香港新浪網 MySinaBlog
JO | 24th Oct 2011 | 食食食....食肥我 | (101 Reads)

自從上次去到kc coffee覺得好hea既地方, 上星期六又再來此店試下d coffee同環境..hahaha係真係來試下個環境好唔好坐好唔好hea, 食物又點..

大致上同kc coffee差不多, 只不過此店地方大d同埋成店只得一張sofa..這店相對kc coffee多人好多, 我地1時去都不斷有客來..

友人叫左個set (咖哩牛肉烏冬+cappuccino)我因為胃口麻麻叫左個blueberry muffin+latta.

試左幾口友人既烏冬都唔錯,配埋d咖哩牛肉都算幾好味..不過我都係仍然覺得咖啡配包點比較岩d, 所以我個blueberry muffin就perfect match with my latta.

喜歡此店既latta多泡香濃又未致於太重奶, 至於cappuccino就更加香濃可口...

如果同kc 相比我比較喜歡此店既coffee但就喜歡上kc既環境同食物多點..2者都好難取捨.


JO | 24th Oct 2011 | 我所想 | (48 Reads)

mov

 

星期六約左友人去睇REAL STEEL.原因好簡單因為我係FACEBOOK睇到好多朋友話好睇, 有D仲話睇多一次都唔夠皮...心想一套戲想睇第2次都幾勁.

如果我只係睇個名同POSTER一D都唔吸引我去睇.

總知我都係入左場睇, 不過我既口味真係唔同..套戲唔算好吸引我, 故事內容都係似舊酒新瓶有何特別...只係加上少少父子情在內..如果要睇感情戲我不如直接去睇那些年喊過痛快.

 


JO | 22nd Oct 2011 | 食食食....食肥我 | (123 Reads)

星期六想係工業區搵食真係好易只要唔係去d shopping mall就ok, 這店真係一個好hea好舒服既地方...差不多1點來到一個客都無..有時想想下佢地都幾難維持.

唔知係唔係星期六關係佢地都唔係提供好多食物選擇, 最後叫左個忌廉汁煙肉意粉同個火雞salad, 再叫左個latta同cup of excellent (coe)試下.

這裡都係到counter叫完就會有人送上食物, 這裡真係一個好hea既地方...無論食物同飲品都要花上20mins以上先會到(除左個salad都要花上10mins), 唔知平日星期一至五lunch hour佢地係唔係都要咁慢.

不過星期六麻..relax下唔好咁趕急生活都係唔錯.

食物方面真係唔錯, 特別個意粉我喜歡佢地唔會煮得過淋配上大量洋蔥粒真係好香口...個salad都唔錯雖然賣相唔吸引, 估唔到d生菜好鮮甜配上佢地既salad dressing清清地唔錯.

至於佢地既coffee我就覺得一般, 佢地既招牌coe我都覺得好一般, 可能我喜歡飲比較香濃既咖啡, 這一杯coe就好似飲一杯茶咁帶微少既咖啡味 , 唔係我杯茶.

至於友人既latta我亦唔太喜歡, 過量既奶又係飲唔出咖啡味.

不過香港咁衝忙既生活有一間咁hea既coffee shop都算一個沙漠綠洲

 


JO | 21st Oct 2011 | 食食食....食肥我 | (74 Reads)

星期六一心一意來搵食主要係食韓國野, 所以帶左友人在附近既街搵食...我地最後決定來此店試下...
2個人叫左一個炸泡菜餃子, 冷麵同牛仔骨...一想到韓國野我地都係會去食韓燒好少來d咁家庭式既韓國餐廳試...估唔到令我回味再回味.

我地怕要等位, 所以6點半就食飯...店子細細基本上只得5-6張4人枱...我地安排坐近廚房..好彩佢地都唔會迫d客人一定要搭枱坐.除非full house啦.

食物方面, 估唔到此店都提供前菜仲要d味道一流, 特別個青瓜真係好得好清甜帶少少辣一流...

等左一陣個餃子都到..不過味道一般個皮好硬d泡菜餡料都無咩味道下次可以唔叫...有d覺得浪費左個quota..

個冷麵我都係第一次食, 煙un好似d糯米加上d醬汁配埋唔係好辣帶少少甜一流.這個冷麵係全素無肉, 不過個麵質真係好特別又煙un, 不知不覺成大碗我自己一個人都食左2/3..真係有d嚇人.



至於個牛仔骨真係好好味, 醃得好夠味仲要用鐵板上..不過見到其他食客都叫牛肋骨炆年糕, 下次來我都要試下.

這種家庭式既韓國餐廳真係好好味, 原來食韓國野唔一定要燒烤, 這一餐食得好回味.


