香港新浪網 MySinaBlog
JO | 31st Mar 2012 | 食食食....食肥我 | (41 Reads)
上次係尖沙咀car show見到這部車覺得好cute細細部...跟住就令我想起要去銅鑼灣既車行兼cafe食個飯先...好彩早到免左等待之苦...基本上我做好功課就已經有晒心水食咩..不過原來我大部份叫既都係佢地signature dish...
乳清芝士無花果拌白松露蜜糖這一個望個樣好吸引紅紅地加上白色既水牛芝士已經好靚..可惜味道令我有dd失望
再叫多一個前菜凍肉拚盤..這個我就十分喜歡配上暖暖既包食真係停唔到口...



跟住必叫既米型通粉意大利肉丸同埋沙甸魚拌蛋黃醬及蕃茄醬....我自己最喜歡就係個肉丸米型意粉好特別呀..第一次食d好似飯咁既意粉加上d肉丸既蕃茄醬汁我覺得一定要食.
至於個沙甸魚都唔錯, 可能我自己唔算喜歡食沙甸魚不過相比香港買到既沙甸魚罐頭已經十分美味.



最後更係忍不住食個甜品affogato tiramisu真係令我有d驚喜, 面係咖啡沙冰再加芝士再係手指餅第一次覺得tiramisu係咁好味.. 服務好好不停為你加水唔需要叫...不過地方此終好細又要有人睇下車, 所以d枱好細坐得唔算好舒服...不過服務加食物已令我短期會再到訪


JO | 30th Mar 2012 | 食食食....食肥我 | (128 Reads)

時間尚早原本打算到華記食小炒海鮮, 可惜未夠6點我地就要搵食好多餐館都休息中, 最後我地係碼頭附近搵左間土耳其菜食..天氣好我地就選左係出門口坐吸下新鮮空氣.

2個人叫左一個冷熱拚盤, 一個羊肉卷同一杯芒果乳酪飲品...

果杯飲品真係唔係太岩我口味, 簡直甜到滯, 真係飲一啖都即時要飲水中和下...完全放棄.

至於食物我就十分欣賞...個拚盤好好味, 當中有羊肉春卷同芝士春卷炸得好香口又唔油, 另外佢有d醬用來配pita bread就一流..(原來佢d pita bread會無限供應)軟軟微暖既pita bread真係一口接一口....另外佢有2隻辣青椒我都覺得好好味, 不過友人就話好辣,但我自己就覺得一般, 至於用d葉包至既食物我同友人真係完全唔識欣賞, 味道怪怪又係食一口就放棄.

至於個羊肉卷份量都好多, 不過我就覺得d羊肉切到咁碎就食得比較麻煩d,同埋無咩羊肉味道...下次有機會再來梅窩都會再來此店食.


 


JO | 29th Mar 2012 | 食食食....食肥我 | (44 Reads)

真係好耐無讚過一間食店用服務超好來形容, 此店真係好多人都服務超有水準

因有團購關係昨晚同友人來此店食飯, 2個人各自叫左個牛魔王焗飯同香辣海鮮炒意粉 share來食, 最後仲叫左個薑汁焗梳乎里來食...

牛魔王焗飯即係(牛腩+牛仔骨焗飯)味道一流, 喜歡佢地個汁好香d牛腩夠淋好好味, 另外個意粉就反而無咩特別..不過最喜歡最有驚喜係個甜品, 梳乎里中間有陣陣薑味唔錯, 不過如果薑味再重d再濃d會好d

再一次值得一讚此店d店員服務, 個個都好勤力, 不停refill水因我地叫梳乎里需時, 竟然有店員再次提醒我地差不多要叫甜品以免等太耐, 這一種窩心服務真係好耐無見過
.


JO | 28th Mar 2012 | 食食食....食肥我 | (87 Reads)
hohoho...平時食就食得多媽媽煮既潮州菜, 自己真係一次都未試過煮...難得慶起就試下煮...3送1甜品..
今日菜式: 沙茶炒潮州麵線, 涼瓜排骨湯, 咸菜炆門鱔, 甜品有薑薯糖水
當日買既門鱔好多春煎香已經好惹味, 再跟住炒左d咸菜再加魚加水炆10分鐘左右就攪掂.
涼瓜排骨湯就更加無咩難度....全部野加水煲30分鐘已經得
至於麵線本身有d咸,所以炒前應該要用水灼一灼過冷河再加自己喜歡既材料去炒就已經好滿足甜品既薑薯就更加易辦事, 刨薄片再加水加冰糖煮到5-10分鐘就done..
 一餐所謂既潮州菜就攪掂.


JO | 28th Mar 2012 | 我所想 | (102 Reads)
上二星期日就同友人們係梅窩去大澳, 我地已經計劃定岩岩既星期日要係梅窩行下山....同樣中午出發到梅窩未夠3點出發行山...主要我地目的係去瀑布睇下
由沙灘方向行原路見到好多人都租單車行, 但有朋友唔建議係梅窩租單車行山,所以我地都放棄租單車改用11號行路走走...途中見到好多姑生左係樹木度真係忍不住都要影下...


