香港新浪網 MySinaBlog
JO | 21st Apr 2010 | 我所想 | (178 Reads)

原本想去船屋食葡菜點知打電話去想book定位,點知又係話full左真係勁...再想去黑沙灣果間食點知打極電話都唔通...最後我地就亂坐車入左去路環搵食...估唔到都咁多人來..我地7時半左右到等左一陣就有位.

2個人叫左一個豬仔包, 一個通菜, 一個椰青焗雞(送左杯椰青水)因為佢地係即叫即開個椰青俾廚房來焗雞...(如果叫菠蘿炒飯都係即開個新鮮菠蘿); 叫左一人一隻燒大蝦.初時食個豬仔包好軟好好味就再試埋個蒜容包, 點知個包就無豬仔包咁好味.

不過此店"留"單情況都幾嚴重, 等食物都幾耐.

第2朝我地就落左下面既酒樓飲茶, 好彩佢地都安排到位置俾我地.

真係好喜歡此店既點心, 精緻又好味.我地2個人叫左鮑魚酥, 皮蛋石班腸粉, 酥皮燒鵝包同埋燕窩龍蝦蝦肉餃...款款都好好味.係澳門我最欣賞就係這個早餐..大家下次有機會去都值得一試.


JO | 21st Apr 2010 | 我所想 | (129 Reads)

今次去澳門無論玩食住都係我安排..hohoho..平時超級懶惰既我基本上就唔會安排咁多野覺得好麻煩, 不過無奈我心血來潮又加上前一段時間睇左ar so既節目介紹,所以就決定去澳門玩下.

今次問唔到何生攞錢仲要留低左d錢俾佢呀..唉真係黑仔.

我地坐一早船過去, 仲要太趕時間都無買早餐食就係咁肚到去澳門都已經成1時先食到野.

第一站去

此店真係除左三文治得之外個通粉一d都唔得, 下次大家有機會去都係叫個又燒蛋治再加杯咖啡就好, 唔好order太多野.

食完野我就去搵椰子雪糕食, 點知行到唔知邊條街見到以為佢無開所以好失望咁走.跟住開始亂行一通...跟住我就見到好多人係一個店鋪前排隊..我好興趣行過去終於俾我發現您......

真係無想過一杯雪糕仔要買成$12真係貴呀..不過佢又真係幾清甜既.唔錯

來澳門搵食另一間想試既食店就係楊六既牛什, 但我又烏龍以為係開4-6pm,所以我都心死唔會等4時先再來食架啦...點知又係再俾我行下又見到係條巷仔開始排大隊又走去八就見到係楊六牛什..hohoh原來人地係開2時..所以我地又排無執輸...排左30mins先有得食呀.

個牛什又真係做得唔錯好淋好好味..同時都加左幾多味精..同埋佢一大堆野我都唔識分係牛既咩部位,所以對我來講都係牛什一埋...可以來食不過要排隊我就覺得可免.

單單1-2小時已經食左咁多野..真係咩都食唔落la...最後又走左去附近d店舖行下就回酒店.

 


JO | 20th Apr 2010 | 我所想 | (136 Reads)

難得有假期又唔去得遠,所以plan左個短程旅行過大海玩2天.

上次住過威尼斯, 今次就決定住下四季.

原本3時check in, 我地都係5時先到達.點知個女仔仲要同老闆講未執得切房又唔講幾時先可以check in態度又唔好喎..一心一意就係想趕老闆走叫佢轉唔知幾多個頭先好過來check in...最後都係要我出馬....死追問個女仔幾點先可以check in...點知佢竟然同我講要等多一個鐘..真係想起火話佢...接住我只係問左佢一句.佢即刻乖乖入經理房要點處理之後...出來就同我講叫我地去對面coffee shop飲杯野再upgrade一級俾我地

係coffee shop大約等左20-30mins la就可以入房啦.

2條友入到佢都呆左..洗唔洗咁大呀...這間房係我之前係ar so既節目睇過...

成間分有2個洗手間, 一個係廳出面一個就係房, 另外有一個小廚房, 有一張大餐枱, 一個工作枱, 一個大客廳, 仲要有陽台..不過佢俾咁大我, 我既活動範圍都係間房..不過我真係好喜歡佢地個洗手間內有既tv, 我一邊浸浴一邊睇電視, 真係好正.

