香港新浪網 MySinaBlog
JO | 30th Jun 2016 | 我的食譜 | (1 Reads)

天氣熱飲野都特別多左, 但飲水又會縑淡口汽水又縑太高糖份, 不如自己動動手整下D飲品俾自己同家人試下...見到家中仲有少少榛子朱古力醬突然想到不如整杯朱古力奶試下...出來味道非常好呀..又方便又快...唔洗5分鐘都整完啦...

取食譜:

https://cook1cook.com/recipe/24552 


JO | 28th Jun 2016 | 2016~挪威之旅 | (19 Reads)
6/6/2016-18/6/2016


今日一早6點幾起身就係坐早火車開始展開挪威縮影. 早幾個月前就自訂套票(有關流程可以參考以下一篇: http://josearfung.blogspot.hk/2016/06/2016_21.html )

因為我自己訂票由Bergen - Voss這程火車我左係要到Voss等1小時先有巴士到達, 等巴士既地方都係一出火車站就係所以唔洗怕唔知個站係邊度. 一出站就見到一大片草原近湖邊真係好靚, 忍不住都要行去影下相. 





 

亂行下影下相時間都好快過我地都係提早15分鐘就番回火車站等巴士, 估唔到有成5部大巴開來接挪威縮影既遊客!!!真係厲害!!

 

 

 

 

 

 

這程由Voss - Gudvangen巴士最令我覺得過癮就係大巴係由高向下經過幾個又窄又彎既路. 當時都覺得好好玩, 點知原來跟住幾日開車既我, 有幾日都經過咁既路段時, 就已經覺得無咩感覺!



一落巴士就係接住坐渡輪啦. 我預先係網上買票唔洗煩, 列印左船票當場職員就會話俾你知你坐邊隻船(當日我去係有2隻船)這一段船程都有成過幾鐘架. 初時頭1個鐘我地都係船頭坐一邊食下野一邊欣賞海峽既美景, 但實在吹到有D頭痛. 最後我地都入左船艙入面訓左一陣先支持到.






 來到Flam啦..我download左NBS個app, 所以我D火車票係手機入面等我仲傻傻下去學人去車站換車票,所以如果大家係同我一樣有NBS app直接係手機download車票就得啦.中間有時間,我地又係個火車站行下. 這個火車站好大唔似之前Voss無野行, 這裡有餐廳, 手信店同埋一個超市行下, 行晒手信店又走去超市入少少野食就準備上車. 點知原來我地都叫遲左, 成架火車都好多人, 一心一意要坐6號車架都無, 唯有坐7號啦!!我覺得這段火車多D風景睇, 來到個大瀑布仲會停車俾大家落去用最接近瀑布既位影相, 這時仲有紅衫女唱歌真係幾鬼浪漫, 而我就只係覺得好濕同好凍!!HAHAHAHHA.



我地到左Myrdal啦, 挪威縮影就係這個站轉火車去Oslo, 但我地要番回Bergen準備第2日既自駕遊呀!!因為買平票, 所以迫住係這個車站等1個鐘先有火車. 這個車站又係無咩行, 我地行左去對面似民區八卦下影下相打發下時間.

回到Bergen都係7點啦, 唔偷懶既我又去準備晚餐啦..食完我地就執行李明天要開成6個幾鐘車, 早抖!!



JO | 28th Jun 2016 | 食食食....食肥我 | (5 Reads)


星期日真係熱到咩都唔想做街都無出, 只係想飲D冰凍既野飲. 唔想飲咁多汽水, 糖份入肚, 不如大家都動動手自製夏日飲品啦, 這個飲品只係利用左橙本身既果糖再加梳打水夠晒健康!!!

食譜:

https://cook1cook.com/recipe/24502 


JO | 27th Jun 2016 | 2016~挪威之旅 | (8 Reads)


香港買意大利青瓜係超市一條最少都要四十幾蚊呀, 挪威樣樣都貴但這個意大利青瓜相比香港就平得多一條都係十幾蚊, 都話無油又唔想去超市(Cheap精發作). 好彩帶左D罐頭來都幫到忙, 平時忙油淋淋既我, 即時變得好需要呀..HAHAH...出去旅行都要食得健康多菜少肉為主啦, 帶米粉相比即食麵除左健康外就係快熟呀...這個食譜10分鐘攪掂.

 

取食譜:

https://cook1cook.com/recipe/24435 


JO | 27th Jun 2016 | 2016~挪威之旅 | (3 Reads)


其實D簡易食譜係香港都非常用得著, 基本上係香港真係想買咩都方便又多元化.
來到挪威更係食三文魚啦, 不過講真佢地D價錢又無特別平, 同香港買到既差不多啦..當日無意中係超市見這款大粒既三文魚子就更係要買來試下, 這餐飯都係用左我20分鐘左右..非常美味既一餐.

