香港新浪網 MySinaBlog
JO | 9th Dec 2014 | 食食食....食肥我 | (38 Reads)
有時搵食就係咁太多有名既餐廳, 但食物係唔係真係好似佢地名氣一樣成正比, 我同友人都係為食人, 晚飯之後決定來此店試下.

我地差不多9時先到其實已經無咩客人, 至於MENU一般都只有蛋糕, 朱古力及馬卡龍選擇, 至於飲品都好似無咩得好選....我地2個人都係選左個蛋糕SET

$168(包一件蛋糕, 2件馬卡龍/朱古力及一杯咖啡/茶)

講真以咁既價錢飲品理應都俾下人地選下要咩咖啡/咩茶, 但佢地就係無(我唔知係無得選定係店員無問)

我地2個人叫左個拿破崙及一個OPERA蛋糕, 而另外叫左4款都唔記得咩味既MACARONS...

至於蛋糕都算唔錯特別係拿破崙個酥皮真係做得好鬆脆, 但2款蛋糕都過份偏甜....

另外既MACARONS就真係唔好食....各款味都唔好似一樣咁, 只係一個甜字都無咩玫瑰香味/檸檬味道...

講真以咁既價錢食件蛋糕, 2粒MACARONS及一杯茶; 個人認為有D OVERPRICE..



 


JO | 9th Dec 2014 | 我的食譜 | (26 Reads)



鯖魚柳係我家中雪櫃係長期住客, 勝在方便價錢又唔貴魚肉味道又好...今次加入味噌醃過去煎非常可口..


材料:

鯖魚 柳 1條
味噌  1-2湯匙
油  1湯匙

1)魚柳洗淨抹乾加入味噌及少許油醃4小時/過夜
2)用中小火煎香魚柳即可.

JO | 9th Dec 2014 | 我的食譜 | (22 Reads)
上星期收到安田送來既有機蔬菜包, 每樣蔬菜都好新鮮好靚...見到有個南瓜即想到要用來整個南瓜湯..

平時整南瓜湯都係切件煮軟身, 今次用烤既方法就更加保留南瓜既原味


材料:
安田有機南瓜 1個
蒜  半個
百里香  少許
橄欖油  1湯匙
紫洋蔥 半個
牛奶/淡忍廉  200ML

1)先將南瓜切半, 面層加入鹽及胡椒再將蒜切半放在南瓜中間
2)以180度焗至南瓜軟身起肉
3)煲中加油炒香洋蔥粒加入剛才焗爐焗香蒜肉炒香加入南瓜肉
4)最後加入牛奶煮10分鐘, 放入攪拌機攪爛
5)回煲煮滾即可, 喜歡就加入煙肉脆片伴食





 


JO | 9th Dec 2014 | 食食食....食肥我 | (18 Reads)

 

上次來這個熟食中心食過一次早餐已經決定要試埋其他食店...難得2條友星期六都咁早起身去CITY SUPER買野..更係都要來食個正正早餐..

 

今次好自然咁就行左來此店, 見到又有可以叫隔離店既牛丸又可以係度叫多士食更係開心.

 

見到大大張紙話亞蘇推介既咖央多就叫一份同要左杯鴛鴦及檸茶...

 

我覺得此店既茶相比上次果檔更加香濃, 特別杯鴛鴦真係好滑好好飲, 咖央多亦非常美味. 厚身既多士入面就好軟身,而咖央醬岩岩好唔會過多用來配杯鴛鴦簡直一流.自己非常喜歡!


JO | 4th Dec 2014 | 我的食譜 | (257 Reads)
唔係亞媽介紹我都唔識紅鱣係咩來....無意中又俾我係本書有介紹這個魚....
見到街市都有買更係唔錯過這個機會買來煲湯試下咩味..可能加入左紅棗個湯都偏甜甜地..而且加入黑豆關係個魚湯都係帶深色..

這個湯好補血, 大家有機會係街市見到都買來煲下湯補補

材料:
紅棗及黑豆 各8両
紅鱣 1斤

 

 

1紅鱣.劏好洗淨;

2紅棗去芯,黑豆浸泡,3紅鱣、紅棗及黑豆加入水蓋過材料,大火煮至水大滾後,轉中慢火煲個半小時,加點鹽調味即成。

 


JO | 3rd Dec 2014 | 我的食譜 | (689 Reads)



同友人約去九龍城食晚飯, 見到D泰國舖都未關門更係入去睇下有咩買...

見到D泰國茄子咁鬼正就買左D, 用來煮咩?更係買埋佢地既青咖哩醬一齊煮最惹味呀..

煮咖哩煲唔一定係雞, 牛, 豬肉...今次試下用豬頸肉就更加好味.
這個牌子既青咖哩真係好香, 不過就偏咸少少.

材料:

青咖哩醬 1包
椰奶 1罐
豬頸肉 2塊
泰國茄子 10粒
秋葵 數條
金不換  10片
水 2碗
魚露 1湯匙
糖 2-3湯匙

1)將豬頸肉用鹽加入2湯匙青咖哩醬醃一醃

 

2)先煎香豬頸肉切條備用
3)鑊中加入2湯匙油先爆香青咖哩醬加入茄子炒香,
4)再加入豬頸肉, 加入整罐椰奶, 水, 魚露及糖用中慢火煮至醬汁杰身關火後加入金不換.

JO | 2nd Dec 2014 | 我的食譜 | (31 Reads)


其實這個菜都係亂咁整, 話說一早同友人出左去CITY SUPER買肉晚上回家打邊爐, 俾我見到盒個名好勁既丹麥有機豬腩肉重點唔係個名係個價錢都好吸引我去試..所以一心一意煎來試下有幾正...
其實買這盒野都已經係想包生菜食去左果份油膩感, 點知咁岩上到巴士又介紹豬腩肉配菠蘿, 即刻就想我都整先..不過無可能叫我為左6片豬腩肉去買個菠蘿架, 友人家中有蘋果就更係用蘋果代替啦...用唔晒食半個蘋果都易D啦...

煮出來這個菜式真係好好味, 生菜爽脆再加上肥美既腩肉上層係甜甜既蘋果一啖有3個效果好好味, 大家有機會都試下..


材料:
豬腩片  6片
生菜 6片
蘋果  6片
糖  3湯匙
百里香 少許(可不加)
豆蔻少許(可不加)


1)豬腩肉我用鹽麴醃4小時
2)白鑊加糖用慢火煮溶加入蘋果煮至軟身加入少許豆蔻及百里香
3)豬腩片煎香放在生菜面,面層加上蘋果片

JO | 1st Dec 2014 | 我的食譜 | (21 Reads)
今次這個鬆餅食譜係我最滿意,見到D MUFFIN一個個焗起好靚呀!!這一個食譜材料都不多用攪拌器又方便。。。前後用左30分鐘就完成。

材料:
牛油 50G
糖 30G
蜜糖 50G
蛋 1隻
原味乳酪 140G
低筋麵粉 45G
高筋麵粉 60G
梳打粉 1G
泡打粉 1G
鹽 1G
咖啡粉 1茶匙
朱古力粒 50G

1)將牛油,糖及蜜糖打發至軟身
2)加入乳酪及蛋攪勻
3)加入已過篩麵粉攪拌好再加入朱古力粒
4)以180度焗20-25分鐘