香港新浪網 MySinaBlog
JO | 24th Jan 2013 | 食食食....食肥我 | (64 Reads)



以前讀書時已經最拿手就係煮羊腩煲, 每逢冬天真係一星期都會食到一次, 宜家想起來都覺得好誇張.

係外國就係無新鮮羊腩買, 係香港更係買新鮮黑草羊先得啦.

材料: 羊腩 1斤, 冬姑10粒, 馬蹄 10-15粒; 蒜頭5-10粒, 薑片 10片

調味: 南乳1-2磚, 腐乳 4-6磚, 老抽 2湯匙, 生抽 4湯匙, 冰糖 少許

1)先將羊腩拖水

2)在煲內加入少許油(我就用左羊既脂肪起鑊)再加入薑片及蒜頭炒一炒

3)加入羊腩及調味再炒香, 最後加入水岩岩蓋過羊肉

4)細火炆一小時後, 再加入冬姑及馬蹄再炆一小時, 關火焗半小時.

食時再加上生菜及鮮腐竹.


JO | 23rd Jan 2013 | 買買買 | (80 Reads)



近期熱賣既即食麵~日清豚王拉麵, 一推出時即刻得到好大既回響, 個個都買來試.

點樣熱賣, 賣到斷貨此終都會有完結. 昨日咪見到係超市有大量貨品供應, $7/包平過去排隊食碗豚王拉麵LAW.

跟足背後教煮既方法, 自己再加多粒帶子同蠔.

講真個麵應該麻麻, 湯底偏油又唔夠香濃, 最差係個麵質話煮2分鐘, 但煮到出來個麵好淋PAT PAT, 完全唔值$7/包, 如果真係想試豚王拉麵真係正正經經去店試好過.


JO | 22nd Jan 2013 | 買買買 | (44 Reads)

每年我都要預早去買X MAS既禮物俾自己同埋家中幾隻小朋友, 因為工作關係我都有好多年無同朋友渡過X MAS.

成日都唔明白係錢重要D定生活重要. 不過二者都係相輔相成.

未到聖誕我已經為自己再買下禮物..HOHOHO又係鞋...UGG仲要係紫色都幾靚.

這對已經係第二對啦, 上次果對俾我穿到又殘又舊, 今年又到冬天加上下年準備去歐遊更係預先買對鞋準備去旅行用.

其實扔左第一對之後, 我已經決定要再買對穿,真係好保暖又舒服.

同場再買下D唔等用既物品, 自己開心下.




JO | 21st Jan 2013 | 食食食....食肥我 | (138 Reads)

 


星期六一早已經決定要去尖沙咀行街, 來到已經6點幾為免要等位, 所以早D食晚飯好過

當晚腦海中只有BURGER, 咁自然地要來此店.

原來此店都幾FULL下, 如果下次再來都要BOOK定位比較好D.

MENU內有款COMBO到宜家我都唔明佢點收費, 一個STARTER+BURGER就收$288, 但散叫都先$216, 就算話平日可以享有飲品買一送一既優惠

但我要俾多$72先享有這個飲品優惠, 就算SOFT DRINK都先係$60杯, 這個COMBO SET究竟有咩特別(下次都要再細問下D店員)

因為當晚我只係見到個COMBO SET, 點知落單時服務員好細心話今日無飲品優惠叫我散叫比較抵D, 咁樣我先發現COMBO真係貴過散叫.

最後我叫左個BLUE RIBBON BURGER; CRAB CAKE及BUFFALO WING.

先送來2碟配菜: 酸椰菜及酸瓜, 這個簡真同BURGER係絕配當食到好油膩時再食個酸瓜簡真一流, 而酸椰菜就帶點甜空口食都非常美味.

先來既CRAB CAKE未食已經聞到好香既蟹肉味道, 真係唔係誇張, 蟹肉味非常強烈.初時以為表面都會有D脆口, 點知原來都係軟身不過就唔油膩而且非常多蟹肉.

再來既BUFFALO WING全部都用左雞膇, 對於喜歡食雞翼既我有少少失望, 再加上個雞膇炸得唔係太脆身而且醬汁都係一般.

再來既主角BURGER這一款內裡有BLUE CHEESE食到中間時有一陣陣強烈藍芝士味道, 如果喜歡藍芝士味道既人士, 這一個BURGER係值得一試, 而漢堡扒多汁充滿牛肉味道.
唯一較差真係估唔到就係旁邊既薯條, 炸得過火而偏乾身, 似放左一段時間咁唔係即叫即炸.

整體上環境舒服, 食物一流而且價錢適中, 相信短時間會再來.


JO | 19th Jan 2013 | 買買買 | (47 Reads)
皮膚極度敏感既我, 自從用上LA MER之後簡直深深愛上.

有時貪新鮮試左其他SKINCARE 產品之後如果出現敏感, 一用LA MER都即刻舒緩到.

