香港新浪網 MySinaBlog
JO | 30th Sep 2011 | 食食食....食肥我 | (230 Reads)

萬分感謝WOM既邀請今次既飯局, 同時令我眼界大開.平時我真係好少去中環搵食, 基本上好日都唔會來中環. 今次有機會來到W52食意大利菜真係好開心, 未來之前仲想會唔會好多人又係咩形式, 點知原來連我10個人, 不過除左我之外個個都係超級食家咁, 感覺就係好似同蔡生食飯咁.
講番當晚我食左D咩...真係令我有好多野都改觀.
首先頭盤係: 炸雅枝之竹裡面STUFF左D 芝士, 簡唔中係超市都會見到Artichoke, 但我基本上係一D都唔識點煮, 以前成日睇D煮食節目見到D廚師都係用最內部既芯煮..但今次用炸既形式咁煮真係好特別,加上D芝士真係好香.



第二道係........係咩..Burrata有少少半溶既感覺, 我初頭都以為嘩只係CHEESE咁食會唔會好漏呀, 點知又出奇地好味一口接一口, 不過我都要配埋D菜一起食比較好D.



跟住就係BEEF TARTAR, 以前係加拿大叫錯一次食落都覺得好怪從次對於BEEF TARTAR真係無咩好感亦無再試過, 不過基於禮貌我都要試下, 點知一試又係停唔到口, 配埋旁邊有少少酸既醬汁真係一流...這裡既BEEF TARTAR仲要標明係HAND CUT真係勁...真係一D根都無仲要好香既牛味.

再來就係主食SEA URCHIN WITH HOMEMADE SPAGHETTI, 佢地話海膽都係來自北海島,其實對於用咩料去配個意粉都唔重要, 最想食就係佢地既自家製意粉..老實講5道菜之中我反而覺得這一個真係比下去, 就算係HOMEMADE SPAGHETTI我自問真係食唔出有咩太大分別, 又或者係其他食物更加出色.

最後一道主菜...係COD, 平時我真係好喜歡食COD覺得佢D肉好滑, 這店都係以焗既形式底部再配上洋蔥加上少少黑醋真係好好味(平時我真係食到一半都已經好飽, 不過慢慢食又傾下計再加上D野食太吸引我, 第5道菜我都清埋碟)

最後亦到尾場甜品出場有TIRAMISU, PANNA COTTA W/ APPLE SALAD , 同埋意大術傳統甜品叫BABA ..
.3款甜品當然最無吸引力係TIRAMISU真係到處都食到自己來都未必會叫...同埋我喜歡重少少酒味既TIRAMISU反而好似唔多又可能我只取了邊位少少試...最為欣賞係中間既PANNA COTTA配上酸酸甜甜既青蘋果真係一流又太甜...至於BABA切開再加上檸檬酒同樣出色D檸檬酒中和左本身個蛋糕底既甜度.



最後食埋杯茶作句號...一餐飯花左差不多4小時食下傾下又真係好開心同舒服.

 


JO | 28th Sep 2011 | 我所想 | (117 Reads)
前晚無去賭所以都好早回酒店就休息, 一心一意要訓到11點幾先起身, 點知人老啦訓唔得多未夠11點就起身. 反正仲有時間2條友又落去再焗SAUNA同浸下按摩池..攪到12時我地就準時CHECK OUT. 來澳門玩左幾次都未試過咁善用酒店既設施.
原本計劃今日去玩滑草, 不過落雨計劃都要CANCEL...無咩地方去我地決定去三盞燈行下食緬甸野...其實都無咩心水只係見到此店好多人, 所以2條友就貢入去食.
叫左個魚湯米, 椰汁雞麵,亞姐介紹既鴨血菜.



這間D野食真係好得, 特別個鴨血比豬紅更加滑好好味, 魚湯粉個湯真係俾我地清晒...個椰汁雞都唔錯D雞好滑不過個湯底好濃食多2啖就有D飽漏.
食完之後我地又係附近行下見到之前亞蘇介紹既豬腳薑忍不住又叫左一串豬腸食...真係唔錯.


行完都有成3個鐘時間我地又坐車去議士亭果邊搵食同買手信...去到第一站就係又去亞蘇介紹既熟食中心既瓦煲奶茶, 可惜佢介紹果間星期日無開, 我地叫左另一間試下...點知覺得都唔香濃無咩特別.



食完奶茶都唔夠皮, 我地又再去食甜品, 這間甜品係我睇書介紹, 叫做杏香園...來澳門食野真係覺得好平估唔到這間既甜品最平都要$33碗真係有D貴...


