  |
  
|
係"開飯"見到淘大開左間既食店..此店專買餃子套餐...見到d食評都唔錯, 所以上星期六就決定去試下..
叫左一個泡菜煎餃子, 一個普通既水餃+2碗酸辣湯
其實見到碗酸辣湯都覺得唔多點..一d都唔酸只係有少少辣...完全唔岩我口味, 再來既水餃都幾特別.................係特別嚇人.....如果此店係sell健康....我都無咩野好講...用個白碟再配上水餃..單單賣相已經唔討好....食左一件就已經知道此店我係絕對唔會再來...d水餃皮好厚呀...基本上自己係家包都會一定好過此店.
原先會以為水餃唔得..煎餃子應該唔差...點知原來賣相都ok...食味就更加唔嚇人....個泡菜餃子一d都唔好味..入面d餡料又乾"渣渣"都唔似出面街買既有少少肉汁都好啦..
總之..................個人覺得唔太岩我口味.
我真係好少會係赤柱食飯...唔知點解可能覺得無咩特別吸引..不過見到好多人都話pizza express好正好好味,所以昨晚上完堂就走左入去食晚飯...平日既赤柱又點需要book位...去到大把枱.我地上左二樓window seat...唔錯...不過出面黑麻麻鬼睇到咩view咩.
我同老闆每人選一樣..我選左個salad...不過已經唔記得名 lu...老闆就選pizza..不過又係唔記得名..只係知面頭果幾粒係腸仔..
食pizza更係要配coke架啦..估唔到支coke咁鬼細...點夠我飲...
不過此店d食物真係好正..特別個pizza真係好好味...雖然食到第2件已經好飽, 但係真係好好味..最後第3件我都隊埋..勁飽..
個salad都唔錯, 此店既火箭菜一d都唔苦幾易入口唔錯..不過白色果pat既cheese就好似無咩味.
大家唔知有無發現我好耐無食甜品, 不過今次就試下啦...此店d雪糕應該係自家製..唔甜好好味..配埋佢地d朱古力蛋糕一暖一凍太perfect.
大家有無發現我近期影既食物相好左好多....gif)
.宜家部手機都算有個優點, 令到我都會keep住用既...自從上次同connie去完applegreen之後,我好耐都無去.
上星期六就因為想去新世紀既呃錢樂園玩大富翁.gif)
,所以我地就決定去applegreen度食埋晚飯.
上次睇到d食評過佢地d薯條好食,所以我又忍唔住叫左薯條, 今次就叫左野菌沙律 & 什腸拚盤.
反而覺得薯條都係好一般...似m記既薯條加左d seasoning無咩特別, .gif)
不過最欣賞係個salad...有d sundried tomato好好味...至於個腸有4款..不過我地都係覺得只有2款比較好味...另外2款就麻麻地...成碟野我最喜歡係個蒜頭呀...hohoho..食完真係臭死其他人.
食飽又玩飽....咁又開心過左一天啦.
這間店我一直都好想去試...但都無咩機會..香港就係咁一經介紹就會吸引好多人去試去排隊....我都係好喜歡試新野, 但要我排隊就免啦.
這一間店好生意到係同一條街開左分店, 所以我上星期六就叫老闆帶左我去試.
我地1時半去到都要等一陣先有位, 2個人叫左一個set包(麻辣牛肚+牛展(小辣), 酸辣粉(小辣)+可樂)再叫多個山椒雲耳.
一來就係前菜..睇落都無咩野食第一舊都無野好好味...點知愈食就覺得個口好麻..開始都無咩味覺...心想已經叫小辣, 叫中/大辣咪食唔到.
不過再來既酸辣粉我已經食唔出有咩辣味, 個雲耳酸酸地又係無辣味...基本上我食左個前菜之後來既食物我都唔覺有咩味道..最重要自己覺得個咀好似變左孖潤腸咁...不過食完一陣個口都無咩麻辣感覺.
講番d食物..其實又真係幾好味個牛肚牛展真係做得唔錯, 反而我對個粉就唔算太吸引...d粉好似煮得唔熟有d太硬又d又太淋...個粉又好似無咩料大埋炸菜&花生, 肉碎又少少唔多好味...
個雲耳對我來講都麻麻好似好酸咁怪怪..不過老闆就幾喜歡...
如果下次再來..我都係對佢既口水雞有興趣多d.
大家喜歡麻辣既感覺..都值得來一試....
不過千奇唔好去舊店呀..真係又迫又熱..已經要辣野仲要加上咁熱既天氣真係好辛苦..所以想舒服d都係行前少少去新店等位好過或者買回家食都仲可以
近期開始由facebook轉回寫blog啦...開始對d games都無初初咁熱衷, 宜家開始食野又會影下相同大家分享下自己既飲食生活.
其實此店我同亞媽去過太古城果度試過, d 咖啡就唔錯相反佢地d牛角包就相當唔得....不過這裡地方好hea,所以落堂後都係決定來這裡食個晚餐....叫左一個dinner set (包什菜湯, 一客沙律 & 磨姑炒意粉), 另外再叫多盒pama ham salad & 藍莓芝士餅.
