香港新浪網 MySinaBlog
JO | 23rd Aug 2011 | 西班牙之旅 - 2011 | (145 Reads)

其實係火車訓左2個小時都回到d體力, 所以我地決定去埋Port Olimpic影魚, 但我地仲心大心細要係果度試下seafood platter定係回酒店附近既唐人店食佢地既海鮮拚盤, 最後貪新鮮既我地更係試新野. 我地亦無再回去同唐人廚師say good bye la.

來到Port Olimpic更係要影這條魚啦...見到d人係沙灘游水我都好恨, 真係可惜...仲有沙攤排球玩好正呀

 

無無聊聊影下相又行下都已經7時都係去搵食, 我地都係專登搵回雜誌都推介嘅餐廳  marina moncho's, 一入到去就見到好多相不過唔係個個人都識, 只係見到香港代表就有一位男既化妝師有為佢地此餐廳介紹過.

 

送既蕃茄包同olive, 個包真係好一般反而個olive好味..

 

登登登登...2個人叫左個凍既seafood platter..來到時都嚇死人..當中好似有4-5款不同既蝦, 1款生蠔, 1隻好似麵包蟹, 幾隻蟹仔, 青口等好似差不多真係唔記得.

不過你問我味道如何.........我只覺得好普通, 我覺得這餐廳有咁多人介紹係因為平這個platter先至euro$63左右, 係香港真係唔止咁既價...老實講我都係喜歡唐人廚師燒海鮮拚盤多d.

2個人消滅這盤野都花左2小時仲要食唔晒, 前一晚我地經歷係la ramble飲一杯euro $5.5既汽水,我地都估這裡可能都要差不多價錢, 點知這裡都係收正常價euro $2.5, 所以我地深信果間餐廳係應該亂咁收費.下次真係要醒目d, 都算一個經驗.

食到飽飽我地又坐metro回酒店.這一間就係我地係巴塞隆納住左5晚既酒店, 對面係burger king, 但好特別架佢地每晚11時之後先多人買餐食, 12點-1點最熱鬧, 真係熱鬧到嘈死我...所以這一間我係唔會介紹朋友住.回到酒店開始執行李, 因為明天我地一晚要check out去機場坐機回香港.

 

 

 


JO | 19th Aug 2011 | 西班牙之旅 - 2011 | (149 Reads)

來到真係最後一天day 10, 我覺得都算趕急既一天.我地決定到Figueres參觀Salvador Dali既作品, 好多人會識Gaudi同Picasso, 不過這位超現實主義既代表都唔少人認識.反而去到西班牙我就無去到畢卡索藝術館, 反而走到Figueres來參觀這位創作大膽既藝術家.

預先已經check左d火車班次, 大約9點左右就到左火車站買車票, 一大早都好多人排隊買飛加上佢地有分好多counter, 初時我地排左去long distance既counter, 後來好彩排左一陣就發現即刻去左另外一個counter再排過隊....到我地買飛我地俾張紙話要買來回Figueres既車票. 點知一取到火車票望極都唔知入咩閘口邊班火車..好彩有個服務台係旁邊我地又攞住張飛去問, 問左2次先知道我地班火車係5mins就開出, 所以我地又要出盡力跑呀,跑呀. 好彩跑到上車..真係成頭汗. 其實係巴塞隆納去figueres每日都有好多班次, 但有某幾班就會特快即係唔係站站停, 如果大家有興趣去都要睇準d時間上d特快車程咁樣會慳番好多時間.

 

坐左成2:30小時終於到...到達已12時多, 我地都係決定食左午餐先去行好d, 一出火車站見到成個城市都好似無咩人, 旁邊得一, 二間餐廳, 最後我地去左一間到解決就算.

 

食完飯我地就繼續跟d指示牌行去Dali 藝術館, 點知俾我地見到 藝術館旁邊有好多餐廳而且價錢同我地係火車站d 小食店平d同靚d, 仲要旁邊有好多藝術品欣賞, 我地真係好後悔. 無計都食飽無可能再有位置放食物, 最後我地就排隊入場.

