香港新浪網 MySinaBlog
JO | 28th Apr 2011 | 食食食....食肥我 | (180 Reads)
上星期六想來九龍城街市買野, 所以順帶在附近食個lunch.
 
原本係想去另一泰國餐廳食lunch, 點知友人經過此店俾門前既串燒吸引住, 所以我地就決定試下.
 
2個人叫左一串泰國腸, 一串蝦餅, 一串雞翼, 同一個醉猫炒雞肉河及一杯椰青沙冰.
 
d串燒當中我最唔喜歡就係個腸, 唔知點解覺得有d酸酸地接受唔到...蝦餅都係一般唔係真係泰國既炸蝦餅, 反而個燒雞翼又真係做得唔錯.
 
另外個炒河都唔錯, 不過唔知點解要醉猫炒河一d都無酒味, 反而我覺得有勁重既美極味道, 勝在炒得香又唔油.
 
成餐最喜歡係個沙冰, 雖然覺得佢地應該唔係用真係既椰青反而係用上椰汁, 但都好香仲有少少椰肉都唔錯.
 
成餐2個人$100都唔洗, 味道都唔錯,下次都會再來.
PicturePicturePicture

JO | 27th Apr 2011 | 食食食....食肥我 | (98 Reads)
好耐都無此店食吉列豬扒, 難得友人放假可以早到銅鑼灣, 所以大家就6時左右到達免左等位之苦.
 
估唔到此店6時左右已經差不多full house真係厲害.
 
2個人叫左一set 吉列豬扒, 一set吉列豬柳拚蠔.
 
唔知點解今次d豬扒有根, 同埋好似炸得太乾身唔夠juicy麻麻地, 成餐最欣賞係個吉列蠔夠大隻真係外脆內軟一流...至於豬柳都係不過不失..下次都係叫多款海鮮好過.
 
最後係西瓜作飯後甜品清一清之前食得太多既炸物都算完美一餐.
 
值得一讚係這店雖然成日都好多人排隊, 但係佢地都唔會有趕人走既情況都算係唔錯PicturePicture

JO | 26th Apr 2011 | 食食食....食肥我 | (230 Reads)

PicturePicturePicturePicture

自從上年去左kenting 4日, 每日必做既事就係去夜市買杯苦瓜鳳梨汁飲, 自次真係對她念念不忘, 有時係香港既果汁店都會睇下有無白苦瓜...不過可能白苦瓜貴la, 所以我都未見過有得買.

上星期友人就去左sogo買左個白苦瓜專登整個苦瓜鳳梨汁俾我飲..我都算勁一日飲左4大杯...滿足晒.


JO | 25th Apr 2011 | 食食食....食肥我 | (132 Reads)

有時係街食得多都喜歡係家自己煮下野食....今個星期六得閒我地又買下餱煮弼食..

PicturePicturePicturePicture

今晚煮左個蠔豉排骨粥, 因為用上紅米糙米所以成個粥都好深色賣樣一d都唔得, 不過味道就唔錯, 我連鹽都無落因為d粥都夠味,

另外去左九龍城街市買左d 蚌用粉絲蒜容蒸, 夠簡單方便

再煮一個蒜容莧菜又係方便餱, 最後前一天係sogo買左盒帶子刺身, 雖然有d九唔搭八, 但都整左幾隻空口食..

咁又一餐.


JO | 22nd Apr 2011 | 為了靚靚 | (180 Reads)

宜家好多人都喜歡貼眼睫毛令自己對眼望落去靚d大d, 我都好想但天性太懶所以都係有時用眼睫液方便得多, 不過之前走去電左眼睫毛近期就更加懶得就懶無搽咩睫毛液.

不過我想講市面上d卸眼液真係唔係隻隻都得, 好似之前係卓悅買既 loreal 真係完全唔得, 一d都remove唔到叮點既睫毛液相反仲令成隻眼變熊貓.

Picture

後來我就去左萬寧買朋友介紹 biore真係一卸就得, 見好用就買埋佢地既卸妝液有信心.

