12g

牛油 - 10g

步驟:

將溫水+依士先混合, 再將粉過篩

將所有材料混合(除牛油), 攪拌到起筋才放牛油.

將麵團發酵至2倍大, 再分割靜止10分鐘左右

包餡造型, 再發酵45分鐘左右

放入預熱焗爐180度, 烤15分鐘

我又貪得意跟另一位blog做左個半月型...無搽上蛋汁上面...這一個包就最好食...焗完出爐俾家人食..個個都話好食...我大佬仲再俾面食多一個..真係心滿意足.

另外見到仲有少少煙肉, 即場再試煮一個carbonara...可惜唔夠料又無落鹽..所以只係似炒意粉多d..hee..不過我都覺得ok啦...唔係難食..相信下次一定做到既.


JO | 26th May 2009 | 食食食....食肥我 | (192 Reads)

豪食..唔係花咩大錢去食貴野..係個份量豪咁話...真係有點要嚇人.

之前咪話有個日本仔來港咁要招呼去食飯, 點知介紹佢食片皮鴨又唔食...最後就係攪到我心思思好想食...最後拖到上星期六放左工就去豪食一餐.

當日落得好大雨呀,所以都無咩心機去行街啦...無無聊聊就去左mega box搵下邊間有片皮鴨食..最好就係有半隻啦..點知問都唔係間間有得食, 有既都係要成隻..

最後就係魯一居同喜百合二選一啦...老闆就話去喜百合喎..

2個人就叫左隻片皮鴨, 一個火腿燴紹菜,再加多一碗小既排骨擔擔麵

個麵我就覺得麻麻地一味得個辣字都唔香, 個菜都叫ok唔錯...好彩個主角亞鴨哥d皮都夠脆夠香...唔係成餐都好失望下...

最後2條死肥鬼就隊左半隻先捨得收口...hohoho


JO | 25th May 2009 | 食食食....食肥我 | (163 Reads)

真係好耐都無咩點寫下自己食過d咩....心思思又想同大家分享一下...上星期四見好耐無去食潮州野..所以放左學我就提議去登龍街度食潮州野啦..

唉..老闆必叫既咸菜魚...原本佢又想叫蠔餅俾我食..不過我今日想食炸大腸..因為太耐無食過突然好想食..再叫多個涼瓜炆田雞..再share一碗白粥

其實係cwb我都唔係太知邊度有咩好食既打冷..所以每次一想起食潮州野我都會來此店.最喜歡來此店係因為d叔叔好nice真係好好..就算食物好一般,但佢地既笑容都令我會一次又一次再來幫襯.

當晚叫既3款菜都唔錯, 最唔得算係個田雞啦..d肉好似唔夠彈..反而炸大腸真係好好味又唔會好油(重點係可能我太耐無食啦).

另外咸菜魚都唔錯, 只不過我覺得當晚既魚就好似"梅"左少少....

hohoho..

食完飯..更係要食甜品啦..不過唔關我事架...係d正在減肥既人引誘我去架..

大家都知我幾為食架...咁既誘惑我又點會抵擋得到架..

最後2個人去左滿記食甜品..

老闆照舊好悶地叫左個楊支甘露豆腐花, 我就又試新野叫左個唔知咩名..不過有龍眼干, 海底椰, 明珠, 香蕉, 芒果配雲呢拿汁做底...當然我這個咁豐富既材料既甜品勝出啦..真係幾好味..特別在係個底汁好好味又唔會太甜..大家下次去滿記都可以試下.


JO | 21st May 2009 | 食食食....食肥我 | (265 Reads)

有一段時間食飯之後都唔敢食甜品...原因更係一樣啦...怕肥啦..

不過我咁為食又點會忍得長久架...所以又開始破介啦..

其實我地好少會來發記食野..原因係佢地間店好大味...榴槤味..老闆唔係好頂得順,所以平時都好少入去...不過上星期六我地經過佢又提議入去食...我就第一個入去聞下有無味先...出去同佢講無就"呃"左佢入去..

我就叫左個芒果涼粉..(無影相), 老闆就叫左個酥皮焗香蕉...可能耐無來又覺得唔錯..個涼粉又俾好多芒果..正呀.

 

另外有一次..我地又係去搵甜品..不過基本上cwb都無咩選擇..我地又去回木糠食啦..點知佢地有雪花冰食呀..即叫來試啦..我地試左花生味同番石榴味...2款味道都唔錯, 相信我既甜品癮又開始發作啦....


JO | 20th May 2009 | 食食食....食肥我 | (129 Reads)

mov

未上映時已經一早想去睇..原因係上次睇左達文西密碼覺得好好睇, 這套天使與魔鬼又係類似既戲, 所以同樣咁吸引我去睇.

難得星期六有半天假, 當然要去睇啦...一放工即卜去太古城買飛, 好彩最近果場都有飛買唔需要等太耐...成套戲都做成2小時,好彩唔算悶都幾好睇, 不過相比達文西密碼,我就覺得麻麻地...好多野都講得好明就好似講到一半,我咁蠢都估到邊個係壞人啦...不過近期無咩好戲睇既情況下, 這套戲都值得入去戲院hea下睇下既.