途中行入來時, 成個城市都無咩人有時整條街都係得我地行, 真係怪連商店都無開, 我地仲係度想緊今日係weekday點解未到1點已經關晒門. 唔通無啦啦又係假期.

 

這一幅遠睇係一個男人樣, 近睇就係一個裸女背面, 真係唔明咁大幅畫都可以畫到咁既效果, 愈來愈覺得d藝術家好叻.

 

 

 

這一個女人面其實我地排左好耐隊係上面透過一個鏡睇到成個畫面.

 

 

除左畫畫了得外, 原來設計珠寶同樣出色.

 

這一個就係Dali 藝術館既外觀幾得意, 其實附近仲有2個景點可以參觀到Dali既野, 不過我地真係無時間, 要點巴塞

 

這個城市其實都充滿藝術作品, 其中一張仲有Dail既樣幾得意.

 

估唔到連Figueres都有d人扎營示威真係勁.

預岩時間我地就係火車站買左d零食上火車食就回巴塞. 當然食完我地又再變回死豬

 

 


JO | 18th Aug 2011 | 西班牙之旅 - 2011 | (153 Reads)

行完個公園都係得回半條人命, 但我地都係要去Loewe買手袋...成個旅程我地都好幸運俾遇上任何不愉快既事情, 如小偷, 扒手等...只係簡唔中有d人叫我地幫手影相, 上前來問野我地都好醒目扮唔知講咩即閃開.

我地又坐metro去回感恩大道買手袋, 準備要出metro時我地就目睹有一班童黨(估佢地都有17, 18歲)俾metro內既職員拉到. 其實睇完之後都幾驚, 係驚回酒店時又引到d人來偷我野. 雖然Loewe唔算咩大品牌, 但係都唔想有咩不偷快既事情發生架. 我地買左一大袋野走時, 落去metro站仍然見到這班童黨已經俾人帶上手扣, 不過值得一提宜家西班牙已經無前一, 二年咁多小偷出沒, 只要大家出門時小心自己財物唔好帶d咩貴重飾物就沒問題.

買完野更係放低d野回酒店順便沖下身, 休息一陣我地又出發. 原本我地都無咩見的, 不過我地想再去Sant Josep market內既Kiosko睇下有無機會, 點知又係失望呀.足足來左3次都係關閉大吉, 無緣. 反正有咁多時間我地就去左桂爾宅邸 (Palau Giiell)參觀.這一個係Gaudi初期嘅作品,亦已被列入世界遺產。這裡都係入場費已包埋一個講解器, 有時個講解器仲會顯示當年既圖像出來令大家容易聯想當時既情景.

 

其實這一個宅邸內部都好宏偉, 起左一個少教堂係入面真係厲害. 此終係Gaudi初期作品, 我又唔覺得又太多大自然創作溶合係這間宅邸內.

 

不經不覺又欣賞了2小時, 我地就行出la ramble 搵食. 我地亦選左一間係這條大街既食店食晚餐, 亦飲左西班牙全個旅程最貴既汽水euro 5.5真係攞命.不過無計鬼叫自己唔問人價錢就點咩..佢要開咩價都要俾.

今晚叫左個西班牙海鮮湯, 一碟燒什菜同一個西班牙海鮮麵條....估唔到個麵條真係幾好味同樣將d海鮮既味吸晒係d麵條度, 大家有機會去西班牙都可以試下這個麵條.

 


JO | 17th Aug 2011 | 西班牙之旅 - 2011 | (134 Reads)

等左20mins就有車, 原來這個站都好多人上車, 真係佩服d巴士司機, 其實巴塞隆納有好多小路窄巷, 架巴士咁大部就係d小路行洗咪話唔辛苦, 坐左20mins終於到左Parc Guell 桂爾公園既入口, 這裡其實有好多入口,如果我地坐metro到parc Guell首先要行一條勁斜既路上山, 好彩又係之前睇左blog提點,我地搵到架巴士坐先避免行上山之苦.

