香港新浪網 MySinaBlog
JO | 28th Feb 2012 | 食食食....食肥我 | (147 Reads)

無無聊聊同友人決定來長沙灣潮匯館試下, 知道另一位朋友係附近工作, 所以中午就多口問下友人join唔join我地潮一潮...3個人未夠7時就到左, 可能平日同埋時間尚早所以都無咩人.3條友叫左蠔餅, 普寧炸豆腐, 豉油王炒鵝腸, 方魚肉碎粥, 同我為此而來既生醃賴尿蝦.



因為其中一人唔食生野, 所以這碟既生賴尿蝦就係2個人ko左..味道如何???????????????好一般又一教訓太期望最後只會令到自己好失望...反而平常心可能往往生活仲會有驚喜.
另外其他食物都係好一般, 唔知點解簡簡單單既炸豆腐, 但味道都唔似一般既豆腐好似豆腐溝左d咩咁食落口怪怪不過又唔係唔好味, 至於蠔餅都唔錯起碼唔油呀只係可惜太少蠔, 成晚最正就係碟鵝腸呀勁爽口只係太肥不過實在太好味真係唔理佢條腸有幾肥, 只要閉上眼食就可以.
至於成晚最差就係個粥完完全全無味架, d方肉又唔香同食白粥無咩大分別.


雖然食左咁多野, 最後更係要食多電清心丸綠豆爽作結尾..其實我覺得友人好好笑, 成餐飯佢只係好似望住我同另一位大食友係度食, 自己就食少少...不過我地3個人都好開心成晚傾下計吹下水.
最後祝友人早日開花結果, 搵到佢想要既野...開開心心健健康康咁生活.