香港新浪網 MySinaBlog
JO | 30th May 2011 | 食食食....食肥我 | (140 Reads)

相信每一個人煮野食都係為左身邊既人食得開心, 當然加上半句既讚賞就更加落力去煮野食.

今餐都幾有滿足感, 雖然熱到死, 但煮左出來個個都食好多, 果份滿足感真係好難形容.

今餐有蒸鮑魚仔, 果皮蒸泥猛, 南乳齋同白切雞.

PicturePicturePicturePicture

今次既雞係電視度學, 第一次買d成隻完整既雞回來, 整熟要自己切件都幾困難..不過好彩都好好食好滑.這隻雞係煲一大煲水落蔥同薑放成隻雞煲熟去..攞出來即放係d冰水度一陣就可以切件...hohoo..真係估唔到真係又滑又好味..真係超易整, 大家有興趣都可以試下整.


JO | 25th May 2011 | 食食食....食肥我 | (319 Reads)

一連2個星期六都要番個長長既工...真係幾辛苦, lunch hour時間到, 行左去淘大搵食...其實一直都想試下此店, 一直都提不起勁, 難得今日友人陪我食飯, 2個人share一客海南雞飯再加多一碟油菜...喜歡這裡d醬油係可以自己加添, 對於醬怪既我就更加方便.
 
餐既例湯絕不麻虎, 真係似煮家湯好好飲, 主角海南雞好滑再配上3款醬汁無得頂.
 
一客都係$39更加係翻通脹價格......抵食抵食Picture

JO | 25th May 2011 | 食食食....食肥我 | (99 Reads)

見到sogo又半年一度既thankful wk更係去shopping下...見到這間餐廳又係有優惠咪同友人shopping完來這裡食晚飯.
 
2個叫都係叫左當日既優惠食物, 一客牛扒同一客三文魚再加$48叫左一杯咖啡同一個湯, 另外加$38要左3隻螺, 不過最難食就係d螺唔新鮮有d腥唔抵食.
 
另外個清湯亦不合我口味偏咸反而友人就話唔錯, 咖啡見到佢係蒸餾個樣都好吸引好彩都好好飲..
 
主菜其實2款都整得好好, 牛扒好香整得岩岩好, 三文魚亦煎得好香口, 不過份量就真係唔夠.
 
不過如果要用正價來幫襯就係唔抵
 PicturePicturePicturePicture


JO | 6th May 2011 | 我所想 | (152 Reads)

近來都無咩寫blog, 可能生活都係一樣無咩特別, 只係簡唔中會受到外界既誘惑令到我會有購買慾..hoho...我估這位美女睇到這篇野都知我係話緊佢...不過都係怪我自己定力唔夠..

今年原本係計劃新年去西班牙旅行, 最後無咩時間整理同計劃, 最後都係落實6月尾出發.

因為自從去台灣自由行後, 我深深愛上自助遊既無約束又唔會遇到一d怪團友(雖然上次去東歐係我去咁多次旅行遇上最好既團友既一次, 不過我唔信我可以再一次咁好彩)

不過今次唔同台灣, 台灣真係唔洗點計劃話去就去得, 但西班牙時間長冶安唔好, 加上我都要去幾個地方,又要坐火車又要坐內陸機無花上3個月planning都唔夠(不過我知道有d blog友係花上一整年去整理行程)

一早4月就向agency book定機票點知不足一個月d 油費已經升到每人要花多$600真係攞命, 最後自己係網上見到有d平機票, 最終今日買埋機票叫做慳番左少少.

之2日又係西班牙火車網幸運地俾我訂到2張平價火車飛..有所不知一張平票係eur 33但正價係要eur 83, 加上西班牙網絡都幾慢,我入左幾次credit card要俾錢都話俾唔到...我見過有d blog友話入左幾十次都唔得..我叫好彩入左幾次..

宜家我既工作仲係差book埋一程內陸機就叫暫時完成..

希望今次去西班牙之旅安安全全, 開開心心la.


JO | 5th May 2011 | 食食食....食肥我 | (144 Reads)
星期六係德福睇完戲出來都成8時, 在商場內搵食一定要等位, 最終帶左友人去左啟業村食大排檔好過.
 
當晚都好多人雖然唔洗等位, 但就要搭枱.
 
2個人叫左豉椒炒蜆, 辣酒煮螺, 鯪魚炒a菜, 蠔仔粥同椒鹽九肚魚
 
當中我最欣賞係個炒蜆無咩沙雖然唔大食, 但勝在夠鮮味值得食.
 
九肚魚同樣炸得香脆無油,  辣酒煮螺d螺夠大隻可能用左辣酒煮好似食唔到咩鮮味..當晚最唔得係個粥唔夠蠔仔, 下次可以不叫.
 
最欣賞係此店d亞姐真係個個都好有禮貌, 雖然多人但樣樣野都跟足無溜單...不過此终室外當晚又唔算多風愈食就愈熱...都係要留回冬天先可以再來.
PicturePicturePicturePicturePicture

JO | 4th May 2011 | 我所想 | (134 Reads)

星期日又加上難得連續2天既假期, 一早起身同d姪仔女4個小朋友去行下山...第一次來大潭水塘行山, 估唔到這裡都幾好行..一大條平路唔錯.

星期日一大早空氣好又無咩太陽涼涼地就最岩行山, 一行7人就開始行下山

PicturePicturePicture

不過此終都係同d小朋友行, 佢地又點會有心機行呀...又跑又嘈都幾煩擾其他行山人士..係度真係要講聲對不起.

我地最終都係行左一小時都唔知有無就走人...不過難得同d小朋友玩下都覺得唔錯.