香港新浪網 MySinaBlog
JO | 19th Jul 2010 | 為了靚靚 | (378 Reads)

今年La mer送既生日禮物真係超正, 佢地唔單止送一set sample 裝既skin cares, 仲送埋facial treatment....好正真係好吸引,不過聽過BA話平時佢地既facial都只係送贈俾top 100 spending既客戶, 今次係第一次送俾生日會員..真係有幸可以一試...

對slipper好正好軟呀....

成個facial做左1 hr出少少, 有面,肩及手既護理, 做完仲有人詳細介紹自己皮膚應該要點改善同埋應該用既產品比較岩自己.

當然我又乖乖地放低錢換左d補品回家.

佢地出既面膜真係超級好用, 之前用過CLP既都唔及La mer這款好用, 計到來都係$400唔洗一張, 每星期用一次已經好正, 大家有興趣都可以買來試下.


JO | 14th Jul 2010 | 我所想 | (60 Reads)

mov

友人有免費戲飛, 所以我地星期六就一起去睇.初時我一心一意都係入去睇下靚仔, 點知睇落又真係幾好睇.

雖然唔會話好緊張既劇情, 但我覺得用上心理戰既內心戲同樣好睇.

其實有時d港產片都唔係講到咁唔好睇la, 大家都應該支持下本地出產先得.


JO | 9th Jul 2010 | 我所想 | (139 Reads)

mov

 

史力加做左咁多集我都未有意慾要睇原因好簡單個公仔一d都唔吸引我,  直到有一次無意之中係電視有播我先有機會睇,點知睇下睇下又覺得幾好睇幾好笑, 睇左第一集就更加想睇埋其他果d, 今次仲走左去戲院睇埋3D.

估唔到這套卡通片會令人有感受...今次大概係講史力加生在福中不知福,所以令佢出左事攪到佢好後悔.一邊睇令我一邊想起,我以前同樣都係生在福中不知福令我做左D後悔既事, 不過我無史力加咁好彩可以補救到, 不過事情已經過左再回憶都無用, 不如努力向前更加珍惜宜家有既野仲好.

 

 


JO | 7th Jul 2010 | 買買買 | (164 Reads)

好耐無買過high heels俾自己..因為人又懶又怕痛,所以真係平時都唔係好想穿...不過女人就係咁麻煩, 無又恨到有又唔穿..咁樣先似個女人.

不過今次買這對又真係ok, 暫時穿左2日都未有事..都幾令人滿意.


JO | 5th Jul 2010 | 食食食....食肥我 | (235 Reads)
近期真係好有口福, 亂搵一間餐廳都令我好滿意.

今次來此餐廳試下,見到食評都讚不絕口, 我就更加心思思要來.星期六一早就book位要點, 點知佢都話我地係last table..有無咁好運.真係happy.

約左晚上7時準時到達,點知原來book位安排既位置都唔多理想.坐係門口附近...果一刻真係有d唔開心.

不過唔緊要, 好彩食物都好好味.

我地叫左一個dinner set 及一個taste menu來share食.

dinner set:牛油果蟹肉沙律, 燒羊扒, 及飲品(另加$20叫左個蕉糖燉蛋)

至於taste menu就生蠔2隻, 帶子沙律, 帶子忌廉湯, 鵝肝牛柳, 甜品(朱古力梳乎里)及飲品

食物真係一流, 特別喜歡個鵝肝, 一口鵝肝一口牛柳真係配合得好好, 另外個湯都好香好甜,佢話個湯係帶子加埋一種植物既根部煮成...但我都唔記得個名lu.

另外比較欣賞就係佢地既甜品個, 反而佢地既生蠔我就覺得麻麻地..

另外一讚係佢地d服務個個都好nice.大家有機會真係值得一試.