 

雖然這個公園已經俾列入世界遺產之一, 不過我都唔覺得有咩好睇.都係一句唔識欣賞呀.

加上天氣好曬好熱, 更加無咩心機睇, 我連隻馬賽克蜥蝪就係 Parc Guell 嘅 Logo標記都無影到就知我當時係幾想返酒店休息.

回程時我地就決定下山去坐metro, 我地一路落山一路好慶幸來時係坐巴士, 果條路如果行上來真係幾辛苦, 所以大家會去西班牙既parc guell都係選擇坐巴士來好過.


JO | 3rd Aug 2011 | 西班牙之旅 - 2011 | (151 Reads)

不知不覺已經踏入旅程既尾聲Day 9啦, 其實到最尾好多都係市內觀光唔洗日日都要7時起身已經好好多, 不過此終老啦成日都覺得好累咁.

一早又係去附近既coffee shop解決就算...今日終於俾我叫到一杯regular black coffee

食飽我地就向La sagrada familia(聖家教堂)出發, 到達之後都已經9時半當然一早唔代表唔洗排隊,足足排左半小時係出面乾煎先入到去. 好彩早上都唔算太熱, 唔係中午來我實死.

 

因為仲係度興建當中, 無一個位見唔到d支架...不過相信興建好後, 這一座教堂都會列入最大既教堂之一啦....這個教堂有一半係Guadi設計但佢死後, 就交到落另一個設計去興建, 所以這塵教堂同時擁有2種風格, 不過我都係唔識欣賞, 只係覺得一新一舊其他野真係唔多識分別.

我地做足準備, 一入場即刻登塔樓免左再同人排隊迫埋一起.其實上去既目的都係俾大家可以近距離欣賞下教堂外觀既建築

圖上係Guadi作法, 以圖下就係另一位建築家設計

睇下d人幾無公德, 不過點解咁多不同顏色既chewing gum..不過又整得幾有藝術感

這張相好難影, 因為大家行落來時都會伸手/伸頭出來影相望下, 岩岩可以捕捉到無人幾叻.hohoh

睇完晒成個教堂之後, 再到一個室有講解Guadi既創作概念, 原來佢好多建築概念都係來自大自然, 天才真係天才, 好似我d庸才見到d花花草草都唔會有咩靈感啦.

這個4x4格既數字, 直/橫/左/右加埋都係33

原本預起碼3小時先可以睇完既教堂,我地都係用左2小時左右, 行過對面馬路再影一張相,我地就行去聖保祿醫院 Hospital de la Santa Creu i Sant Pau (1902-1930) 方向去坐巴士到Parc Guell , 不過我地都係蠢到左 Hospital de la Santa Creu i Sant Pau 俾列入世界遺跡既建築物前都唔記得同佢影相, 係連行過去都無真係浪費.

到左 Hospital de la Santa Creu i Sant Pau 行前少少就有去parc Guell既巴士站.我地等左20mins就有車.這裡d人真係好好心,有個女人見我地係度望就主動問我地係唔係去parc Guell仲話同我地同一架車, 車到左會叫我地.不過全程佢係講西文, 大家都係手指指溝通. 相對睇回自己係香港, 如果見到d遊客都唔識主動去幫人真係覺得有d慚愧.下次係香港見到d遊客見到人地搵路都要學下西班牙人咁熱心主動幫人.


JO | 3rd Aug 2011 | 西班牙之旅 - 2011 | (187 Reads)

我地行到來casa battlo就已經見到人龍, 不過無計我地都係決定行完先食lunch

這間既入場費仲要貴過前一間, 不過就包埋講解機.

雖然casa battlo已經無晒以前d傢俱展示出來, 但我個人就比較喜歡這個家既設計多d, 就算走廊既藍色, Gaudi都要用上深藍及淺藍去配合, 仲有好多設計都溶合大自然去創作, 佢真係厲害. 天台同樣設計好多古怪, 仲有這一間原來以前用來貯水架真係估唔到.

