香港新浪網 MySinaBlog
JO | 18th Nov 2011 | 食食食....食肥我 | (104 Reads)

BLOG友CONNIE生日更係要出來食餐飯吹下水, 今次佢提議想試下W52 , 所有星期二晚我地2個就再來蘭桂坊, 估唔到星期二既蘭桂坊一樣精采想都想唔明點解D人可以晚晚浦BAR仲要喜歡企係度飲酒吹水..不過我這種宅女係唔會明白架啦.
今次唔係俾人安排 , 所以2條友睇MENU研究都研究好耐先叫左..





先來個麵包藍, 旁邊係用白豆整既醬..不過本身D包麻麻地配個醬都無咩特別...頭盤我地叫左BEEF TARTAR WITH BLACK TRUFFLE同白酒煮蜆, 明明上次食既BEEF TARTAR都唔係咁, 今次雖然有TRUFFLE但一D都無味連生牛肉都唔覺得好味, 至於個蜆就唔錯, 帶少少酒香D肉又鮮甜, 成晚最喜歡就係這個.





今次佢地既SPECIAL MENU以WHITE TRUFFLE為主題, 店員推介我地食個WHITE TRUFFLE PASTA另外我地叫左個BLACK COD(不過又係上次食過既, 但當然又係上次來食正好多, 今次偏咸扣分扣分呀)
至於個PASTA就好好味, 可能係D意粉本身少少熱再即場整D WHITE TRUFFLE令到D白松露出左少少香味, 都算唔錯, 不過睇埋個價錢我都係覺得唔值得試.





最後2條友更係叫埋甜品, CONNIE選左tiramisu另外店員推介既Napoleon, 點知店員介紹既Napoleon係超超超甜仲要係多cream真係嚇人, 成碟野最好味係個咖啡雪糕, 至於個tiramisu係無咩特別令人驚喜.

其實我地由7時半就開始食, 一去到成層得另一枱客, 不過好似未夠8時就已經走左, 所以2條傻婆就由8點包場到10點幾...
不過整體來講第2次再來既食物已經覺得麻麻.


JO | 11th Nov 2011 | 食食食....食肥我 | (97 Reads)
Picture 因為買左團購coupon一早book左時間來此店試下佢既waffle, 8時到店都無人真係生意難做.2個人叫左檸檬拿破崙+waffle w/ ice cream2人份..首先來就係個拿破崙...上面既脆脆好靚但太甜啦唔太岩食..反而檸檬拿破崙就好得甜酸岩岩好, . 最後既waffle都來...最期待既野原來最令人失望.個waffle就好似食格仔餅..外皮唔夠脆...配上既雪糕都無味道真係一d都唔值呀... 另外此店既服務都麻麻...就算拿破崙點好食, 無生意又無服務既店就更加令人止步.

JO | 9th Nov 2011 | 食食食....食肥我 | (97 Reads)

無咩野做, 約左友人又來一個飯局, 真係好少來上環地方搵食加上唔係好識路搵parking都搵左20-30mins...不過泊完車再行上來餐廳仲更加死...明知餐廳附近係有個parking, 但我最怕就係中上環既小街又唔識路, 所以只有泊係老遠再行上山.
準時7時來到, 環境只有覺得好黑同嘈, 基本上同友人都無咩傾計, 因為大家都唔係好聽到大家講野.昨晚仲要有個birthday party, 人地係餐廳另一邊先攪個cocktail先就更加嘈上加嘈...就好似去左disco咁呀...救命.
一來就係問你飲咩...飲水呀..ok 要distilled water/sparkling water...

__ 12條大食友又來發揮..叫左個carpaccio同 goats cheese salad先...這裡話係和牛carpaccio...不過我就食唔出係唔係和牛反正就係覺得好好味, 加上我至愛既rocket就真係一流...至於個salad就無咩特別, 令我改觀對baby beet, 我唔記得幾時食過紅菜頭覺得超難食, 點知昨晚食完後完完全全改變左...原來好清甜..應該都係老左對味道都有所改變.


