香港新浪網 MySinaBlog
JO | 22nd Sep 2012 | 食食食....食肥我 | (57 Reads)

這幾個星期真係覺得自己個胃口愈來愈大, 好似昨晚同友人去BLT食晚飯, 佢已經投降叫飽, 但自問我只可以叫OK飽.

HOHO..2個人叫左個CLASSIC BURGER COMBE跟左個WAFFLE FRIES及汽水, 再 叫左個蔬菜沙律及BUFFALO WING

BUFFALO WING係我非常喜歡既美式食物, 炸得個雞翼外脆再將整隻雞翼都沾上個SPICY BUFFALO 醬汁,唯一不足係個醬汁沒有半點兒香辣既味道有點失望. 

再來VEGETABLE SALAD, 這一個沙律內有FATA CHEESE令到平平無奇既蔬菜加添芝士濃香, 而且蔬菜夠鮮夠甜, 係一個食美式食品又油又膩既中和劑. 

CLASSIC BURGER一個份量十足既漢堡見到都令人流晒口水, BURGER我地要左5成熟食時都見到肉內是半紅色, 肉質幼嫩可口.

厚厚既肉扒充滿肉汁再配上酸青瓜, 生菜爽口既蔬菜更去除肉扒既肥膩感. 

WAFFLE FRIES炸得脆及乾身不油膩;對於喜愛香口食物既我有大半都係我獨享. 

P.S此店既服務店員都非常細心, 另外我自己點食物時口與手不協調之下攪錯食物, 但店經理都願意幫我更改, 在此都要再作多謝



JO | 20th Sep 2012 | 食食食....食肥我 | (85 Reads)

有時出外搵食都好似有選擇困難症咁, 今日係九龍灣附近走到各食店門外都無咩心水想食咩.

最後只到FOOD COURT睇下有咩想食, 又唔想食飯又唔想食意粉, 真係好難選.

最終都去到東京便當叫左個九州拉麵, 麵同湯都分開上老實講只覺得一點都唔環保呀, 其實我又唔係外賣, 只不過堂食又唔需要湯另上.

拉麵放上2片豬腩肉, 泡菜及一D似炸過既洋蔥, 配料都算唔錯腩肉都帶點爽口, 炸既洋蔥脆卜卜增加口感.

麵質煮得岩岩好, 最重要係個湯底雖則唔算好香濃既豬骨味道, 但湯底唔油膩亦帶點清點就算飲多幾啖都唔覺得口渴. 



JO | 19th Sep 2012 | 我的食譜 | (97 Reads)

近日淘左個藤藍模回來一心一意想整個鄉村包, 不過都係失敗呀整唔到一條條紋咁.

唔知各大高手可唔可以俾少少貼士我呢!!

其實味道同軟硬度我都覺得好滿意, 只係個無左紋, 係唔係我個模唔得呢.



JO | 18th Sep 2012 | 食食食....食肥我 | (83 Reads)

買完海南雞飯後又周圍走下睇下有咩美食

見到此店又有粉果, 茶果, 咸水角等小點, 買左3個咸水角回家食.

咸水角帶少少微暖, 亞姐話都係岩岩炸起.

回到家一試就真係深深愛上此店既咸水角, 外皮少脆帶少少煙韌雖則外表有點偏油, 但食落又出奇地一點都唔覺得油膩

另外佢地既餡料亦好特別, 好似有甜菜圃, 肉碎, 所以味道有少少甜甜地好好味. 



JO | 15th Sep 2012 | 食食食....食肥我 | (57 Reads)
其實去西灣河都係為左來此店買件蛋糕


上幾日無意中係OR見到此店食評, 見好多食友都讚佢地既蛋糕做得出色


為食既我都計劃要來一試, 原本都係想坐底食件蛋糕, 只可惜時間不足, 最後都係買外賣算.


要左個甘筍果仁蛋糕, 這一件蛋糕認真多材料, 除左每啖都可以食到果仁之外, 仲加左果皮好清甜.