行完後都已經2時多, 不知不覺又花左2小時. 出到來見到點解關門, 唔怪之得愈行愈少人啦.我地就更加慶幸決定行完先食, 唔係又要再花時間來參觀就麻煩.

行完見到對面係TAPA TAPA, 之前見到好多人都介紹此店唔錯, 所以我地都好開心咁走入去食個LUNCH.

TAPA份量都係少少, 所以以我咁為食又喜歡樣樣試下, 真係唔錯既選擇. 生蠔我就覺得唔錯, 不過最正算係青口好鮮甜,反而個唔知咩魚SALAD就好一般, 最後再追加一個3 CHEESE RISOTTO先至叫岩岩好.

食飽之後今日我地決定唔再行咩景點參觀, 只係隨意行下街就算...行下感恩大道, 亦去左西班牙出既LOEWE行下, 其實來前都無咩心水一定要買野,所以好多價錢我都唔覺得特別平, 最後我都係睇下一樣野都無買就走人.

回程途中見到另一個建築家既作品casa amatller之家,其實當日無開放參觀,我地都係走入去八下就走人.這間屋其實就係casa battlo隔離, 旅遊書話casa battlo興建出來就係見到casa amatller起左係隔離, 佢要威過隔離屋, 所以先請Gaudi幫佢起casa battlo.

以前d人真係有錢亦愛出風頭.

我地不知不覺亂行就行到回去加泰隆尼亞廣場(Plaza Catalunya), d示威抗議人士仲勁起樹屋, 真係佩服佢地示威都要示威得寫意d先得...後來我地又走到去歌德區行下, 不得不講下宜家好多歐洲國家都鼓吹踏單車代步/交通工具, 圖下面就係我地係西班牙成日都見既單車, 這些站好多地方都有我地見d人放好單車再嘟下張card就得, 又或者嘟左card就會顯示幾多號單車就取得, 十分方便.

去到歌德區亂行又俾我地見到Catedral de la sau, 我地2條cheap友仲話要錢都唔入留番去La sagrada familia(聖家教堂)就算, 點知行近d去影相時先發現免費入場既.免費既野更係唔好蝕抵,我又走入去影下相.

行完之後又走回la rambla大道, 這裡好多人都喜歡扮d好誇張既造型不過要俾錢佢地先會有動作

 

今晚去左間食kebab快餐店解決就算, 原因係我要留肚食個雪糕waffle.不過這個waffle唔岩我食, 勁甜.食飽行夠皮就再回酒店.


JO | 2nd Aug 2011 | 西班牙之旅 - 2011 | (201 Reads)

Day 8都已經接近行程既尾聲, 人老啦...........我都開始覺得每日都好累咁, 有時都唔知為咩自由行都要好似參加團咁日日7點morning call...今日開始就係巴塞市內參觀Gaudi既作品之一 ~ Casa Mila米拉之家 (1906-1910), 已被列入世界遺產.今日成日都係市內, 所以我地都係9時多先出門, 早餐我地都係酒店附近每人食個CROSSIANT+COFFEE就起行.

早上10時多到違好彩都唔係好多人排隊,入場費又加左價真係貴呀. 不過無計原來後來先知道我地參觀咩Gaudi既建築物好多都係私人作定期維修無政府支助, 所以相對來講入場費都要收貴d先得.

其實真正去到當地睇到這個建築物,老實講睇相會比較有驚喜d. 就好似我第一次去埃及睇到真實既金字塔一樣有點失望. 以咁特別外型建築物以當時來講又真係幾冥爭議性,不過到現在來講又覺得好一般啦, 不過都係我自己個人無品味唔識欣賞這位建築奇才至真.

 

整座建築物只係開放一層樓展示出當年屋內既格局及主人及其子女既房間. 整座樓最吸引我都算係天台.

就算唔太喜歡, 我地都用左2小時先行完. 12點又未肚餓,但我開始覺得個人好沮喪真係唔知點解, 去咁多次旅行第一次去到會覺得個人好DOWN好唔開心咁...不過唔想影響行程, 最後我地決定唔食LUNCH住要去行埋Casa Batllo巴特婁之家.