香港新浪網 MySinaBlog
JO | 31st Mar 2015 | 我的食譜 | (24 Reads)




Biscotti 原來係意大利文除左解餅乾 Bis 係有烤2次既意思. 以前去咖啡店見到這款餅都會買來配咖啡一起食, 不過當然一件小小既餅乾都唔平, 所以趁假日有時間就動手清一清倉兼做D自己喜歡既小店俾自己食...

Biscotti保存期非常高一般都可以放到3-4個月, 所以一次過可以做多D都唔緊要..

大家想要食譜可以CLICK入以下網址

http://cook1cook.com/recipe/13425.


JO | 30th Mar 2015 | 澳洲之旅 ~ 2015 | (330 Reads)
今日係5日行程內最早既一日, 幸好唔係係lobby等太耐就有得上車訓一陣..其實今日既活動我地都無咩期望, 上次去沙巴又係話點激既激流, 最後我地2個人都覺得非常麻麻. 原來我地後來先發現Cairns係有2處玩激流, 而我地亦係玩左個叫3-4級激架啦..但其實最激果個都係同一條河流..咁又點樣最激又真係唔知!!

我地都要坐成2小時左右先到目的地, 第一站係去佢地既office租鞋, 再上車就再講解安全同埋問大家邊度來.一般都係這時就會幫大家分組, 好似我地香港既就會夾番香港人居多, 今次我地夾左4個working holiday後生仔, 而我地既教練屬於魔鬼級~惡呀!!!

去到目的地去番自己果組號就穿救生衣同安全帽後, 我地就可以落水, 見到D水流又真係幾令人興奮架, 初時果段都覺得好正好激....

之後中間果段都唔算好激時, 教練就俾我地落水玩下..原來落水真係好正當大家都晒到好熱時加上水流夠基本上個人就跟住D水流動好好玩...最辛苦都係上艇果下無強大既手臂都幾難上到.

到中午好似差不多1點左右就去河邊有個好似公園度食個午餐, 都係一塊漢堡夾D菜啦...每人一份再飲杯水去埋個洗手間就要再出發啦...

其實點解我會話這個係魔鬼教練, 因為當中有人唔係好識英文而聽唔明佢既指示, 跟住佢都會好勞氣. 有一次當我地落左水有一個唔識游水就偷懶唔落水啦點知魔鬼教練都唔出聲一野就推左個唔識游水既人落水, 果一刻個個都笑死. 當然當事人就勁用廣東話粗口話佢.

整個活動到約下午3時多就完成啦..講真個激流一D都唔刺激, 不過就比起沙巴既就好玩得多, 加上同艇的都係年青人比較好力氣, 加上周邊既景觀都非常正令到我地都玩得非常開心!!!

不過回到酒店就知死, 2隻腳曬到成隻紅燒豬腳咁...痛左幾日回來成個月都係咁黑!!

玩完幫手搬埋D野去車,我地就換衫又上車去回一個中轉站(順便係去叫大家買DVD). 我地6個人夾份買左一隻再由其中一位send俾大家....

最後一個活動就已經完結....今次澳洲之旅都來到尾聲.





架車車我地番酒店, 但我地係市區落車順便搵食, 友人見到一間食澳洲菜提議去試.我地6點左右到餐廳一入去就見到個香港食家, 心想這一間一定好野啦..., 點知佢話無位要8時先有...當時我地都唔想等就話算. 最慘我地係周圍既餐廳都無邊間想食, 最終都係死死氣番去訂回8時個位, 再係走邊行下.

岩岩撞正中國新年, 這邊都有新年活動...跟住我地就走左去附近的超市, 終於俾我搵到我10日來一直搵唔到既袋鼠脆餅, 可惜只有一款口味唔理即入貨...HAHAH真係開心..買完野就去餐廳食飯.




我地就係來話間, 味道都唔錯不過份量超細同我地之前去食既餐廳份量勁大好大既對比

 

其實我地都唔知澳洲菜有咩食, 不過就叫左佢地既袋鼠肉, 鱷魚肉呀, 但我個人唔識欣賞.



