香港新浪網 MySinaBlog
JO | 28th Jul 2011 | 西班牙之旅 - 2011 | (171 Reads)

係上面亂行一通之後, 我地又再次落埋下面sants cova睇下有咩行,心想仲未見到黑色聖母像, 點知去到下面又係見到2條路選擇但又無路版, 不過好多人都係選一邊路行,所以我地都係發揮我地本領 - 死跟.

其實來這個山真係唔算做得好足資料收集, 基本上我地真係亂行就算.大概只係知道有d地方我地應該miss 左無行到, 不過無計鬼叫自己懶來前無做足功夫...我地行到一半都唔覺得有咩野睇, 中途我地都問過人有咩睇,但佢地都話入面無咩特別, 但好彩我地都堅持行埋果d路程, 最後都俾我地來到睇黑色聖母.

hohoho..終於覺得來到一個指定景點影相幾開心, 行完後都差不多4時10分我地都準備要走唔係遲d怕太多人無位坐就死. 點知落山既Cremallera車要成5時多先有, 所以我地有時間又走回上去睇下有無機會摸下大教堂內既黑色聖母, 點知都係唔得又係要大排長龍. 無計啦, 我地走啦. 回程時2條友仔, 係火車到又化身一頭豬.

回到巴塞都已經7時左右, 我地決定係酒店附近搵食就算,  所以都係回酒店沖下身先再出發食飯...我地前一晚已經見到酒店後面街成條街都好多食店, 我地就係果d長長街搵食, 最後俾我地見到一間有中國人, 好有親切感我地決定係度食.

這一餐亦係我地覺得成個巴塞隆納旅程中最好味又最抵食, 果碟燒什錦海鮮都係euro$15, d海鮮真係好得當中青口最正, 其次d魚亦同樣好好味. 原本我地仲想最後一晚再來幫襯, 點知最後都來唔到...


JO | 27th Jul 2011 | 西班牙之旅 - 2011 | (202 Reads)

Day 7 今日我地準備去  Montserrat (蒙塞拉特)成個行程這一個都算我最期待 ,原來mont是山

既意思, serrat就係被鋸子鋸開, 好多古怪形象的岩石聚合

從巴塞隆納前往, 首先metro要到 Espanya地鐵站走到 Placa Espanya 轉乘 FGC火車, 再轉

駁 Rack Railway (Cremallera) 齒軌火車或 Cable Car 吊車上山, 便可直達 Montserrat 聖山

不過我地2條友真係太扮勁, 以為好似馬德里咁行2個metro站其實好近, 原來係鉑晒, 我地

一早係酒店行去placa espanya都只不過係2個站, 點知行左我地20mins, 真係超累. 加上又要

再搵個FGC火車位置, 途中都問左幾個人先問到, 宜家西班牙真係唔同左, 用英語都好可以

同好多人溝通到.最後2條傻皮終於搵到個FGC站, 我地亦係票機自助買飛. 不過我又做錯

左決定, 我買左一款係只係包火車票及rack railway來回既票, 其實只要俾多euro$8就包埋

上山2程任坐既Funiculars 登山纜車無限次數及metro來回, 等我上到山後要再俾錢買果2程

funiculars都幾心痛.

因為上聖山坐完火車之後要再接駁Cable Car 吊車/Rack Railway (Cremallera) 齒軌火車上

山, 但我畏高, 所以揀咗 Rack Railway 齒軌火車上落山.

一早花左好多時間係度行路搵路又要選擇買咩飛, 基本上我地都無時間去食早餐, 好彩火

車都俾食野, 我又預備左包仔係背包來, 所以我地2個人安置好一切又make sure我地無坐錯

火車後, 我地又安心食早餐同訓覺.

