香港新浪網 MySinaBlog
JO | 31st Jul 2012 | 食食食....食肥我 | (85 Reads)

每次來到都見到此店有人排隊買,為食既我當然都忍不住買來試下.

買左4個迷你牛角包同4個迷你朱古力牛角.

即場都忍不住食左一個牛角包, 當時食時已經好熱辣辣, 所以味道一流, 成個牛角雖體積小但仍然充滿牛油香味.

隔一日再試埋個朱古力牛角, 估唔到凍左都仍然鬆軟而且內裡仲有少少朱古力醬, 非常美味.



JO | 30th Jul 2012 | 食食食....食肥我 | (80 Reads)

做完FACIAL買埋野都未夠7點, 好彩友人一早提議去客家爺爺食飯唔係落雨濕濕仲要想去邊度食都有點麻煩.

2個人上到店後先發現店內得2-3枱客, 環境相當清靜.

我地叫左一個蒸蘿蔔丸, 黃金炒南瓜, 咸菜涼瓜炒豬肚, 叫到咁樣都已經差不多二百幾元, 咁叫多一個菜就可以用$50COUPON.



最終我地都叫多一個雞肉炒 伊麵 ...當然食到最後我地都要將大部份 伊麵 打包.(此店外賣盒需加$1)

點完餐後就送上每人一盅例湯, 睇到個樣都已經好吸引, 無半點油係湯面, 飲落都無味精而且好清甜.

再來就係個蘿蔔丸, 係用蘿蔔加糯米一起蒸, 食落有點煙韌,不過味道偏淡要配上XO醬先可以.

至於個咸菜涼瓜炒豬肚係成晚我地2個最欣賞, 咸菜味道適中涼瓜同豬肚亦同樣炒得爽口美味.

另外黃金南瓜算係我地最有期待, 反而就有點失望, 雖然咸蛋黃都能沾上每粒南瓜, 但2者味道好似唔太配合有點怪怪.

最後既 伊麵 都係味道偏淡而且雞肉好似得少少, 成碟似齋 伊麵 咁.

估唔到埋單時再奉送糖水~紫米露.此店奉送既餐湯同糖水都好有誠意絕不馬虎, 至於小炒其實樣樣都做得合格最重要真係樣樣菜式都做到少油無味精.



JO | 28th Jul 2012 | 食食食....食肥我 | (72 Reads)

一早BOOK定位諗住浮潛完就去食飯..點知佢地BOOK位時段只是6點/8點, 最終我地就算8點比較鬆動D. 

點知我地7點就已經回到碼頭, 一心一意想早D去睇下有無位,最終都要等到8時半先有位坐... 

基本上5個人已經好餓, 我地係叫左7餱1湯,我地叫左個蕃茄魚仔湯, 椒鹽鮑魚, 椒鹽豆腐, 客家咸菜腩肉, 什菜粉絲煲, 豉油炒麵, 欖角蜜糖骨, 蠔餅. 

基本上除左鮑魚料連加工要2百多元外, 其他小菜都係70-80元左右, 真係認真超值, 仲要為米芝蓮餐廳. 

其實佢地既椒鹽鮑魚係就係考功夫既菜式, 可惜煮到出來反而唔夠椒鹽味偏淡, 不過炸得好有水準一點都不油又整得岩岩好唔會鞋口... 

至於其他小菜同樣出色,我個人最欣賞係個咸菜腩肉味道適中, 就算有咸菜都唔會偏咸用來配飯一流,加上五花腩做得好出色又唔油膩, 肥膏部位更加甘香美味. 

另外椒鹽豆腐炸得皮脆內滑, 真係唔係一般可以係家庭做到既菜式. 

另外一讚就係佢地既炒麵, 個碟係一叮點油都沒有, 炒得好夠火喉. 

食左一次之後,我都已經訂定位再同家人來試下這個平價米芝蓮餐廳.



JO | 27th Jul 2012 | 我所想 | (44 Reads)

真係想同大家分享一下這次上興趣班, 從來都未試過咁差.

姨甥女對整野食有興趣, 咁岩佢生日所以我就陪左佢去公司附近既烘焙中心學整蛋糕.

其實這間中心我幾年前都去過一次, 當時只有我同朋友一起學, 不過導師都幾細心整體叫唔錯.

但今次完全2回事...可以話去完永不回頭.

當日我同姨甥準時6點半到達, 跟住有一位穿黑色衫既女導師就呼渴我地連同其他學員入去廚房.其實佢地當晚有幾款蛋糕可以選來整既, 咁都係在同一個廚房內.

當晚就有2隊整MARCOON, 有1隊就整焗蛋糕,其餘我連另一隊就整凍餅.

咁當時有一個導師(紅衫)已經係度教緊2個人整緊凍餅...咁唔係6時半先開始咩..點解唔得埋我地果隊到埋先整...最後先來果隊都係要等埋我地先再開始...基本上我地又無遲到點解都唔等埋我地呢?

