香港新浪網 MySinaBlog
JO | 31st Oct 2014 | 我的食譜 | (17 Reads)



平時都好喜歡自己係家整麵包食, 今次一次過整埋塊漢堡. 原來整漢堡真係好易, 大家係等麵包入焗後, 再動手整漢堡扒都無問題, 大家都試下!!


材料:
牛肉/牛肉碎   200G
洋蔥粒            半個
水                     4湯匙
麵包                 半塊
鹽及黑椒        少許


1)麵包加入水浸軟, 連同牛肉切粒放入攪拌機攪碎, 加入洋蔥粒及調味煎香2面再加上芝士片放入焗爐焗至芝士半溶即可.

JO | 31st Oct 2014 | 我的食譜 | (7 Reads)



平時都好喜歡自己係家整麵包食, 今次一次過整埋塊漢堡. 原來整漢堡真係好易, 大家係等麵包入焗後, 再動手整漢堡扒都無問題, 大家都試下!!


材料:
牛肉/牛肉碎   200G
洋蔥粒            半個
水                     4湯匙
麵包                 半塊
鹽及黑椒        少許


1)麵包加入水浸軟, 連同牛肉切粒放入攪拌機攪碎, 加入洋蔥粒及調味煎香2面再加上芝士片放入焗爐焗至芝士半溶即可.

JO | 28th Oct 2014 | 我的食譜 | (31 Reads)
煮野人數少有時都好難買材料, 所以我會煮左一大碟之後都會想想辦法換下其他配搭同家人一起清埋D剩餘菜..

好似中午時整左個芝士泡菜脆腩肉卷咁剩左D腩肉又點好呢??

唔緊要, 可以將D腩肉第2日再配上多士當下午茶食一樣得..


材料:
腩肉   8片
泡菜  適量
芝士絲 10G
多士  2片

1)先將腩肉用平底鑊中火煎到金黃香脆再加入泡菜
2)放在多士上加上芝士絲用180度焗3分鐘即可

 

 

 



 


JO | 27th Oct 2014 | 我的食譜 | (17 Reads)
前2晚自己醃左D泡菜就整個芝士泡菜腩肉脆卷, 原來芝士配辣辣地既泡菜係非常好味, 大家都試下.


材料:
芝士絲   20G
春卷皮   4張
磨姑      10粒切片
腩肉片    8片
泡菜      10G


1)先將磨姑炒香, 腩肉片煎脆
2)春卷皮加入磨姑, 泡菜, 腩肉片再加芝士包好
3)平底鑊用慢火慢慢將春卷皮煎香/如果想脆身D就加油半煎炸.

 

 




JO | 24th Oct 2014 | 東京箱根之旅 ~2014 | (47 Reads)
今日早上8時食早餐, 昨晚嬸嬸話會早上有morning call, 點知佢係7:55分叫morning call唔夠3分鐘亞叔同嬸嬸就笑臉迎人咁同我地講早晨....
果一刻真係欲器無淚, 魂都未回2位老人家就入來好似要趕我地起身咁, 我都唔理即刻執衫走左去下面再浸個快溫泉醒醒神先.

今早又係一個人都無好正, 浸完溫泉個人都精神晒, 回到房亞叔已經幫我地收埋好D床舖, 嬸嬸亦幫我地準備緊早餐俾我地


 

今日早餐又係食燒魚同飯, 不過相比一之湯既早餐我都比較喜歡後者既流心蛋加飯..

 

食飽之後我地都執好行李, 提早出發回成田. 點知嬸嬸見到我地提行李落樓問我地係唔係要埋單走人, 叫我地要回房等佢攞張單來...真係好好笑...最後佢來到房我地就同佢講我地一起下樓簽名就可以, 而佢亦好熱烈要幫我地取過細行李下樓. 

 

太熱情啦, 反而攪到我同友人都有D唔好意思!!!

 

好啦我地9時半出發回成田, 見到回到成田距離交車仲有2小時, 更係去埋成田附近既outlet行下, 點知....比起御殿場outlet更差更無野行....最後係附近入油就去交車, 再由Toyota車行人員車我地到機場.

 

我地係check in 之後就係機場行下順便搵食, 見到這間食店有好多不同選擇就入去, 點左個咖哩飯同蕎麥麵. 不過味道真係麻麻. 

 

食飯等上機, 這個旅程又完結, 玩得好開心食得好開心hea得好開心.

 

這一年2個旅行已經完結, 我亦努力為下年既旅行著手!!!

 

機票5594
酒店2830.84
交通3152.35
自己禮物5276.08
2973
手信5838.05
Sub Total25664.32
其他328.3
總計 $26000
(每人約 $13000)

JO | 23rd Oct 2014 | 我的食譜 | (110 Reads)

 

果日有意中先知道准山有咁多效益,如健脾益腎, 治糖尿病, 夜尿, 消化不良等...睇完都忍不住即煲個准山湯補補先..

 

 

材料:

准山   20G

粟米   2條

紅蘿白2條

無花果 2粒

豬展    1個

 

 

1)豬展洗淨飛水, 紅蘿白去皮切件, 粟米切件

2)將所有材料加水剛蓋材料用中小火煲2小時

 


JO | 23rd Oct 2014 | 我的食譜 | (17 Reads)




上次買左整條刴皮魚, 個魚頭都幾大下蒸出來都無咩肉食, 不如用來滾個快湯仲好啦. 小朋友喜歡蕃茄, 所以加左2個大蕃茄落去好清甜又唔會浪費.


材料:
魚頭   1個
薑片   2片
蕃茄   2個

1)爆香薑片魚頭煎香即加入3碗熱水
2)中大火煮20分鐘加入蕃茄再煮10分鐘調味即可

JO | 23rd Oct 2014 | 我的食譜 | (38 Reads)


 

上星期走左入大埔墟街市買凍肉, 見到街市入面好有多舖都話買D有機菜, 有一舖有D好靚青瓜仔, 買2條用鹽麴醃來食, 雪凍之後食時爽甜帶點咸香非常好味...