因為坐Cable Car 吊車/Rack Railway (Cremallera) 齒軌火車上山係唔同站出, 坐cable car係出

早一個站, 我地坐Cremallera就係最後一站monistrol de m.出

到達聖山已經11時左右, 所以我地決定行左大教堂先, 這座教堂有一個黑色聖母, 大家都排

隊等可以摸一摸, 我地上到去又排左一陣但好多人就決定走前先再排, 點知走前再去都係

勁多人排隊, 最後我地都係無摸到. 除左黑色聖母出名, 另外這裡少年合唱團的天籟歌聲都

同樣出名, 只可惜我地真係無咩時間等同欣賞, 最後我地行左一陣影下相, 等岩時間再落去

cafe食野

因為我地唔想再食麵包, 但熱食供應係1時, 所以我地行完落去等多一陣就叫野食. 估唔到

這裡d蘋果cheese tart咁正好岩我食, 唔係好甜正. 食飽之後我地就開始行山, 我地上左山即

係去左sant joan出發先. 但一上到去見到有2個方向, 我地係試過行45mins路程果段, 不過行

下行下唔對路, 最後我地又行回原處再出發行埋15mins sant joan路程就算.

其實坐這個纜車就有d似香港既山頂纜車咁, 不過佢既斜度相比就斜得多可以話有45度以上...不過都幾過癮

我影這幅相係想講, 這段路其實都好曬好熱, 但這一處就有大樹, 樹特別涼係涼到好似開左

冷氣咁涼, 唔怪之得這對couple坐係度飲紅酒食芝士真係識嘆.

行完個sant joan之後,我地又再坐回纜車落去再坐一程下山既纜車去埋santa cova睇黑色聖母像.


JO | 22nd Jul 2011 | 西班牙之旅 - 2011 | (246 Reads)

來到DAY 6, 今日係最後半日係SEVILLA市內觀光, 我地會坐3時飛機去巴塞, 所以今日行程都係得一個, 但我地訓到好晏先起身, 差不多10時先出門, 最後去到SEVILLA既西班牙廣場都係趕趕急急.

不過一早起身我地都係好HEA咁行去搵野食先...最後來左間CAFE食個唔錯既早餐

一個係有HAM餡料, 另外一個就只係單單用tomato sauce+olive oil, 估唔到單單tomato sauce已經咁好味, 之後我地試係supermarket搵這款新鮮tomato sauce都搵唔到.

食飽我地就坐tram去西班牙廣場

這個廣場好大呀好靚唔怪之得d書講一定要來la, 我地都後悔前日無來影行相先, 但我地真係唔夠時間都無咩細心再影下相, 不過這個廣場既52塊瓷磚塊塊d畫都唔同, 如果有多d時間去睇下真係唔錯, 可惜時間唔夠用又要趕回酒店執野準備check out.

因為我地係3點機, 大把時間呀咁我地為免再流汗,我地住程就好似蝸牛咁慢再去坐tram再轉機場巴士, 事關早一日已經知道條路線, 所以今日都係好輕鬆. 等左一陣就有巴士, 不過好多人上車呀, 好彩地我地都好後先上到車, 點知上到車箱又見到有位坐wor..當然即刻坐la因為去車程都要40-60mins架.

去到機場寄埋行李, 我地先發覺全部d時間都係叫岩岩好, 到左機場未上機前我地食左個lunch先...

食完又差不多上機, 由sevilla去巴塞坐飛機就係2:30小時, 但選擇火車就要6小時, 當然我地要慳時間更係會坐飛機比較方便. 不過今次程飛機票我錯失最平既價格, 因為我唔知道原來愈早就會愈平, 所以當我出發前2個月睇時價格先係eur$46時無買到, 一直想會再減點知不減反升最高價係升到上$84, 最後我係$64買左, 不過加埋各樣手續費寄行李費, 最後都係$80/張.

見到巴塞隆納個新機場好大好靚, 心想一定靚過馬德里, 點知出左去坐機場巴士去市中心見到d街道就已經令我完全失望. 估唔到我最期待既地方亦專登將整個行程放係最後既巴塞隆納.........我唔識點形容.可能我第一站到馬德里見到d條道好整潔, 周圍建築物好古色古香, metro又乾淨光猛, 但巴塞隆納就俾我感覺好似好窮又唔係處處有d古舊建築物, 加上個metro真係好舊又唔好坐, 所以有d失望.

我地係機場坐30mins就到市中心, 一落車見到metro站又再坐幾個站就到酒店附近, 不過我地傻更更都搵左一陣先搵到間酒店. 當然這間酒店都無得同馬德里相比. 又係沖下身休息一陣.

