香港新浪網 MySinaBlog
JO | 30th Apr 2012 | 食食食....食肥我 | (946 Reads)
煮得gazpacho更係唔少得paella, 第一次去西班牙第一餐就係食paella印象好深刻同埋好好味, 回港都無去過西班牙餐廳食野, 突然想起就自己係屋企煮個paella回味下...
係網上又係勁搵勁搵食譜為求一次成功更加係youtube睇左好多個不同既煮法, 最後搵左一個自己覺得幾滿意既食譜來試下.
煮paella當然唔少得就係要米, 但係好多人都搵唔到paella既米就改用arborio rice, 點知好好彩俾我係家附近既超市見到有paella米買就更係唔洗用代替品, 另一個靈魂就係saffron又係好似唔得咁...不過d人又係話唔用saffron用黃薑粉一樣得...仍然見到香港都有saffron買就買來試下..不過最後我都係覺得應該用黃薑粉係可以, 不過煮出來既飯唔會好似用saffron咁金黃咁靚..味道反而唔覺得有咩特別.



2-3人份
材料:     米 300g
chorizo西班牙腸    半條切粒
(有d人喜歡加上雞肉, 但今次我覺得太多料所以無加)
洋蔥 1個切粒
蒜頭 6粒切粒
蕃茄 1個切粒
青/紅/黃椒 1-2個切粒(留半個切條作最後放係飯上)
海鮮 (隨個人喜好, 今次我用左蝦, 魚同大蜆)
saffron 少許
paprika 1茶匙
清湯 (與飯比例係1杯飯1.25杯水)

(用平底pan)

製法:
1)因為我唔想買雞湯反正我有買蝦同魚,我用蝦殼同起左魚肉既魚骨煮左個上湯, 湯內加左少少saffron等煮飯時就可以用
2)用大火加olive oil起將洋蔥同蒜炒香加入chorizo, 炒到差不多金黃再加入青椒同蕃茄, 最後就加入米(盡量令到d米平均係個pan到同埋唔好炒d米)
3)加入清湯後就可以將火轉中火, 再加入海鮮材料同切了條形既青椒作點綴(如果大家係用魷魚難熟既海鮮就最好加米前炒一炒咁樣就好d, 但今次我d海鮮易熟我就全部係最後先加)
4)如果大家個火力唔夠可以用蓋, 蓋5-10分鐘等d海鮮熟同收乾水就ok
5)最後加入一個檸檬, 關火等5分鐘就可以上枱開飯.



JO | 26th Apr 2012 | 食食食....食肥我 | (240 Reads)
Gazpacho係西班牙旅遊時飲過, 可能係天氣好熱同埋行得累, 所以一坐休息時飲到一碗清甜又凍快既凍湯真係救回我小命...一直都以為好難整好麻煩, 但原來係網上搵食譜時先發現這個湯係我煮話既湯來講係零難度, 我肯定每個人就算連唔識開火煮食既人都一定識整, 因為這個湯係唔洗開火煮.

2-3人份:
材料:     中型蕃茄     6個
              青瓜            1條
              青/紅/黃椒1個
              紫洋蔥         1個
蒜頭 1粒
白包 1塊(用水浸一陣)





將全部材料切粒, 最後將白包渣乾水加埋落攪拌機, 最後加上一湯匙olive oil, 半湯匙vinegar, 少許鹽同黑椒開始攪拌, 再隔渣就可以放係雪櫃雪凍就可以飲.


最後留少少青瓜粒青椒粒放係湯上作點綴, 如果喜歡更加可以放d麵包粒乾係面更加好味...


JO | 23rd Apr 2012 | 食食食....食肥我 | (62 Reads)
聽得多MS.B既蛋糕好出名, 一直都心思思好想試無奈只知道中環先有佢既店舖, 上次經過可惜已經關門無緣可以試到.點知上星期去大坑搵食經過此店門口見到大大隻蝴蝶好熟口面再上網查下...原來MS B開左店係大坑咁就岩晒我可以來買件CAKE回家試下.
可能已經係晚上選擇既蛋糕都唔多, 加上無牌介紹好彩店員細心每件都介紹, 最後選左2件試下...此店有名氣當然價錢都成正比, 每件$60絕對不平, 不過心想如果好味都係值得既...可惜回家試後真係覺得用$120買一個集團式蛋糕都叫有份量起碼一定食到反肚, 此店既蛋糕真係令我有D失望.第一個係3層唔同口味既海綿蛋糕(無記錯呀..係紅菜頭, 開心果同朱古力), 另外一個係荔枝味既內裡有少少果肉, 不過味道都係一樣無咩特別...蛋糕係做酊好鬆軟但可能我太期待反而變左好失望, 有時做人就係咁每件事都有好期待既時間往往都會令自己失望而回...所以我都要學下平常心處事會對自己生活得開心D.