Picture

最近成日睇電視廣告話支bb cream點好用..忍不住又買來試下...其實我覺得似搽左防曬咁一d色都無.

Picture


JO | 21st Apr 2011 | 食食食....食肥我 | (214 Reads)
星期六放左工去到尖沙咀都就來7時, 所以無海運中心亂行一通睇下有無食店唔需要等位, 見到海南少爺都無咩人等就來此店食個晚飯.
 
同友人等左20分鐘就有位..2個人叫左個蝦面, 新加坡惹娘同埋話梅炆腩肉.
 
其實3樣野我都覺得好好味, 特別個蝦面個湯真係好重蝦味好好飲, 另外個腩肉原本幾怕食肥膏既我都忍唔住食左一整件.
 
相比新加坡惹娘就無咁特別, 用上石榴, 菠蘿水果,油炸鬼同炸豆卜配上佢地既惹娘醬作一個salad前菜都幾開胃, 可惜d油炸鬼同豆卜炸得太脆同食落口都有d油, 所以食這個反而好重油味.
 
 
PicturePicturePicture

JO | 20th Apr 2011 | 食食食....食肥我 | (124 Reads)

上次係西貢食d白灼蝦好好味, 上星期六就決定去街市買d蝦回家整來食...

去左樂富uny買左少少野, 見到一pack 銀鱈魚又係香煎, 另外就係煎金蠔, 仲有蒜容炒椰菜苗同毛茄, 估唔到d毛茄都幾好味, 2個人怕唔飽呀..hehe再焗多2塊羊扒食...咁又一餐.

Picture

Picture

PicturePicturePicture


JO | 19th Apr 2011 | 食食食....食肥我 | (2119 Reads)

Picture

上次去左西貢郊遊後, 0友人係碼頭邊買蠔豉我又跟佢買..回家再細心搵下d食譜收集多個食譜, 我決定左抄d右抄d..點解我咁講呢?因為原來有d食譜就唔需要蒸蠔豉有d就要, 我最後都係決定蒸左佢會好d我怕只係煎唔會軟身.

材料: 8隻蠔豉, 薑, 蔥(事後我覺得多蔥好食d), 酒, 生抽1湯, 老抽3湯(我覺得這個唔要都ok), 糖1湯匙(事後我覺得落多d會好d)

 1. 將蠔豉洗後放上薑及蔥一起蒸5分鐘

2. 印乾蠔豉就"卜"粉

3. 落少少油係個pan就煎蠔豉令到2面金黃就ok上碟

4.將之前既調味攪埋落回原pan煮熱個汁就落回蠔豉炒再落多蔥, d蔥軟身就可以上碟.

如果大家都喜歡食蠔豉,我覺得這一款菜都唔錯, 又易煮.大家有興趣都可以試下.


JO | 18th Apr 2011 | 食食食....食肥我 | (101 Reads)

其實人生出來就係食, 賺錢都係為左食..所以我咁為食都正常..hohoho

夏天一來就更係喜歡食雪花冰...雪花冰我試過好多間, 但此終喜歡糖百府既雪花冰.
 
今次我試左芒果冰再配上乳酸醬..原來乳酸醬味道就似益力多咁 所以配上d水果味都好岩...
 
友人就叫左心太軟, 不過我個人認為佢都係精於整雪花冰, 其他甜品都係好一般.

PicturePicture


JO | 16th Apr 2011 | 食食食....食肥我 | (86 Reads)

好耐都無來過pizza hut食pizza, 咁岩佢地又做promotion 滿$100可以加3元換一款食物, 星期四係肉醬意粉我地就換左一客, 另外叫汽水又係免費添飲,真係抵上加上.emotion

 2個人叫左個2人餐: 一個細既至尊pizza, 蝦多士拚雞柳, 2個餐湯, 飲品及雪糕.
 
唔知係唔係太耐無食, 覺得d pizza好好味, 另外個小食蝦多士都好正唔算太油, 至於用$3換來既意粉都唔錯...

不過係唔係通漲好厲害, 以前記得pizza hut既2人餐好似份量多d..
PicturePicturePicture


Next