睇完戲出來都成4點幾, 係附近行左一陣又回cwb食飯...原因係上次同connie & ar mui去盛八食完之後, 我好掛住d牛舌..所以今晚決定又再去盛八食.唔知係咪weekend關係,我地6點幾去食都要坐bar枱..仲要俾得一小時我食..真係勁呀.

唔理啦...叫野食完.

更係叫左我至愛既厚切牛舌, 仲有牛肋肉, 盛八沙律..3樣野都係佢排行榜有名...無死錯啦...再加個泡菜芝士什錦石頭飯...hohoho..點知俾我發現仲hang seng 卡送一碟法式芥辣牛舌粒..hee..精明既我更係無死錯叫佢送埋過來啦....

今次叫既沙律就無上次同connie佢地食既咁好食啦...唔知係咪個dressing好稀攪到好似水汪汪咁唔得, 牛舌亦無上次係旺角食咁正, 好彩牛肋肉就好正, 石頭飯都叫ok...反而送既牛舌都叫唔錯...咁樣又hea完啦


JO | 19th May 2009 | 我所想 | (78 Reads)

由地獄番回天堂之後...更係唔想再出去外面曬啦..所以我地食飽飯之後,就只係留左係室內參觀下就算.

不過估唔到室內都咁大咁多野睇.

幾多標本..不過我都唔知係真定假..不過覺得幾鬼得意咪亂影一通.

後來我地又轉入去另一間房睇野..以下d昆蟲係真係架..都幾鬼核突

再後來又去到另一間房..又再次出現d蟹仔呀..仲有唔知咩魚..呢d人用來煲湯架..不過這個係迷你版.

最後我地去埋濕地直播室玩左一陣咩記者games...其實佢係外面會俾你取一張記者卡,係電腦度影左自己張相再入去玩各款唔同既生態環境games咁最後佢就會俾個分你..不過我玩過d games..完全唔識玩呀..太難啦...

咁樣就玩到成3點幾先走人, d小朋友仲要死唔走真係佩服佢地既體力呀..我地d大人個個都累爆呀.


JO | 18th May 2009 | 我所想 | (156 Reads)

真係超累呀...星期日一早起身同家人去濕地公園玩一天, 我地都算醒目一心一意要早去希望唔會太曬啦...不過天公太造美..個日頭真係太猛呀.不過都算好彩無落雨只係曬.

我地一早9時多出發, 去到濕地公園又有車位泊車...一大班入到去就係室外行左先

個公園真係好大,一出去就見到亞貝貝啦..不過試過影相都影唔到呀..不過佢都算好露左個背俾大家睇下...

.

大家見唔見到條好大既魚呀.我偷聽到d人話佢地d魚好喜歡係這些邊位游來游去喎..原因這些位置有好多食物, 佢地唔洗點搵食就有好多食物送到佢口邊....相信我做魚都會好似佢地一樣係這些位置成日出現呀...hohoho..

其實一路行都有好多不同既花花草草架..不過最吸引我都係d荷花..真係開得好靚.

跟住行左一陣又入到一處睇到d紅蟹呀...仲有一d識彈起既魚...睇牌先知佢地叫彈塗魚..真係幾得意

其實佢地都開左幾多位係觀鳥架...仲有望遠鏡俾你睇..可惜我地有小朋友仲要勁嘈..真係我地坐左入去一陣已經俾好多人白眼啦..最後我地都要即走費時再嘈到d有心人觀鳥影相.

再行就係蝴蝶區啦..真係好多蝴蝶係度飛來飛去...最勁係隨意都可以搵到佢地既蛋同毛蟲呀...這個公園最好係會有d人簡唔中出現為你介紹下..好似我地去到蝴蝶區就係有人帶我地去睇下d蝴蝶蛋呀..同埋蝴蝶既幼蟲既樣啦..唔係我鬼識去影啦...不過佢粒蛋太細啦..所以我都無影到..

由10時左右行到12時左右, 都行左成2個小時..大家都夠皮啦真係想即刻入去冷氣區呀..所以我地應該未行曬出面就回程入去坐下食lunch..

不過俾我發現左個好特別既花..個樣又似似地薑花..不過又無花味..唔知大家知唔知係咩來??

入到去就即去搵食啦..即係去唯一一間既餐廳 - 大家樂食個lunch啦....

 

待續....


JO | 15th May 2009 | 食食食....食肥我 | (191 Reads)

前一派有日本客到港,所以不幸地又有口福地作為陪客小姐...單單4天到港我地已經去左食3餐海鮮...攪到我皮膚都起左好多粒粒...唉..無計自己又為食.