我地到達巴塞已經差不多6時坐埋車搵埋酒店settle好晒出門已經7時, 第一站我地就係行去La rambla大街, 事關我想試Sant Josep market內既Kiosko餐廳點知去到就關左門非常失望, 再睇下書原來佢地每日都係開到4:30分真係巴閉.

無得買咪係個市場睇下都要, 這個市場都好多新鮮水果買, 忍不住都買左一盒來食.跟住這裡有多買ham既店舖, 我地最後買去左2間分店買左一包$25同一包$5來試下. 買完野我地又行下la rambla大街, 咁岩又見到有人遊行, 不過佢地都好斯文.

行到咁上下我地都要食晚餐, 因為明天我地又要一早出發去行山...今晚去左一間包左2個tapas+一個主菜~要左grill fish食...估唔到亂搵食都唔錯, 我估這條係sea bass掛, 真係好香好滑.

食完之後我地又行回酒店時, 入左一間小型supermarket買左一支6 l既水,這支水應該成個行程最平euro $2都唔洗呀.夠我地4日飲用.


JO | 20th Jul 2011 | 西班牙之旅 - 2011 | (162 Reads)

不過話唔得都行左2小時, 出到來真係頂唔順, 最後回酒店休息個半小時先回魂.最終我俾人扮醫生斷診我為"中暑". 中完暑休息完都已經7時, 我地又再出去亂下一通同埋搵食, 事關我地唔肚餓, 所以我地行埋去鬥牛場

同黃金之塔影相, 不過2個景點都已經關左都無得入去睇只係在外面影左相就算.

後來我地睇地圖見到個機場巴士站好近, 所以我地又要為明天中午出發去機場搵好路線, 咁樣明天就可以安心去埋最後一個景點 - 西班牙廣場.

唉..唔怪之得我中暑, 晚上8時都成38度...

搵好路行回酒店途中我地就商量要唔要睇flamenco, 話晒來到flamenco既發源地我地又無話要睇鬥牛, 所以最終我地都係決定睇. 不過我地預先又無book定, 我地行到去人地岩岩開始第一段, 所以我地係門口等左15mins後先入場睇.

其實佢唱咩又唔識, 加上2位舞者都唔係好吸引, 所以我都係覺得好一般, 不過一場來到都係要睇下先覺得抵.睇完出來都已經晚上10點幾, 咁既鐘數天就黑, 咁晚唔可以食太多野, 所以2個人叫左2款tapas(bufflo wing , shrimp & mushroom)加一個house salad.

食完之後我地又係附近行左一陣已經12時, 回到酒店要按鈴先開門都好安全.

回到去沖完涼就即訓覺, 今日又玩得太累.


JO | 19th Jul 2011 | 西班牙之旅 - 2011 | (206 Reads)

check in完我照例沖一沖涼就出發去參觀. 主要來Sevilla都係為左睇Catedral de Sevilla

 

(現時是世界上的第三大教堂,整個建築混合了歌德式及文藝復興的風格), 所以第一時間我地就係去排隊買飛入場. 成個教堂令我覺得有印象就係要我行左37層數百級樓梯到最頂鐘樓, 不過這個城市最高就係catedral這個頂樓,所以行到最高係望晒成個城市真係幾靚幾舒服. 當然行果幾百級樓梯真係攞晒我命.

在這個教堂都花左2個半小時, 我地就在附近餐廳搵食就算. 見到有set食2個人就share一個餐再加多一個salad.

今次這杯sangria就好飲d起碼無落咁多砂糖不過酒精好少都係唔岩飲. 成個餐我地最喜歡就係個西班牙凍湯, 天氣咁熱飲這個湯真係好醒胃好好飲, 至於個西班牙飯就一般都係馬德里第一餐果飯最正.

這個城市都好得意, 路邊種左好多橙樹

食完飯休息完我地又開始行埋另一個景點~ Real Alcazar 又係世界遺產. 這個往宮好大又係好似迷宮咁, 加上天氣好熱呀我成程開住個手提冷氣機仔都唔得.

