香港新浪網 MySinaBlog
JO | 25th Sep 2009 | 食食食....食肥我 | (244 Reads)

上次去左淘大食既餃子店真係嚇怕我...但見到這間由台灣來港開店既過江龍, 咁為食既我又點忍到口唔試....好彩早到少少所以唔需要等位.

2個人叫左一set韭菜餃子+酸辣湯, 再加多個大腸蚵仔麵線食.

這間d餃子真係好味好多, d皮薄又有d煙un真係唔錯, 最吸引我其實係碗麵線真係好好食.我覺得好味過專買麵線既店呀...大家有機會都可以試下既.


JO | 21st Sep 2009 | 食食食....食肥我 | (123 Reads)

這餐都已經係2星期前架啦...一直都懶唔願寫...今日等我又再寫下卜先...其實平時好少去味千食野..不過當食到無咩好選擇, 見到有味千又會好自然想再去食下...今次試左佢個新出品蒟蒻冷麵, 蝦餃子拉麵同埋一個小食炸軟殼蟹...

真係估唔到佢個冷麵真係幾好味, 又唔會放得太多麻醬好滯咁..至於個蝦餃子拉麵都ok啦...最唔得就算係佢既小食炸到油淋淋都唔似有軟殼蟹咁...食左一小件就放棄.

另外一日晚上原本想搵太子開果間糖百府, 點知好似都搵唔到,所以我地就去左聯合附近既一間甜品店, 宜家真係好多店都有做雪花冰, 此店都唔例外,所以我地叫左椰子雪花冰加一個芒果涼粉...

估唔到此店既椰子冰都幾夠椰子味, 不過相比糖百府更係後者既雪花冰做得更出色更滑啦.


JO | 16th Sep 2009 | 食食食....食肥我 | (177 Reads)

上星期心情好d又手痕..所以決定亂煮一通先...其實樣樣野都無食譜,只係亂咁加d調味煮出來...

煲左個大眼雞豆腐蕃茄湯, 原本想整個薑汁炒芥蘭,點知老闆家無個磨薑器,所以變左個勁多薑既炒芥蘭, 最後我再整多個焗豬頸肉....點知老闆話好正,我都係只不過亂咁點佢幫我醃定...真係樣樣都係"負負66"咁整出來

同場加多碟老闆既醉雞翼+鴨舌


JO | 14th Sep 2009 | 我所想 | (54 Reads)

mov

近期都無咩好戲想睇...不過選擇睇這套戲係因為我好欣賞Denzel Washington, 由佢做Bone collector我已經好喜歡佢做戲, 所以明知今套戲唔多咩好評我都甘願入場睇既..可能我都無咩留意, 入場睇先知道原來套戲仲有John Travolta做.....即刻覺得有2位好戲之人做值回票價啦.

整體上成套戲故事, 我個人認為都幾"流"下, 套戲又唔算好緊張,就好似大家係家中睇緊一集電視劇無咩特別...只係有幾個位會令大家緊一緊就係咁多.不過好彩2位男主角都係好好戲帶住成套戲令我唔會覺得係一套悶戲.

不過總結...係...可以等碟出買回家慢慢睇啦...

睇完戲去左太古城個foodcourt食晚飯, 明明記得岩岩開業時, 好多食店都唔錯幾好味, 但昨晚去試左2間都覺得好難食唔好食呀..絕對唔會再去這間foodcourt搵食啦.

 


JO | 10th Sep 2009 | 買買買 | (288 Reads)

近期真係花左好多時間係樂天度睇衫睇袋睇鞋..不過鞋就真係未必敢買,因為腳細呀怕買左回來大size呀...之前想搵過TC既袋, 終於俾我係樂天買度仲要上星期六ORDER, 昨日就已經收到..真係超快超有效率...


JO | 8th Sep 2009 | 食食食....食肥我 | (675 Reads)

咁鬼為食既我..去到長洲又點會唔食野...不過咁耐無來宜家長洲真係開左好多店舖...其實我無咩食到lunch就係一心一意入長洲睇下有咩小食可以試下...點知坐完船入去又未回魂天氣又熱..攪到我都無胃口食野..所以都係直接去租單車算數.

原本單車係7時交車, 不過我地想早d食晚飯, 所以5時交車就順便行下長洲d小舖啦...之前見到有間屋仔豆腐花好似都幾多人食, 所以我地又行去試下.

因為就來要食晚飯,所以都係派左老闆試下..2個人叫左一碗...不過味道真係唔錯好滑..老實講我覺得好味過南Y島既亞婆豆腐花.不過唔記得影碗豆花俾大家睇下.

食完豆花再行一陣...我地就去食飯....老闆做左功課佢話要去間興x記(我又唔記得名)食..其實成條街都係食店..間間d價錢都係一樣就好似公價咁..基本上去邊間都係差不多啦.

2條友......就係咁食.........

唔好係為食左3個菜呀..又係我呀...好似無影到碟炒蟹...即係咁..我地當晚食左......薑蔥炒蟹仔, 豉椒炒聖子, 蒜容蒸扇貝&魚湯白菜....4碟野只係$158又唔收加一..抵抵抵..

