香港新浪網 MySinaBlog
JO | 19th Apr 2013 | 食食食....食肥我 | (209 Reads)



有一日無意之中見到有一個慢煮三文魚既食譜超級簡單, 忍不住又係家試下先.

之前有橄欖油同香草醃三文魚柳放入雪櫃一小時, 用真空袋抽真空放入45度水浸20分鐘即成, 食時可上鹽即可.

我家又點會有D咩抽真空既工具, 我只係用密實袋再迫晒D空氣出來就去煮..

煮出來真係D魚肉好滑, 唔同平時D三文魚去煎D肉咁實.

另外罐頭鴨腿最好就係焗完再煎到外皮脆脆配意粉食....平時對罐頭真係麻麻地, 不過今次係巴黎買既罐頭鴨腿真係一流


JO | 16th Apr 2013 | 食食食....食肥我 | (32 Reads)

以前係加拿大生活最愛就係去TACO BELL食 BURRITOS & TACOS, 係香港我暫時只知道中環果度有...

其實想食墨西哥卷都好易, 只要係超市買包卷皮, 買SOUR CREAM, 買SALSA 醬汁, 再包自己喜歡既材料就得啦..

今次唔想花咁多錢買一埋SOUR CREAM & SALSA SAUCE, 加上家中唔係好多人食, 簡單整個QUESADILLA食就方便, 最重要有芝士就OK

上次係巴黎買左罐鴨腿都未開來試, 一罐有2隻, 中午就用左一隻拆肉絲炒香, 再加芝士碎.

用個平底鑊將一片TACO放底加入餡料再加一塊TACO係面用中火烘到2邊少少金黃就可以食..


JO | 10th Apr 2013 | 食食食....食肥我 | (31 Reads)

 


JO | 8th Apr 2013 | 食食食....食肥我 | (55 Reads)

難得一天既假期, 靜靜地留係家中休息下仲好過.

午餐唔想食太多, 就整個PANCAKE又簡單用來配雪糕又得, 想食咸既又可以加芝士火腿亦可.

份量:3-4片

材料: 低粉55G , 雞蛋一隻, 牛奶100ML, 水2湯匙, 牛油15-25G(坐熱)

1)將麵粉加蛋攪拌成麵糊.

2)水及牛奶攪拌後, 分3次加入麵糊中充分攪拌至無粉粒

3)最後加入牛油溶液, 靜止30MINS

用平底鑊加薄薄一層油用中火煎香2面即可.





JO | 6th Apr 2013 | 食食食....食肥我 | (58 Reads)

一直都知道此店既點心唔錯, 但真係無咩推動力要來試下.

撞岩上星期六收工做又唔算太肚餓, 就決定用點心作晚餐.

2個人叫左湯浸牛肉球, 星星脆魚腸, 黑松露野餃, 黑魚子燒賣,高湯魚翅餃及油菜.

其實我地仲有點左另一款點心, 可惜此店既流單情況都幾嚴重, 我地坐係度已經見到之前有3枱客都有同樣情況出現, 有一位仲要追左3次都無人理會真係慘.

講真此店既點心又真係味道唔錯價錢都合理, 不過服務真係麻麻, 2位服務員黑口黑面, 人地追單真係答OK轉頭入去廚房扮下野都無就照企係度, 所以我地有流單情況都無追直接出去話無來就算.

講番D食物先, 當中我覺得最特別係個星星魚腸, 一般都係用左油炸鬼做餡料, 但此店就用左炸魚包腸粉, 腸粉皮又滑再加上香脆既炸魚真係一流, 另外佢既高湯牛肉球都好好味, 用左高湯去浸煮令到牛肉球又唔油膩之餘又可以吸受高湯既清甜. 反而佢地既燒賣就好一般, 除左加上黑魚子之外都唔算太特別


JO | 5th Apr 2013 | 我的食譜 | (68 Reads)

見到家中有幾條香蕉無無聊聊, 半夜又整個香蕉蛋糕過下手癮.

材料:
牛油35G
黃糖15G

雞蛋40G
全麥粉45G
低粉45G
泡打粉半湯匙
梳打粉半茶匙
香蕉茸1條

面層:
香蕉 1條切片
糖及肉桂粉少許

1)牛油+糖先攪拌
2)加入蛋液再攪拌後, 加入已過篩之粉類
3)最後加入香蕉茸
4)面層加上香蕉片最後灑上肉桂糖
5)預熱焗爐180度焗25分鐘


JO | 3rd Apr 2013 | 我的食譜 | (72 Reads)

平時食西多士都係甜既多, 突然想個咸西多就用開左罐五香肉丁來做餡料:

2人份量
材料: 五香肉丁一罐, 麵包4片, 雞蛋2隻

將五香肉丁夾係麵包內再用壓好4邊, 浸入蛋汁內

用牛油開鑊煎香2面即成, 簡單又方便唔洗3分鐘就食得.


JO | 1st Apr 2013 | 我的食譜 | (1406 Reads)

實單單做一個魚湯底/蝦湯底已經好足夠, 只可惜家中唔算多人只係買左半斤蝦見到D蝦殼唔夠就再買多2條大眼雞做個湯底.

魚湯底: 魚煎香加入1000ML水煮到奶白色即可,將全部材料用攪拌機打碎再隔渣備用

蝦湯底: 紅蘿白一條, 西芹一條, 洋蔥半個(全部切粒), 先將蔬菜粒炒香加入蝦殼加入炒香加入1000ML水煮30分鐘,將全部材料用攪拌機打碎再隔渣備用

今次我用左馬來西亞既喇沙醬, 這款醬都幾辣如果唔係好食得辣就唔好買這個牌子.



材料: 豆卜, 芽菜, 蝦, 蜆, 魚片, 雞蛋, 油麵, 米線(以上材料隨意) 細罐椰奶

1)先將醬料落鑊慢火炒香, 再加入椰奶再煮2-3分鐘

2)加入之前準備好既湯底後, 加入豆卜煮30分鐘

3)其他材料就用水灼熟

4)先放入麵底再加入其他材料加入喇沙湯底完成

雖然功夫都幾多特別係要煮個湯底, 但這一個喇沙真係好值得煮來食