香港新浪網 MySinaBlog
JO | 7th Oct 2010 | 台灣墾丁~2010 | (384 Reads)

由帆船石去到佳樂水仲要途中睇左幾個景點, 不知不覺都下午1時多...泊好車行左一陣見到亞郎衝浪點...仲要店內原來有食物供應..所以我地午餐就係入面解決埋

叫左個肉燥飯, 麻醬麵加一碟清菜....估唔到小店既食物一樣出色..真係樣樣都好好味...自己特別喜歡個肉燥飯再配上佢地既辣椒醬真係一流..不過唔敢食曬成碗飯呀..因為我地要去衝浪..食完飯同老闆娘講我地要參加衝浪..每人$1300有教學又唔錯.

老闆娘話唔好見到這隻狗好似無神無氣..原來佢係識衝浪仲要係水上係超活潑..真係估佢唔到..佢係店內真係好似一隻死狗人地同佢玩佢都無咩點理..但如果有人叫佢出店外..佢就會比較開心d因為老闆娘話佢以為人地帶佢去海玩.

我地食完飯再等埋另外3個學生來先去沙灘學姿勢同技巧...5個人2個導師教學都唔錯...未玩前我地就要2個2個搬2塊滑板去沙灘..都要行3-5mins...未去時未累咁搬都ok...但回程時真係成個人都變死狗.

首先導師講左d基本姿勢..咁講完我地每人就訓係塊板學點起身..係岸repeat做左都有成50-70次..我地就係個無浪既地方學訓係板扒水....扒左一陣我地終於出去大浪地方玩la..
hohoho...當係浪時再企係塊板果種滿足感真係好難形容..真係令到我迷上衝浪...當然對於我初學來講我對自己今次衝浪都算好滿意..其實真係收到好平玩連教都起碼花4個小時以上..可惜我地2個體力有限..我都都係玩左2小時就夠皮.

咁教我地既導師亦同我地一起回去...後來我地問導師個名..先發現原來佢就係老闆亞郎..我地真係幸運俾亞郎教學..希望下年再來時都遇上你.

玩完沖埋涼都已經5時..我地都出發去另一個景點.........出火

這裡出名係因為佢地下有d天然氣令到佢會有火起...同時亦能將d食物整熟..最多人整係popcorn..我地就買左蕃薯...同埋買左d煙火玩下..

不過點知天仲未黑...基本上玩唔到煙火,我地只係呆係果度等蕃薯熟..基本上未去前我列出火為must go 景點...但去完之後就係覺得唔去都無所謂..其實果度就好似一個大型燒烤場咁...無咩特別.

我地留底d煙火回帆船石玩埋就算.

由佳樂水去出火再由出火回恆春就比較順路...今晚我地就唔係墾丁大街搵食就來恆春食就好d..見到街邊有大腸麵線同蚵仔煎..更係落車試下味道都ok.

再去d橫街又睇下見到一間叫老張鹽酥雞..今次我叫鹽酥豆角..好好味..所以我要記得這店下次再來.

最後回墾丁前又經過一間叫小杜包子..司機即停車話要買來俾我試wor..因為佢話此店好出名..平時d blog友都要排1-2小時先買到包...我地咁幸運唔洗排隊更係要買來試..

點知我地仲望緊要買咩包時..原來版上已標示多款包子已經賣完..我地最後係無選擇之下..買埋今日最後一個包...叫培根香腸包..不過我掛住食唔記得影相..不過d包真係好得..好軟好好味.大家有機會下次都去買來試.


JO | 2nd Oct 2010 | 台灣墾丁~2010 | (322 Reads)

不知不覺已經踏入第3天, 今次已經預備向佳樂水出發去滑浪...訓到都差不多成10時先慢慢起床..這一間係你起床後叫人準備早餐, 可以係外面食又可以係房食...當然咁好既環境更係出外同陽光一起食早餐la..真係估唔到此處既係美式豐富早餐

食完早餐後我地都就執埋行李又準備放低行李去我地最後一晚住既民宿放底再出發我地今日既行程.

由帆船石去佳樂水都幾遠路程, 好彩途中經過一d景點可以落車走走, 唔係要我坐成粒鐘電單車真係唔多得.

第一站去左

最"流"既塔睇wor...每人入場仲要$40仲要俾埋parking超唔抵..入面個公園都無野睇...

行完出來就買左個椰子水飲..明明叫佢唔好俾個咁大既我..我自己一個人都曬..加上個椰子好老呀..d水都唔清甜...:(

行完一個咁"濕"既景點,我地就行埋一個唔洗錢但我都覺得唔錯既景點...就係去到台灣最南點.

好彩我地開電單車,我地泊架細細既車係旁邊再行一條路直入..有時都覺得原來開電單車又幾方便.

又係照例影幾張相又走人.

 

中間都走左幾個景點,同埋見到d靚既風景又會停係路旁落車影下走真係一個幾寫意既日子.

原本見到d人話風吹砂都好靚, 但可能我地唔識搵d正既地方影相, 為証明自己都有到此一遊所以影左個牌

最最後我地去到我地要來既目的地~佳樂水..我地來到見到個橋原來每人要俾$10先行得..不過條橋好矮途中既景亦唔算靚..不過原來一陣我就係會去到這個灘玩衝浪la..hoho


JO | 2nd Oct 2010 | 台灣墾丁~2010 | (341 Reads)

玩完2個沙灘之後已經差不多4時半夠皮準備去pick up行李去住第2間民宿 - 國境之南.亦都係我3晚當中最喜歡最欣賞既...

雖然岩岩入房好似有d失望同埋又要上山好似好偏僻, 但當我晚上回來再上到天台望星果一刻再加上個早餐, 我心想下次再來都要再住這一處

我地住既房都望到少少海境, 不過佢地只得一層,所以有無望海都無咩所謂.

我地2個人放底行李後就準備再去墾丁大街搵食再去墾丁國家公園夜行生態環境

hohoho..原來我發現我晚上影既相大家都睇唔到有咩動物wor..不過我自己最有印象就係晚上可以睇到螢火蟲, 仲有黑寡婦, 蛇, 蝴蝶, 仲有一隻菌係會晚上發火就好似螢火蟲一樣真係好美..這個夜遊亦好抵玩, 每人200台幣就有人帶我地入森林行2個小時左右睇到好多不同既小動物..當然佢地亦有日行大家下次去墾丁都可以計畫行下當然晚上就有機會睇到螢火蟲就開心d la.

hohoho行完再到大街買左盒石榴當宵夜..回去又休息..準備明天向佳樂水出發衝浪