香港新浪網 MySinaBlog
JO | 31st May 2016 | 食食食....食肥我 | (12 Reads)
好耐都無入來這區, 如果唔係搵朋友食飯都應該唔會來呀..朋友帶路話這間米線唔錯價錢實惠

講真座位都唔會舒服, 不過喜歡家庭式食店感覺親切, 這裡米線分大中小, 岩晒我胃口唔大又唔想浪費食物, 點左個手撕雞同朋友share, 細酸菜肉米線同豆漿

就算點左個細米線份量都幾大份, 酸菜夠多夠開胃, 下面有好多芽菜岩晒我喜歡食菜既人, 至於個手撕雞好香麻油但可惜只有辣味而食唔到有麻味對這個小食有點失望

整體上來講食物都唔錯價錢夠晒街坊價唔怪之得中午時份都幾多人幫襯.




地址:
馬鞍山富輝商場地下G3 , G4 舖

JO | 31st May 2016 | 食食食....食肥我 | (5 Reads)

今日約左友人去九龍灣買野, 來到就來Ikea食埋野啦..見到海報介紹新款食物而且仲要3款加埋都係$69又真係非常抵食..這個健康套餐有個甘筍野米湯, 雞肉全麥意粉同埋個紅菜頭北非小麥米,我地再加多$5有5粒素肉丸

 

 

 

 

 

2個人都唔洗$80又真係幾抵食, 這裡食物既賣相除左個小米沙律比較吸引D, 其他都麻麻..特別個雞肉意粉旁邊既磨菇唔知點解黑色, 初時我仲以為點解佢放D灰黑色既石..原來望真係D係菇, 不過幸好味道都正常, 而雞肉好大塊幸好都不算太鞋口.

 

再來個紅菜頭北非小麥米賣相唔錯, 紅菜頭同蕃茄份量多又新鮮至於小麥米就一般啦煮得有點過火有一pat pat不過整體上味道還可以.

 

再來我最喜歡就係個湯甘筍湯好甜滑再加D野米好飽肚真係唔錯,

 

最後既素肉丸真係最差又乾再加D白汁好怪唔好味, 這個可以不試.

 

整體上這裡食物價錢平款式選擇多, 這個健康之選既套餐味道都唔錯而且勝在平呀..一試無妨


JO | 31st May 2016 | 我的食譜 | (1 Reads)


我喜歡多菜少肉, 但我家人偏偏同我相反, 想D唔太好蔬菜既朋友都食到菜, 我就喜歡煮肉時都加入D蔬菜, 盡量希望大家不知不覺間都食到少少蔬菜啦...而且烤過既蔬菜就更加鮮甜, 家人都不知不覺連肉一起食晒.

 

取食譜:

https://cook1cook.com/recipe/23818 


JO | 30th May 2016 | 我的食譜 | (7 Reads)



秋葵控制血糖降血脂係一種高纖營養價值高既蔬菜. 不過秋葵屬寒性食品, 腸胃較差既食過多可能會造成腹瀉. 另外秋葵含高鉀有腎病朋友都不易食用..

今次我加左咖哩醬去炒令到惹味D小朋友都喜歡食..

取食譜:

https://cook1cook.com/recipe/23785 


JO | 28th May 2016 | 我的食譜 | (8 Reads)





上次友人帶左我去深水埔食狗仔粉, 個狗仔粉都唔錯不過講真呀..無肉又一小碗都要買二十幾蚊都幾貴...
我又番去睇下點做先, 宜家個湯底我可以加自己喜歡既材料又可以加肉, 做左幾碗出來先唔洗$30就有出面4人份啦..隨時係家整都可以.

取食譜:

https://cook1cook.com/recipe/23759 


JO | 27th May 2016 | 我的食譜 | (2 Reads)
臭草綠豆有利尿, 清熱解毒, 特別夏天氣溫高可以消暑, 去濕皮膚病毒功效,
綠豆性寒具有祛熱解暑﹑利尿消腫﹑潤喉止渴﹑明目降壓﹑清膽養胃及止瀉的功效﹐

都市人工作忙又夜訓, 除左煲湯水, 這個 臭草綠豆沙係一個有益既糖水選擇.
煲完一大煲雪凍來食真係冰涼消暑

 

取食譜:

https://cook1cook.com/recipe/23731 


JO | 26th May 2016 | 我的食譜 | (11 Reads)



上星期去左九龍城買左D泰國醬料, 就係為左整這個金邊粉, 原來只要買羅望子同椰糖做出來既金邊粉真係似係街食既味道, 以後係泰國食店可以叫少一樣菜式.大家有興趣都可以自己係家動手炒這個金邊粉..

取食譜:

https://cook1cook.com/recipe/23688 


JO | 25th May 2016 | 我的食譜 | (5 Reads)

這個魚煮法非常方便, 平時食魚都係蒸多..食到好悶用烤既方法烤到魚皮脆卜卜之餘, 內既魚肉仍然保持多汁再沾少少面層既亞參醬一起食真係好惹味.

 

取食譜:

https://cook1cook.com/recipe/23632 


JO | 24th May 2016 | 食食食....食肥我 | (5 Reads)

 


 

係官塘搵食耐左, 對於這間食店應該不會陌生, 老店鋪當然店內都不會有咩裝修, 家庭式作業感覺都親切點.

 

中午時段未夠1點來, 未算多人輕鬆地搵到位置坐啦...一個人點左個獅子頭客飯, 仲有個例湯附送, 對於湯怪既我當然非常受落. 

啖湯清甜潤喉非常好飲, 至於獅子頭雖然厚厚既茨汁, 但肉質帶點酒香軟身入味用來配飯一流, 好有舊式味道. 這個客飯$48貴定平見仁見智, 對於成日食埋D集團式飲食既我簡唔中食到舊式家庭餐館既味道都係值得.

 

 

地址:
觀塘崇仁街15號地下


JO | 24th May 2016 | 我的食譜 | (8 Reads)

天氣熱又濕成個人都覺得好重好累咁好似成個人都有水腫,今次煲老黃瓜除左有去濕都有去水腫功效, 清熱解毒
大家不防夏天煲下來飲, 宜家係街市老黃瓜都係6-7斤, 一個大小小都係斤半左右, 成煲湯加豬展都最多$20左右, 咁樣就夠一家4口飲.

取食譜"

https://cook1cook.com/recipe/23599 



Next