再來我地叫左鴨胸同豬腩肉配帶子...這個2個主菜就叫正常味道...主菜份量都幾細, 不過2個人胃口唔算好大都叫滿足咁離開!!



食飽散步回去執行李休息, 因為明天我地決定再來這區行埋一個菜市場.

JO | 30th Mar 2015 | 澳洲之旅 ~ 2015 | (32 Reads)

上次整焗鴨飯時就想2個人都食唔晒一隻鴨啦..不如將一半用來試下烤啦..點知出左來既味道非常好. 雖然大家會話咪似中式既燒鴨啦, 但我同家人都覺得這個味相比燒味店既燒鴨會無咁油同埋味香D..如果大家有時間都可以試下...

大家想要食譜可以CLICK入以下網址

http://cook1cook.com/recipe/13411 


JO | 27th Mar 2015 | 澳洲之旅 ~ 2015 | (87 Reads)

 

 

以前飲茶好多時都有薄罉, 但宜家好似唔多見這款中式點心. 家中有好多自家種既韭菜就地取材做這個我同家人都好懷念的中式點心...

 

大家喜歡想要食譜可以CLICK入以下網址

 

http://cook1cook.com/recipe/13374 


JO | 27th Mar 2015 | 澳洲之旅 ~ 2015 | (232 Reads)
今日我地去潛水啦,但我地參加Silverswift 去3個外礁,而這個活動係無包接送, 所以我地要自己行去碼頭, 真係一日比一日早起...7點就要去到碼頭排隊交錢



交完錢我地就行去上船度等啦, 今日我地就係坐這隻船啦!!!我地無潛水牌, 所以我地就參加左一次深潛加每個島既無限浮潛.

上船之後我地要參加深潛就要去到船底部坐安排教練同我地講解.
這個活動包早, 午, 茶餐, 一上船食左個muffin飲杯咖啡先, 怕一陣落水凍更加無力...船上有個香港教練好自然地我地同另外2個香港女仔都係跟這個教練.

今次我地會去3個外礁, 而我地安排係第2個外礁深潛, 所以當船泊係第一個外礁時, 我地2個就去浮潛下先...不過我第一次落水覺得好凍, 所以我完左20分鐘就上水休息, 怕一陣去深潛時會唔舒服.

上船一陣就開船去第2個礁, 教練就即刻叫我地埋位再作講解, 到我地出發時就一個拉住一個咁同教練一齊潛水. 不過講真我一D都唔enjoy, 又要拉住教練又要拉住隊友, 有時又要check下個樽又時有要影相(俾人影), 攪到我係水底好忙都無咩點樣細心睇下D魚呀...忙完一輪就上水啦...我都唔知自己睇左咩魚...

上水教練會問大家仲有無興趣再深潛多次, 我就無啦不過友人就非常大癮佢又再次報名係第3個礁潛水...

深潛後又到午餐時, 我更係又食一大埋食物填肚補充體力, 跟住就上左船上晒下太陽訓一陣, 而友人亦同時要忙去準備第2次深潛...



我訓醒無耐就到左第3個礁啦..深潛既人落左水後, 浮潛既人士亦開始落水..我更係唔蝕底都落去睇下...嘩...估唔到第3個礁係最靚好多珊瑚礁好易就見到好多不同既魚, 可惜相機係友人度唔係我一定勁影相, 不過唔緊要自己欣賞下都好開心..我今次自己一個游到好遠去不同珊瑚礁睇...跟住估計友人都差不多深潛完就上船搵佢, 點知當大家準備再去遠D浮潛既時候亦係要上船既時間..不過大家都認同這個礁係最多不同既魚同最特別...

上船後沖身換好衫就食左小小茶點就回去啦...係船上仲派埋証書...今次既大堡礁潛水係我地潛水之中最難忘, 我地亦計劃下次再來亦要去大堡礁潛水.

番到碼頭我地又再去超市買少少蔬菜煮埋最後一份既肉去....回酒店途中俾我地發現原來平時我地行果條路成日都好嘈, 初時只會覺得係D雀仔叫得咁大聲, 點知今日我地先發現係蝙蝠..仲要好多隻係D樹上.!!


今晚食完飯我地亦無再出去行, 又係要早休息為明天激流留力!!