叫左椰汁白果馬啼沙同蛋白杏仁茶...味道又真係唔錯特別D白果真係好好味, 係香港都未食過咁大粒既白果...以咁既價錢又真係物有所值.

食埋個甜品我個肚都腸到連水都唔可以飲, 所以我地就行去搵杏仁餅買...行下搵下終於搵到間餅店買完我地就沖忙坐巴士去港澳碼頭.
2日1夜既澳門遊就完.


JO | 26th Sep 2011 | 我所想 | (157 Reads)

近期好忙真係忙到傻生活亦開始有D無形壓力, 唯一減壓就係去玩下食下就最開心. 早2星期就約朋友去澳門玩下食下, 原本想住galaxy hotel一心一意就去玩下佢個人造沙灘, 點知上佢個網訂房無位,人又懶無再問AGENT訂位...最後又再拖一星期就無咩選擇之下訂左舊澳門文華GRAND LAPA, 原本想掛住文華個名都唔錯, 可惜間酒店都係舊就舊掛咩名都無用, 好彩酒店既設施都唔錯, 都叫係酒店HEA半日都好抵.
星期六放左工坐船去到澳門都3點, 買左D野係船食, 所以一落船我地就去酒店CHECK IN. 因為我地今次係港澳碼頭落船, 整個行程我地係無去過氹仔.
check in之後我地就落去下面泳池一心想游下水, 講就話恆溫池有27度, 但單單隻手點到d水都凍到震, 最後我地都係泳池旁既按摩池浸下水再入去焗sauna hea 下都攪到6點, 跟住我地就準備去船屋餐廳食飯, 次次來澳門都好想來此餐廳食飯, 但次次打去book當晚既位都一定無, 所以好醒地早一星期email去book位....
宜家係澳門坐的士真係好麻煩, 好似我地咁預左15mins車程但等車都等左我地半個鐘先有的士 仲要聽盡個的士司機冷言冷語,簡直令到我完全唔想再係澳門坐的士.
好彩餐廳好好人我地遲到左20mins佢地都留左位俾我, 我地叫左西班牙式炒蜆, 炭燒牛仔骨同馬介休炒菜, 友人唔飲酒就叫左個lemon squash,我就叫左杯sangria.

我最喜歡就伙個炒蜆真係好正又無沙, 帶少少酸甜好醒胃.另外個牛仔骨都唔似平時我地係凍肉店買果d, 這裡做得好淋好香牛味...但這間餐廳太多人又多walk-in客, 我地食完想吹一陣水都唔得, 見仲有時間我地就早少少過去旅遊塔等睇煙花.

不過我地都算好彩無咩計劃之下又撞岩澳門舉行煙花比賽當晚係菲律賓同萄國, 9點&10點每個國家大約放左15mins.我地差不多8時20分左右就到左左行右行最後都係搵個位坐底等,

係等既中間有佢地國家既代表會係台上唱下歌, 咁樣等都無咁悶. 9時準時開始放煙花. 估唔到菲律賓所整既煙花都幾靚又有哈哈笑又有心形, 星形.最後一段就好似燒錢咁勁放.


原本我地都係睇完一個國家就走, 都無想過要等多45mins睇另外一場, 但我地排隊買旁邊既串燒, 等下等下都花左30mins先買到見到都係等多15mins就等埋佢.不過好可惜萄國既煙花就差好多又無咩特別, 所以連一張相都無興趣影, 仲要簡唔中見到有d人中間走人真係失色.
睇完食飽我地2條友都夠皮, 番酒店原本想去賭場點知無帶身分証無得入又懶走來走去.最終都係乖乖番房休息好過.


JO | 26th Sep 2011 | 食食食....食肥我 | (70 Reads)

星期日係澳門回港後就同友人來此店食左個dinner先走人, 未夠7時我地已經去到此餐廳, 點知先發現係自己搵位, 好耐都未試過好似茶樓咁企係人地旁邊等位真係救命呀...等位都算不過此店d食客真係hea居多, 個個枱都無野只係坐係度勁吹水, 有d就坐係度一起睇movie.

終於等左20mins左右友人就等到2個位,我就去點食物叫左個野菌意粉, 一個芝士burger w/ spicy fries, 再叫左個mocha+芝士餅

食物方面以咁既價錢真係相當抵讚, 特別個意粉真係好好味, 個薯條亦做得好出色灑上少少辣粉加上岩岩炸起真係食到唔停口.

mocha都好香好滑, 連平時晚上唔敢飲咖啡既我都一口接一口整杯ko晒, 反而個new york cheese cake就麻麻地無咩芝士香滑.

