香港新浪網 MySinaBlog
JO | 30th Jul 2013 | 我的食譜 | (101 Reads)

近日見到好多BLOG都介紹點樣整豆花,見到食譜咁易只係要去買石膏粉及豆漿, 無難度更係要買材料回家試下.

去左藥材舖買石膏粉時, 我問係唔係用來整豆花, 老闆就答我係跟住老闆問我整過未呀?我話未呀, 點知佢就留下一句:祝我好運!!講下易, 成功就難聽完佢咁講真係想唔買呀,攪到我都唔敢整, 但老闆都包好俾我心想整唔好咪最多浪費左包石膏粉.

買完粉就去埋CITYSUPER買無糖豆漿, 見到可以免費取豆渣更係要一包試下回家整野食.

豆腐花食譜:
1L 無糖豆漿
1茶匙 石膏粉
1茶匙粟粉
3湯匙 豆漿/水

1)先將豆漿煮滾
2)其餘材料放入煲內攪拌好
3)豆漿一煮滾即沖入煲內
4)用一塊乾布蓋上再放上煲蓋靜止30分鐘

好開心一開蓋見到D豆漿凝固, 面果層除後就見到滑滑既豆花出現...暖暖地食時加上黃糖真係超好味, 反而凍食我就覺得好似無暖既咁滑.



有一包豆渣, 就做個豆渣薯仔餅.

豆渣 1包, 薯仔1個煮熟後壓爛, 韭菜隨意,麵粉4湯匙,  鹽及胡椒少許

豆渣白鑊炒乾身, 加入以上材料攪拌, 整到圓形再雪半小時.

煎2面金黃即成.

其實咩材料都係好按照個人喜愛真係無咩所謂.


JO | 19th Jul 2013 | 食食食....食肥我 | (44 Reads)

星期 


星期日難得天氣都唔錯, 約左友人去赤柱走走消消氣.

 

原來我發現赤柱好多地方我都未行過, 今日總算有機會行到D平日好少行地方, 天氣好又可以坐係海邊又有海風都幾舒服.

 

行夠後就去左美利樓內食德國野....難得唔洗開車更係要嘆番杯德國麥啤, 入口陣陣麥香真係好好飲.

 

天氣熱唔算太好胃口, 2個人只係叫左個芝麻蝦拼青木瓜芒果沙律, 同埋烤豬腩肉.

 

個前菜沙律酸酸辣辣好醒胃, 反而所謂既限量PORK BELLY就麻麻, 基本上就係中式燒肉但皮亦無燒肉咁脆仲有點痴牙, 重點係過份偏咸我用來陪酒都嫌咸.

 

最後友人心思思再叫左個焗芒果蘋果配雲呢拿汁, 味道都唔錯特別個醬汁好香.

 

整體上食物都一般, 不過星期日有2個歌手係度唱下歌都幾RELAX架.

 


JO | 17th Jul 2013 | 我的食譜 | (93 Reads)

天氣咁熱最岩就係整沙律當飯食, 一次整左2款沙律又簡單又美味.

茴香沙律係因為之前睇到肥媽既節目介紹引發我去買來試下

茴香2個切薄片



魷魚一隻切後灼熟(但我當日唔岩我心水, 最後加左蝦肉及生蠔)

將以上材料攪拌加入檸檬汁, 鹽, 黑椒及橄欖油即可食.



燒牛肉青瓜沙律一樣咁易

青瓜1條拍後加入蒜容, 蕃茄仔切半, 牛扒一塊煎後用錫紙包住15分鐘後切條

食時將所有材料攪拌後加入橄欖油, 蜜糖, 鹽, 黑椒, 黑醋.

 

http://blog.yahoo.com/_DXHPIU5GDUGRA5IULP4QZSBL3I/articles/1266057/index