 

 

材料:

青瓜    2小條

鹽麴    1湯匙

 

 

1)青瓜拍爛再加入鹽麴雪4小時即可.


JO | 23rd Oct 2014 | 我的食譜 | (7 Reads)
講真近期唔算心情好訓亦麻麻,成個人都好熱氣咁...最岩就係煲個苦瓜湯清一清熱氣..

材料:
黃豆    1/3杯
苦瓜    3條
排骨    半斤
咸菜     少許(隨意)


1)先將黃豆浸一晚, 苦瓜切件
2)將所有材料用中小火煮30-45分鐘再加少許鹽即可.

 


JO | 20th Oct 2014 | 東京箱根之旅 ~2014 | (57 Reads)
19/09/2014 (大涌谷- 蘆之湖- 箱根湯本站温泉街 - はつ花蕎麥麵-箱根遊心亭)

昨晚check in已經入黑, 其實都唔係睇得好清房間既景色, 今日一早起身見到真係覺得好舒服好靚, 影左一陣間相就落下面食早餐..
這一間酒店真係好抵住, 我係無意之中見到這個優惠, 我訂完之後想再訂都已經即刻無左, 一晚房包早餐先9千yen, 不過就算佢官網訂都好似包埋晚餐先16000yen, 下次有機會再來都會再住這間一之湯.
房間又新又大間, 早餐又好味, 只係覺得個溫泉係比較舊同細.




 不過當晚我地去都無人, 而且佢地晚上10點後會轉為私人時間(先到先得不用預訂)另外佢地下面仲有一間一之湯酒店既溫泉都係大家通用, 所以以咁既價錢真係超級抵住.

成個旅程最喜歡就係此店既早餐, 就係簡單一個白飯配上流心蛋已經可以食晒成碗飯,其他既配菜亦好好味呀...

 

食完早餐回房執野我地又開始今個旅程最後一天既行程.

 

頭站係大涌谷, 這裡既山路真係多彎攪到整個旅程友人都唔敢開車. 

我地可能早出發早去到關係, 所以入去停車場都唔需要等(因我地走時已經見到有條車龍等入停車場)

 

 

落車之後我地向山上, 這個景點係我見到最多人既景點, 個個人都排隊買溫泉蛋食.我地得2個人又點會買5隻雞蛋食呀, 所以我地都係望下就算. 見到D雞蛋用個籠運落下面店舖買都幾得意.

 





這一個景點我地已經算留得耐有超過1小時好叻....又向下一站出發~蘆之湖

我地亦行埋上去個寺廟及周邊行了一圈...之後已經完成了我地今日行程.

 

 

 

最後我地決定去埋箱根溫泉街行下先回酒店hea, 點知我地回到酒店先發現酒店同溫泉街好近係行10分鐘就到, 唉..咁就浪費左我1000yen泊車費.

我地去到溫泉街以為好多野行....點知又係唔算多野買. 係無咩心水搵食目標時友人就用google查左附近有間有名既蕎麥麵 ~ はつ花蕎麥麵
我地找左一陣就見到...幸好唔多人安排係2樓坐我地就叫左個天婦羅蕎麥麵 同埋一個滑蛋雞蕎麥麵 . 個google搵食真係無介紹錯, 此店既蕎麥麵真係好好味, 當時真係一D都唔覺得有咩特別, 但後天我地去到機場再叫蕎麥麵一食就知道此店既蕎麥麵非常非常正, 下次大家有機會都去這裡試下.

 

食飽後都只係3點左右, 但這條溫泉街真係無咩野好行連藥房超市都無, 所以我地決定取車早點回酒店休息hea下好過.搵到酒店之後先發現就係我地食蕎麥麵附近...HAHAH...

這間旅店應該私人經營, 服務員有一位男一位女, 二位都上年紀. 因為我地住係2樓, 所以我地自己取行李上房, 點知男叔叔及女嬸嬸堅持由佢來攪到我地十分唔好意思

 

我地入左房後, 嬸嬸一直講日文我地一直點頭唔知佢講咩...最後填好form講左今晚幾點食飯明早幾點食早餐之後,我地就係房hea....講真去咁多次旅行我覺得這個旅程真係最hea原來旅行唔需要太忙碌, hea下無行程就真係充到電.

 

這間房都幾大下有個少少平台, 但我覺得最特別亦係最正就係我地一入到去好清涼就算無開冷氣, 但出面既氣溫又唔算特別涼但房間就涼快真係好特別, 所以我地hea左成日都無開過冷氣. 



 

我地晚餐7時開始, 但嬸嬸需要30分鐘準備我地係房hea下睇下電視就走左落去浸溫泉. 浸完上來一陣嬸嬸就開始set up.講真見到幾辛苦走上走落幾轉...不過我地今晚食得好開心D食物都好好味.

今晚既晚餐都好豐富. 雖然無咩名貴食物, 但日本人每一樣食材每一樣display都好精緻好吸引, 加上同嬸嬸有D九唔答八, 我地整晚都好開心.

其實這裡服務員真係好熱心!!


 

食完飯後, 嬸嬸來執野亞叔叔又出場...佢就係幫我地整床舖. 整完之後佢地就無左入來, 我地睇左一陣電視又決定再落去浸多次溫泉, 因為晚間時段男女溫泉係調換, 所以我地又想八下另一個溫泉係點..

 

今次2晚溫泉我地一個人都預唔到, 簡直係私人風呂咁嘆...浸完無耐我地都要訓啦, 明早一早要食早餐同出發回成田機場.


Next