香港新浪網 MySinaBlog
JO | 31st Aug 2012 | 我的食譜 | (153 Reads)


近期又再次沉迷玩下整麵包, 咁都好既夏天整包比較好D 

之前睇何師奶個BLOG見到佢用左低溫發酵方法整出來既頂角方包好吸引 

我又唔知醜走去學人整先,今次個麵團我就雪左係雪櫃足2日出來時見到一個勁大既薄膜, 見到心想今次實食無痴牙, 掂更!!

唉點知人就係唔可以扮勁..
其實我放涼後再第2次發酵時我搓個包搓得唔夠靚又無心機, 到我造型時又整得唔好,加上我預計既麵團少左個模又係預計既大左, 最終都係做唔到頂角方包亦做唔到內裡組織咁細密.



不過我都要寫出材料出來以便日後有所改進:

高粉: 220G (原食譜:330G)

糖:30G(45G)

鹽:1G(2G)

蛋:20G(30G)

依士:2G(3G)

水 : 120G(180G)

牛油:13G(20G)

將所有材料搓勻到麵團光滑再用保鮮袋包好放入雪櫃 12-48小時

最出麵團回暖15-20分鐘, 輕壓排氣, 分割搓圓再待15分鐘

麵團壓平排氣再造形, 入模發到9成高就蓋上模蓋

180度焗25-30分鐘


JO | 30th Aug 2012 | 食食食....食肥我 | (48 Reads)

難得星期六4點幾就可以收工, 約埋友人去上海街買下蛋糕材料.

記得上次來過此店食甜品, 食物同服務都唔錯, 所以晚飯後我帶友人就來此店試下.

可能時間尚早, 店內既員工都係度食緊晚飯.

只得2枱客人, 我地坐底後就各自點左甜品, 友人叫左個雪梨流心布丁, 我就要左個香蕉WAFFLE

等左一陣友人個布丁就來...這個布丁一叮點都無流心, 內裡只係用左雪梨蓉做餡料, 味道麻麻可能係D雪梨本身唔靚一D都唔清甜.

反而此店既WAFFLE都做得唔錯, 即叫即整所以來到時WAFFLE都暖溫, 加上肉桂味好香外帶少少脆唔錯, 用上蜜糖代替糖膠就更加清甜.

食物都算OK, 但服務就真係麻麻.我地食到中段(整店都只得我地一枱客), 2個員工就係店舖內起爭執仲要講晒粗口, 作為食客既我睇到這種場面都幾唔舒服. 



JO | 28th Aug 2012 | 食食食....食肥我 | (52 Reads)

買完所有材料後都已經6點幾, 我地怕7時要等位就早食早散.

我地最後選左係女人街開店多年既西門叮.

今次再來令我地都好有驚喜, MENU內既食物款式多元化, 

最後我地選左一個芝心丸拚肉躁乾麵餐另包台式飲品一杯及一個涼拌苦瓜

另外叫左個小食拚盤, 我地2個最喜歡就係個小食拚盤...當中花枝丸最得我心, 炸得香脆只係椒鹽粉唔夠多無咩椒鹽味道.

拚盤當中最特別係個魷魚卷魷魚包住D菜同蝦肉, 好豐富既口感魷魚肉亦爽口整得岩岩好. 紅燒牛肉都做得出色鹵得入味又夠淋, 基本上整個拚盤無一樣野唔好食, 而有咁多款小食都係收70元真係好抵食.

相比個乾麵就好似遜色左, 麵本身煮得過淋,乾麵附上既湯都係味精水, 芝士包心丸去炸都幾特別.



JO | 27th Aug 2012 | 食食食....食肥我 | (38 Reads)

近年來對於係食店遇上一D服務差既店員都盡量唔會想投訴亦明白佢地工作時間長接觸多不同客戶.

今次我對於這個服務亞嬋真係頂佢唔順,只係在OR想同大家分享.

昨晚同友人去到此店坐底後, 我就問這個亞嬋取餐牌, 佢基本上就望一望我就同佢既同事話.

這張枱唔坐得要搬走, 跟住過左一陣佢先將本MENU係"掉"來將枱度.

跟住點完甜品後, 有位成店較有禮貌既小姐就來問我地可唔可以同佢換過另外一張枱.

當然無問題, 其實大家都人唔理係店員/食客大家有禮貌係基本做人既態度, 如果這位亞嬋有問我可唔可以換枱,佢又點知我唔換呢?咁佢又需要咁無禮地大大力掉本MENU落枱呢?

接著我叫既水蜜桃仙子亦來, 基本上與MENU既圖完全二回事 



JO | 24th Aug 2012 | 食食食....食肥我 | (48 Reads)

原本打算去IKEA食晚飯, 點知8點已經有一條大大人龍排隊:o, 見到都即轉頭走人.

大家無咩主意之下去到10樓FOOD COURT睇下有咩食, 友人建議食壽司.

唔洗等位就可以, 2個人叫左4客壽司(三文魚, 雞蛋, 帶子及鰻魚), 印象中對上一次來覺得此店既壽司同食物都麻麻, 估唔到今次再來又改變左我對佢既印象.

今次既4件壽司味道都唔錯, 雖然一夾D飯都鬆散, 但飯仍然保持最暖. 至於最正算係帶子夠肥美鮮甜.

另外熱食就叫左個蕃茄牛肉烏冬, 用石頭鍋上, 食到後段都仍然保持熱辣辣.最正係個烏冬煙韌好有口感, 只係個蕃茄湯底偏甜.

最後再叫左個豆腐海藻沙律食, 個豆腐好滑沙律菜夠新鮮清甜.