不過真係好多年無去過珍寶食飯啦..記得以前好細過去時就覺得好吸引好金碧輝煌好多人...不過上星期帶個日本仔去食已經大不如前...唔知係咪平日(星期五)真係好靜又無咩人, 只有幾枱人客..來既多的是旅行團/遊客....不過睇完menu之後先知道無人係有原因既...成個menu都係套餐居多, 每位最低消費都要成三百幾四百元又加一又加醬油...加加埋埋落樓都要成$450-500不等呀...當晚我地3個人就叫左個4人餐, 因為佢只有2人,4人or6人餐...迫於無奈我地就叫4人餐..原本都打算食唔曬咪打包...點知無一樣野食剩..事關樣樣野都細細碟..基本上4人食就一定唔會夠食...菜式亦唔算名貴只係一個粟米蟹肉湯(我覺得似普通罐頭湯), 一碟帶子西芹, 一碟白灼中蝦, 楊州炒飯, 一條蒸石斑(中size)同埋芒果布丁...咁就埋單連茶芥酒水$1600啦.....真係唔怪之得無咩人來...

相反地, 星期六我地又再去食海鮮, 今次就去左鯉魚門食...今次仲要5個人, 亦都係付上差不多價錢都係大約$1500左右..不過今次仲要又食又帶走..叫左成2斤半龍蝦, 豉油皇蝦, 賴尿蝦, 一碟油菜, 半斤白灼螺..真係食到個個飽到行唔到呀..味道亦好正....相比珍寶真係又抵又好味得多呀...

有時出去食飯, 真係睇下大家想食環境多d定係食物多d...去鯉魚門就預左無咩環境架啦..不過勝在海鮮夠新鮮價錢亦算合理,相反珍寶就真係食個境啦食物只係屬一般價錢就非常唔值咁.


JO | 14th May 2009 | 買買買 | (737 Reads)

上網買野之前都有試過..不過就係未試過上網買衫...之前成日睇人地話去日本樂天網買衫..自己都有d心動想去買既...不過見到一大堆日文都唔知佢講咩..所以都無落定決心去買..點知有一日見到有個國際版仲有中/英翻譯, 所以最後我都買左幾件回來作試驗...點知就出事...一收到衫回家睇下..先發現原來係大陸野..真係超大陸既大陸野...無label又無話made in邊度...不過有一件衫個袋就係寫住上海xxxxxx...

其實made in china唔係一個問題, 係香港好多牌子都係大陸製造架啦..不過佢既質料係好差先令我覺得一d都唔抵買...唉...係日本寄來既街邊貨..仲要俾埋運費等...唉真係一次慘痛經驗..真係穿又樣衰唔穿又浪費

另外上次睇雜誌又介紹"維多利亞的秘密"又係有online shopping..hee..咁岩我又想換左d內衣..又係上網睇下啦...最後見到佢又有外套買..所以又心思思買左一件回來..點知又係睇同實物又有d唔同...件外套又大左d...好似都係唔多好睇...唉...不過算啦..其他野都算叫做岩啦..好過係日本樂天買果d..無一件岩.

 


JO | 12th May 2009 | 我所想 | (410 Reads)

以前寫blog真係好勤力日日update, 宜家愈來愈懶簡唔中先想寫下..最慘有時出街食飯已經唔想影相upload上blog啦..真係唔知點解失去左寫blog既動力?

都係要完成埋我既土耳其之旅既blog先...費時爛尾呀.

好啦..最後一日係土耳其呀..我地一早食完早餐就去遊船河...今次會睇到一條誇越聚亞2地既大橋...

這一隻就係我地今次會坐既船啦..都唔錯呀.

這一個就係水晶皇宮...遊完船河之後我地都會去既地方.

大家知唔知這個building係咩來.....原來係女子大學來...隔過少少就係男子大學..真係正呀間大學對海真係寫意...唔知咁樣讀書係咪會叻d呢?

這2隻就係土耳其既首富既船..真係勁呀...唔知我地香港首富又無一隻好似上圖咁大既船..基本上成隻郵船咁大呀..

這一條就係橫越歐亞大橋...去完諄船河之後..我地就去杜瑪伯爵水晶皇宮啦...不過這個皇宮要俾錢先可以影相既..當然咁難得來都係要影下既.其實以水晶皇宮為名主要係宮內採用左全世界最大之水晶吊燈, 入面真係好各大小既水晶燈呀..真係好靚好大...宮內仲有全世界最貴既地毯呀..基本上咩野最貴既野都係這個皇宮咁...估唔到土耳其既人咁有錢呀.

行完皇后食左個lunch又係市內行左一陣呀..其實導遊原本話今日我地有好多時間既.佢仲話多時間都可以帶我地行shopping mall...點知係istanbul真係好塞車呀...好地多左既時間都係去左塞車果度..都無機會行下當地既大型shopping mall啦....最後我地一早就食埋最後一餐係土耳其既晚餐就向機場出發回港啦...我地真係早好多..我地成團人係機場就等左成2-3個小時先有得上機呀..

不過這一團真係令我好滿意好開心, 無論食, 住,行程都好好.如果大家真係有時間, 土耳其真係一個值得一去既好地方.

 


Next