JO | 26th Mar 2015 | 我的食譜 | (26 Reads)



整沙律就最好, 無特定既材料只要自己喜歡加咩蔬菜, 水果都可以... 大家想要食譜可以CLICK入以下網址

 

http://cook1cook.com/recipe/13365 

 

 

 


JO | 25th Mar 2015 | 我的食譜 | (15 Reads)

上次整左個黑糖提子包覺得D提子唔係好平均, 一D包有好多粒有D包就得幾粒, 所以今次再整就一個包加入大量提子, 而家人食得非常開心無再話我孤寒!!!

今次再加入D綠茶粉, 食時有淡淡綠茶味....大家想要食譜可以CLICK入以下網址

 

http://cook1cook.com/recipe/13346 

 


JO | 24th Mar 2015 | 我的食譜 | (14 Reads)

中午整完蛋糕又係留底左3隻蛋白, 最好就係做個簡單蛋白燉奶凍/熱食一樣得...做法同材料都非常簡單唔麻煩..大家想要食譜可以CLICK入以下網址

 

http://cook1cook.com/recipe/13321.

 

 

 


JO | 23rd Mar 2015 | 澳洲之旅 ~ 2015 | (98 Reads)
今日又要再早D起身因7時有車來酒店接送, 不過上日我地係酒店等部車都等左20-30分鐘, 所以今次我地只係準時7時到達. 今日只係等左10分鐘就到啦..我地仲要係第一個上車...跟住再接另外4個女仔又係香港人, 最後就接一行十幾個左右既大家族咁就完..即係成車係有3個groups都幾方便.

今日要去既Paronella Park點解叫天空之城就係果套電影內既場景係用這個地方為藍本而名.
不過我地去這個公園之前, 導遊兼司機就會車我地幾個景點先.

第一占站去坐船遊湖兼食早餐...係個湖邊邊食英式鬆餅飲茶真係好寫意, 而我地無參加度坐船活動, 所以就可以慢慢嘆下行下影相.



 

 

第二站就係帶去森林睇千年無花果樹. 不過我地去時, 前3個月已經結完果, 所以無得試下味..不過導遊話這棵樹既無花果唔好食架..






行完都差不多1點啦...我地今個行程都幾抵除左包早餐之外, 仲要意大利午餐自助餐
我地對於團餐都無咩期望, 點知此店既食物真係唔錯, 有多款pasta, pizza仲有好多不同蔬菜岩晒我...



 

食飽之後就開始到今日既重點景區~Paronella Park . 來左咁多日澳洲就算太陽幾猛我都未流過汗, 點知今日來這個公園真係熱到出晒大汗呀....不過這裡都幾值得一來.

建造這個城堡既主人真係用心呀, 又會識用水力發電, 仲要每樣建築都可以用來賺錢...邊賺錢邊實現自己夢想.




 

 




係這個公園都留左1小時左右後, 我地已經成身大汗...上到車就去埋最後一個景點邊食下午茶...不過下午茶都係餅乾同橙汁, 跟住大家就可以選擇係個湖度游水都可以.
原本我地都係打算游下水, 但見到換衫既地方唔算好方便. 最後我地都係落去湖邊浸下對腳就算...D湖水真係好凍涼好舒服...行下浸下就結束一日團啦..


我地回到酒店都係自煮樂後, 打算出去搵下旅遊書介紹既自家製啤酒店飲杯啤酒, 點知去到先知原來已經執左, 我地最後就行下Night Market. 不過這度既夜市真係麻麻地, 買野食都係D水果, 雪糕, 中國炒飯麵...至於買野都係好多日本人開既店不過D野都唔平...幸好我地係悉尼已經買左一埋手信...另外佢地最多就係按摩店估唔到外國按摩都唔貴我覺得叫平啦...不過我地無試啦...明天更要早早起身早D回酒店休息

 


JO | 23rd Mar 2015 | 我的食譜 | (16 Reads)



自己同家人都好喜歡飲這個湯, 每一啖都係蘑菇好香好濃, 而且做法簡單大家都可以試下.

 

食譜可以CLICK入以下網址

 http://cook1cook.com/recipe/13313

 

 


Next