香港新浪網 MySinaBlog
JO | 31st Oct 2012 | 食食食....食肥我 | (133 Reads)

見到OR介紹雅苑座新推出大閘蟹BUFFET, 每人可以有一隻大閘蟹之外還有多款蟹粉做既菜式.

 

星期一工作比較清閒就同友人來試下反正此店既BUFFET我一直都好想試. 

唔知係唔係平日關係當晚都唔FULL, 枱與枱都有一定既空間感覺好舒服加上又有外藉歌手自彈自唱整晚既氣氛都令人食得好開心. 

每人一來就有一張綠色既卡用來取大閘蟹, 大家亦唔需要選擇公/乸事全晚都只有公, 現時當造係食公啦.

如果真係為左大閘蟹而來真係會令人有點失望, 大閘蟹SIZE好細之餘蟹膏亦唔多又唔香, 介紹內話有其他蟹粉菜式亦只有蟹粉鍋巴及蟹粉炒桂花翅任食, 可惜二款菜式同樣唔香口亦食唔出蟹粉既鮮甜味道

至於其他食物如冷盤海鮮亦唔算吸引, 有麵包蟹, 長腳蟹, 青口, 凍蟹及蝦不過全部都無咩鮮甜味道, 食左一次已經唔想再食.

反而熱食比較吸引特別係白灼既海鮮如花甲, 大蜆用白灼既方法再加上魚湯/喇沙湯底更顯出海鮮本身既鮮甜度

再來既熱食燒羊扒, 牛舌亦燒得外脆內軟

最後亦係我最愛既環節- 甜品更加令我食完再食, PANCAKE已經有2款選擇(原味/班蘭味道)另外MARCOON我自己一個人都食左10粒每款口味都好香甜軟滑

意大利芝士餅亦同樣美味好香濃既咖啡味道甜而不膩 

整體來講海鮮唔係此店既強項如果單單為左海鮮而來食BUFFET可能會有點令人失望, 反而對於甜品怪既我來講此店既甜品較深得我心加上環境舒服相信下次都會再來.


JO | 30th Oct 2012 | 我的食譜 | (210 Reads)

無意之中係YAHOO既新煮意到發現這個食譜, 真係唔講唔知烏冬都可以自家製仲要超容易

食譜:

商筋粉: 200G, 低筋粉100G

鹽4G, 水150-160G

1)將水加鹽再加熱

2)將1加入麵粉中攪拌

3)麵團保鮮袋再用腳踏平後再重疊, 重覆步驟3-4次

4)放置麵團靜止30分鐘-半日

5)灑上高粉, 壓至麵團約3MM厚度


6)將麵團重疊


7)切成自己喜歡既厚度





JO | 27th Oct 2012 | 食食食....食肥我 | (81 Reads)

晚上約左朋友到金滿庭食飯相聚 

我同友人都喜歡此店既人參烏龍茶,香濃既茶香入口後仍帶少少甘甜. 

一來就送上強迫性小食, 今次係豆芽肉鬆就要強收十幾元認真厲害. 

我地點了一客小籠包, 水煮魚, 回鍋肉粗炒及豆沙鍋餅. 

小籠包皮薄超多汁, 食時都非常小心以免燙口.內既肉汁鮮甜美味肉餡夠香. 一客八件小籠包不需3分鐘已經給我地消滅了. 

水煮魚, 魚片肉質夠嫩滑而帶點辣及麻, 除了用上乾辣椒, 花椒外還加上豆芽,香蔥及瓜菜, 想刺激點就一定豆芽吸受所有辣椒既味道愈食愈上癮.

再來既回鍋肉粗炒算係比較失色, 粗炒偏油而且麵質好多都短碎, 不過幸好主角回鍋肉都做得唔錯, 肥肉做到肥而不膩而且味道偏濃及甜,

最後既豆沙鍋餅又一快速清碟之菜, 鍋餅外脆帶點煙韌豆沙餡料甜度適中夠滑, 一口氣食了4件仍覺心思思.


JO | 26th Oct 2012 | 食食食....食肥我 | (74 Reads)

直都好想試下此店既日式咖哩飯, 昨日無意之中睇到OR既食評見到係吉之島內開左一間分店


放左工之後就約埋同事一起食完晚飯先回家. 