同場都忍不住再影下佢地既蛋糕, 每件都好似藝術品咁靚.


JO | 16th Apr 2012 | 食食食....食肥我 | (105 Reads)

 對上一次來已經係一年前, 不過都係印象中此店d食物好所以再來time square搵食就想起此店. 星期四唔多人安排入座後我地2個人叫左個意大利腸pizza, 原本想叫焗鴨腿可惜當晚無最後叫左個鴨肉通粉...見到份量少再叫左個德國腸拚盤來食.

3樣野只得最後追加既拚盤較好味, 當中有4款不同口味既腸配上酸菜一流...

pizza既意大利腸相反無咩肉味最重要係唔知加左咩sauce攪到個pizza味道怪怪唔係好岩我口味, 個鴨肉通粉係成晚最差, d鴨肉帶d"so"味又唔香, 好彩份量少唔係都幾浪費.

整體上只覺得食物好似無第一次來咁吸引, 不過服務依舊貼心.

 


JO | 11th Apr 2012 | 食食食....食肥我 | (58 Reads)
其實有時間我都幾喜歡係廚房煮下野食, 因為上次想係街叫碟白灼蝦俾友人阻止話係家煮都得, 所以攪到我心思思好想食, 咁就造就一個海鮮餐...買左半斤中蝦, 再買左鮑魚仔, 再煮埋一個糖醋骨,再來一次潮州炒麵配埋一碗花膠紅蘿白粟米湯咁就好滿足.
其實最簡單既煮法就會食到d食物既原汁原味, 所以白灼蝦就係最好味配上少少辣豉油就perfect, 另外原本想用果皮蒸鮑魚仔點知最後又唔記得落果皮變左落左豉油同油就算...
第一次煮既糖醋骨都唔錯, 其實我覺得最緊要係叫肉檔將d骨唔好切得太細唔係d肉收晒就唔好, 今次我加左蕃茄醬, 陳醋一起炆又唔錯, 
上次煮既麵線過淋, 今次用水煮既時候只係1-2分鐘就算, 再用凍水過冷河就攪掂


JO | 10th Apr 2012 | 食食食....食肥我 | (44 Reads)

星期六晚上7時左右來食甜品, 咁岩係d員工食飯時候, 但佢地各人都表現好合作好好服務, 唔會話因為食飯時間而不理會客人...今時今日既服務真係好難得.

當晚我地叫左紫醉金迷(即係提子味棉棉冰)另外一個係地瓜丸+芋丸+芝麻味既甜湯底..

其實2樣甜品都好好味, 特別個地瓜同芋丸做得好好味煙un, 可惜個芝麻湯底真係十分唔得好似令到成個糖水都失色咁...d芝麻好似用粉開唔算吸引.

至於個棉棉冰仍舊好味, 加上旁邊既咁多配料相比糖百府又更勝一籌


 


JO | 9th Apr 2012 | 食食食....食肥我 | (43 Reads)

 星期日食左個唔好食既炒蛋多士令到我想起華星,所以星期一要作補償來這裡嘆茶餐...2個人叫左個咖央多士, 同一個茶餐(又燒通粉, 炒蛋多士同熱檸茶)

第一次係此店食咖央多士味道覺得好一般唔算我喜歡既味道, 都係炒蛋多士比較穩陣之選, 炒蛋食舊帶有少少蛋汁好好味配上牛油厚多士真係一流, 又燒通都好好味, 勝在係個湯底盡不麻虎, 以前覺得此店食物好貴又少選擇, 相比宜家通脹咁厲害, 此店d價錢真係叫正常

 


JO | 7th Apr 2012 | 我所想 | (892 Reads)
上星期日咪去左東涌踩單車, 可惜自己架車同體力唔夠加上第一次唔識路花左好多時間搵路所以完成唔到欣澳廸欣湖全程. 當日回程我個心唔舒服好似有d野未完成到會死得唔眼閉咁, 所以我再下戰書俾友人問下星期三有無興趣再戰廸欣湖友人都唔服輸成功左原本再有一個戰友一起挑戰, 可惜怕太早又有d身體唔舒服最終又係2個人上路.
今次我地去左一間好少少既單車舖租車, 下次大家入去東涌都係去這間好d唔好就腳係商場內既單車店租佢地d車真係好差...這間就係東昇酒家對面其實都幾方便.
http://www.sunnybike.com.hk/


