香港新浪網 MySinaBlog
JO | 31st Oct 2016 | 2016~大阪&和歌山之旅 | (7 Reads)
(2016年10月20日)
今日8點多起身就即刻換衫落去食早餐.因為9點都已經係最後一轉, 其實昨晚豐富的晚餐都未落格.點知2條餓底都明明口話飽, 但仍然繼續食食食.
最正係早餐都有得自己燒魚食呀..救命!!仲要好鬼正.另外漬物同茶漬飯都超正.
食飽回房執野大約10點走人.出發


 第一站三段壁(影完相行唔夠5分鐘就走人)因為我地無俾錢落去下面睇


 第二站: 千壘敷. 這裡比較岩我地坐下睇下D浪打上來, 而且早上唔算太猛太陽加上有海風又真係幾舒服.



 第三站: 圓月島行多10-20分鐘車程就到. 其實一路行上少少有幾個停車位俾大家停車影下相.可惜我地無法等黃昏來影啦...叫做到此一處啦!!! 


好啦好啦!!咁樣就消磨左3個景點, 基本上就要到Toretore市場食午餐啦...跟住就開車入那智.
無計唔餓都要去, 反正去到見到食物又係食得落.
嘩嘩嘩..這裡大過黑潮好多, 而且好多食店選擇. 我地幾經辛苦同溝通終於俾我地選到鮑魚, 唔知咩螺同龍蝦作刺身.
另外再選左海膽飯同我至愛的魚子.






 

我地差不多行左2個多小時就入到那智.今晚入住係Pals Inn Katsuura (Yen 9093)包早餐.

這裡唔算易搵呀, 而且附近都無咩食店無咩超市真係好靜.

不過當初我只係想搵近那智瀑布既住宿, 見到這間算係同區叫平又有得去佢姊妹酒店到浸溫泉. 

後來我地發現反而住"新宮"會多D選擇同埋附近會多D野行同食.

 

 


 我地check in 完見天又未黑時間尚早就決定今日行左明天既行程, 希望偷到半日明天可以行一小段熊野古道.
下午4點多來到那智瀑布, 這裡只有好多位係無料泊車, 但我地好好彩岩岩來到仲有一個無料車位. 一般這裡有料車位都係yen 500





 泊車既地方行去對面就係入那智瀑布真係超近. 估唔到行唔夠5分鐘就到, 如果想再行近D, 更係要付出金錢啦..每人好似yen 300-400. 不過2條cheap精更係無俾啦, 只係掛住打道場攞錢.
HAHAHA
見到有時間我地就行埋上去熊野那智大社


 這個樹洞可以行入上去架...

 

我地大約花左30分鐘來回啦, 回程時已經真正入黑.我地一心出去搵食啦..點知真係好似好難搵到間餐廳, 見到D食店又怕唔識點咩..最後我地去左新宮搵左間集團餐廳食解決左晚餐後就開車回酒店休息啦.

 

 

 




JO | 31st Oct 2016 | 我的食譜 | (9 Reads)

自問唔係一個整蛋糕叻既人, 但星期日係超市見到盒cream cheese大減價呀...C9發作見到大減價點會有抵抗能力啦...買番去決定試下整個芝士蛋糕同家人分享啦.
其實想蛋糕有鬆軟口感, 只要用分蛋法真係零失敗.

這個日式輕芝士蛋糕就係用左分蛋法, 焗時再用好似蒸焗, 所以出來好鬆軟帶輕輕芝士香.


 

食譜參考:

https://cook1cook.com/recipe/26722 




JO | 28th Oct 2016 | 2016~大阪&和歌山之旅 | (8 Reads)
(2016年10月19日)
今日一早10時到黑潮市場想等11點睇鮪魚解體show, 所以我地這一個小時去附近水果市場同主題樂園Porto Europe(無料入場)hea遊下.

唔知係唔係時間早, 入到去果主題樂園都係幾個小朋友同父母係度睇D機動遊戲; 反而成人機動遊戲就唔見有人玩. 我地都係行下唔夠20分鐘就走.

 這個黑潮市場入面都唔係好大, 有幾店買魚生為主, 另一邊就有一大店買燒烤既食物同一店買炸物.
最尾就有一間好大的手信店.(價錢同ToreTore市場一樣啦)

 未夠11點已經有小人群企係度等啦...日本人準時開show
手起刀落十分利落唔夠10分鐘就已經做完這個show
當然即場有少少魚骨碎肉俾大家試食, 再即場開左吞拿魚部份俾大家買來食.




 最想買既拖羅部位又無放出來買真係奇怪. 不過我地都要買盒拖羅壽司食; 另外買左盒即場切吞拿魚來試下.
食飽都12點啦.我地都要起行去Adventure world.

