香港新浪網 MySinaBlog
JO | 29th Sep 2010 | 台灣墾丁~2010 | (726 Reads)

唔知係唔係平時係香港都慣早起又或者係台灣既陽光實在太猛,我未夠7時已經起左身..反正起左身咁我地就去民宿既飯堂食提供既早點就出發去後壁湖浮潛.

這間既早點都係簡單既地瓜粥, 多士, 肉鬆, 荀等配菜...食飽之後我地就check out (一般民宿都係11點check out)我地放底d行李係此處就出發去玩..第一日我地就行錯路搵左約半個鐘先搵到後壁湖...最衰就係個司機..明明乘客睇緊map都話俾佢知行錯路, 但個司機竟然信個死人gps都唔知人喎..抵佢死law..反正我都係坐係後面欣賞風景..hohoho

去到後壁湖都9時la..一轉入去就搵到係網上我地見過既店鋪, 更係即時入去參加佢地既浮潛活動la...因為我地有係網print 張coupon出來...真係平好多...我地玩既係5合一(包浮潛, 香蕉船, 甜甜圈, 大力水手同水上電單車), 原價2人係要$2000, 但有coupon即減700元真係咩都抵曬...我地2個人快手快腳換左佢地提供既膠衣同鞋就跟佢地車出發去玩.

首先我地2個人join埋另一隊合共20個人一起聽教練講解點用個潛水鏡同點浮係水面, 跟住另一個教練就帶我地出去睇魚..(基本上這個活動唔識游水都可以去, 我地有穿救生衣同埋睇魚既地方全部都可以點地,所以如果大家唔識游水都可以參加))

不過果日後壁湖既水唔清, 不過都算睇到好多不同款式既魚真係令人好開心...睇完魚之後我地就可以分批玩埋其他水上活動, 不過其他d活動我一d都唔enjoy, 除左香蕉船外其他果d都係一味得個"鄧"字..真係"鄧"到想嘔.

玩完之後我地又再次自己去睇多陣魚..我開始頂唔到想嘔...我地就上岸坐回車去店舖內換衫沖涼

換完衫都成12時半..係網上話附近有間食店"輝哥"食魚生好平好多人食..我地就趕快一時前入座以免要排隊等位.

好彩食店都係附近都係開5mins車程都唔洗就去到..我地一馬當先就走入去...不過原來已經好多人係入面食緊...2個人一來就點左個150台幣30片魚生, 再叫左個不知名既菜同一款唔知咩海鮮來食.

點知個不知名既菜又真係幾特別幾好味, 但個海鮮就死..上枱我先知係魷魚...OMG..我地2個人都唔係好食魷魚架...不過都要頂住食無計..最後先來魚生片...一來都幾吸引既件件都好厚...相比香港真係一件頂香港3件呀...不過當大家食到一半已經開始反胃..除左三文魚比較有味D, 基本上其他既都無咩味道..同埋件件都咁厚真係唔多好味..宜家我明咩叫"小食多滋味"最終我地都係食唔曬D魚生同魷魚就埋單...原以為這餐好抵食..點知我地叫既魷魚係最貴...

係食店隔離D小店又買好多不同既炸海鮮...當中有飛魚..2條友仔又忍唔住想試...叫左條細來食.

HEHE估唔到一條20元既飛魚既魚味會好過D魚生WOR...食飽之後我地就出發離開後壁湖....往回程路隨便走走欣賞下風景就算.

我地經過南灣..一心都係想入去睇下風景同影下相就走...咁我地就俾停車費入去泊好車..行去準備影相.

當我地2條友見到個咁靚既海灘就忍不住再次想落水浸下水游下水...我地租左沙灘傘同一塊滑水板玩下...

HAHAHA..咁又係南灣玩左2小時就去沖身走人...(我個人都幾喜歡南灣, 雖然泊車要錢沖身都要錢, 但佢地提供既設備都幾好..沖身處又有風筒又有洗頭水等供應)

一日內去左2個灘玩..真係咩都夠皮.

我地今次真係回去取行李去另一間民宿CHECK IN...第二晚係住國境之南..仲要係上山去...不過此店就最正最舒服相對亦係最貴既一晚...不過我住完就覺得物有所值


JO | 27th Sep 2010 | 台灣墾丁~2010 | (457 Reads)

今次要就好多野加上機票都幾難book, 最後我地就坐下午機去高雄....加上delay左半小時,我地去到高雄機場都已經6時半, 好彩一早book左車去墾丁我地第一晚住既民宿..由高雄機場去墾丁最快都要1個半小時..去到民宿攪埋入房手續都已經8時左右

第一晚我地係住伯利恆

房間都幾整潔, 原來台灣d民宿全部d床都係king size既床wor..就算4人房都係俾2張大床...真係得意.

