香港新浪網 MySinaBlog
JO | 25th Aug 2009 | 食食食....食肥我 | (206 Reads)

其實我已經留意這間店好耐, 亦都知佢係牛頭角好出名既店鋪, 不過要拆所以搬左來工業區..不過我都唔明d人會唔會由牛頭角行咁遠來新店食飯呢? 每日都會經過平時都唔多覺要排隊, 不過一到星期六都會簡唔中有d人係門外等位...一直都無咩心想試因為我試過佢地既早餐&下午茶都覺得麻麻地...

不過上星期六睇完戲唔知去邊度食好, 所以我就帶左老闆來此店試下啦...估唔到味道真係唔錯, 超碼以大排檔來講佢既食物算係小味精...我最喜歡就係食鱔, 此店既鱔真係好好味仲要加左d紅"組"&杞子蒸...其他食物都唔錯, 下次都要再去試下其他食物


JO | 11th Aug 2009 | 我所想 | (96 Reads)

自從去開間野執左之後..自己都有成年幾2年無去做SPA...上星期日JOIN左個PACKAGE做SPA..

環境都唔錯...

又有獨立廁所..不過按完就知佢只係環境好...按都係好一般啦..我做係通淋巴,但係我覺得都係麻麻地唔算好好, 咁既價錢唔算值得啦...不過鬼叫JOIN PACKAGE都係用埋.


JO | 7th Aug 2009 | 食食食....食肥我 | (181 Reads)

hohoho...話說食完餐咁勁既早餐..2條友就係度左行右行搵野交功課俾公司啦...由11時開始行到差不多4點都搵唔到...最後都係白做一天.

搵唔到野但對腳已經唔係自己架啦...咁當然做完公司野更係要去按摩下對自己好d啦....原本打算按摩完就回港食飯...不過想想下都係食堆先走比較好d...2條友又去回平時食開既食店亂叫野食...其實我地2條友都無咩新意...次次去大陸都係去同一間按摩同一間食店食野就算...

大家係咪覺得好嚇人呀...2個人叫左5樣野...老闆仲勁最後自己一條友仲要叫多碗檸汁馬啼露食...基本上成日都係勁食一天呀.


JO | 6th Aug 2009 | 食食食....食肥我 | (198 Reads)

星期五收到order需要星期六上大陸搵物料, 所以星期六一早就上左去啦.....如果平時星期六唔需要返工就好啦...一早上去又唔會太迫人都唔知幾舒服呀...飲茶食飯又唔洗排隊...

一早上來去左飲茶..不過老闆見到張poster有一斑二味就話要叫...最後我地再叫多2個點心就算...真係估唔到早餐會咁樣食啦..心覺得怪怪..但口又不停咁食呀.

不過食完個咁精彩既早餐之後..我地2條友不停行行行都唔覺肚餓呀...真係幾鬼抵食啦.


JO | 5th Aug 2009 | 食食食....食肥我 | (279 Reads)

收到tony roma既coupon...主菜買一送一, 所以上星期就近近地去左time square度食飯啦...2個人叫左一個ribs & salad就攪掂...不過今次我叫既salad..我就覺得麻麻地好味..個醬汁係用blueberry做....味道酸酸都幾醒胃既..不過個雞肉可能用左好濃味既芝士..我就覺得唔多好味...

ribs係佢地既招牌菜都唔會有咩失水準啦..不過我最想講係此店既服務真係唔錯


JO | 4th Aug 2009 | 食食食....食肥我 | (244 Reads)

上星期六我真係好crazy, 中午時段先去完玩大富翁, 到放左工又見有時間又再去多轉....咁樣真係唔得..要control下自己先...超碼唔好一日去2轉啦...hoho

玩完之後...一心一意就係去connie介紹食魚既酒樓食飯...原本一心一意都係想食一魚2味...但部長話2個人唔需要叫一魚二味啦..所以我地就叫左一條叫馬面交呀用來豆豉蒸; 加左碟梅菜蒸菜芯...因為老闆想食龍蝦我地又再叫左龍蝦e面...不過最後都係要大碟龍蝦e面都要打包.

個馬面交d肉質好似鱔魚呀...味道都ok既..不過食到落尾聲就覺得佢地d食物係咪好重味精呢...老闆仲話佢d味精上腦呀...

個菜芯都ok...不過唔算靚..有d仲苦苦地...

個龍蝦e面都係一般..唔知係咪我份人犯賤呢...我都係喜歡連殼既龍蝦我會覺得食緊龍蝦..一旦佢走殼..我就覺得唔似食龍蝦咁..同埋好似成碟野都無咩味道.


JO | 3rd Aug 2009 | 我所想 | (43 Reads)

真係不經不覺又差不多寫blog都有一年多....初時都係為左想記下自己既事等老左自己睇番又幾攪笑...後來就係blog既世界識左一班朋友, 雖然好多都素未謀面, 但係我都幾enjoy這種神秘感.

以我咁被動既人..真係估唔到會同2位完全未見過面既blog友出來食飯吹水...

昨晚就同這2位blogger又再一次見面食飯....不過可惜我搵錯食店...間野d食物我覺得好差唔好食...好彩食完飯都去左食甜品補數.

最後多謝ar mui既手信&生日禮物..多謝!!

我昨晚就睇左過下這本cook book...基本上我估我學十年都未必可以跟到這位大師整到一個cake呀...我都係要繼續努力.