下午1時半左右到達Adventure world停車費都幾貴(yen 1200); 另外成人入埸費就每人(yen 4100)

其實這裡我想來係見到介紹話有D動物可以俾遊客接觸到, 我地最想就係接觸企鵝啦..可惜我地已經錯過左. 最後俾我地見到野豬有出過來, 另外有D我都唔知咩來既動物周圍走. 大部份都可以摸到佢地架..非常可愛.

 


 這隻北極熊好慘架, 佢係不停向前向後走.我同友人都估佢係有少少神經錯亂啦..好可憐.






另外仲有一處係要坐車去睇D食肉動物架, 我地都係岩岩好趕到尾班車睇埋出來都已經差不多4時半.今次陪伴我地既車呀.

 今晚我又選左明天好近景點既酒店Yukai Resort Hotel Senjo. 這間酒店係我同友人都覺得這幾天中十二分抵住. (yen 16600)已係一泊二食仲要有溫泉浸.最重要有我喜歡訓的日式房間.

 

這間房都好大有個小陽台, 有廁所, 浴室.



其實這間酒店位置唔算方便(以無租車人士計), 但如果開車來都算易搵(超近千疊敷), 而且佢有成6個停車場保証有位泊車.
幸好行出去唔洗2分鐘都有間family mart.
這間酒店都幾好架, 提供好多活動設施俾住客. 好正既遊戲機呀...另外仲有夾公仔機啦, 仲有按摩椅, 同乒乓球玩. 當然有室內外的溫泉,不過2個溫泉係分開. 如果大家想浸室外就要去穿回晒所有衫再行一段路先到達.

 這裡晚餐分開3個時段, 我地想食飽行下先去浸溫泉, 所以我地選左最早一段6時就開始.
這裡餐廳好大食物選擇亦超多, 2條友飽到上心口.
下次再來我都會再住這個集團既酒店..真係超抵.




JO | 27th Oct 2016 | 2016~大阪&和歌山之旅 | (7 Reads)

(2016年10月18日)

第2日行程都有大半天留係大阪, 我地亦鎖定目的中午要食蟹道樂. 一早我地執好行李check out後, 見有時間就去左百貨公司幫我家人買野啦..先諗住慢慢去蟹道樂食午餐. 估唔到去到都要取票等位,幸好都只不過等20分鐘.

 

印象中上次同友人食過十分喜歡. 所以今次我地又再來食午餐. 唔知係唔係第一次永遠係最好, 顯然今次既食物無上次咁精緻, 不過份量同樣十足.

我又為左"期間限定"4個字吸引; 叫左一份同埋再叫一份平套餐. 2個人午餐都只係6千多為到來港幣每人都係二百幾都算抵食. 重點係到最後我地真係有D唔想浪費勉強食.

 第一味送上就係蟹腳沾上佢地既蟹醋食中和蟹的咸真係唔錯.

 再來係我最喜歡的天婦羅蟹鉗估唔到連蟹殼一齊炸都炸得咁乾身好特別; 另外蟹燒賣都好好味.

 再來就係燒蟹腳勝在啖啖肉

 整個餐最唔想食就係這個非常飽滯的芝士焗蟹肉雲吞.

 這個蟹壽司出奇地鮮甜美味

 反而個湯就好咸.

 原本這個蟹飯充滿期望, 點知水太多個飯偏濕.

 最後就係這個濃郁綠茶加雲呢拿雪糕作結尾.

 

這餐午飯享受左2小時左右, 2條友帶住個大肚腩再去心齋橋閒遊等5點多D就提早到租車公司取車出發去和歌山.

 


我地6時出車大約7時多到達, 順路又去Family mart買關東煮同少少野食就回酒店開餐.

今晚住係Wakayama Marina City Hotel, 一晚9千幾yen真係非常抵. 最正係估唔到佢地送左2張免費去黑潮溫泉浸溫泉. 我地更係食完飯慢慢行去浸溫泉.

估唔到個入場卷仲包埋提供毛巾, 仲有露天溫泉真係舒服食.

除左額外有溫泉浸外, 估唔到日本人都咁熱愛Pokemon攪到我地浸前同後都要走去黑潮市場一齊捉下精靈.

 

 

 

 

 

這裡就係昨晚我地同好多人一齊捉精靈既地方, 仲要早上捉到比卡超!!.


JO | 27th Oct 2016 | 2016~大阪&和歌山之旅 | (9 Reads)

(2016年10月17日)

事隔4年再重遊大阪今次目的都係去和歌山, 所以留係大阪只有1日半. 基本上我地都係難波同心齋橋活動, 除左由機場坐巴士到難波後我地都無用過其他公共交通工具, 真係好hea咁遊大阪. 今次係大阪除左補給藥物外, 最大最大目的係我要食Red rock牛肉飯同Gram 既限量pancake.