食物係好價錢又抵, 只可惜佢地咁樣叫人等位真係有d令人唔想再去.PicturePicturePicturePicture


JO | 19th Sep 2011 | 食食食....食肥我 | (269 Reads)

星期六又係番左個full day放工都成6點下午果餐食得太飽, 所以約左友人去左尖沙咀按摩後先搵食...按完都成8時半知道hotel icon既食評都唔錯,所以無booking之下試下撞下彩有無位.點知好彩地應該有人無來所以我地可以入座.

這裡氣氛好好又唔太嘈d位又大又舒服, 真係一個唔錯既選擇.2個人叫左個cheese platter, 牛滕意粉水煮蛋, burger同一個apple crumble share來食.

cheese platter係友人指定要試, 有3款芝士味道都唔錯, 只可惜俾既cracker有d放淋左. 其實這裡真係做到好似5粒級服務, 當我地食完cheese platter收埋碟後, 再來主菜. 2款主菜都好好味, 特別個burger要5成岩岩好, 好有牛肉味道,還配上d ham入面好豐富好juicy一流. 另外個意粉都ok反而覺得多左個水煮蛋但唔算多蛋汁有d浪費.

PicturePicturePicturePicturePicture

最後忍不住都叫埋個dessert- apple crumble, 這一個係我最欣賞暖暖既apple pie再加上雪糕簡直我至愛.

不過我覺得此店d drink list真係太少選擇, 我要開車又唔可以飲d有酒精既野, 但無酒精只得coffee/juice, 希望將來加多d不同款式既飲品.

這裡必定係傾計飲野既好地方.


JO | 17th Sep 2011 | 我所想 | (90 Reads)

對於睇鬼屋我真係一d都無膽量, 所以咁多年都無去過disney / ocean park 玩過佢地攪既halloween主題活動.

不過近日真係好有抽獎運, 繼中左飲食券後我又中左2張黑色迪士尼門券. 咁lucky更係要用埋佢.星期四攞左飛星期五就入去玩...這張飛係4時已經可以入得場, 可惜要番工放左工去到disney已經6點半, 唔緊要我都係預左入去睇下行下.

PicturePicture

一入到大街已經好多扮鬼扮馬既鬼怪真係好似好好笑, 佢地仲會行過來,雖然我有d怕, 但都忍不住同佢地影下相..真係好有氣氛.

入到去第一件事我地都係決定食左野先玩, 隨便去左間cafe叫左個pizza 餐同牛扒餐...味道當然好一般.

跟住我地開始係個樂園亂行一通, 原來黑色迪士尼有2個鬼屋但2個都要排成75mins,我地最後都係放棄, 因為我地要睇煙花同巡遊, 所以到最後我地一個鬼屋都入唔到.

唔緊要反正都係行下玩下, 我都怕入左鬼屋行唔夠2分鐘會原路走出來(hohho我有前科)

PicturePicturePicturePicturePicturePicturePicturePicturePicturePicturePicture

我地中間等睇巡遊同煙花既時間就係d街道同d鬼影下相, 又去玩左小小機動遊戲, 估唔到玩到來都差不多11時先走人.

 


JO | 16th Sep 2011 | 食食食....食肥我 | (62 Reads)

多謝ufood及旅發局舉行既活動, 幸運地抽中左有六國粵軒既1000元飲食券, 所以昨晚就同左友人們一起食個開心晚飯.

4個人真係叫得開心食得痛快, 我地叫左個北姑肘子菜燉湯, 金錢雞, 焗響螺, 上渺野菌莧菜, 砵酒焗蠔, 子牛蜜語, 瑤柱蛋白炒飯

PicturePicturePicturePicturePicturePicturePicture

4個人叫咁多野真係食到個個飽到上心口, 不過一邊食一邊傾計又真係幾開心.

食物方面樣樣野都唔錯, 價錢其實真係好抵食以係酒店來講, 每樣都係一百元左右. 最抵係個金錢雞每件都係$13真係估唔到茶位仲貴過佢.

咁多樣我至喜歡係個焗蠔同子牛, 個蠔隻隻都好大, 有一隻真係同我拳頭差不多, 基本上食一件都好飽, 另外子牛蜜語係menu無都係問waiter先落到order, 這一菜式真係一定要叫, d牛好淋好香, 配上d杞子乾炒菌百合用蜜糖炒真係好香伴碟既薯容同樣出色.

最貴既焗響螺係我地4個人認為最唔抵又唔好食, 基本上食唔到有咩螺肉真係浪費.