放低左d野, 我地就去附近租電單車為我地這3天代步工具...台灣人都幾nice我地用左1000台幣就租左3天機車用.真係happy

租左車之後,我地就出發去墾丁大街搵食la.

唔好以為我樣樣都有食, 2個人都係食左一條叫高梁香腸, 一串羊肉, 一串臭豆腐, 一包鹽酥雞+秀珍姑...再加這4日我每日都必定要買一杯既苦瓜鳳梨汁.

食完野行完都已經差不多11時,我地食飽就民宿休息, 準備明天去浮潛


JO | 25th Sep 2010 | 食食食....食肥我 | (283 Reads)

終於"的"起心肝book位去海鮮站食la..之前實在太懶又唔想專登去tst..星期六有d事要去tst所以一早book定位去食海鮮餐.

原本約左7時半.又落雨同埋想去既地方都去完所以提早半小時去啦...點知小店已經full house, 後來佢安排我地入左商場走廊位既枱俾我地...雖然有d怪, 不過好彩商場好靜唔會人來人往.

一早search定但八卦既我都再睇多次menu最後叫左

加拿大蟹.店員話有膏同有肉岩曬我地食...老實講以前住加拿大都好似無食過這隻蟹咁...定係我都唔知咩蟹搭咩蟹...總知這隻蟹真係好得好正.

螺係我至愛..必叫同樣好味, 每人得3隻太少..不過我今次來係要試多d不同款,所以都唔想再追加一碟.

這個中蝦salad真係好似每枱必叫, 但我就覺得一般啦..成碟野得3隻蝦wor..下次可以唔叫lu..慳番d quota叫其他野試.

唔知係唔係見我再order其他野食怕我唔夠飽...食到差不多最尾俾左碟蒜容包我話係送..

豉汁蒸聖子...好味好味配飯一流..

最後就係心思思要加單既芝士汁龍蝦雲告...又係好好味...將d芝士汁去配白飯食都可以食到一碗呀..hohohoho太滿足太飽.

口就話飽, 但見到對面街有yogurt店又自然會行過去買左試..原來這店比較有特色係smoothie + yogurt wor咁特別難得經過都係要試埋...飲完真係飽死荷蘭豆..


JO | 24th Sep 2010 | 食食食....食肥我 | (140 Reads)
成個台灣旅程都好開心, 最估唔到係連回程時食既炒飯都令我回味..我真係第一次會食完個飛機餐回港想試下整. 不過今次成餐台灣野我都唔洗參與..多謝曬. 今餐好豐富有台式鹵水豬利, 雞翼, 鴨舌, 貢丸等幾豐富, 仲有炆冬姑, 用d鹵水汁煮既菠菜..最後就係機上食到既炒飯,我地又再整來食 不過機上食既係素炒飯..我地懶去左酒樓買盒又燒飯連飯都懶煲..hoho..再加上麵根加雞蛋再加d蔥完成..又好味. 仲有醉雞翼同鴨舌..不過係俾我外帶回家食..hoho..真係豐富既一餐.

JO | 21st Sep 2010 | 我所想 | (109 Reads)

平時去旅行我都喜歡參加旅行團, 因為我懶plan行程又覺得麻煩,但5年前去台北旅行參加旅行團令我完全失望, 住已經唔好我係成個旅程一d記憶都無又唔記得d團友係咩樣..只係最記得有行夜市同去左九份,其他咩記憶都無.

上幾年都係一年去一次長程旅行, 今年有d唔同想對自己好d,忙完一輪就決定去一次短程旅行來relax下.

決定這次旅行都無咩時間..plan行程book 房等聯絡都唔係我做...hoho

今次旅程亦有我人生好多既第一次發生, 第一次住民宿, 第一次玩滑浪&滑板, 第一次坐電單車, 第一次一次過玩水上電單車, 甜甜圈, 香蕉船, 大力水手等水上活動, 第一次一日次內去左2個沙灘玩, 第一次曬到d皮膚係黑到"令"咁回港; 第一次夜間到郊外睇螢火虫同多類昆蟲.

不過今次都係我去咁多次旅行最開心最難忘亦最推介大家去既地方

如果大家喜歡陽光與海灘, 台灣墾丁一定岩大家玩.


JO | 21st Sep 2010 | 買買買 | (170 Reads)

近期超級勁懶, 都好耐無點update個blog...

其實試左幾間食店都覺得ok, 無耐太懶太懶無介紹到俾大家.

原因除左懶, 近期都好似購物狂咁.

不過昨日比較開心d就係買左2件心頭好, 一直都覺得jill stuart d衫都幾靚, 發姣買左2條都係花裙

最喜歡係第2條真係一見到就愛上.