其中一個後花園, 池塘有好多魚條條都好肥美.不過天氣好熱加上人又累我真係開始無咩心機影相, 有d地方我都係坐低等多過參觀.


JO | 18th Jul 2011 | 西班牙之旅 - 2011 | (366 Reads)

Day 5今日我地就由Madrid坐ave火車到Sevilla, 出發前成2個月已經買好火車票, 這一程係最抵事關睇左好多網友話如果在當地買一程咁既火車正價就要Euro $128, 但我經renfe網上買就只係每人Euro $34真係抵. 只不過renfe個網都幾麻煩又慢, 我起碼刷左十幾次先終於買到票, 果時又怕佢收左我十幾次錢, 好彩都無事最後都係收左我一次費用. 出發前我又再係個網print 埋張boarding pass就攪掂又唔洗再到當地renfe既票機print野, 所以大家有機會去西班牙坐火車, 記住出發前自行print out boarding pass咁樣會減省好多功夫.

我地坐9:30am火車, 不過我地怕中途有咩麻煩我地都係例必早到成個鐘. 去到火車站一心一意想影下個火車站點樣似森林, 可惜我地又係似出唔岩個閘口無得影, 最後我地只係在附近影下就算.

入去等火車又係要經過Custom先到侯車室,大約等左40mins班火車就來. 見大把時間我地更係要左影右影, 值得一讚係西班牙d交通真係好準時架, 我地亦都係準備9:30am就出發. 今次真係再見馬德里.

坐左2:30小時就到達Sevilla(塞維爾). 之前睇blog已經話這個城市係最熱, 當日好彩出左火車站又唔係覺得太熱叫做仲頂得順. 為左慳得一蚊得一蚊, 我地無坐的士回酒店改左係坐巴士再轉當地既tram. 巴士站就係由火車站直行經過parking再行過對面馬路坐C2巴士到prado san sebastian, 落車就已經係tram站再過對面方向坐去plaza nueva總站方向就已經係景點區.

其實Sevilla唔錯大好多加上我地住既酒店就係景點附近, 所以我地住係Sevilla既一晚去既景點一般都係行路就到.

今次住既酒店好古色古香, 好彩d野係舊d不過好彩乾淨.


JO | 15th Jul 2011 | 西班牙之旅 - 2011 | (278 Reads)

Day 4亦都係最後一天留係馬德里事關明天我地一早就坐AVE火車去Sevilla, 前2天因要去郊外所以車程等各方面都要趕緊, 反而今日就最hea只係在市內行下睇下野, 至於shopping因為一心一意去巴塞先睇手袋, 所以基本上我係馬德里無點行過街只係去左英國宮百貨睇左d鞋無唔岩心水就算數.

我地都無set alarm clock一心要訓到自然醒, 不過人都係犯賤自然醒都係8時左右就起身, 所以我地9時左右就出門.有時間都係影下間酒店, 這間酒店真係唔錯, 地點又好又近太陽門廣場價錢又ok, 加上我地去果時有好多人示威令到d酒店要降價,令到我地執到平酒店.

一早我地好hea地決定由酒店行去Museo Nacional del Prado 普拉多美術館(其實咁行都要行左20mins)不過中間又可以睇下野加上早上唔熱唔曬有陣陣涼風真係幾舒意.途中終於俾我睇到收費洗手間,

搵到美術館後,我地首先去左附近搵coffee shop點知得一間開無選擇之下入左去食個早餐先,不過我無咩胃口只係叫左杯咖啡就算, 這邊d 橙汁更鮮榨架不過都幾酸下, 這一杯橙汁個價就貴過我叫一杯咖啡加一件choco croissant.

食飽我地就出發Museo Nacional del Prado 普拉多美術館, 美術館內不準拍照亦唔可以攜帶手提袋及物件隨身, 所以參觀得非常輕鬆.同樣這個美術館超大亦係好似迷宮, 但入面有好多好多畫真係好佩服以前d人可以畫到有立體效果.我地一行就花左3.5小時la..真係當左自己好識欣賞畫咁.