金錢雞係一款懷舊菜式, 我都係第一次食, 可惜我麻麻地因為我真係好怕成大塊肥膏食落去, 不過友人們都讚話做得唔錯.

最後waiter仲送上甜品腐竹糖水給我們, 真係服務一流.

另一提此店服務真係唔錯, 知道我地有1000元券就會幫我地計埋落單既總數以免我地用唔夠銀碼.

最後真係多謝ufood 及旅發局既禮物.


JO | 14th Sep 2011 | 食食食....食肥我 | (58 Reads)

星期六因為上堂所以我與友人就在附近搵食.記得家姐介紹此店d食物唔錯, 價錢又抵所以2個人就來此店食就算.

星期六晚7時都唔full, 証明地點真係有d唔就腳.

此店真係幾岩d情侶來食,氣氛都唔錯又唔會太嘈加上燈光暗暗地, 可惜就係位與位真係好近基本上就好似同人地搭枱食飯.

PicturePicturePicturePicture

食物方面都幾多選擇, 以DINNER SET居多, 我就叫左個燒春雞配意大利飯SET (包PARMA HAM+MELON, 及餐飲)另外我加$18要左個CRUMBLE APPLE, 友人就叫左個燒海鮮配意粉(包湯, 餐飲及甜品)

餐包屬於一般貨式無咩特別, 可以不食. 友人既餐湯都麻麻無咩味道, 反而我既頭盤PARMA HAM又真係唔錯, 至於主菜我地2個都認為意大利飯最香最好味, 春雞就整得有D過火令至鞋口, 燒海鮮都係好一般唔算有咩驚喜.

至於甜品CRUMBEL APPLE就最正此終即焗所以好好味, 反而個青檸CHEESE CAKE就一般無咩芝士味, 另外我地2個都加$10要cappuccino, 可惜一D都唔值呀, 唔香濃浪費.

整體上以每人約$200又加上唔錯既環境之下真係算抵食...如果大家有機會都可以一試.


JO | 9th Sep 2011 | 食食食....食肥我 | (231 Reads)
 

平時真係好少去荃灣一年都唔知有無1-2次, 難得上星期六同友人去佢介紹既salon, 所以我地放左工就直入荃灣剪頭髮.

剪完之後, 2個人都唔肚餓, 不過我就真係好口痕, 因為難得來荃灣好似唔搵下野食好對唔住自己. 記得之前有好多食評都介紹過民豐, 不過好多人都係買d粉麵既, 不過無可能叫我買成斤粉麵回家.見到佢地店前有買d煎蘿蔔糕, 韭菜餅另外仲有好多糕點買,所以我忍不住就買左韭菜餅食...一塊8元好抵, 真係大大件仲要夠熱好好味.


JO | 9th Sep 2011 | 西班牙之旅 - 2011 | (185 Reads)

來到真係正正既最後一天day 11, 預先以為大家都好喜歡巴塞,所以我地亦將整個最正既行程放係最後, 所以由馬德里入巴塞會令到我地最後一天都係浪費左..因為由巴塞走只得一班機早機 基本上我地早上係無咩野就要check out去機場.

 

機場巴士d班次都好密唔怕無車無位坐. 原來11天都未影過metro站, 要走前更係係車再影.

 

一心一意去機場可以噗個早餐先上機, 點知...我地既惡夢亦係踏入機場第一步已經開始.

首先我地係要排大隊寄行李啦..足足都花左30-45mins...攪完晒所有行李同boarding pass之後都唔剩幾多時間, 我地又要開始攪退稅, 去到果條人龍呢...........真係想死...鬼叫我窮呀..死都要退啦....都唔知點解蓋個印都要又花30-40mins等真係想死.

整完晒我都知道早餐泡湯啦...真係唔開心. 跟住落下層一心一意可以攞cash.好啦又見人龍又排啦....點知去到counter佢話只係可以退回落credit card度...唔係化個心已經想左好多xxxxx符號出來..唉..咁麻煩.上年去東歐退稅蓋印連取cash都唔洗10mins..西班牙就要攪咁耐煩死人.

最後無奈地又要走回上去蓋印度填好晒d form就放係郵筒度..跟住就離開這個機場...

雖然巴塞機場又新又大, 但我真係對這個機場都城市都無咩好感..可能覺得馬德里住得好d野食又好似好味d, 所以無咩好感. 如果我地由巴塞入馬德里出, 我地又可以偷多半日仲好. 不過這都算一種經驗, 今次西班牙11天(其實連埋坐飛機都成12天)旅程真係令我好開心更加深信自由行好玩好多.


Next