今次部車好加上識路最重要經過星期日既磨練後大家體能都上升不少, 我地當然完成左我地未完成既路程...不過原來最後果20%路程係我地2個都係成程最吃力加上好大段都要踩車路都有d驚,不過原路有d花香令我更加努力踩踩踩...最終到左欣澳廸欣湖

今次用左約2個半鐘就完成路程去到廸欣湖都係1點半..嘩原來好多家庭都帶d小朋友係度野餐坐下草地玩下船好寫意...不過2條友都唔理咁多見到有張長椅就即坐休息下..跟住就開餐食lunch...好彩有間7仔入左去買左支葡萄適俾隊友等佢醒醒..唔係佢晏低要我一個人點樣拖一個人2部單車走呀..
休息完大約2時15分我地開始回程, 不過回程一般會用少左時間我地研究過可能係順風同逆風都差幾多..我地回程都係用左1個半-2小時都唔洗就完成我地仲行多少少路睇下有咩路我地仲未去...行左一陣又去埋東涌outlet, 大致上我地都差不多踩晒成個東涌.


最後又係交完車又提早食埋晚飯就走人, 當然又去回上次介紹既東昇食, 好彩味道食舊好味海鮮同樣做得出色..今次踩既時間同上次係一樣5個小時不過就可以完成成個路程仲要行埋其他地方仲要中間都好hea休息睇下風景...最重要係回到家唔好會似上次咁死狗..不過昨日好似陰陰地無咩大太陽, 但原來太陽既殺傷力比起星期日仲勁..我回家先發現我已經變左又紅又黑.



JO | 6th Apr 2012 | 食食食....食肥我 | (63 Reads)

心思思又想食台灣牛肉麵, 專登星期六就來此店食個午餐...叫左一個牛肉麵同一個台式拚盤拌麵(拚盤有雞翼, 豬手, 鹵蛋同肉躁)

牛肉麵依舊入味夠淋, 一大件又厚既牛展炆得好淋, 牛根同樣出色, 至於個湯底好濃既牛肉味帶少少微麻辣真係令人唔想停口咁飲, 飲左咁濃既湯都唔會令人口渴真係真材實料, 麵質唔會太淋岩晒我口味

台式拚盤拌麵都好正又係好多料, 雞翼我就覺得鹵得唔夠入味反而豬手就好淋好入味, 個鹵汁又唔會太咸用來配麵食真係好岩.

食物依舊保持水準, 環境大家就唔好預坐得好舒服一般都係要搭枱,位與位亦同樣好迫無辦法香港d租太貴. 
 

 


JO | 5th Apr 2012 | 食食食....食肥我 | (59 Reads)

 其實睇食評先知好多人來都係為左佢地既甜品,所以星期六早放工又相約友人來此店食晚飯順便食甜品...經過上次係八月居服務洗禮後基本上我對此集團既服務都無咩期望可言...已經放棄book位反而自己早d walk in去好過..6點10分已經入座食..今次好少少唔洗坐10分鐘先有人理, 不過當然d服務都唔會好好,同樣無表情木口木面既服務員...不過唔理我都係來食飯

今次2個人叫左today's special: 涼瓜班頭腩, 炭燒牛肉沙律, 迷你桶飯同埋菠羅鮑魚酥

 

上次係四季食過鮑魚酥好好味見到此店有又心思思叫來試下,不過當然一分錢一分貨, 此店既鮑魚酥真係好一般不過都係$11/隻又點會有咩e期望...雖然只不過係切粒既鮑魚, 但好在個酥皮都夠香算合格..

至於個飯就真係麻麻, 令願叫個白飯仲好..

最出色係個炭燒牛肉真係有陣陣既炭燒味加上燒得岩岩熟配埋個酸酸既沙律汁同大量菜一起食真係叫絕.

至今個today's special真係一d都唔特別, 而且個所謂既班頭腩似我地係茶餐廳既冷藏班腩無咩分別...食完更係要叫我最期待既甜品..其實佢地個甜品menu真係好吸引特別係d西式甜品, 可惜得2個人最後我地叫左個2-3人分既拿破崙, 已經沒有quota再試埋其他甜品..

一來個賣樣已經好吸引我, 特別係旁邊好似棉花糖既糖絲, 至於個酥餅都算ok, 加上每層不同

既新鮮水果都算滿足2個甜品人既口福.

 


Next