其實睇menu時都已經心大心細要食steak tartar定capaccio好, 想想下都係試左capaccio先好味先再加埋個tartar好過...最後2條友更係加埋..


不過味道我覺得都係一般, 我就覺得好似我對上一次食beef tartar果間既牛肉味重d香d..

食完starters後就上main course...今次叫左rack of lamb +這裡出名既pizza今次我叫左italiano pizza就係有salami, parma ham.


羊架同pizza同樣出色, 相比佢地既starters我覺得main courses更加出色美味......
最後食完就到叫甜品...叫左個mango crumble大家share食...我真係頂唔順叫左杯jasmine tea消消滯...但點知一杯茶收$40..佢會俾上車仔茶包我,上來時真係幾想叫佢退回...總知叫English breakfast tea仲好過.


不過此店既甜品同樣做得出色, 雪糕自家製..平時食得apple crumble多,此店用上芒果代替原來配合得都好好味.
一餐晚飯同友人出來吹吹水就差不多4hrs真係開心.


JO | 8th Nov 2011 | 食食食....食肥我 | (93 Reads)

一直都好想試下此店既咖啡, 一般來到此區都係食晚飯我基本上晚上都唔敢飲咖啡, 所以遲遲都未來此店機會. 星期日按摩完接到友人電話話一起shopping, 所以shopping前就大家一起食個tea. 我叫左個daily set: 香蕉蘋果蛋糕配忌廉+iced cappuccino; 友人叫左個煙鴨胸focaccia+iced latta... 此店地方真係好細, 基本上如果多d人一起去這裡絕對唔岩, 此店得3張2人枱,難得我地都佔到一張..唔係坐係門口位又唔舒服又食風都幾辛苦. 等左一陣2杯咖啡都來..不過飲左第一啖就知道要試咖啡這一間唔岩...此店既咖啡一d都唔香, 初時以為我叫凍飲所以唔香, 但見到有人叫熱飲, 但連少少香味都 無..真係失望...不過好彩食物就唔錯, 特別我叫蛋糕配上 d cream真係好好味...至於友人既focaccia都香既香草十分可口...

Picture 


JO | 1st Nov 2011 | 食食食....食肥我 | (123 Reads)

見到mega box開左新店更係要試下..其實知道這間店係tst都有分店, 不過從來未試過難得係我公司附近咁更係要試下.心想如果好味都會可以又多一個選擇....不過食完後就打消這個念頭.

友人叫左佢地既必食海鹽燒豬扒飯, 我就叫左個set lunch 豬腩拉麵...

點知一來到見到個樣就唔多吸引, 首先我個拉麵既豬腩基本上係全肥膏係連少少肉都無, 4片當中只得一片係似樣d, 跟餐既配菜豆腐真係幾難食出晒水見到都唔開胃.

友人既鹽燒豬扒就更加不值一提, 仲話此店必食之一真係唔知佢仲有咩值得一食...睇到d乾如柴既一片片薄片豬肉真係一d都唔吸引..

相信我都唔會再俾第2次機會.


JO | 1st Nov 2011 | 食食食....食肥我 | (81 Reads)

 

星期六係德福睇完戲都無咩主意去邊度搵食又怕係商場內多人, 最後我地就落左去工業區既金利來搵食...點知此店都係一樣多人仲要係愈夜愈多人.

當晚我地大約8時到都被迫安排係門口位,2個人叫左炸芝士蝦丸, 薑蔥本地生蠔煲同鯪魚炒a菜.

可能太多人關係仲要好多人食大閘蟹,我地既菜都要等左20-30mins先來...

芝士蝦丸做得好出色仲要底部加左d炸珍珠菜真係一流..中間有少少流心既芝士好香好味.

至於個本地生蠔就相對細隻d唔算太特別,相反佢地d蔥就入晒味..基本上這個煲既主角係蔥.

至於鯪魚炒a菜就無咩特別, 但此店既小炒真係做得唔錯,就算服務亦好好個個人都好有禮貌