香港新浪網 MySinaBlog
JO | 24th Mar 2010 | 食食食....食肥我 | (210 Reads)

自從上次覺得整心太軟焗多左時間之後, 心思思又想再整多一次.單單整個甜品又唔好, 不如煮埋晚餐.

是日晚餐:法式洋蔥湯, 鮮茄肉丸意粉, 心太軟

煮洋蔥湯都唔算好難煮只不過係要花d時間係將生洋蔥煮到軟同變色...這一part已經煮左30mins, 真係攪到手軟..最後再加一罐牛肉湯再調味就ok.

初時以後整肉丸比較簡單快捷, 點知最難係整肉丸呀...自己買肉回來整完d肉丸發現係pan煎唔到形, 煎到好似肉碎咁最後都係要將d肉丸去焗就算.

再煮埋個蕃茄醬汁再將d肉丸放入汁內就完成.

樣樣野睇落都好似好易, 其實之前預前功夫都整左2小時再加煮前前後後都無左4小時.

最後我想整既主角心太軟.................今次無影..............因為我失敗左..真係果心都實埋.

上次跟足焗10mins就過熟, 今次焗左7mins就爆醬完全唔成功呀.

寄望下次, 下次我仲要挑戰埋磨姑湯.


JO | 15th Mar 2010 | 食食食....食肥我 | (258 Reads)
近期手痕又開始喜歡煮下野食...其實早前同朋友去食buffet食到心太軟好好味, 自從果次之後, 我決定要自己試下整..估唔到都唔係太難.

同場仲煮埋大蝦煙三文魚忌廉菠菜意粉, 牛尾湯.

今次個爐太細,唔係掌握得太好個時間, 不過好彩都有少少朱古力汁流出來.甜度亦岩岩好...今次我自己都好滿意呀.


JO | 12th Mar 2010 | 食食食....食肥我 | (111 Reads)

近期都唔知自己攪咩, 忙完個12月之後就開始病仲要病好再覆發, 好啦個咳病好宜家又到個脹胃有事..我都好耐無試過個體重可以下跌得咁勁.平時瘦少少會好開心, 宜家係輕到連自己都怕.最慘係想食多都食唔到, 好無奈.

上星期上完堂又走左去試新野, 見到食評都唔錯又話健康又話無味精, 就走左去試.

老闆又話唔肚餓, 所以2個人只係叫左一個麵再加2個小食及菜就算...叫左佢地既招牌麵, 開心魚頭湯墨魚汁麵, 再叫左個燒鱔, 炸雲吞同一個清菜.

一來既小食都唔錯, 不過個炸雲吞係超多油唔錯太特別好味, 燒鱔都ok唔錯.心想d小食都唔錯, 個魚頭湯一定唔錯.

點知完全錯架...成餐最差係個魚頭湯麵..成個湯係無味..真係好似飲水..仲差過我自己煲既魚湯.個魚頭既魚肉又係一樣無味.最好咪係個麵law, 起碼唔會一pat pat.

此店係一定無加無精, 不過加少少鹽都可以呀.


JO | 11th Mar 2010 | 食食食....食肥我 | (188 Reads)

hohoho..為食既我約左友人們去食飯, 當然選食店就落係我身上.我俾左2間食店友人選擇, 大家都唔太介紹食店環境之下, 我地最終係決定去鴻福火鍋.原本我都"難"老頂想此食店一定無得book位, 就算我地一早約好我都無嘗試去book位.點知到星期六時,老闆就remind我最好打去問左先比較好d.我地約左7時食飯,5時半才打去問下有無訂位, 幸運地都俾我地訂到位.

我地早左少少去先發現, 原來我地唔打來訂基本上都無得食, 我仲聽到人地6時多打來都要成9時先可以食飯.

當晚4個人都唔算叫左好多野...仲要係大家都係食唔飽果隻..我地無叫火鍋只係專攻bbq..不過每樣食物都好有水準好好味, 特別d海鮮好新鮮好好味...

我個人全晚最欣賞係個鮑魚仔, 真係估唔到燒都可以咁好味, 其次就係佢地個白鱔圈燒完後帶少少脆爽口..一流極力推介.其他海鮮都好新鮮好好味.相反覺得佢地d牛舌就差左d, 可能太薄片唔多好味.

下次有機會再去都一定要叫埋火鍋來食.


JO | 9th Mar 2010 | 食食食....食肥我 | (86 Reads)

為左個旅行, 我又走去學人買個行李箱先...老死又拉左老闆同我去買啦...未買前去左食飯先..唔係拉住個野周圍走都幾樣衰.

因為時間都唔早,所以都無行去世貿果間食吉列豬扒.我地去左豚組食就算.

此店都唔錯, 簡唔中都轉下menu, 更加估唔到係個吉列豬扒可以選脂肪多...hohoho..我地無有怕見到有脂肪多更係選左多架啦..因為上次我地食吉列豬扒食過覺得d豬扒好似鞋口左,今次有d肥膏食落就正好多啦.

再選左個3選既拚盤(我就選左和牛粒, 吉列蠔&鵝肝豚肉漢堡), 成個拚盤最難食就係和牛, d牛肉粒好"un" 咬極都咬唔開, 估唔到最正係個漢堡,雖然食唔到d鵝肝但入面都幾多汁唔錯唔錯.