香港新浪網 MySinaBlog
JO | 29th Jul 2016 | 我的食譜 | (4 Reads)



我媽整豉油雞最喜歡就係用電飯煲, 宜家市面上都出左好多鑄鐵鍋保溫鎖水好用來焗雞一流整到D雞剛熟食時好滑, 最喜歡自己調配既豉油汁真係用來配飯都一流.

食譜:

https://cook1cook.com/recipe/25130 


JO | 28th Jul 2016 | 我的食譜 | (3 Reads)

 


Gazpacho係西班牙旅遊時飲過, 可能係天氣好熱同埋行得累, 所以一坐休息時飲到一碗清甜又凍快既凍湯真係救回我小命..

原來這個湯一D都唔難煮基本上家中有個攪拌器就可以係家中做出美味既凍湯.

宜家閒閒地都三十幾度回到家可以飲一碗凍湯作晚餐已經好有營養.

 

食譜:

https://cook1cook.com/recipe/25108 


JO | 27th Jul 2016 | 我的食譜 | (5 Reads)



平時出街都會點下照燒雞扒飯食, 大家其實有無想過照燒汁可以係家中用平時既調味煮出來, 不用特意買一樽照燒汁醬咁麻煩啦...

今次用比目魚貪啖啖肉再加個甜甜地既照燒汁, 令到唔太喜歡食魚既朋友都十分欣賞

 食譜:

https://cook1cook.com/recipe/25087 


JO | 26th Jul 2016 | 2016~挪威之旅 | (10 Reads)
13/06/2016

今日一早6點幾就起身Check out, 不過仲未有人係front desk一早問定可以放低鎖匙係mail box內.我地怕一早入市區會遇上交通擠塞, 我地一般都令願早出發好過.
我地一早入埋油提早左成1小時到達機場,  今次我地坐SAS airline, 北歐一般都係self service多自己print好行李貼紙再自己磅行李非常方便.整好晒所有野, 我地嘆番個早餐慢慢入閘.




一心一意上機訓一陣養精蓄銳中午去行山, 點知上到機坐唔夠一陣又話到目的地...11點已經到Stavanger機場.機場唔大出來就攞行李可以走人, 但我地預12點先可以取車, 所以我地又係個機場hea一陣執定要行山既用品.差不多時間我地就去取車.

今次估都估唔到租車公司俾左四驅車我, 人又矮細架啦仲要開部大車更好我係香港都慣開大車, 無難度. 當然明顯這部車馬力大過我地前5日果部車仔啦...但對於挪威有D路都好窄, 取車時都有D擔心.部車好新只係行左二千幾公里, 入面仲有GPS今次真係超值!




第一站我地更係去超市入定貨為2日既晚餐作準備啦, 跟住就住渡輪入去今晚我地住宿既地方Preikestolen Hostel.
因為我地係這間Hostel住一晚, 所以有免費泊車. 今日又係有小插曲, 我網上訂房時以為這間房係有廁所係房, 點知取房後先發現我自己擺大烏龍, 網上註明房只有washbasin. 我一入到房已經超唔喜歡間房仲細過我前一晚果間, 即走去receiption問下有無房間係有洗手間架啦...佢都話今晚full無房.
無奈地番去執好野就去行聖壇岩啦!!YO出發這2日行山行程係我同團友都十分期待同緊張

HAHAHA行唔夠20分鐘我地已經見到這段又斜又多大石既路, 但無可能咁就嚇到我架..努力向前行啦.




其實中間都有D大平路行下既, 不過講真整段路都係多大石多啦...上去都無咁辛苦其實落時真係有枝行山杖咁樣先無咁傷個膝頭.



 

 

 

 


 


 

 

仲差900M我地繼續努力默默行啦

 

 

 

原定3小時登山既路程,我地都係多左半小時完成十分感恩. 一上到山我地唔係影相先呀...係食隻蕉先好Q肚餓, 我再隊多個三文治呀!!!團友都驚訝我突然咁有食慾!!!

食飽影下相團友已經好累啦, 所以我自己一個人再行上高處影下相.

 

影晒相休息夠,我地又開始落山...講真落山真係大石仲要行落真係好累又怕傷膝頭, 所以都會盡量放輕行.如果大家有行山杖這時就發揮作用.另外團友來前都有問行得多山既人士, 教我地每到休息地方就盡量唔好坐就係企係度拉筋做伸展, 講真有幫助覺得晚上肌肉無咁痛.

 

終於花3小時落到山啦...EE我都好似好多網友咁落到山就獎勵自己買枝甜筒食下...團友呢??死左LU十級累死個樣,咩都無胃口.

 

 

食完我都趕快去煮晚餐跟住就要休息啦...不過這間hostel係我入住最唔喜歡係連廚房都唔多得入面D用具都唔太乾淨D人又無咩手尾. 幸好都係住一晚就走.