我點了紅酒燴牛肉奄列飯加$15要左餐飲及雪糕; 另外同事就要左個炆雞焗咖哩飯 

可能時間尚早到來時都唔需要等位, 地方都算幾大座位都算幾好枱與枱都有一定既空間. 

我既奄列飯份量都十足, 中間既奄列整得好靚有少少蛋汁包住白飯, 旁邊既咖哩汁都算夠多味道帶甜完全沒有辛辣味道

.至於餐名用上紅酒燴牛肉, 同樣都唔覺得有紅酒味道, 這一個咖哩飯我都只覺得一般. 

另外同事既焗咖哩飯反而較為有特色, 飯底用咖哩汁炒過後加入已炆煮過既雞肉再加上大量芝士焗後, 每一啖都有香濃芝士非常可口.


整體上此店既日式咖哩都算香濃再加上每枱免費提供既漬物配合埋咖哩飯一起食, 帶點爽脆非常配合. 


JO | 25th Oct 2012 | 沙巴之旅~2012 | (192 Reads)

沙巴另一間經多個BLOG友介紹同必來既食店富源, 第一日來食早餐時一心一意都係想食KAYA 多士飲杯拉茶, 點知來到店鋪見到好似自助形式咁有各款炒麵炒米再可以配其他小食如龍蝦丸串, 魚餅串, 炸雞翼, 豆腐等.

第一日早餐就叫左個炒米加左3款小食, 另外再係COUNTER點左拉茶同KAYA 多士.

此分店係CITITEL EXPRESS HOTEL,此店既拉茶覺得無咁甜又特別香濃,另外佢地既KAYA 多士又真係特別好味(因我試過去另一間旺角餐廳既KAYA 多就麻麻)
另外一間富源我第4日既早餐就係果度食, 果間分店比這間大D同埋仲有中式點心供應, 不過佢地杯拉茶就好甜同埋好似無咁香滑咁..
以上都只係我個人口味.

其實富源除左多遊客幫襯之外, 當地人都好喜歡去幫襯佢地一般都會要拉茶同埋叫一碟炒粉/麵就當早餐/午餐.其實一份炒麵先係$1.2馬幣仲平過杯茶呀, 而且味道都唔錯又唔油, 如果想豐富D就加多$1.2點一款小食都已經好夠飽.



JO | 24th Oct 2012 | 食食食....食肥我 | (148 Reads)

友人從元朗買左一盒香港農場出品既牛奶給我.

唔係友人講真係唔知香港仲有農場, 我今次去沙巴就去到沙巴既農場睇下D牛飲下當地既牛奶, 覺得牛奶好香濃

不過今次友人帶給我既農場牛奶味道只屬一般, 味道偏淡有點似低脂牛奶一樣, 唔算好特別, 不過睇過相之後,反而都想去這個農場走走
.


JO | 22nd Oct 2012 | 食食食....食肥我 | (374 Reads)

做食店真係要做得用心先會吸引食客再次幫襯, 除左服務好外食物都要隨著季節轉變不時不食真係無講錯. 

此店不知不覺間已經轉左餐牌, 其實同夏季既餐牌食物大致相同, 但有D食物口味就已經變左.

每次來此店點甜品食都要花上一段時間, 單單睇名都完全唔知道係咩來, 不過今次好好餐牌後面已附加多款招牌甜品圖片加上店員講解好快我地都點左自己喜愛既甜品

今次我地點左秋之限定既葛軟米糍蜜桃口味及搽茶翠粉草莓方 

2款甜品我自己最愛就係個葛軟米糍,還配上黃豆粉.

我自己覺得唔沾黃豆粉既葛軟米糍食時更顯出蜜桃既清香味道, 而加左黃豆粉既味道就覺得令葛軟米糍減輕甜度, 煙煙韌韌. 

另一款搽茶翠粉草莓方, 單單個PRESENTATION十足一幅畫, 味道更加令我意外, 外層用上濃郁既綠茶粉包住充滿草莓味道既MOUSSE又滑又香, 簡直似食一粒新鮮草莓一樣.