開始出發第一站文武廟再行一陣就到瀑布啦不過無咩水但係果度空氣..經過完瀑布就係最後既銀礦洞其實整個路程真係好短行得快基本上半個鐘就行完,不過我地無租單車所以基本上都係拖長來行下又去埋沙灘行最後都係5時多已經行完.


JO | 27th Mar 2012 | 我所想 | (28 Reads)

這一店我一入去就已經服務好差好差,我地坐左成5分鐘以上勁叫waiter都可以無人理我地無人俾menu無人問你飲咩茶, 完完全全唔似一間大集團既食店...所以都係果句更好味服務唔得我都唔會再來...

講番d食物係有水準加上價錢真係幾抵...2個人眼闊肚窄叫左4樣野:

BB乳豬: 平時食乳豬我一定要沾好多甜醬先食, 這一個基本上都無提供甜醬因為本身每塊乳豬都食到少少甜醬既味道配埋旁邊既生菜中和乳豬本身既油膩

拔絲咕嚕肉: 味道都唔錯, 不過你話好特別我又真係食唔出,不過D肉炸得都幾脆, 特別岩岩上枱帶少少熱時食最好味.

竹生卷(唔記得一個好美麗既名): 這一個卷真係好多功夫竹生內仲要有D切左絲既菌類真係好考功夫, 味道清清唔錯

最後仲要叫左花鵰蟹肉蟹子E麵: 這一個都係令我食左2碗呀...D蟹肉加上蟹子放DE麵到真係好好味, 不過好似成碟都無咩酒味.


JO | 26th Mar 2012 | 為了靚靚 | (69 Reads)


之前成日睇blog見到d人介紹這個牌子Balm Balm英國品牌100%純天然有機好似好勁...最正係佢支face balm攪到我心思思最後都係要買支來試下,3款味道我選左rose...這支face balm講到面,手, 腳, 頸咩位置都用得.試左之後我都覺得好好用,
不過....我係一個極乾性皮膚既人所以先至岩用..如果大家有d油/中性加上宜家有d春天既天氣我就唔提議大家試.
仲買多2支香薰油每晚我都要點香薰先訓到, 不過這2款油我都覺得d味道好似唔夠long lasting咁, 之前買Loccitane既好香好舒服, 點知宜家無啦啦又無得買.



JO | 24th Mar 2012 | 我所想 | (35 Reads)
上星期同亞媽講起花卉展, 今年佢都有興趣入場睇下買下花,最後攪到我地2個人星期五先得閒一起入場, 今年主題明明係風信子,但我覺得似鬱金香多d


另外都有d主題造型都幾可愛


JO | 23rd Mar 2012 | 食食食....食肥我 | (97 Reads)

因為想係大澳食埋晚餐, 所以我地未夠6點就食飯, 原本想去一間叫連香既食店點知佢話已經full左真係好勁, 最後我地行前少少就來此店食試下....原本想試下佢地既荷葉蒸飯, 但2個人都唔係好想食飯, 最後都係叫小菜食就算...叫左個大澳蒸四寶(即係蝦干,魷魚干, 白飯魚干同咸蛋放係茄子上面蒸)其實這一菜樣樣都咸咸地用來配飯一流, 不過最特別係個咸蛋黃一d都唔咸,其實同雞蛋黃無咩分別.

另外老闆介紹墨魚餅同魚湯浸菜芯, 原本對個墨魚餅都無咩期望點知試左就知道點解老闆會介紹, 因為佢真係用上墨魚切碎加上少少薄粉煎香, 絕對唔係出面食果d少少墨魚加多多粉去整, 這一個真係每一啖都有墨魚味道, 最令我地喜歡就係個魚湯菜個湯真係好鮮甜, 基本上我地成碗d湯都飲晒.

整體我都好喜歡這一餐, 加上大澳人既不拘小節同熱情, 有機會我都會再來幫襯.



JO | 22nd Mar 2012 | 我所想 | (87 Reads)

知道由大澳警處改建為文物酒店而又公開俾大家參觀既導賞團, 上星期就上網一心一意要book定位, 點知得星期一至五選, 心想仲以為咁特別既又話公開俾人睇但只公開平日即係我地d番工既唔洗去...點知原來去到先知上網預訂既早10日前已經full左.
不過當日walk-in去都可以排隊等入場睇下...大約等左20mins就有得入.


我覺得今次既導賞團安排得唔錯, 一團約20-30人咁我地就跟住個導遊行, 每行一點就有一個專人介紹該處既特色, 雖然改建為酒店, 不過佢地都係將原有既都保留只係在牆上再加一木板去改建為酒店,所以如果將來唔再經營為酒店原有既大澳警處都可以回復舊有樣子.


原有既外窗係一大塊好厚又好重既鐵窗用來放以前既海盜同子彈, 這隻窗就有子彈洞作見證, 不過唔知點解會係後山先有這個子彈洞, 唔係正面???


這裡係餐廳, 不過當日好多人同埋只提供4款點心,所以我地都無試就走人...不過日後如果想再去都可以, 日後去除左係要俾錢入住先可以睇下d房間其他地方佢地都話open to public除時都可以入得.


Next