聖誕前夕LA MER都會推出多款SET裝引下大家, 今年都唔例外店內有4款SET裝.

不過我已經鎖定目標只要SET內有CONCENTRATE果款, 上星期就已經問定有無得買.

點知都未番到貨, 當日既BA就叫我俾定DEPOSIT留貨, 心想俾DEPOSIT都OK, 點知原來BA既意思係要俾FULL PAYMENT先幫留貨.

當然我唔會咁做啦,當日果個BA又唔NICE(老實講係LA MER99%以上既BA都超級NICE, 岩岩我遇到1%既BA)

好彩...再過多一個星期仍然推出左2個優惠令到我買這SET野更加抵上加抵.

首先用匯豐卡又有優惠加埋LANE CRAWFORD當日簽滿$2000以上又送個$200 VOUCHER



平時D SET都係送化妝袋, 我都有好多個又唔用既, 今次係一個膠盒,咁樣可以用來裝下其他野, 今次實用好多.



套SET除左支CONCENTRATE仲有LIP BALM, EYE CONCENTRATE同佢支皇牌CREAM啦.

為自己提早買家聖誕禮物.


JO | 17th Jan 2013 | 買買買 | (54 Reads)

上次去完沙巴濕左部卡仔機之後, 初時都想買部潛水機就一機二用..點知出去睇下D潛水機部部機個樣都超.....唔岩我心水.

最後都係決定分開2部買, 潛水機唔急用就等下年去玩先買.

其實我一直都好少用部SONY機縑麻煩又要換鏡頭又重只係帶出去旅行用多, 不過如果短線既旅行就更加唔洗帶咁即係一年先用佢一次.

今次我自己就鎖定要輕身D唔洗換鏡頭但又要影到我至喜歡既淺景深效果

最後睇左2次相木機後, 係幾部機當中我選擇左FUJIFILM X10

這部機最吸引我既地方就係成部機都係日本製價錢又抵, 最重要我攪得點個個淺深效果有時用來影下自己既製成品都唔錯.雖然我都係覺得IPHONE咁多APPS執既相都已經好正.



JO | 16th Jan 2013 | 我的食譜 | (408 Reads)


好少買牛肋條來煮, 上星期見到超市既牛肋條都幾靚就買回家試下煮

食譜:(4人份量)

材料: 牛肋條一PACK, 紅蘿蔔2條(一條用來切粒; 另一條切大件), 蕃茄4個(切粒), 香葉4-5片, 紅酒小既半支, 蒜頭少許.

1)將牛肋條放入滾水飛一飛水去除油脂

2)用PAN煎香牛肋條後加入蒜蓉及紅蘿蔔粒炒香後, 再加入半支紅酒及加水蓋過肉用細火煮45分鐘

3)再加入蕃茄粒再煮1-2小時, 如果中間時刻見到收汁可以再加入紅酒/水.

4)最後再加入鹽及胡椒關火焗30分鐘即可


JO | 15th Jan 2013 | 我的食譜 | (2092 Reads)

以前一直覺得煮西湯好麻煩又複雜, 不過上次整過磨姑湯之後先知道煮西湯都好易整.

今次就整個粟米湯試下.

材料(2-3人份): 粟米2條, 牛奶1細盒, 牛油 30-50克,水50G

1.將粟米粒用牛油炒香約2分鐘

2.將水, 牛奶放入煲再加入粟米芯慢火煮10分鐘

3. 取起粟米芯後再加入粟米粒(留起少少粟米粒)同煮

4.用攪拌器將粟米粒磨成蓉, 再隔起渣令到粟米湯更奶滑

5.煮起已磨好既粟米湯再加入粟米粒及鹽即可




P.S其實落牛油係令到個湯香濃D, 如果怕肥其實落少少都OK.
      另外我喜歡個湯有D粟米粒咬口, 所以會再加D未磨既粟米粒在湯內, 最後隔渣既步驟我         覺得如果自己一家人飲都可以唔洗做這個步驟.


JO | 15th Jan 2013 | 食食食....食肥我 | (52 Reads)

一心一意想食點心但又唔想上酒樓, 見到附近這間餐廳有點心供應就走入來試下.

每位茶芥$5都算合理而且又無收加一算係咁啦.

不過點心紙既選擇都唔算好多, 2個人叫左馬拉糕, 雞肉燒賣, 鮮竹卷及煎鯪魚餅.

先來既馬拉糕夠鬆夠軟但係對我來講太甜啦.

至於鮮竹卷都唔錯, 用上魚肉做餡料而且唔算太多油.

煎鯪魚餅邊位就煎得過火有點"火農"味,只屬一般.

再來既雞肉燒賣就即係魚肚加雞肉無味特別.

整體上此店既點心都做得唔錯, 而且環境都OK,二個人都係食左$62真係叫抵食.