仲要樣樣野都好好味....我最喜歡就係碟聖子呀..真係好鮮甜...其他海鮮都好好味這一餐真係又豐富又抵食呀.

食完飯...見仲有成半個鐘...終極一擊食甜品.

又係之前行下睇下時發現既甜品店....我叫左個什果綠茶水晶涼粉; 老闆就叫左芒果奶凍...2樣都好好味..我覺得我叫既就比較有特色好似係出面未試過..佢d涼粉係綠茶味真係幾特別...加埋d水果雪糕真係好yummy, 老闆話佢個奶凍都好正又唔會太甜配埋d芒果粒就岩岩好.

食完甜品岩岩好..上船回家


JO | 4th Sep 2009 | 我所想 | (337 Reads)

雖然得半日,但真係好耐都未試過咁開心...平時如果星期六有半日假, 多數都係同老闆去睇下戲/行下街食過飯就算...生活都覺得好悶...不過上個星期六我就覺得過得好充實好開心..原來有時係戶外活動下人都會精神d.

星期六一放左工就仆去會合老闆再一齊去中環碼頭..不過去果程都幾趕..因為未食野,所以我地又要趕去IFC入面既starbucks買野食..點知行到去碼頭先知原來果度都有間starbucks真係激死我..

不過星期六都幾多人去長洲玩架..可能係最後一個weekend既暑假啦..所以好多學生哥呀.

我地2條友入到去就即搵單車租啦...租完我地就向張保仔洞出發...記得以前同朋友去張保仔洞係行去...不過宜家老左叫我行我都行唔到...好彩有單車方便好多...今次都係陪老闆入洞...原來佢係未去過張保仔洞果..終於有樣野係我去過..佢未去過...

我都唔記得當年我咁肥美點可以經過個洞呢????...今次經過都覺得好迫呀..好辛苦...不過今次去就唔覺洞內有異味...雖然個洞係好小行30秒就到,但係出去洞口都覺得好開心好似完成一項創舉咁.

去完張保仔洞..我地又出發去另一邊睇下..如果唔係踩單車真係唔會咁樣行長洲..原來長洲真係幾多幾多野行


JO | 3rd Sep 2009 | 食食食....食肥我 | (135 Reads)

近期真係好懶...就連寫BLOG都唔知寫咩好...我平時出街食果D野都係好普通既野又唔會特別話好吸引, 所以攪到我都無咩心機影相.

宜家對於玩FACEBOOK都玩到好悶咁...只係成日掛住去樂天睇下衫睇下袋..今月已經係樂天買左2次野..唉..真係唔好以為唔出街會可以慳D錢...係家中勁上網睇野都會令人不知不覺地洗曬D錢...今個月仲要報左個超貴又超爆棚既COURSE去讀書..真係要俾心機讀至得...

昨日原本都係去上堂做運動既...不過見到有野SHOP..更係唔上堂去行街好過...一放工即仆出去TST睇野...好彩都有收獲唔係咪2頭蝕..HOHO

買完鞋又想趕回CWB睇衫&袋, 所以求奇搵間食...老闆選左去PANASH食...因為老闆是日唔多大胃口,所以我地2條友只係叫左一個芝麻醬豚肉沙律同埋煙三文魚天使麵就算...原本仲打算食CAKE..點知食完2樣野老闆話想食2啖既CAKE...我當然唔會理佢啦...佢食左2啖要我自己一個人清曬件CHEESE CAKE .......NO WAY...

不過亂去一間D食物都唔錯喎...不過估唔到panash賣麵包..但係個天使麵旁既蒜容包係超難食...真係唔知個麵包隔左幾多日呀又硬又無味...反而佢個salad既豚肉燒得好香好多汁..個天使麵都好creamy正...

 


JO | 1st Sep 2009 | 食食食....食肥我 | (79 Reads)

原來我個人都自閉架啦...之前睇報紙話原來打機打得多男既會肥胖, 女既就會抑鬱...近期真係覺得自己有d抑鬱呀...

不過星期六又係死左出去玩大富翁..有時lunch悶悶地都走上去玩下先捨得返工..星期六中午玩完番公司再公司...到放工又再拉左老闆陪我去太古城再玩先去食飯...點知食完飯我又唔甘心又再拉老闆再玩..好彩2次合共入左唔夠十個coins就出左3百幾個coins出來我先捨得收手...真係多謝老闆既支持既

上星期忙到九彩...今個星期又要返工..好似覺得連續2個星期都無放假真係攞命...抑鬱症又發作ing...好彩星期六拉左老闆去食片皮鴨..見到hsbc卡有優惠..所以我plan定好去食架啦..

2個人照例大食鬼上身...叫左個片皮鴨+每人半隻龍蝦...宜家2個人基本上唔食肉都ok, 但無菜就真係唔得..所以最後都係要叫埋個菜先叫做完美呀.

上次去喜百合食隻片皮鴨要成300元/隻..宜家美心做緊優惠先$218又有片皮鴨又有龍蝦食真係認真超值呀..大家有興趣都可以去食下.