June 2009 (天生為食購物怪)

JO | 30th Jun 2009 | 食食食....食肥我 | (138 Reads)

已經連續第2個星期六都係返工真係好無癮, 愈來愈覺得香港既生活好迫人. 不過細心想想如果係外國住既我又會覺得生活苦悶啦...所以都係算啦起碼同家人一起住接受佢地多d都係開心既.

想知道牛頭角拆左未, 所以落大雨都想去睇下有無得再食多一次鳳凰冰室....原來仲未拆呀即入去食個晏仔開心下先...突然想食一客西多士..真係食完都覺得罪過太肥啦..不過又真係好好味喎, 再叫多份咖哩炒米...這間d炒野真係好好味, 個咖哩炒米一d都唔油膩仲好好味..再配埋佢地既檸檬茶真係一個令人好開心既午餐.如果係外國又點會食到咁正既食物..都係香港生活開心d.

食完飯又回公司繼續消耗時間..好彩今日進度理想我4時半就可以走路.

後來我地去左又一城影電單車, 食飯& shopping啦.

影完相都已經6時左右, 所以我地為免要等位, 我地都急急步走上去食左飯先...原本選左pizza express/simple life/八月花...最後老闆就選左simple life啦...不過上到去都要等一陣位先可以入坐.

2個人叫左個洋蔥湯(老闆既), salad&羊膝意粉(share食)最後老闆仲叫左杯cappuccino來飲..(最後佢話飲左杯咖啡晚上好眼光光)..好彩我都係試左一啖.

這一間d食物真係幾岩我食, 佢樣樣都話有有機既..聽落已經覺得好健康啦..仲要d味道都好正, 我最喜歡係個意粉真係整得好香好好味, salad都唔錯個洋蔥湯清甜一流呀...食完飯我仲走左去買左d麵包回家食..佢地d包真係好好味...大家下次經過唔食飯都可以去試下佢地d麵包真係好好味.

留言(7) | 引用(0)

翡翠拉麵.

JO | 29th Jun 2009 | 食食食....食肥我 | (106 Reads)

病左成3個星期, 基本上咩食慾都無...同埋樣樣野都食得好清淡...所以都好耐無咩影下自己食過d咩..來來去去都係粥&菜..食都食到悶.

好彩上星期好似自己有d起色, 上完堂後就去左翡翠拉麵到食晚飯..真係估唔到此店咁多人排隊食..以前係則魚涌返工食過一次都唔覺得佢有咩咁特別既...不過老闆話想食就陪佢食啦..

2個人原本只係叫左個炒莧菜, 小龍包&雞燴麵就收手, 可能老闆又知我喜歡食香口野最後我地再追加埋蘿白絲酥餅...點知...最終都係浪費曬..唉...不過老實講我覺得佢地d食物都係ok..不過味精十足呀..真係相當頂唔順..我地對太重味精店都唔會再去架.

留言(11) | 引用(0)

距離又近左

JO | 24th Jun 2009 | 我所想 | (89 Reads)

昨晚完完全全訓唔到左攪右攪最終都要零晨三點多先可以訓到.

其實都係怪自己睇小說...一本"戀空"令我又回憶以往好多唔開心既事情...當然我無果位女主角咁多慘痛既經歷啦..不過當中佢既痛苦我自己都好明白.

就係咁樣愈睇就愈想睇, 愈睇就愈精神......

不過睇左本書到令到我發現..........................可能對以往既記憶都好似開始唔太記得...

可能咁樣都係我地拉近距離既一步既.

留言(4) | 引用(0)

2個無聊人

JO | 22nd Jun 2009 | 食食食....食肥我 | (112 Reads)

星期六番完個長命工之後, 又約左老闆去太子啦...事關我想行下街.

見亞老闆咁好無啦啦會送野俾我..話當父親節禮物..我更係要回禮請食飯啦..

無聊人無咩地方去亂入左間酒樓都一心一意想食特價龍蝦..點知亞姐話假日無優惠..最後我地都係叫餱食飯就算.

2個人叫左個乳豬拚又燒, 花膠豆腐& xo醬節瓜炒雙蚌...

估唔到佢地既燒味又整得幾出色..個又燒最好味,反而個花膠豆腐就一般啦唔算好食...個xo醬炒雙蚌都唔錯, 都唔算好油...

原來簡唔中上去酒樓叫餸食飯都幾好...

明明影左件戰利品都ok架..點知出左來咁黑既...無計啦我又懶又係用手機影係咁上下...大家忍耐下...hee.