 



JO | 26th Jul 2016 | 我的食譜 | (24 Reads)



如果假日留係屋企, 我自己鐘意整沙律作為午餐.
非洲小米(Couscous)係我其中喜歡既食材, 佢有米飯既飽肚, 不過煮法簡單得多而且當沙律或主菜食,  用來做粥,煎米餅一樣可以真係千變萬化.

睇到篇文章介紹小米功效真係唔睇都唔知咁有益, 鹼性食物適合身體孑虛弱人士特別產後婦女, 失眠及神經衰弱人士食用.

今次就簡簡單單整個帶點咖哩香既沙律先, 前後唔洗20分鐘就可以食.

 

食譜:

https://cook1cook.com/recipe/25064 

 

 


JO | 25th Jul 2016 | 我的食譜 | (2 Reads)

 

 

平時出街都好喜歡食沙薑雞腳, 但為左遷就家中小朋友口味改用雞翼做法...就算用上蒸既方法食時都覺得好惹味, 一味十幾隻雞翼一下子就無晒!!!做法絕對簡單方便只要一包沙薑粉就可以, 任何調味都唔洗加.

食譜:

https://cook1cook.com/recipe/25037 


JO | 22nd Jul 2016 | 我的食譜 | (1 Reads)


我自己好喜歡飲椰皇水覺得好清甜, 而且椰皇入面既肉好嫩好滑, 用椰皇水同肉整這個糕點就夠晒清甜, 食既時間仲有D椰肉!!

 

食譜:

https://cook1cook.com/recipe/24981 


JO | 22nd Jul 2016 | 我的食譜 | (2 Reads)




我自己好喜歡整麵包食, 另外饅頭都係我至愛, 而且饅頭整多左都唔緊要放入冰箱食時再翻熱後仍然鬆軟, 今次整既係千層饅頭再加入南瓜蓉整出來金黃色, 食時有點南瓜甜真係一次都食2,3個.

食譜:

https://cook1cook.com/recipe/24999 


JO | 20th Jul 2016 | 2016~挪威之旅 | (64 Reads)
12/06/2016

今日一早就起身同團友商量今日行程. 其實我地都係Flam開車回近Bergen既一個小鎮Bratland住一晚準備第二日一早可以到機場還車. 基本上由Flam去Bratland都係只需3小時左右, 但團友就不停話要早到住宿地方取房好多地方景點都不能去.原本都有點不開心, 點知後來發生左D插曲原定3點幾會到達住宿地方, 到最後都要5時多才能到達. 果一刻真係好慶幸團友除消所有行程.

所以今日唯一景點就係到達Stegastein觀景台.從崖壁向外申展30米外, 高650米建築而成的觀景台. 其實當時睇落都幾鬼驚架..不過這裡可以睇晒成個Aurlandsfjord海峽.






經過這個觀景台再向上行就另一條雪之路 " The Snow Road".不過之前我地已經去過另一條雪之路,我地覺得景色都差不多加上團友想早早到Bratland取房, 所以我地11點多就離開準備行E16向Bergen出發.

 

 

當時12點多基本上用龜速行都係3點多就可以去到Bergen. 一直行E16時,到最後1小時左右既車程我地都預計2時多可以到達目的地, 途中開始見到有個路牌話前面封路. 我地當然無理啦反正有路行又無人阻...點知到中間路段就見到有路障啦, 有2位警察就指示E16前面封左, 教我地要行另一條路FV 313. 當時都幾心驚GPS又查唔到路, 中間仲要停左一次車再問人確認究竟313係唔係可以去Bergen等.

當我開始行313路時, 我心就已經沉一半再行多30分鐘就已經沉晒. 

首先這條313後來我地再查GPS先知比起我地原定行E16多出一半路程, 原本行E16只係60公里, 只行313就要126公里.

再來講這一條313全程都係我最討厭路窄單線雙向行走, 開左2小時咁既路真係人都癲.不過中間有D咁靚既景色, 個人都會自然放鬆D無咁緊張. 

最後我地行完全程313轉回到E16順利到達我地今晚住既地方.

 

 





 

雖然今晚我地間房無廁所, 但大部人都係住camping得我地同另一個人住客房, 所以廚房同廁所都似係私人用咁.不過我地都係訓幾小時啦, 為明天行聖壇岩作最好準備呀!!!

講真當晚都有D緊張架, 怕明天體力不足影響後2天連續行山既行程!!

 

 

 






JO | 20th Jul 2016 | 我的食譜 | (2 Reads)



酸梅湯是傳統的消暑飲料,炎熱天氣,多數人家會買烏梅來自行熬制(也有用楊梅代替烏梅),裏邊放點白糖去酸,冰鎮後飲用。酸梅湯的原料是烏梅、山楂、桂花、甘草、冰糖這幾種材料。宜家樣樣野都變得方便, 只要去買包酸梅湯料回家加入冰糖同水就得啦..咁鬼簡單方便.

 

食譜:

https://cook1cook.com/recipe/24964 


Next