真係估唔到盒pama ham salad既ham係咁難食..成盒有4片我試一片..都未食到落去就想嘔回出來...真係唔係誇張..食落好似食緊片生豬肉咁味道怪怪完全唔係我之前食到既味道...總之係難食.
好彩其他d食物都叫ok...個湯我就覺得好好飲, 意粉都唔錯起碼唔會太油...試左少少cake都覺得唔錯.
來這裡食飯都係為左地方舒服同清靜, 絕對唔會係為左食物.
上次同connie經過此店都有問佢要唔要試新野...不過好彩既明智話去回紅磡食...起碼有信心保証.
無錯...這間野真係麻麻地呀...仲要原來間野飲茶餐廳, 原來係酒樓來..真係估佢唔到
上星期六我就諗住來食lunch試下啦...點知原本係食點心喎.
不過都算啦都叫做來試下...2個人叫左個怪味青瓜, 煎腸粉, 唔知咩餃 & 四寶雞扎.
個青瓜個名真係無改錯, 個醬真係好怪...好似有d沙律醬+wasabi又甜甜地...唔好食..d青瓜仲要有d苦苦地...唔好食呀....原本我係想叫碟油菜之類既野...點知佢地無油菜供應...如果想食菜就要叫個午市套餐內就有一碟唐生菜喎.....個腦即刻打曬????啦...
其餘3款點心都ok啦..都叫做正常d...不過相信我都唔會再來啦..如果想食點心, 我不如正正經經搵間酒樓好過.
突然之間好想同大家分享一下我近況既狀況
唔知大家作為女性有無好似我咁遇上便秘既問題呢?
自小我就係名肥妹....以前食咁多野更係可以日日去廁所啦...但後來去左外國讀書之後, 自己一個人住又無父母係身邊, 當然點減肥到得啦...係就係瘦左不過就係咁我就開始有便秘...一般都要成3-4天就有...我都其實餐餐有食菜,中午都有食水果, 但情況都無改善...
不過自從我改食左麥片+粟米片+牛奶作早餐, 再跟住平時起碼都食2-3碗菜, 宜家水果係中午&晚餐後都會食...宜家情況就大大改善....真係日日都有得去.
所以大家如果真係有便秘情況, 可以慢慢試下改食麥片做早餐..我真係覺得好掂
真係超開心, 一直都覺得自己無咩中獎運...話說近日終於去左jumping gym開左個會藉專登就係為左玩個大富翁機....第一次買左$300代幣已經用左$200啦成績都係好一般只有1500分左右...
第2次就係約左connie一齊去...順便睇下可唔可以引誘佢都有興趣玩....當日同佢玩都算勁好成績, 我用左$100都有成1200分啦..真係算係咁
點知星期六又要開工, 更係要去開心下...唔理3 7 21就唱左$100先啦...
選好左部機啦...唔知入左唔夠10個代幣已經可以去玩大電視既大富翁..點知衰左只係嘔左三百幾個代幣出來..已經好鬼開心..點知再入多幾個又俾我轉到"77"
又再可以玩大電視大富翁..................今次仍然中左SUPER JACKPOT
咁樣就嘔左1422個代幣出來...
HOHOH...等佢儲分都等左成35分鐘...今日成績係用左77個代幣就有6800分啦..
家姐買左部手機作為我既生日禮物...多謝曬....這部機其實係我自己選既...不過佢都同我講SAMSUNG D機唔係太好用..不過我未用過又覺得都OK更係敢試用.
點知平時用開SE既我..基本上真係一D都唔識用這部新機...以往換機都唔需要睇USER MENU既...今次真係唔得呀..完完全全都唔知點用..又難用.
最慘係以為TOUCH SCREEN就一定有手寫板功能架啦...點知................................................係無架.
唉唉唉..今次買左個玩具番來玩死自己
再次多謝HELLO CONNIE...竟然仲記得我既生日...仲約我出來請食飯同埋收到2份禮物真係多謝.
回想起來..原來我同佢係BLOG既世界都識左1年有多...後來經AR MUI令到我地3個未曾相識既人第一次既聚會.不過做朋友都係講緣份..好似我咁有D識左十幾年既朋友, 無緣就係無緣...可能我個人比較被動朋友唔多...仍然KEEP住有幾位中學相識既朋友我已經好滿足, 係BLOG度識到一班朋友就係我既BONUS啦.
昨晚同CONNIE出來吹下水又真係幾開心既...多謝佢又聽我講下野又送禮...真係萬分多謝.
我會慢慢研究做下蛋糕架啦...不過真係要俾D耐性等我做蛋糕..我昨晚睇過...做一個蛋糕D STEPS真係好多既...不過我都會努力既.
仲有對耳環我今日即帶啦..HOHOHOOHO...不過昨晚嘗試用部CHEAP 手提影..影左幾幅都唔多得呀...算數都係要POST出來架...
不過CONNIE帶我去既餐廳又真係唔錯, 可能係工業區附近, 所以昨晚都唔多人俾我地HEA下坐幾耐都唔會有人趕呀
我地2個人都係叫左個法式煎鵝肝配墨魚意粉SET DINNE,個SET都包幾多野有個餐湯, 蒜容包, 田螺盒, 主菜, 焦糖燉蛋&餐茶
這間餐廳D食物又真係幾好喎..唔算貴..又好食..下次都帶老闆來試下先...