JO | 17th Oct 2011 | 食食食....食肥我 | (608 Reads)

好開心等到一風堂係cwb開分店, 唔洗係tst店到排隊等位..cwb第一天開業我就拉左友人陪我去試..我仲要好勁咁自己一個人上左去攞位先..點知原來都唔洗排又唔full house...唯有早左到就入去邊坐邊等友人來先叫野食.
不過我睇左menu先發現此店既menu同tst都唔同相比tst此店d 食物好limit唔多選擇..無奈之下我地叫左個味噲又燒拉麵,加半熟蛋, 又燒角包同煎餃子share來食..

如果要我花1小時等位既話我係覺得完全唔值..又燒角包真係無咩特別只係值得一讚係個包夠軟又燒又唔見得特別好味...個餃子都係一般我令願去回time square既food court內食餃子還好味得多...至於個拉麵亦唔算令人覺得有咩驚喜..只係以咁既價錢來講實在好過去味千/別府拉麵..如果唔洗等位又想食拉麵, 此店都係不二之選.

JO | 10th Oct 2011 | 食食食....食肥我 | (173 Reads)
好耐都無煮野食, 之前係出面食到D好正既藍青口一直都心思思想係家煮...上星期六我就係家煮個簡單既晚餐一起食. 之前係網見到有藍青口買, 所以我地就買左1KG加拿大藍青口, 1PACK西冷牛扒同一包廣島蠔...
藍青口我就用白酒蕃茄煮啦..真係好好味我指個汁呀簡直當湯飲都得.簡簡單單只係用D蒜同洋蔥爆香再加入"元西"(因為買唔到BASIL)再加上D車厘茄同青口煮10MINS就完成.
另外西冷扒就再簡單只係用鹽同黑椒醃一醃再落PAN煎一煎就OK, 加上D蒜頭就更加香口.
我花得最多時候係煮個意粉, 因為我又要將D洋蔥同茄子仔加上少少麵粉煎一煎令佢地金黃再煎蠔, 之後就將D意粉連埋洋蔥同茄子炒一炒最後加上蠔係面就完成.

當然個什菜湯都好美味(因為唔係我煮既, 所以一定要讚一讚)

不過成餐飯都係花上1個小時多D, 有時簡唔中入下廚都係幾開心.











__%202


JO | 7th Oct 2011 | 食食食....食肥我 | (86 Reads)

約左友人係鹿悅食飯, 其實睇左食評都唔會有太大期望, 但點知食完簡直有d失望都唔值花上成千元.2個人叫左一個dinner set 包5件壽司, 麵豉湯, 蟹丸清湯, 天婦羅, 日本和牛, 同埋甜品...另外我地再叫左個滑蛋炸豬扒飯同海膽豆腐竹....
5件壽司味道一般好彩我地無再散叫壽司, 唔係真係覺得一d都唔值.,

天婦羅亦不值一提d蔬菜本身都唔鮮甜, 蝦亦好細隻麻麻地, 只可以話炸得唔錯唔會油膩

至於和牛我都覺得唔錯, 起碼燒得岩岩好配上少少鹽都提升少少牛味..反而友人就話麻麻又唔係入口即溶

至於個清湯蟹丸都唔錯清湯配上個蟹丸好好味算係個餐內都叫第2好食既食物

 但我地一至認同成個set最正就係個甜品綠茶布丁同柚子雪巴....雖然賣相唔多吸引, 但佢既味道遠比佢既賣相好.個綠茶布丁好香既綠茶味好滑, 至於個柚子雪巴甜酸都岩岩..至岩就係成到好飽後來清一清之前既果飽漏感覺.

反而散叫既豬扒飯同個海膽腐竹煱就唔錯,

豬扒夠鬆化炸得好好味相信佢地用上黑豚肉來炸, 再配上甜甜地既洋蔥蛋汁配飯真係一流.

至於個海膽煱都可以為之抵食之選, 成個煱有好多海膽好鮮甜....至於腐竹好香豆味值得推介....

我地既總結都係認為此店都係應該散叫好過試佢地既set menu..


JO | 3rd Oct 2011 | 食食食....食肥我 | (88 Reads)

難得連續2天假更係要搵友人出來飲飲食食一番先對得住自己...大家都無咩意見之下我地決定high tea...landmark 同這間選擇之下我決定來此店試下, 我地2個未夠3時就來點知都已經出現一條小人龍真係厲害.

大約等左20mins左右就安排坐係門口位, 這裡high tea set有3款選擇, 1就係有scone, 咸點及甜點, 2就係有scone加咸點, 3就係scone+甜點.

難得來就決定試晒全部啦反正都係差幾十元...其實睇menu既相仲以為d食物好大份, 好彩來時樣樣都好似迷你版.

咸點既三文治真係無咩特別, 反而最正係d scone配上佢地既jams真係一流.

至於蛋糕方面同樣無咩特別邊一件令我好喜歡, 老實講成個tea set令我同友人覺得最正都係scone, 可惜想買回家再次享受都無, 因為佢地無單單scone可以出售.