JO | 21st Aug 2012 | 我所想 | (63 Reads)

知道MEGA BOX開左間新甜品店仲有我至愛既WAFFLE食,食晚飯時已經留肚要去食甜品.

叫左個芒果窩夫選左綠茶雪糕 

 單單睇個賣相已經吸引, 上來時WAFFLE都唔係微暖, 估計預先已經做左.

不過窩夫仍然外脆內軟, 旁邊既芒果份量都幾多, 不過我至喜歡就係佢地有大量既杏仁片.

成個甜品最差算係個雪糕, 綠茶味道麻麻再一點都唔能配合上芒果同窩夫味道.

9點來到都只得2-3枱客人, 希望可以繼續為持落去, 這間甜品店係九龍灣算係出色.




JO | 15th Aug 2012 | 我所想 | (43 Reads)




其實7月份一早就買左飛睇這個展覽, 其實係香港睇展覽真係好平, 如果大家有時間都應該唔好錯過. $10入場票, 相信其他地方都唔會有咁既價錢.

一入到場館先來就係3D既影相, 又有介紹秦始皇及兵馬俑既冷知識等透過現代既特技去介紹秦代歷史, 相信這一環應該吸引小朋友引發對歷史既興趣. 

再來就係我最期待睇既文物展示, 今次展覽有120組文物, 接近40%係國家一級文物.



參考入場攻略, 部份文物都必睇.如雲紋高足玉杯, 石鎧甲, 彩繪騎馬俑, 立射俑等等.



成個展覽估計都要花上2小時以上先可以認真睇完. 因為文物關係大家都唔可以用閃光燈加上場內燈光偏暗, 所以我覺得反而用電話影相仲靚個用相機好. 另外佢每件文物都有一個QR CODE大家可以透過智能手機取得資料回家慢慢細讀.

最後出左展覽館後仲有紀念品區, 有興趣都可以去買本書回家研究.

到我地走果時再發現有幾個Q版秦俑係下層廣場(即係入口處)個個造形都唔同樣唔同色十分可愛.睇回攻略我先發現我錯過左一幅立體地畫, 不過唔緊要下次經過都可以係場外參觀到.同樣係下層廣場展示.

這個展覽做到11月26日, 大家有興趣盡快去買票唔好錯過!!


JO | 14th Aug 2012 | 我的食譜 | (76 Reads)

自從上次係TABLEMAP訂位好方便之後, 今次我又再係TABLEMAP選另外一間試下..希望TABLEMAP增加多D餐廳啦.

平時係銅鑼灣真係從來都未選樓上CAFE, 今次係選在DANIEL'S CAFE試下.

7時半上到去真係嚇一跳, 一枱客都未有, 心想會唔會難食架, 點知唔夠10分鐘就開始有一大班人入來, 相信都係一早BOOK定位.

這時我就開始覺得原本無其他客都幾舒服, 原因另一枱成十個人一起講野真係好嘈.加上店舖地方細,真係好應聲, 基本上我同友人都無咩點傾計.

當晚我地選左蟹肉天使麵+$40(配餐湯- 西班牙凍湯及飲品), 另外再選西班牙奄列同煎蝦黑醋沙律.

先來講凍湯味道偏微辣, 蔬菜味道唔算特別濃郁,我覺得好一般.

再來就係西班牙奄列, 第一次食味道都唔錯, 薯仔軟硬岩岩好味道唔錯, 另外個沙律就好開胃, 黑醋好香, 最估唔到係D蝦真係好香好入味.

最後再來就係蟹肉天使麵, , D蟹肉份量都幾多, 配上蕃茄粒同少許蔬菜好清甜, 再配上天使麵真係好配合.

食物大致上都好得, 樣樣都即叫即整, 所以都需要有耐性等待. 



JO | 13th Aug 2012 | 我的食譜 | (59 Reads)

難得相聚舊友相聚, 搵一處集中點都離不開旺角/尖沙咀.最後友人建議旺角八月軒.

因7時半不接受訂位, 所以我地只能WALK IN碰運氣.可能星期二晚關係, 基本上WALK IN都唔需要等位就可以安排入座.

6個人都叫左BB乳豬半隻, 味土樓冰燒肉, 豬手, 黑豚肉卷, 魚頭煲, 梅菜扣肉. 



最令我印象深刻都算係味土樓冰燒肉, 其實就係又燒包住咸蛋黃再切到薄片, 老實講係幾有特別既一道菜式, 可惜味道只屬一般, 又燒切得太薄基本上都食唔出咸蛋黃既味道. 

招牌菜BB乳豬仍保持水準皮脆肉香, 至於最普通既梅菜扣肉就比一般客家菜館做得更出色, 梅菜甜帶少少爽口唔會好似以往炆到梅菜已經太淋.至於五花腩一層肉一層肥, 食落口一點都唔膩口, 這一個時我覺得整晚做得最好. 



最後我地6個人叫左一客千層酥作甜品, 可惜完全不對牌.這個千層酥就好似放左好耐咁, 食時酥皮已經變軟, 另外水果亦唔係圖中有5層, 用上西瓜作餡料唔怪之得酥皮會咁快變軟,對上一次係九龍塘店食這個千層酥較為出色. 


食物都係其次, 難得大家工作生活繁忙既日子都能抽空相聚, 都算難得. 



JO | 11th Aug 2012 | 我的食譜 | (98 Reads)

將鹽放在鑊底再放上黃油蟹(底向上)


慢火5分鐘, 大火10分鐘, 最後慢火5分鐘

焗蟹要視乎蟹既SIZE,如果蟹細,焗蟹時間都應該縮短.




Next