行完之後我已經得回半條人命, 加上我睇書想去附近Parque del Retiro公園既水晶宮睇下行下,所以我地決定係美術館內既cafe解決就算.估唔到係美術館內既cafe食物都唔貴wor, 味道都唔錯....我地2個人叫左個西班牙凍湯, 一碟魚同一件唔知咩蛋糕, 樣樣都好味, 最有印象係個西班牙凍湯, 真係好好飲好醒胃.

食完我地又再出發去我Parque del Retiro公園

, 去到已經2時左右真係曬到變人乾, 不過又唔洗入場費又真係想睇下佢個水晶宮仿傚英國既水晶宮, 點曬我都會死入去睇下.

因為個公園超大我地又無map, 所以搵左一段時間先見到個所謂既水晶宮. 不過見到時都幾失望, 入面都無野睇只係成座野用玻璃做成咪叫水晶宮, 不過都叫景點之一係公園行下都幾開心呀.我地仲學人訓係個草地休息下真係幾舒服.換轉係香港訓草地一定係餵飽d蚊呀.

我地影完相要行出去公園時, 見到中央有個好大既水池

, 嘩好多人係度租船仔玩, d西班牙人真係識享受. 咁岩果日係平日但唔知咩假期, 所以佢地放假就去公園玩下都唔錯.

行完2個景點都已經3點幾4點, 之後我地亦繼續由公園行回酒店

, 原本係要去sol度shopping睇下野, 但反正去sol前都必經酒店,所以我都忍不住要求回酒店沖左涼休息下先再出發, 整體成個旅程我真係最喜歡就係馬德里這間酒店.

沖完涼換左件衫成個人舒服晒, 我又充滿力量可以再行. 基本上今日都無任何特別景點要行, 睇旅遊書話有一個修道院係sol附近,所以我地咪想去參觀. 點知搵左好耐先搵到, 但點知因當日假期下午1時半已經關閉. 最後我就建議去再試下西班牙人食既"油炸鬼"我仲想要俾多次機會佢,所以我仲要去出名既百年老店Chocolateria San Gines試

.

今次試左幼身配朱古力, 另外叫左杯black coffee. 點知都係同上次既味道一樣, 一樣似港式油炸鬼, 唔知係唔係我唔太喜歡甜, 配上朱古力醬仲甜仲漏呀..好彩叫左杯black coffee唔係都幾難想再食多一口.

食完之後已經好飽好漏, 我地就係附近d街亂行睇下衫睇下鞋, 但我地一樣野都買唔落手, 其實camper就同香港差不多洗鬼搬回香港咩, 其他衫我又無咩心機睇, 所以2手空空. 最後行到7時多我地都無胃口食野, 我地決定係英國宮樓下既supermarket買野回酒店食好過.

回酒店後,各人沖完涼舒舒服服就開餐食晚餐, 不過大家都太耐無食菜所以空口無任何醬汁食包沙律菜都食得超開心, 仲要估唔到d罐裝白蘆筍亦好好味, 另外一包係什錦煙魚(入面有三文魚, tuna仲有一隻唔知咩魚)不過同樣好好味, 這一餐亦都係我地例入最回味既西班牙晚餐之一.

最後一天馬德里行程都完結, 我地唔知幾時可以再來馬德里. 拜拜馬德里!


JO | 14th Jul 2011 | 西班牙之旅 - 2011 | (259 Reads)

訓醒就已去到toledo(西班牙相當著名的觀光勝地, 擁有 1500 年以上的悠久歷史, 並於
 1986 年被聯合國教科文組織,評選為世界文化遺產之一)

落左車之後我地就出車站, 我地一直都覺得景點應該好近, 點知出左車站我就想暈低,
點解周邊都唔似有景點既, 唯一一個似景點既地方又點解好似好遙遠咁........唉...我都已經好累la所以我又想懶就走左去巴士站睇下有無車去個景點, 對極個巴士路線都無我想要既名, 最後走左去問下個
型仔police先, 好好地佢教我地行下去, 好彩都係行15mins就到仲要有小段有電梯坐唔係都唔知點算.