去到太子行左好耐都無心水, 點知臨要去坐車時俾我睇中件衫...咁我都算有收獲啦

留言(7) | 引用(0)

Thank you

JO | 16th Jun 2009 | 買買買 | (161 Reads)

星期日一早就起左身車左大老闆&老闆娘去坐車, 回家再訓.點知十點就俾家姐既call嘈醒叫我早d出去cwb一起飲茶之後先去按摩...ok無問題啦...飲完茶後陪左家姐去睇車...再經過見到有個小小牌有SALES...HEE..咁CHEAP既我更係入去睇下啦...點知就俾我睇中左佢啦...

按摩完就帶左佢回家啦..HEE..一直都好想有一個咁既手袋款式, 家中d袋都係好似奶粉袋個個都大大個就係未有一個咁既袋款, 所以今次一見到就好喜歡, 這個袋仲附有一條帶可以當斜側袋真係唔錯.

晚上同老闆講左我買左個袋, 佢就話入佢數喎當預早送既禮物...hee..咁多謝曬啦啦!!!

留言(12) | 引用(0)

終於試到 - 清真

JO | 13th Jun 2009 | 食食食....食肥我 | (173 Reads)

睇開openrice都知道這間店係九龍城好出名..可怕我一直都無機會試..就連平時想買塊牛肉餅都無機會..原因係...我都唔知佢確實地址.(hohoho..我知openrice有寫到地址..我就係懶搵, 所以抵死無得試)

上星期六終於俾我試到...未夠7時已經要排隊啦..真係嚇死人....老闆都知我唔等得架啦..所以佢事先已講明唔會等好耐俾d耐性啦...好彩我都係等左唔夠10mins就可以入座..不過真係好多人我地都係同人搭枱.

2個人...叫左..

必叫牛肉餅, 咖哩羊腩, 清炒津白, 同埋三絲粉皮.

個牛肉餅真係好好味...熱騰騰入面仲好多汁好正, 至於咖哩羊都好味又唔算太辣(不過2個人真係叫得多左d, 我食左一塊到就成碟打包), 津白就好一般啦太油..我唔岩. 粉皮都係我至愛不過這間d醬汁好似濃左d唔算太岩我口味...這間最正都係牛肉餅, 不過真係要堂食先好味..我試過買左2個回家第2日食都唔夠堂食好味..

留言(16) | 引用(0)

忍唔到手呀

JO | 12th Jun 2009 | 買買買 | (197 Reads)

明知自己家中都有好多護膚品未用完, 仲有好多未開真係應該唔再入貨都可以夠我用上一年架...

不過最後去到度都係忍唔住走去買左支serum走.我d皮膚好易敏感,所以唔可以亂買野來用選擇性相對都好少, 一般我用開就會跟住個牌子好耐. 之前用開la prairie架, 後來我亞嫂又話la mer好好用, 所以2年前我就開始買佢既cream來試用, 點知用開又真係唔錯特別冬天用就更加覺得好左...

跟住之前見hello connie介紹既雪花秀同樣我又覺得唔錯(基本上只要我用左無敏感我就會覺得好好架啦)...上次去買左支sleeping mask來用, 後來位ba小姐俾左d cream既sample我用...特別喜歡佢地人參cream真係好香好正....不過雪花秀既counter唔多..最重要係佢係cwb無分店...所以都唔會常用佢地既產品.

留言(7) | 引用(0)

伽倻韓國餐廳

JO | 11th Jun 2009 | 食食食....食肥我 | (127 Reads)

對於食韓燒我都係覺得好一般唔算興趣太大,可能覺得又燒野又好多肉..唔係太喜歡.不過每次去食韓燒...我最喜歡就係叫一碗飯..因為我喜歡食佢地既豉油..覺得甜甜地好好味..配飯就一流. 基本上銅鑼灣好多既韓國餐廳我地都試過...仲有就係此店未試過,所以上星期四就去試下....不過此店人唔算好多...所以安排d位置都幾舒服...佢地都有提供d2人套餐..不過我計過同散叫都無咩分別只係多左個雪糕&水果...所以最後我地都係散叫就算. 2個人叫左個雞肉, 牛肋骨, 泡菜豬肉煎餅, 一個白飯&一藍生菜用來包d燒肉食...原來d燒肉包埋d生菜又幾好味...好似無咁油膩. 不過此店d牛肋骨真係唔錯好好味, 估唔到連佢地d雞肉醃左都好好味...唔好見到個煎餅紅卜卜以為好辣...其實一d都唔辣好香口. 不過此店既前菜就非常一般唔算特別好味呀. 反而我個人喜歡去回莊園/韓雅林多d...

留言(5) | 引用(0)

邊度出錯??

JO | 9th Jun 2009 | 食食食....食肥我 | (156 Reads)