香港新浪網 MySinaBlog
JO | 30th Mar 2013 | 我的食譜 | (29 Reads)

無意之中睇書睇到這個食譜好吸引, 平時D人就用紅酒燴啤梨, 但我對紅酒麻麻地, 一見到這個食譜沒有加紅酒我就想試下.

材料:  2個啤梨, 1支雲呢拿, 1支玉桂(我沒有玉桂就改左用3茶匙玉桂粉), 8粒八角, 500G水, 40G糖

先將啤梨去芯去皮

其餘材料一起放入煲內煮滾, 加入啤梨慢火煮20分鐘關火波4小時

(其實個啤梨有時間浸足一晚更加美味)


JO | 29th Mar 2013 | 為了靚靚 | (73 Reads)

頭髮天生就係有點彎曲, 十分難打理加上髮質偏粗糙就更加難上加難.

對於投資係頭髮產品上, 絕對與面部護理既價錢相約呀, 可惜效果亦未如理想.

上年由長髮剪到短髮, 但打理亦唔會變得容易

上次去SALON染髮後送左支RENE FURTERER染髮護理洗頭水俾我用, 用落都唔錯



覺得這個牌子都唔錯, 最後更加買左佢地既皇牌COMPLEX 5, 明明見好多網都介紹這個精華油好好用, 但我用完後D頭髮就變得更加粗糙更加鋼線咁好難攪.


更好另外一支既順直護髮素都唔錯, 用完之後D頭髮真係會貼服少少加上好香既氣味


整體上這個牌子既護髮產品都唔錯.


JO | 28th Mar 2013 | 我的食譜 | (47 Reads)

(4人份)
南瓜湯底
材料: 南瓜半個切片, 牛奶250ML, 蒜頭2小粒切碎, 洋蔥半個

1)將蒜及洋蔥下鑊炒透加入南瓜片炒10分鐘,加入牛奶慢火煮到南瓜變軟身.

2)用攪拌機攪碎南瓜變蓉, 下少許鹽即可.

豆腐
蒸熟

竹生浸後, 用上湯燴熟.

在碟內放入南瓜湯, 中間加入豆腐, 旁邊加上竹生. 最後再加上海膽.



JO | 27th Mar 2013 | 我的食譜 | (71 Reads)

有剩南瓜湯最好不過就用來煮埋個意粉, 一舉二得夠方便又唔會浪費

南瓜半個切片, 牛奶250ML, 蒜頭2小粒切碎, 洋蔥半個
 1)將蒜及洋蔥下鑊炒透加入南瓜片炒10分鐘,加入牛奶慢火煮到南瓜變軟身. 2)用攪拌機攪碎南瓜變蓉, 下少許鹽即可

將意粉照指示煮熟, 

白鑊加入煙肉粒炒香, 加入意粉

最後加入南瓜湯煮到湯汁收乾即可.


JO | 26th Mar 2013 | 食食食....食肥我 | (28 Reads)


宜家更加愈來愈喜歡煮野食...覺得煮野食由準備到煮完為止都令成個人好開心.

當然啦味道就只係一般, 不過自己一家人食有人識欣賞已經開心.

JO | 25th Mar 2013 | 為了靚靚 | (369 Reads)

上網無意之中發現TALIKA LIGHT DUO既機可以有2個功能: 一係美白淡班; 二係增加骨膠原.

死死死..對於我這些中女人士二樣都命中要害!!

再睇左好多篇不同既BLOGGER介紹都話這部機都幾好幾有用(只要係勤力日日有用)

雖然部機都出左一段時間, 但好多人都話上飛機/出境係DUTY FREE買最平, 可惜短期內都唔會出去玩, 最後決定去銷售店買就算.

星期六同友人們食完飯, 幾條傻婆就殺入THE ONE.

聽完BA介紹一輪之後, 最終都係要買一部回家玩下.

BA好好人仲額外送左幾份SAMPLES俾我回家試下.



這部機分2面,一面係525(即係美白)只要係你想要美白既部位照每日早晚各照1次, 每次1分鐘部機就會自動停非常方便. 


另外一而就係595(增加骨膠原), 這邊就係每日用一次每部位只係45秒同樣夠鐘就自動停.