唔理啦...最後我地一個STEPS都無MISS已經好好, 不過就係這2個導師去教不同GROUP去整3個不同既糕點....即係會教教下你又會望下另外一GROUP做成點跟住又要同佢講2句咁...咁樣又點係教人.

最正係佢地提供既食譜...基本上係一張紙只係提供份量..連STEPS都無要自己寫低咁試問一路做又點有時間寫睇呀...個重點係這2位導師問多2句都好似殺人咁一係就唔答你...
基本上我同姨甥都好醒目見到這2位殺人王導師,我地都無咩點問過野..只係佢叫點做就點做.但我地對面果PAIR就勁問, 但黑衫導師就好似聽唔到咁唔答佢又或者問非所答..好似人地問佢坐熱D奶要坐到幾熱..最少你都同人講幾多度...無架佢地都唔答..好似秘密咁..咁你就唔好開班教人啦.自己收埋珍藏.

跟住我地整完凍餅等雪時, 另外整MARCOON果隊都係等D MARCOON入爐時, 大家就開始無野做..咁佢地就開始係個廚房度勁影相又同下MARCOON影呀..又自己玩自拍等..總知就係個廚師行來行去...咁2位殺人王就開始來料..話佢地叫佢地影完就要坐低唔好阻往佢地做野...BABABBAB...
我當時睇到眼突...幾有型客都照罵唔理.....再落來係個黑衫導師再係出面勁罵佢2位員工...真係又嘈又煩呀...
果刻我真係想快D整完快D走, 其實你要話你D員工都唔好係D客面前勁話又大聲又嘈...人地問下你蛋糕既食又唔答...就係唔識先來學, 識都唔洗俾錢去學啦..佢地就好似以為人地係為左有個地方來整個蛋糕回家食咁..如果係我就唔想花三百幾蚊去買個咁既蛋糕.

這間野完全係無教人既心, 我真係忍不住要寫出來同大家分享這間烘焙中心既惡行.



JO | 26th Jul 2012 | 買買買 | (134 Reads)



我好喜歡鞋..可能係咁上天俾左一對兒童腳我, 一般我都穿5號以下既鞋,有時睇中既鞋我都買唔到...選鞋買鞋都唔算容易既事.

幾年前買左第一對JIMMY CHOO 4號SIZE既平底鞋之後, 心心愛上這個品牌.

就算佢係新鞋穿上都好舒服又唔會傷腳.

其實上星期先買左一對, 但忍不住又再入多2對....相信佢


JO | 25th Jul 2012 | 食食食....食肥我 | (97 Reads)
一直都好想試下豚王既拉麵, 可惜條人龍真係有點嚇怕我.難得琴日早放又見到唔算多人排隊,幸好排左30分鐘左右就有位. 



在排隊途中會有職員俾張紙你選左要邊款拉麵, 麵質, 要唔要蔥,蒜, 醬汁等, 而且如果2人以上佢又要問邊位拉麵屬於邊位, 此舉係當你有位坐時佢地送上係你所選既拉麵, 另外入到店都即刻送上一杯冰水又不時為你加添又會問要唔要紙巾等, 咁體貼既服務, 真係唔怪之得開左分店都時時要排隊

我叫左個黑王拉麵(墨魚汁), 單單睇個樣已經知道必定好濃味...唔知中間果一堆黑色係咩來味道都特別, 不過一點都食不出半點墨魚味道。 





除另外友人就叫左個翠王(即係由蔬菜汁打成再配上芝士粉)這一個湯底比起黑王係清甜帶輕微既芝士香

左此店既服務好, 我最愛算係卓上配料, 當食到一半時覺得拉麵好濃時再加上蘋果醋又真係可以減低油膩感, 而且2款配料帶少少微辣又幾開胃. 



此店既拉麵同樣做得好有水準, 湯夠濃正正夾起拉麵時都做到掛湯既效果.

又燒雖薄片, 但做得好淋身


JO | 24th Jul 2012 | 食食食....食肥我 | (66 Reads)

多謝CONNIE介紹, 一直以來都係OR既KC食評既支持者, 難得可以參加佢既飯局聚會仲可以見到佢真人真係開心.(好似見到自己既明星偶像)

今次KC飯局係新同樂米芝蓮2星,當晚星期一八時開始,我同CONNIE約左7點係海港城行下仲要大家都有收獲之後就去食飯.

14人一枱既飯局, 真係個個都係識飲識食之友(除我), 初時唔識既原故大家都係同自己既朋友傾下計, 點知食到中段WARM UP 左開始大家係傾下食真係幾開心氣氛都唔錯.

當晚既餐牌, 有菜連甜品有成10道其實我地2個食到一半已經好飽


第一道係這個拚盤, 初時以為乳豬釀蝦膠會係我至愛, 點知我自己最喜歡係個蝦多士, 反而又燒就麻麻地, 至於牛利都算唔錯.


