香港新浪網 MySinaBlog
JO | 31st Aug 2013 | 食食食....食肥我 | (83 Reads)

友人介紹話此店既食物都唔錯, 特別值得一試就係個蟹蓋, 佢俾相我睇時真係引死我.

上2個星期前就去左試, 工作太累人有時心情唔好除左買野就係食野, 當晚實在太累真係要搵朋友出來傾下RELEASE下D累氣...

為免要等位未夠7時就來食晚飯啦, 原來唔預訂都幾易無位, 幸好可以俾我食到1個半鐘先交枱.

我地無叫二人餐就散叫左個牛肉拼盤, 蟹蓋, 2隻蠔, 燒冬姑, 燒魚炸墨魚同埋個飯來食.

個肉拚盤講真係都好一般最好味算係和牛啦, 反而黑豚肉就有點UN味道亦麻麻, 友人無介紹錯既蟹蓋真係唔錯,不過一定要熱食,凍左有點腥.

成晚覺得最難食就係個燒蠔又唔甜又腥真係十分差

至於個燒魚, 炸墨魚同個飯都係廚房整既, 反而食物味道就好好, 魚本身夠甜外身燒過又香口唔錯, 

炸墨魚同樣美味炸得香脆又唔油...最後亦係全晚最正就係個飯有少少飯焦之外, 元貝仔雖細隻但D味入晒係D飯度真係非常美味.

整體上廚房既食物相比由店員負責燒既燒物就麻麻地.


JO | 31st Aug 2013 | 食食食....食肥我 | (143 Reads)



好耐都無點寫下食評, 今次為她而食, 不過唔係食物超卓, 係服務及環境都令人止步.

見到網上好評如潮, 見她有我喜愛既WAFFLE個賣相極似咖啡弄, 見她在太子店前亦可以泊車, 星期六晚就決定來食WAFFLE當晚餐.

估唔到未夠7時就要排隊(預左, 好食等下都無問題), 但為何你店舖細細唔排飛仔俾人, 要人係門口大排長龍呢?咁樣人龍就會阻左旁邊其他店舖做生意, 同樣這樣排亦好易有排錯/打"尖"情況如果人多既時間.

幸好等左20分鐘就有位, 一心可以入店內坐, 點知店內既環境非常非常迫, 店內沒有一張二人枱即係焗住大家一起搭枱啦如果想要二人枱就唔該坐係店外.
 仲要D枱超細基本上如果每人叫一份食物一張咁細既枱都放唔晒.最後我地選左坐係出面既唯一一張二人枱仔.天氣雖然有D悶熱, 但好過坐係又迫又超黑既店內.

再講下D服務先....店子細細人手亦不足, 只有一個貌似未滿16歲既小男孩做待應, 另外加一位黑面人做廚房. 點餐時愛理不理問咩都唔知, 服務及環境真係未食都令我止步.

最後2個人點左ALL DAY BREAKFAST 及士多啤梨WAFFLE.食物方面個BREAKFAST真係做得麻麻以收$98來講咁既份量我不如去回THE FLYING PAN好過.至於個WAFFLE就做得與咖啡弄差不多, 亦做到個鬆軟香甜, 但..............整體上來講都唔會單單為左個WAFFLE而再來. 


JO | 31st Aug 2013 | 我的食譜 | (134 Reads)



無意之中係街市見到膏蟹$40/隻真係好抵, 就買一隻用來焗蟹飯食.

最喜歡就係用荷葉做菜真係蒸完有一陣陣荷葉香

材料: 膏蟹一隻, 荷葉一塊, 飯2碗, 冬姑4隻切粒, 蛋一隻, 乾元貝絲4粒

1)先將蟹清洗乾淨切件

2)將其他材料加入白飯炒至乾身

3)炒飯放入式


JO | 31st Aug 2013 | 我的食譜 | (90 Reads)



條黃花魚起左肉, 個魚骨都唔好浪費, 就滾個湯飲下都唔錯.

不過今次衰心急, 無滾到D湯變奶白就落埋其他材料, 不過味道唔錯好有魚味, 一條魚先$25就可以煮到2味真係唔抵食.

材料:魚骨1條, 勝瓜1條, 草姑10粒切半, 水適量, 薑3片

1)鑊加油爆香薑片加入魚骨, 應該煮到變奶白先好加其他材料

2)加入其餘材料滾一滾即可.

簡單又快捷


JO | 31st Aug 2013 | 我的食譜 | (65 Reads)



在此標明此個造型完全係跟一位BLOG友~ KAREN, 當然人地係高手更係做得出色好多.

不過我覺得個食譜唔難加上味道都唔錯, 所以在此都想同大家分享KAREN既食譜.

黃花魚一條, 二邊起肉,界"井"字

用鹽及胡椒醃20分鐘,再卜上粟粉去炸

她用小棠菜做, 粟米個頂, 但我唔喜歡食小棠菜就改用白菜仔.