另外最花時間去研究就係廚房果部咖啡機, 晚上整左好耐都唔知點解杯咖啡成杯水,又唔知d咖啡粉心放係邊.好彩第2朝死心不熄既我, 又再研究最終俾我發現d咖啡粉芯原來係櫃內, 換左個芯之後就即整每一人杯嘆下.點知老闆話這杯仲正過佢地coffee shop既咖啡..


JO | 19th Apr 2010 | 食食食....食肥我 | (131 Reads)

上星期放左工去左尖沙咀幫亞媽睇衫, 行到差不多時間就去左OCEAN CENTRE一直都想試既BURGER店食晚餐..因為無得訂位,所以未夠7時就入座以免一陣同人係度排隊等位啦.

唔係太餓叫左個BURGER COMBO同埋BUFFALO WINGS 一起食就岩岩食....唔知點解MENU寫SPICY BUFFALO WINGS但一D都食唔出有咩辣味呀...不過這個雞翼真係好好味,特別配埋佢個芝士醬真係一流.

至於個BURGER我個人就覺得好一般..如果講好味好似出面好多BURGER店都做得好過佢..反而佢地個薯條就真係唔錯.

食飽就行去佐敦買野...買完野之後難得來更係要食埋甜品至安心回家啦.

今次去左湯丸皇試下..叫得湯丸皇咁勁更係要試湯丸同埋銀杏清心丸綠豆爽.2個甜品都唔錯, 下次去佐敦都有一個食甜品既選擇.


JO | 16th Apr 2010 | 為了靚靚 | (155 Reads)

其實都好耐無update自己去買左d咩...不過今次update係想介紹一下俾大家知la.

愈來愈覺得自己d頭髮成堆草, 所以上星期見到有blog友介紹既aesop 既hair mask好用, 我又走左去買左來用.點知只係當佢conditioner來用都已經好貼好好用. 見到d 頭髮貼服左, 心思思又想去買個salon專用既風筒睇下又會唔會改善到..估唔到salon hair dryer又真係唔同d風力大d吹起來都唔同d (可能心理上影響我大d)

星期日自己一條友又走去la mer睇下佢新出既serum, 俾人介紹多幾句就補下貨買埋支新serum用先.

一直用開佢既lifting serum都已經覺得唔錯幾firm, 今次用新出既serum如果效果再向大家報導下.


JO | 9th Apr 2010 | 食食食....食肥我 | (164 Reads)

自從胃唔舒服之後, 我都好耐無去食過壽司.上星期四終於得到批准可以去食壽司啦....真係HAPPY, 今次去左我喜歡之一既回轉壽司~壽司派.

今次算好運樣樣野都好好味好新鮮..

其實喜歡去此店最大原因都係為左食鵝肝壽司同埋鰻魚壽司, 全部都係即叫即整保証夠熱好好味.

另外佢地既日式水蛋都同樣出色, 今次試左天婦羅蝦都係夠熱..

又出左新壽司, 有帶子, 炸蝦+鰻魚卷, 再炸外皮脆卜卜好好味.

 

食完飯...之前睇度BLOG介紹 AESOP既ROSE HAIR MASK好用, 所以一心一意去買支細試下..點知佢話無細, 所以唔知好唔好既情況下都買左支大啦..反正唔好用咪係一支conditioner用law..不過好彩支野真係好好用...順便配埋支shampoo一起用..

下次我都試埋佢地既skin products.


JO | 2nd Apr 2010 | 食食食....食肥我 | (209 Reads)

早一段時間睇完蔡生既飲食節目, 見到佢介紹(其實咪幫拉麵店買廣告)既拉麵店, 想試好耐都未試到.上星期就去左試...此店都唔錯可以book位2個人7時半上到去都唔算多人.

第一次來想試多d野, 所以叫左個2人餐

包2個麵食(小碗)及3款小食

我就算左牛油粟米拉麵, 三文魚親子井飯. 小食:什錦刺身, 什錦串燒&炸薯餅

估唔到佢既小食最正係個炸薯餅喎, 真係熱"啦啦"又唔會油值得推介, 反而佢地d刺身就算一般唔算特別鮮甜.

不過佢既拉麵真係做得唔錯, 個湯底好好味好香, 可能同一大塊牛油做左湯底有關...相信我想食拉麵都有多一個選擇.