第二道個樣已經好吸引, 面層係個水晶包住好多蟹肉底再配上南瓜同菠菜蓉


成餐飯我自己覺得最特別就係紫薑鮮苗脆米雞球, 子薑宜家係當造所以味道清甜又唔辣又無渣,另外佢既鮮苗係新鮮既金針菜真係估唔到金針菜都有新鮮仲要有機會試到, 不過唔算有咩味道


蒸柚皮亦係我最期待既, 不過偏咸如果有碗飯比較好D.


這一味都係一樣又有咸蛋黃又有雲腿片又係配飯既菜式


這一個牛肋骨係今晚既主角...可惜要到尾段先上,我都已經好飽加上牛肋骨味濃又有D肥,就更加飽上加飽.不過都係要介紹下原來這個叫燒汁干煏牛肋骨, 干煏就係一種烹調技巧就係煮到D醬汁收乾為止.


最後一道既麵點係我覺得成晚最差, 肉碎用上WASABI一起炒都幾FUSION, 不過D麵過淋.


三式甜品都係麻麻地, 包括檑沙湯丸, 馬豆糕同埋流沙奶皇包, 至於以為有咩特別既甜湯都係無咩特別既又唔起沙既紅豆沙.


整體來講都好開心咁過左一晚.
最後多謝CONNIE既禮物同陪我SHOPPING同埋去這個咁難得既飯局.



JO | 23rd Jul 2012 | 食食食....食肥我 | (100 Reads)

上星期先食完MONSTER SUSHI, 今個星期已經忍不住再要去多次.

同樣都係BOOK定位穩陣點...7點半準時到達, 今次唔同上次門口已經一大班人真係幸好有得BOOK位.

上次食過既鰻魚壽司今次再ORDER同樣肥美可口, 另外佢地一款特別推介既螢光魷魚+甜蝦壽司估唔到味道都唔錯, D魷魚味道都幾鮮甜. 


另外再叫左幾款熟食, 當中我自己最喜歡係吉列炸蠔同埋牛油煎帆立貝, 2款食物都做得好出色個炸蠔炸得鬆脆又唔油, 至於帆立貝就無咩牛油味不過卜上少少粉去煎令到帆立貝仍然保持肉汁非常好味, 只係2款食物價錢都有點偏貴. 


最後一款只係俾個圖片吸引既海鮮凍水晶麵就真係得個樣, D水晶麵煮得唔夠時間,偏硬, 而且成杯都有好多碎冰, 食落有點麻煩, 幸好個汁酸酸地夠醒胃, 而且面層既刺身都夠新鮮. 


希望仍然繼續保持水準. 



JO | 21st Jul 2012 | 為了靚靚 | (115 Reads)

對於Jo Malone真係又愛又恨, 愛更係愛佢既多元化味道, 恨當然就係佢個價錢.

前幾日睇blog又見到有人話佢地既shower gel同body lotion都好正.....我個心又忍不住要去睇下

其實我家中已經有好多shower gel連body lotion, 基本上一年唔入貨都唔成問題.

只不過唔行去這個counter試野就唔出事, 今次買左wild bluebell showel gel回家...

估唔到佢地d香水咁香, 原來支shower gel仲正呀...沖完涼真係有陣陣既香味, 就好似佢地d bath oil一樣沖完涼搽係身又香又潤.

同場買左支夏日色彩甲油, 估唔到我人黑黑搽這個色都ok




JO | 20th Jul 2012 | 我所想 | (74 Reads)

多謝友人既安排帶左我來食BUFFET

我地差唔多7時到違, 都已經差不多FULL HOUSE, 真係厲害.



先講環境先, 其實地點又真係唔錯大玻璃外就可以欣賞到維港景色到八時仲可以睇到幻彩詠香江(當然我唔識欣賞), 景靚呀不過D位同位好近距離又迫又多人, 基本上成個餐廳都幾嘈下, 我同友人傾計都要"胡"前先聽到大家講咩.

食物方面都有好多唔同既選擇



冷盤海鮮都幾多選擇, 有龍蝦, 長腳蟹, 蟹拑, 青口等; 冷盤海鮮總類都算多選擇, 加上樣樣都新鮮味道好鮮甜

熱食就有中式點心, 片皮鴨, 咕嚕雞, 羊扒, 燒牛柳, 天婦羅, 鴨肝, 巴馬火腿等...

最令我喜歡就係個燕窩雞蓉湯真係好清甜,另外最特別算係辣酒煮翡翠螺, 估唔到 翡翠螺 用辣酒煮左後D肉好淋身而且又多肉相比用花螺更加好味, 而鴨肝都煎得好香口配上蘋果蓉可以減低油膩感覺. 反而佢地其他熱食如羊扒同燒牛柳都唔算好味, 天婦羅炸得無油但味道偏淡亦算麻麻,

最後甜品區都有不同既蛋糕, 雪糕, WAFFLE , PANCAKE仲有我至愛既MARCOON, 這店既MARCOON同樣做得唔太甜最愛就係檸檬味, 另外佢地D蛋糕個樣都好吸引, 但味道就好一般, 當中芒果拿破崙餅算正常味道. 最後試左2個SCOOPS既雪糕都收口同收手.






Next