香港新浪網 MySinaBlog
JO | 31st May 2013 | 我的食譜 | (133 Reads)

這一個湯真係超級好飲又抵飲, 我只係買左1斤蝦仔就可以.

材料:4人份量

1斤蝦(SIZE細都無問題)

1條紅蘿白切粒,

1條西芹切粒

1粒洋蔥切粒

2粒大蕃茄切粒

50ML 白酒

50ML牛奶

2片BAY LEAF

1)將蝦洗淨瀝乾

2)放入預熱180度焗爐焗到有蝦香即可

3)在湯鍋下油炒香蔬菜粒, 加入蝦及BAY LEAF再炒香

4)加入白酒再炒一回待酒蒸發加入牛奶及水至蓋過材料煮45分鐘

5)用BLENDER打碎所有材料隔渣(如有忌廉可加入令個湯更滑)


JO | 30th May 2013 | 買買買 | (59 Reads)

近期超喜歡睇Gordon Ramsay煮野食, 見到佢整一款ROASTED PORK BELLY心思思又想煮

星期五晚已經焗左再放入雪櫃頂形, 點知星期六再烤個皮都唔脆肉又鞋口, 我估係我買果塊豬腩太厚肉多..下次要再試.不過要寫低食譜

材料:豬腩肉一塊, 百里香4支, 白酒250ML, 蒜頭一個切一半

1)預熱焗爐170度

2)烤盤上放蒜頭作底再放香草加入白酒

3)豬腩皮切十字紋二邊放上鹽, 黑椒及橄欖油放上蒜頭上面包上錫紙焗2小時

4)取出錫紙再焗半小時-1小時

5)將肉放涼半小時後用2個盤將肉壓好再放重物將肉放入雪櫃頂形6小時

6)取出將肉切正方形放入預熱170度焗爐15分鐘烤到皮脆

蘋果醬汁
Gordon Ramasay就只係將烤完既肉汁再加入雞湯煮到杰身就當GRAVY汁,

我想食時無咁油膩,所以加左D水果,

蘋果切粒用糖煮到焦糖蘋果後加入烤完既肉汁再加入半個橙汁即可.


其實失敗之作來, 我將食餘既豬腩肉就好似中式加入醬汁再炆下今次D肉就再軟身D


JO | 29th May 2013 | 買買買 | (111 Reads)
上次去完食HIGHTEA之後一直對SCONE念念不忘, 上網勁睇SCONE既食譜, 最後用左偽主婦既食譜真係好得.

以免自己唔記得又要寫番底方便日後再做.

SCONE材料:

低粉270G

泡打粉5G

牛油90G(放室溫切粒)

糖38G(原食譜48G, 我自己覺得太甜)

蛋60G

牛奶 70ML


1)牛油及過篩粉類用攪拌均勻

2)加入糖

3)將蛋加入牛奶(留少部分用來掃面)

4)將牛奶蛋汁分2-3次加入粉類(用攪拌機勾配件攪拌至均勻即可)

5)桿平麵團將2-3CM厚, 用圓模分割好後, 包上保鮮紙放入雪櫃30分鐘

6)取出來再靜止10分鐘, 掃蛋汁

7)預熱200度15-18分鐘





另外再做左個台灣水果茶配個SCONE簡直一流, 這一個飲品簡直易整又好飲, 大家有時間都可以自己試下

水果茶(1人份)材料: 

紅茶葉 1湯匙/紅茶包 1個

香橙果醬2湯匙/橙汁 300ML

2粒青檸(如果找到台灣金柑就更好)

鮮水果粒(隨意)

1)300ML水加入果醬煮滾, 加入青檸仔及青檸汁加入紅茶包關火焗3分鐘

2)取走茶包後再加入鮮果粒再煮滾後關火就可以飲用.

如果想變凍飲就待涼後加入冰塊即可


JO | 28th May 2013 | 買買買 | (188 Reads)

5.1一大早就家人聚會之後, 就去左睇ICON MAN, 預先上網買飛唔係都包保無位.

當日連前幾排位都有人願意坐, 証明這套戲真係相當吸引.

其實睇戲前就係STAUB專櫃見到個GRILL PAN價錢相當吸引, 最後睇完戲都忍不住要帶佢回家.




JO | 27th May 2013 | 食食食....食肥我 | (94 Reads)

其實之前已經試過係家做彩繪蛋糕, 但唔知係唔係我個盤太厚定有咩問題, 總知做左出來個蛋皮好似有層薄膜咁怪怪...