入到城內真係俾d建築物吸引坐,

第一站我地就去左Alcazar 城堡, 好好彩這坐城堡之前做緊維修係上年6月先開放番.我地更係要入去參觀下, 跟住d人又叫我地要放低d袋咁我多口就問下可唔可以影相
點知佢又話inside唔可以影, 咁我地又以為成個城堡無得出外影相更係相機連袋都放係locker就算.....

後來入到去亂行一通之後先發現可以去到坊堡出面架...所以我地成個城堡一張相都無影到. 這個城堡好大成個迷宮咁, 我基本上都唔知自己行左去邊加上行左好多路好累,我
都開始無心機再, 最後都花左2小時半係入面.

另外最著名的就是這所大教堂,內部禁止拍照。有時禁止拍照都好既, 起碼自己唔會只掛住影又好似無咩細心睇下野.

行完2個主要景點後,我地決定係toledo食埋晚飯先回馬德里...亂入左一間餐廳叫左3款tapas食就算...平時我係香港唔喜歡食魷魚/八爪魚, 但西班牙d魷魚真係好好味, 這間店既tapas都唔錯, 我地2個人叫左炸魷魚真係好好味, 另外叫左碟有橄欖加d八爪魚酸酸地好開胃, 最後叫既牛肚就麻麻地, 可能加埋d豬皮係入面好肥好油, 我地唔係好識欣賞.

.

食飽後都已經成7時多但係天色仲好似香港既下午5點咁真係日照時間長呀,我地 亦開始回程之路,好彩係toledo回馬德里d車都幾密每30mins都有一班,所以我地買完車票係車站發呆一陣就落下面巴士總站等車來,上車後2條友仔又再做豬.

回到馬德里都9時多,我地直接回酒店反正明天行程都係馬德里市內觀光好relax.


JO | 12th Jul 2011 | 西班牙之旅 - 2011 | (373 Reads)

Day3今日行程都比較趕急及緊張, 事關我地會去consuegra但由馬德里去既話每日班次好少如果我地早上miss 左9點既車要到下午2時先再有一班車, 所以今日早上我地一定唔可以有咩 錯失.又係一大清早起身出發, 又係坐metro係mendez alvaro站落車, 之後要去買車票再落下面巴士站等車. 又係好錯睇左blog教係邊度買車票等指引, 唔係單憑自己傻下傻下真係好 多地方都會出錯時間亦配合唔到.
我地買完車票後仲有成個1小時, 所以我地就好老定去左車站既cafe食早餐...這一個考驗又來點叫野食呀, 又唔識西文佢地又唔識英文..點算好加上佢地好似唔洗排隊咁走埋位就叫野 食..咁我都唔知點好...最後等左成20mins個小姐終於留意到我俾我叫野食...我都係用手指指住d客人食咩之下成功叫左2個早餐安心食野.
今日終於試左好多人話來西班牙必食既早餐"香港油炸鬼", 一般佢地係配上一杯朱古力"點"來食, 但果間餐廳又唔見有人配朱古力食wor, 好多人都係叫杯咖啡"點"來食都有, 所以 我都係咁做指來食.
不過我麻麻地喜歡, 佢既味道真係同香港既油炸鬼無咩分別, 但大家想想將成條油炸鬼浸落杯咖啡, 杯咖啡咪油晒真係怪怪, 真係唔浸又死浸又死, 總知就係唔岩我食.咁鬼早整條
老油條配咖啡真係超怪.