而且蛋糕整得好鬆軟, 焗既時間掌握得好令到個蛋糕不會太乾身有點濕潤十分好味,


 唯一美中不足係整件蛋糕都食唔到任何甘筍味道


JO | 14th Sep 2012 | 食食食....食肥我 | (47 Reads)

上次經過見到FOOD COURT開左間台灣店都已經好想試架啦

昨晚專程約埋友人來試下.

2個人叫左個紅燒牛肉油豆腐米粉, 三杯雞及五香豆干一起食.

先來係紅燒牛肉油豆腐米粉, 對於我來講有少少失望初時以為個湯底都會係牛肉濃湯點知都係一個清湯底

在台灣多年既朋友話油豆腐米粉係配清湯係咁既味道, 整碗米粉份量偏多就算2個人一起食縑多, 相反紅燒牛肉就只得4小粒.

不過牛肉炆得好入味又夠淋身,至於小食既五香豆干就覺得好好味, 有少少蒜容香唔錯.

成晚最差就係個三杯雞,雞肉雖然夠滑但就係無左三杯雞內既麻油香.



JO | 13th Sep 2012 | 我的食譜 | (91 Reads)


自從荒廢左好耐既煮食用具之後, 宜家又再次每個星期日都會心思思想整下野食..最重要係整左次後我都可以帶去俾家姐屋企有人幫我消滅..HOHO

上星期做左2款食物都完全失敗攪到成日都MOODY, 原本上星期要整熊貓方包點知最衰自己玩野想用48小時發酵法整又無改度個食譜亂整一通最終失敗,咁好啦再去整下彩繪蛋卷點知仲衰, 以為第一條失敗都算, 第二條又係一樣失敗, 攪到自己一個人要消滅2條蛋卷, 所以今個星期日都唔敢扮勁攪咁多野.

好彩最終個熊貓方包都算成功(雖然有D走樣),但已經好開心加上宜家慢慢知道個焗爐火力, 今次焗出來既方包連個皮邊都焗得岩岩好唔會過火加上開始搓包都掌握到小小今個星期俾自己一個叻.


JO | 12th Sep 2012 | 我的食譜 | (97 Reads)



心血來潮想煮飯仔, 去街市見到有大蜆就買左半斤回家煮個大蜆水蛋來試下.

估唔到又真係幾好味, 起碼大蜆既汁落晒係蒸蛋度唔錯.

材料:

大蜆半斤
雞蛋2隻
水200ML
鹽少許

1.將大蜆吐沙清洗後, 煲大滾水灼40-60秒, 放在大深碟內.

2.將蛋同水攪好加鹽, 隔走泡

3.將蛋汁放左碟用保鮮紙包好, 大火蒸3-4分鐘再焗15分鐘

4.落蔥再放上熟油及豉油.



JO | 10th Sep 2012 | 食食食....食肥我 | (598 Reads)

睇下OR先知道公司附近有一間新既冰室開左, 睇左幾個食評都唔錯.

上星期就來試下, 見到常餐有炒蛋仲要標明用北海島牛奶, 我就叫左常餐

炒蛋火腿配厚牛油包, 蕃茄濃湯又燒公仔麵跟熱檸茶.

其實睇落就似華星個常餐, 不過味道此終不及華星.

炒蛋雖然比一般既茶餐廳炒得好, 但都不算滑, 個所謂既厚牛油包都唔鬆軟.

至於個蕃茄濃湯又燒公仔麵一樣唔得, 用上蕃茄湯底原本都好吸引, 不過個湯偏甜沒有酸味

又燒又瘦又乾唔好食.



JO | 8th Sep 2012 | 我的食譜 | (148 Reads)
次次去台灣食必定會去叫個蛋餅當早餐, 其實這個蛋餅真係好易整

當然我更係無咁勁可以做到油酥餅, 唔叻咪去超市買包咪得啦.

這個酥餅本身就好多油, 所以白鑊放塊酥餅落去慢慢煎到2邊金黃就落埋隻蛋

再加上肉鬆就攪掂晒.


Next