最正係她用乾元貝加元貝水煮1.5小時煮成既汁做醬汁..我就懶人上身, 只係用左幾粒乾元貝連元貝水煮一陣見收乾水就加粟粉水就算.

P.S另外見到高手KAREN炸出來既黃花魚好金黃, 反而我自己就炸得唔靚, 唔知係唔係卜粟粉唔夠多定應該要卜粟粉前沾D蛋黃汁比較好D.下次有機會再試.


JO | 31st Aug 2013 | 我的食譜 | (52 Reads)

中午熱到死, 回到家見到有橙同芒果, 決定整杯沙冰飲下..

材料: 橙1個切粒, 芒果半個切粒, 水適量, 冰半杯


將所有材料放入攪拌機攪拌即成, 連糖都唔洗加因為本身芒果夠甜, 簡單方便唔洗2分鐘即可以飲.


JO | 31st Aug 2013 | 我的食譜 | (74 Reads)

上次係公司附近買左一埋凍肉都未食, 難得煮下野都係時候消滅下D野..

店主介紹既豬扒有話咩美國豬扒又話好軟身講到好好, 忍不住又買回家試下...點知食左都係覺得咪一樣, 以後買新鮮豬扒好過.

先將豬扒拍鬆, 下醃料醃起碼1小時如果有時間更係醃過夜都無問題.

材料: 2塊豬扒, 乾蔥頭5粒切薄片, 蒜切碎粒, 檸檬1個&橙半個全榨汁, 糖2-3湯匙, 橙皮切絲, 粟粉水

醃料: 橙個榨汁(用水果醃肉會令肉鬆D), 老抽1湯匙, 鹽少許, 粟粉2茶匙, 檸檬皮及橙皮少許

1)將醃好既豬扒再沾上粟粉去半煎炸至金黃

2)加少許油在另一隻鑊先炒香蒜及乾蔥, 加檸檬及橙汁再下糖煮到糖溶

3)將豬扒回鑊加入橙皮絲下生粉水令到汁收乾即可.


JO | 31st Aug 2013 | 我的食譜 | (55 Reads)

上次買左罐沙甸魚一直都未食, 星期六LUNCH就用來當午餐..

材料: 3塊白麵包(烘底), 一罐沙甸魚, 磨姑3粒, 紅洋蔥切粒隨意, 鹽及胡椒少許, 蛋一隻

第一味就簡易, 只係烘左既麵包上放上原條沙甸魚就即成.


第二味就係沙甸魚焗蛋盅

1)預熱焗爐200度

2)將磨姑及洋蔥炒香放係焗盅底部

3)將原條沙甸魚壓碎放在洋蔥面

4)打上蛋再加鹽及胡椒

5)在焗盤上放上水再加焗盅, 放入焗爐8分鐘左右就可以

*其實這個焗蛋盅係可以放什麼材料都得, 另外焗既時間都唔一定8分鐘 如果你想隻蛋焗得熟D就要再加多2-3分鐘, 好似我今次焗左8分鐘隻蛋就有D蛋黃汁係我最愛既效果
其實一罐沙甸魚先十元左右, 麵包又係幾蚊, 但係家食就健康D這個LUNCH我用左20分鐘就有得食,大家都不妨試下.





JO | 31st Aug 2013 | 食食食....食肥我 | (36 Reads)

自從TIME SQUARE 食通天裝修之後食店既選擇都少左好多, 宜家裝修後重開左好多食店亦引入不同新店真係好.

上星期就去芽莊到試下, 2個人叫左個蕃茄蟹肉湯檬, 軟殼蟹卷及扎肉青瓜魷魚沙律, 初時都以為份量細細, 點知食到最後都好FULL有D唔想浪費而食埋D食物.

先講個沙律都算最為普通唔特別, 無論醬汁同材料都係普通, 下次可以唔叫.



反而我自己最欣賞係個蕃茄蟹肉檬, 雖然D蟹肉似係罐頭貨式仲要係碎又無咩蟹肉味, 但個蕃茄湯底真係好酸甜醒胃加上D檬粉爽口, 整晚我自己最喜歡就係這個.



再來既小食炸軟殼蟹卷都整得好好味, 炸得香脆又唔油份量十足,係夏天最岩既小食.




整體上服務都唔錯, 重點係食通天來講咁既價錢真係好抵食.


JO | 31st Aug 2013 | 我的食譜 | (199 Reads)

上次燉冬瓜湯後發現原來燉湯比起煲湯更加原汁原味又清甜, 所以星期六又再來一個燉木瓜湯.


材料: 木瓜1個, 蜜棗 2粒, 南北杏少許, 豬展1塊, 蟲草花少許

份量3碗


將所有材料平均分配在燉盅內加水至蓋過材料, 燉2小時即可.



Next