今次唔做彩繪試下從簡單入手, 點知都係底部有層薄膜, 所以順利成章就用左焗已面層包蛋卷, 下次我要再買另一個焗盤試下係唔係真係個盤有問題先得.

今次做出來既蛋卷真係好鬆軟好有蛋香, 不過最後都係衰收尾, 買左另一款淡忌廉點知打出來既忌廉好似一PAT野咁攪到個蛋卷D忌廉好似半溶咁..

下次會再努力, 不過我覺得這個食譜真係WORK, 所以都係寫低等自己日後可以用番.

A)蛋白4隻+砂糖 50G

B)蛋黃3隻+砂糖 25G, 菜油50G, 水50G, 低粉 80G


1) 將蛋白用中速打到起泡後, 加入1/2糖再打到細泡後再加其餘既糖打到企身.

2)蛋黃加入糖打到變淡黃色, 加入菜油攪拌, 後加入水再攪拌

3)加入已過篩麵粉, 攪勻後分3次加入蛋白霜

4)預熱焗爐至180度焗15分鐘

打起忌廉加入自己喜歡水果卷起雪2小時...


夜深就做出一個半成功既蛋卷, 第二日早上由10點做到1點想試整MARCOON, 初段都做到叫OK無咩出現問題, 點知最後焗時自己又行開左一陣真係一陣...回到廚房成盤心機就送入垃圾桶口中...下次要再加油.


JO | 11th May 2013 | 食食食....食肥我 | (86 Reads)

友人一通知話有JIMMY CHOO X MO BAR既下午茶, 我都第一時間打去BOOK位, 估唔到3月初BOOK都要等成個月先有位認真厲害...

其實未來之前已經睇到好多食評, 好多BLOG介紹大概知道送咩小禮物知道咩食物.

星期六一放工就即過海, 未夠鐘就係中環行下街加上天氣清涼真係舒服.

嘩...都幾多人WALK IN, 我地都要排隊原來排我地前面果D人龍全部都係WALK IN客大家只係留電話及名, 不過3點先WALK IN來一定無位啦, 我果日就聽到WAITING LIST已經係第3張紙...大家如果有心去可以試下1點半開始排就應該無問題.

我地2個人都係點左個JIMMY CHOO 既AFTERNOON TEA都幾抵架, $280就包埋出面既甜品BUFFET,好似WEEKDAY個價就平D不過就無左甜品BUFFET...唔怪之得星期六日會咁多人BOOK.



最期待既JIMMY CHOO AFTERNOON SET來啦....每款食物都好精緻D手袋, 高跟鞋真係靚到嘩一聲(不過呢味道就好一般特別係對高跟鞋超甜)

不過3層AFTERNOON SET當中我最喜歡就係佢地個磨姑蛋批, 外層既批餅好鬆脆而不油膩, 餡料既磨姑好香好濃真係一個都縑小呀, 反而最期待既高跟鞋形鵝肝就有點令人失望, 唔知係唔係外層用左紅色醬汁包住D味道太強攪到無咩鵝肝味道.

而佢地既SCONE真係好好味, 我覺得仲好味過四季既SCONE, 平時覺得D SCONE好香牛油味無錯會係又香又鬆, 但食一件就會覺得好漏, 但今日這個SCONE同樣係牛油香又鬆軟, 但唔知係唔係細細粒反而唔覺得漏好味配埋佢地既果醬正呀.

至於出面既甜品BUFFET同樣出色, 特別喜歡佢地既MARCOON好香甜呀, 另外佢地果款朱古力批又係好好味, 不過最正係藍色既MOCKTAIL, 係APPLE & BASIL來真係估唔到咁鬼好似. 反而佢地既雪糕只係覺得好一般...

最後送上既小禮物就係JIMMY CHOO既簿子.



食完之後, 我無去JIMMY CHOO朝聖, 反而上左去ROGER VIVIER有收獲, 今年去英法旅行就一心要去買鞋, 點知鞋細呀去到問親既34號都唔多就算有既都係得黑色都唔喜歡, 反而係香港就俾我買到鮮色.
JIMMY CHOO既平底鞋我已經覺得好好穿, 而ROGER VIVIER既鞋都同樣舒服, 我當日都試穿左佢地既高跟鞋可惜我真係好多年無穿過高跟鞋啦有D唔習慣, 所以都係買番平底鞋比較岩我個性.