最後食完後去埋洗手間我地又落下面排隊上車, 車程又係要2個小時, 我又開始要訓覺休息下. 2小時後我地就到左consuegra, 同樣地好多人都落車la. 因為我地今日係去2個地
方, 即係由consuegra再坐車去toledo, 但之前d blog友又話有個巴士站唔係落車處當時都有d擔心, 加上搵極都搵唔到blog講既地方, 不過好好彩一年之後西班牙既旅遊地區都改善
好多, 落車處有一個tourist information centre, 我更係第一時間走入去問問這裡有咩好行同去toledo既巴士時間, 佢地都好helpful用英文講解得好詳細明白, 加上好多人都係去consuegra
跟住去埋toeldo, 所以佢地都有好多完善既資料俾到旅客. 宜家由馬德里去consuegra既落車處算叫一個小總站, 由consuegra去toledo都係在那裡等車就攪掂.咁樣都會令旅客安心d.
到達consuegra都已經11時, 我地又準備坐1時35分既車去toledo, 所以我地唔係好多時間去風車村加上都未去過又唔知路程要幾耐, 所以宣傳紙內介紹好多景點我地都無去, 一心一意就只係行去影 風車就算.
已經好叻無行錯路就係一路行上山去搵風車, 但點解愈行都係來來去去得咁少風車???都唔係d人講到咁靚既, 唔通我行錯,一路行就一路睇下書睇下自己有無行錯, 加上除左我地2個傻仔 行之外都無人跟上來既..咁怪...最後我地都係無行錯, 只不過這個景點真係一d都唔吸引旅客乾曬咁行上來, 所以我地2條傻皮影完相好失望咁又行番落山la.
老實講坐成2小時車每人仲要成十幾元車費來真係一d都唔值, d風車又少又唔靚(好多都殘舊又爛), 如果大家有機會去西班牙這一個景點係可以不來.

最後我地回程時見到間教堂又走左入去一陣睇下, 見都無咩野睇就決定去車站等車好過.
其實這區真係好似一個死城咁, 就算我地經過住宅區都係無人係廣場又係無人餐廳又好似得一間不過未開wor...唔怪之得有d買野食vendor..
去到車站就係果度解決我地既午餐就算...這一個包仔就係我前2天買既ham加芝士整既,
這幾天都係咁樣準備下d麵包以免我地趕車無野食都有個包頂下肚.
最後等到1時35分準時上車去toledo, 今次車程都有1小時又係可以上車再訓既時間...成個旅程我都覺得自己似一隻死肥豬, 一坐低就訓一開眼就食.


JO | 11th Jul 2011 | 西班牙之旅 - 2011 | (299 Reads)

Day2一清大早8:30PM就出發去segovia, 坐metro係principe po站落車, 但我地出錯站口, 所以搵極都搵唔到之前係blog人地話既巴士站買飛, 我地又再次係metro度問個security靚仔, 當然佢講西文話我地知係邊度la..咁好明顯我地又唔知佢講咩只係跟住佢指既方向行, 好彩見到個巴士標記安心晒. 最後要坐9:30巴士, 每人車費$12.33坐了二小時巴士終於到達. 訓左2小時成個人又精神左, 不過我都係忍不住落左車都係要買杯咖啡飲左.來之前好多blog都話西班牙每日都飲一杯咖啡原因係d咖啡好掂好好飲, 不過我就覺得好一般, 可能我係要black coffee呀, 但果邊d coffee如果唔落奶就係expresso太勁la, 但好累又唔想飲有奶既咖啡最終都係要飲左杯expresso先可以去玩.

行出巴士站基本上跟住d多人行既地方就會去, 所以我地跟住多人地方行一陣已見到好宏偉羅馬水道橋。

因為我們想午餐於水道橋旁出名餐廳meson de candid用膳,於是我地無再行人城堡同教堂先, 只係在附近行到中午1時就入去餐廳食個午餐先.

我地一入到去就見到個唔知第幾代老闆帶我地入座, 仲問我地邊到來, 跟住就俾左佢地一本中文書仔係介紹佢地餐廳歷史真係有誠意.

來前已經係香港做定research, 一早都知道要叫烤乳豬及烤羊腿, 2個人連飲野$55都ok。不過成餐野只係肉無d菜落肚都幾辛苦, 不過個乳豬真係幾好味特別係我喜歡食脆卜卜既皮, 至於羊都ok如果大家喜歡羊既羊"so"味.

不過我覺得西班牙 d 啤酒麻麻地好似無咩香味都係一般, 只係唔想飲汽水既情況下啤酒就係唯一選擇

飯後我們就開始行去大教堂$3入埸費

及阿卡乍堡alcazar每人$4.5, 特別一提就係這個皇宮好似話白雪公主堡壘都係仿傚佢而造成.

行完後我們就去超市買左水就準備到車站換回程車票跟住又回馬德里.

返到去又唔知道去邊度食飯好, 最後我地就係principe po站附近有個好大既shopping mall內解決就算.


Next