用左幾日, 要等1個月後先可以分享有無效果!

不過用過BA送既TALIKA產品又真係唔錯, 特別佢送既MASK真係用完覺得好舒服. 平時D MASK用完覺得塊面好"痴立立",但這個牌子既MASK又唔同用完後塊面都係好潤滑真係好似吸收晒MASK內既精華素咁好正.


另外仲有佢地既EYE MASK, 都幾方便架只要將壓縮既MASK浸入佢地既精華內再放上眼5-10分鐘就OK, 不過效果我只覺一般.




JO | 23rd Mar 2013 | 食食食....食肥我 | (56 Reads)

早前見到OR既食評,見到有人介紹此店既甜餅好好味, 我睇個樣都非常吸引.反正係東大街, 早幾日就專登去買來試下.仲要加多個印尼客家撈麵.

最期待係個月亮甜餅, 可惜味道麻麻,仲要外表烘得過火有點燒焦味道, 加上個餅本身唔夠鬆軟, 十分失望.

至於個撈麵味道OK唔算太特別, 麵底用上雲吞麵底再加上多款配料


JO | 21st Mar 2013 | 我的食譜 | (227 Reads)

之前買左2包杏仁片, 見到仲有餘貨, 為左消滅這包杏仁片, 專登開爐做幾片杏仁瓦片俾自己當下午茶.

食譜:

杏仁片50G

牛油 12G

蛋白1隻

砂糖20G

鹽少許

低筋麵粉20G 

1)將牛油先溶化 

2)將糖, 鹽及蛋白攪拌 

3)加入過篩之麵粉後再加入牛油溶液 

4)最後加入杏仁片

5)包好放入雪櫃靜止30分鐘 

6)將麵糊搽平薄薄一片

7)以150度焗13分鐘再轉130度焗7分鐘 

8)即取出放涼.


JO | 20th Mar 2013 | 食食食....食肥我 | (58 Reads)

友人買左王子飯店既團購約埋我一起去食飯.

準時7時入座, 地點係利園商場5樓,論格局服務都算唔錯, 不過有點估唔到此店都會需要團購.不過坐左整晚先發現地方好大, 但人流唔多大部份都係以團購為主, 真係生意難撈.

這一個團購好似$1300但就所有野都包晒加一, 茶芥等, 所以食完拍拍屁股就走得..唔似其實團購咁又要再俾原價加一咁麻煩.
但講真以這個菜式每人約$300又真係唔算好抵食, 最貴既都係一隻鮑魚, 但幸好樣樣菜味道都唔錯, 但整晚我覺得最正竟然係生炒糯米飯


第一道係個湯味道一般, 再來係個盤菜, 一上枱大家都嘩..嘩係因為估唔到佢份量咁多, 個盤菜有發菜蠔豉, 鯪魚球, 五花腩, 雞, 鴨等唔算太特別.當中以五花腩最好味.



再來就係鮑魚扣柚皮, 講真個鮑魚煮得都唔錯, 不過個柚皮真係差又苦澀麻麻地.

再來就係菜, 糯米飯及雲吞



最後更係唔少得既甜品~紅豆沙及美點, 紅豆沙味道唔錯好香陳皮味.



整體上份量一定俾足, 味道都唔錯, 而服務及環境都係令人好滿意既一餐團購餐.



JO | 19th Mar 2013 | 我的食譜 | (158 Reads)
係OL BLOG度見到一道超簡單既菜式真係最岩我這個懶人跟來煮.

預熱焗爐到210度焗15分鐘封住肉汁, 再調到190度焗20分鐘, 最後再調高到210度焗10分鐘.

用錫紙包住10分鐘上枱食得.

今次我仲買左意大利青瓜及南瓜連同牛肋骨一起焗.



早前係巴黎買左D煙鴨胸食覺得超正, 係家附近超市見到有得買. 今次用來配沙律食. 再整左個香橙醋汁:
橙:1個(用來榨汁, 再加半個橙皮); 檸檬汁半個, 糖1茶匙,意大利醋2湯匙, 橄欖油2湯匙
以上材料攪拌好再煮到杰身即可.


Next