JO | 23rd Jun 2016 | 2016~挪威之旅 | (9 Reads)
6/6/2016-18/6/2016

計劃這個旅程已經係一年前既事,係查機票都花左好多時間。因為香港無直航到挪威,所以選擇上我都以價錢同時間為主。上次去芬蘭坐芬蘭航空印象都不錯,反而對於本土航空已經失去從前的信任了。

估唔來回程都坐上本土航空勁推廣的A350既機種。不過對於我來講都差不多啦,去程不算多人所以2個人可以獨佔3人坐位都算唔錯。

去程零晨機由HK-HELSINKI再等1個鐘左右就再去STOCKHOLM停先再到BERGEN。雖然睇落好似好多程,但係我搵航空公司時,都叫晚機去早機到時間最就又不算中站等太耐架啦。

 

 

早上準時10點幾到達,機場好細出門口就見到有機場巴士到市區,每人NOK115單程(如果大家係再回機場就記得買來回平二十幾蚊架!)不過我想分享明明官網話可以上網買/到機場有機可以買飛咁樣會平過你直接上車同司機買,可惜當日我所見站口有3台買票機但3部都無開,即係迫大家要上車買啦。其實一個人都差NOK15小數怕長計人多都係網上買定啦。

 

網址: http://www.flybussen.no/en/Bergen

 

機場巴士由機場開出會停巴士總站(近火車站)-漁市場 - 2間R酒店啦。我地Hostel係火車站拖行李去都要8分鐘左右啦可以接受範圍。到達Hostel先係早上11點半,先坐一部1934開始運行的電梯入面仲有座位入面保存好好。

一心只係想放低行李就出發行景點,點知front dest職員這間房岩岩ready可以俾我地check in真係太好啦!可以入房休息下沖過涼!2個人都快手快腳整頓好行李沖過身就出發第一站去漁市場醫肚。明知這裡樣樣野都貴,但來到都要試下啦。2個人叫左個大魚湯同一大盤海鮮拼盤,最後2個人都勉強食完只係浪費少少。



 

食飽飯就更係要行下啦,下一站就係到Bryggens , 這裡既小屋仔係1070年已經有不過火災之後1702年再重建非常有歷史, 樣樣野都保存得好好, 入面每間小屋都買D不同手工品好有特色


 


.

我地行完這2個景點就開始係條街亂行一通順便搵地方買電話卡為日後開車時用。明明見到Blogger話7仔有,但入左2間都見唔到,行到第3間懶搵就直問cashier原來佢地D卡收埋大家望唔到既,所以大家下次直入7仔問就可以。買左張電話卡再加1GB data.

 

 

行下都4點幾啦原本想等日落坐纜車,但大家有D累不如早上早回Hostel就算。

上到去又係另一種風景,大家有興趣又有時間係幾值得單程坐纜車單程就行山,但我地太懶來回都係坐車就算。這個纜車單程NOK45; 來回NOK90, 所以唔洗一定一次過買來回票, 上到山先慢慢考慮都未遲.





 

 

今日市內行程都完畢去埋超市買野食回hostel整個簡餐,整埋野沖埋涼都係9點個天仲勁光到10點要訓出面仲似6點幾咁!唔理啦休息啦!!


JO | 22nd Jun 2016 | 我的食譜 | (4 Reads)



平時都喜歡煮下野食, 今次去挪威就更加勁到一連8日整足3餐真係窮遊呀!!講真呀..除左慳左一大筆錢之外, 其實到當地煮下當地食材真係唔錯, 當中我最喜歡就係選擇蔬菜總覺得外國D蔬菜真係鮮甜D.

由於今次這個旅程就只有我同一名團友, 所以買野來煮都有D難度加上好多時都要搬住宿, 重點係hostel, cabin只提供廚具無提供調味/油等用品, 所以今次煮野食都有D 挑戰..不過無問題一日3餐我都可以處理到既, 其實每樣菜式我都係用左20分鐘就整完, 因為有時hostel人多, 所以盡量唔好係廚房太耐啦.

之前見到好多人來到挪威自己煮野食都會買當地魚餅煮來食, 我去到超市第一時間都拎一包先...這個魚餅本身好多油份係面, 所以解決左我無油既問題.
今次用蕃茄煮湯底代替即食麵既調味粉就食得更健康

 

取食譜:

https://cook1cook.com/recipe/24379 


JO | 21st Jun 2016 | 我的食譜 | (2 Reads)

 

有時家人會無啦啦話要回來食飯, 咁急又要整D肉既俾小朋友食既,我最喜歡就係烤焗豬頸肉又方便又岩小朋友口味, 今次用BBQ醬醃15分鐘再去焗, 突然!有朋友來食都變得無問題啦!

 

取食譜:

https://cook1cook.com/recipe/24334 


JO | 21st Jun 2016 | 我的食譜 | (2 Reads)

天氣熱更係想食D開胃酸酸地既野, 如果子薑一出我都會係家整定一大樽方便平時想食就攞幾塊出來配飯食都醒胃, 有時用來煮肉片又得認真方便, 當然做法都唔難啦..大家有時間都可以浸定一樽啦..喜歡幾時食都得, 而自己最喜歡更係配皮蛋食啦..

取食譜:

https://cook1cook.com/recipe/24312 


JO | 3rd Jun 2016 | 我的食譜 | (14 Reads)

 

作為一個潮州人對於欖菜一D都唔陌生, 其實欖菜真係一個好好配搭既食物, 佢可以簡單咁樣配白粥食都好美味, 想豐富D就炒肉碎又得..

上星期係街市買左條班$100條非常大條, 切左一半用來蒸, 一半更係起肉整魚塊啖啖肉啦...今次加左豆角同欖菜一起炒, 估唔到家人非常喜歡最快清碟既一味菜式

取食譜:

https://cook1cook.com/recipe/23899 


Next