此店其實早來時都好多位置, 傾下計食下美食一樂也


JO | 20th Oct 2012 | 食食食....食肥我 | (94 Reads)

我都想不過死局想都唔好想, 唯獨每天都要令自己開心咁生活啦. 

星期六放工已經6時出到尖沙咀而且6時半左右, 原本想食越南野我提議去RICE PAPER又俾友人TURN DOWN左

最後我地就選擇AL MOLO食意粉, 

點好菜後就送上好多食評都讚好既麵包藍,這款麵包外皮鬆脆帶點橄欖油香氣而內裡就唔似一般麵包咁軟綿綿口感有點似法包, 對於我喜歡食鬆軟麵包來講這款包唔算十分吸引 

2個人先叫左個BEEF TARTARE, 此店既生牛肉真係做得好出色, 每一啖都充滿牛肉香濃味道, 再加上佢地獨特既配料更加發揮出牛肉本身既鮮甜 

再來要左個CASARECCI WITH SEAFOOD, 這一款PASTA是扭紋條形狀再配上海蜆, 魷魚2款海鮮及辣蕃茄醬汁, 意粉口感煙煙韌韌好有口感加上形狀以利沾醬汁, 而蜆及魷魚亦非常新鮮美味, 以前覺得海鮮只會中國餐廳做得出色, 估唔到此店既海鮮配合上意粉亦同樣美味.

MAIN COURSE我地選左SPIGOLA SEABASS, 最常係外國餐廳食到既魚除三文魚外就係鱸魚一般都以煎既較多, 不過今次我對這碟菜最欣賞唔係2塊魚柳而係旁邊既SPQUASH BLOSSOM(ZUCCHINI既花)以前成日睇D煮食節目都見到D西人炸這個花, 今次我終於食到.本身這個花就無咩味道既不過釀入左薯蓉一起炸, 炸得香脆而一點油都沒有. SEABASS煎得金黃皮脆, 肥美夠多汁

最後叫了杯HOT MOCHA, 見到可愛既拉花已經甜在心頭, 咖啡既泡夠厚身又滑流, 以這杯濃郁MOCHA作結美, 真係一個美麗既晚餐


JO | 19th Oct 2012 | 我的食譜 | (313 Reads)

原本星期日係一心一意係家中煲劇咩都唔想做, 點知睇左大少奶個BLOG見到奶油脆豬突然好想食呀...引發起我整個豬仔包既慾望

食譜(COPY自大少奶)
高粉 300G
酵母 3G
糖15G
鹽4G

冷水170ML

菜油2湯匙(原食譜用橄欖油)

將所有材料除油外攪拌搓成麵團再加油搓至有薄膜

麵團用濕布包發酵至2倍大, 取出麵團撒高粉, 排氣, 分割8份搓圓

再蓋濕布發酵50分鐘

以160度焗20-24分鐘(原食譜用190度低架焗)

其實我覺得這個食譜水份都幾多又難搓, 不過高手既大少奶就話這個包好易搓.

我真係"TART"左個麵團有300次以上(呵呵...我真係有數住)先似個麵團.

加上天氣開始涼呀, 發酵時間亦比夏天長, 由我好想食攪到我更想食時, 個包發唔夠大我都照入爐啦,係迷你版不過我都好滿意.




JO | 18th Oct 2012 | 沙巴之旅~2012 | (245 Reads)



喜歡食野既我, 今次想盡量記下遊記時食過既食店以便日後自己會再來沙巴時有一個記錄
好多人都介紹此店既蛋糕必食之一, 當然作為甜品怪既我又點會放過加上這間店就係我住既酒店隔離.

玩完激流時間尚早, 所以我地就來嘆件蛋糕.我叫左件PECAN CAKE同埋一杯西芹蘋果汁

其實住係香港太幸福, 就連蛋糕既花款口味都好多選擇, 而此處提供既蛋糕我只可以話似以前我係加拿大普通蛋糕店提供既蛋糕款式味道, 同樣地都係偏甜但蛋糕都算夠鬆軟.

最好就係杯西芹蘋果汁好清甜又無加任何糖水.

不過此店既環境真係好舒服大SOFA又有冷氣,如果大家係沙巴行得耐又想搵個地方坐下HEA下這裡係一個好好既選擇


Next