香港新浪網 MySinaBlog
JO | 30th Jun 2010 | 食食食....食肥我 | (341 Reads)

 

 

放左工近近地就去九龍城搵食, 一早查左想去一間食泰國野,點知去到先發現已經執左..宜家d食店真係快來快去.

失左預算, 唯有亂去一間叫泰北既食店試下...估唔到亂來都有驚喜.

間食店就細細,不過d食物又真係唔錯.一坐底就叫左燒魚..不過可惜俾我見到佢係一早燒左條魚再翻叮...好彩味道都ok...不過攪到我都唔敢再試佢地d串燒, 因為都係同樣做法.

另外叫左佢地一個泰式蝦炒粉絲, 味道就似泰式金邊粉...同樣好味佢地仲加左d蝦仔好好味.

食飽之後..................................我更係唔放過食甜品既機會.

見到食評話附近既皇室甜品好好味..我又來試下.

叫左佢地2款招牌甜品

只係睇個樣已經吸引死我...........味道更係一樣出色.


JO | 29th Jun 2010 | 食食食....食肥我 | (192 Reads)

成個星期都好似天黑黑, 仲要難得有假都要落大雨, 攪到個人都無咩mood...見落雨又無街行更係又搵d煲出來用下..

今次都係整回上次既鹽焗大蝦, 另外見再有d超大頭既蝦就買左2隻回來蒜容焗...

另外再煮過洋蔥湯, 用這個staub煲真係好快煮到d洋蔥淋曬唔洗好似上次咁要不停炒佢炒足半個鐘以上...不過煮左好耐都唔見d洋蔥會變啡色...唔通個staub唔會煮濃野...真係好神奇.

最後再買左d帶子連埋d茄子翠玉瓜攞去焗.


JO | 26th Jun 2010 | 食食食....食肥我 | (128 Reads)

PicturePicturePicturePicture

此店令到我覺得好impress, 真係估唔到d食物咁有水準, 特別佢地既招牌菜玫瑰花燻雞真係一流.
 
佢地有d套餐我地就叫左個2人套餐試下, 原本想試佢地既蝦子柚皮, 但個餐又無這個菜, 最後都係選左個有燻雞既餐好過.
 
餐包, 燻雞半隻, 鵝肝醬炒芥蘭, 芥末牛柳粒, 2個白飯 2個例湯..十分抵食都係收$208
 
成晚最欣賞真係個燻雞陣陣既煙燻味好香, 另外個牛柳粒都係用料上等唔會好似出面d咁煮到d牛柳好老好un,
 
個菜聽個名好怪, 點知2者配合都好特別唔錯, 都幾有fusion菜既影子.
 
例湯都絕不馬虎, 老火靚湯真材實料真係似自己係家煲既味道..這一餐真係十分抵食.
 
環境就比較細坐位亦唔算好舒服, 不過此店d食物真係令我十分欣賞.
 


JO | 23rd Jun 2010 | 食食食....食肥我 | (84 Reads)

自從睇完connie介紹中環有間食店BOLOGNE既麵包好好味, 我一直都心思思想去試.原本難得有假期想出外走走, 點知天氣唔穩定, 所以一早起來又要更改計劃, 最終都去左此店食左個豐富午餐

叫左明太子意粉, 同埋一個玉桂蘋果雪糕多士, 亦試埋個green tea latta....connie真係無介紹錯此店既包真係好好味, 特別係喜歡佢地d包用來配雪糕真係好正.

食飽就係中環附近亂行一通


JO | 11th Jun 2010 | 食食食....食肥我 | (475 Reads)

其實對煮野一直都好有興趣, 不過人懶唔會成日想煮野...點知買左d煲之後, 宜家成日都想煮野試下個煲有幾勁.

今次試左韓式炆牛肋骨, 節瓜花膠湯+栗子煲仔飯...另加2件羊扒

今次跟左湯美猫介紹用豬腱骨煲湯...可能我買果d骨唔多靚成煲湯都好油..不過還好d湯都唔錯,

另外個牛肋骨就真係好好味, 我見其他blog用梨容代替糖, 我又跟住做味道真係唔錯,

反而今次既煲仔飯又係失敗呀..上次多水就煮到成pat野, 今次就少水d飯就過硬...仍然唔知到落幾多水至岩.

下次再努力.


JO | 10th Jun 2010 | 食食食....食肥我 | (837 Reads)

之前買左一套staub, 心思思都係想買埋個18cm..因為18cm個size其實最岩我用...原本星期五先開始優惠, 但好彩個sales好人話俾我星期四買到得,所以最終我都忍唔住買埋佢.今次選左橙色, 反正個2個都唔同色,所以我就來一個聯合國la.

我成個腦已經成日想住要用3個野煮咩食la..就來個簡單晚餐..

煲左個好清既粟米青紅蘿白湯, 今次d湯我無加肉我覺得好清好甜.

另外係超市買左d急凍虎蝦跟個食譜整左個簡易版鹽焗蝦, 初時老闆仲話我好cheap去買d急凍蝦實唔好食, 呸呸呸..佢食左第一啖就即收皮啦...仲話好抵食...超超超.仲勁過個煲好抵用.

最後再學人整個煲仔飯, 今次係雲耳雞煲仔飯haha...太多料太少飯,所以大家係睇唔到d飯...可惜我唔係太識落水既份量, 今次個d飯好濕唔算成功, 不過味道都唔錯..下次我會再努力.

p.s不過今次我整鹽焗蝦好似整壞左個pan, 洗完之後都見到一撻撻積, 超唔開心.

 

不過總結係個煲真係好好用, 同埋佢係唔算痴底, 好似我整煲仔飯咁..只要食完之後用水浸下佢, 佢就好易起.

 


JO | 9th Jun 2010 | 買買買 | (701 Reads)

睇blog真係好易令人消費, 其實d商家應該請多d blogger寫下blog介紹下佢地d產品引死其他人去買...今次俾connie成功毒到la.

終於問左connie多次亦多謝佢俾左寶貴既用家意見之後, 我去左sogo買人生第一次既staub回家.

我真係會好好咁利用你地架啦..放心


JO | 1st Jun 2010 | 食食食....食肥我 | (158 Reads)

無無聊聊又會想煮下野食...上星期六手痕又提議買餱回家煮下飯仔..

今次煲左青紅蘿白湯...唔想d湯咁肥我一般都會買豬展來煲湯..不過原來一塊豬展都要成$30都算幾貴(其實係老闆話貴, 我就一d都唔知價)

另外想食水餃, 我就學人自包水餃來食..買左d碎豬肉, 白菜仔,蝦再加冬姑包...

用剩既白菜就灼埋佢來食幾慳家, 我見connie整豬肉干, 我又攞左少少又再整左一塊既豬肉干來作小食...唔錯.

最後加多一條大眼雞...滿足曬.