 

今次我地無選坐電海電鐵反而坐機場巴士希望就係唔洗搬行李又上又落. 點知落車行去酒店先發現酒店係近電海電鐵好多. 還好這裡原來非常近我租車的店舖, 所以明天行去租車公司都非常方便. 放低行李後梳洗一下就落街第一站美國村的Red Rock食午餐!!!!

這一間叫 Hotel IL Cuore Namba, 由難波車站行來非常近, 下面又有Family mart一晚係官網訂都係Yen 11000真係平.

 

 

 

來時我都預左2店我都要排隊架啦, 點知咁鬼好彩,我地落機到酒店放低野都已經4點啦.大家都肚餓啦, 最直接就係到我首選要試既牛肉飯. 咁既時間又加上平日, 免左我排隊之苦. 同友人各叫一碗生牛肉飯; 一碗和牛飯一起試下.

我地大約4點幾來到,  其實中間不斷都有人入來. 這裡係門口自助購票再交票俾店員及安排位置.個燒牛肉飯(Yen 880); 和牛飯(Yen 1900). 二者價錢相差都幾大架. 不過個特色既話我都係喜歡燒牛肉飯多D, 加埋D蛋汁真係一流. 和牛又真係重牛味同嫩. 其實食到一半我已經勁叫好飽好飽啦...點知一出門唔夠5分鐘我已經要再入另一店舖再食野...真係唔可以睇少女人既甜品胃.

 

 

 

 

出來後就同友人講我地不如去難波行街順便落格, 點知句野岩岩講完.

經過個停車場俾我好眼利咁見到非常熟悉既綠色招牌Gram...即刻停低去探路究竟個正門係邊. (我地入左棟大廈坐埋lift上去先發現入左人地個廚房,真係唔敢咁嚇人咁經由人地廚房入去, 加上無人發現即原lift落番地下再搵正門入啦)

再問友人可唔可以陪我再食多round時, 佢又無反對. 咁我地落格唔夠5分鐘又再走入另一間餐廳進格. 幸好既事就係睇左一大輪餐牌我都係只想食果限時限量的厚pancake, 問左店員話要6點先供應(當時4時50分), 佢大概問我係唔係要一份. 我更係話好啦...反正我都好飽真係唔介意係店內坐下hea下先再食甜品.

最終我地等到正6時個pancake就來, 2個人再點左2杯飲品. 我就俾左咩期間限定吸引點左杯類似桃味飲品, 已經叫左少whip cream. 不過來到都非常多, 而且桃味唔算好突出只屬一般.

至於個主角~pancake真係正到暈. 一上枱就已經聞到蛋香味道, 食時好鬆好軟再配埋蜜糖牛油同香甜既cream真係令人難忘.

 

 

 

好啦. 今次真係100%飽到上腦, 要真真正正去行街落格. 隔左4年無來大阪, 今次真正覺得多左好多人. 間間藥房百貨購物辦退稅都要等, 最嚇人係開24小時驚安殿堂又迫人睇中野想買都唔敢, 見到付款排隊果條人龍真係令我卻步. 我地遊到差不多8時多, 原本我係想買PABLO期間限定的南瓜芝士蛋糕, 點知見到個size真心相信我地2個人係食唔晒加上明早要退房啦..所以我決定買左件綠茶撻叫試過都開心!

 回酒店時再到Family Mart買左杯期間限定雪糕. 今日既行程就夠晒皮.

 


JO | 27th Oct 2016 | 2016~大阪&和歌山之旅 | (10 Reads)

一如以往到差不多年尾,我又兌換最後一次既旅行. 因為一年前俾我好好彩咁買到廉航平價機票, 真係唔怪之得咁多人每隔2-3個月會去旅行一次就算去3日2夜都咁多人出去走一轉.

 

雖然今次又係去大阪, 但我地都係以去和歌山為主. 留係大阪都係只係不足2日, 而且這2日我地完全無離開過難波.

 

最正係今次除左第一天係大阪無得浸溫泉之外, 我地晚晚都可以浸到溫泉非常舒服.

 

令我最難忘都應該係最後一天係機場折磨左我11小時. 估都估唔到10月香港都會有颱風, 但萬幸我地班機只係delay 再 delay, 又不致於取消. 又幸好我地等上機既地方有間24小時Family Mart, 可以半夜再買我地最喜歡既關東煮同埋估唔到炸雞扒咁鬼正用來送酒真係一流.

 

 

 

留係大阪都係為左去藥房買藥外, 另外最主要目的就係食食食. 

今次好開心可以如願又唔洗排隊之下食到Redrock牛肉飯; Gram限量pancake.

基本上買野既意欲都愈來愈降低, 今次都係2人去程15KGS回程又係27.5KGS.

我都還好可以買到3件衫, 友人只係買左1件衫連佢最大興趣既波鞋一對都買唔到...我地都只係為自己家人買藥同手信!!

 

今次我地除第一日無開車, 其餘5天都租車, 所以景點各樣都好大彈性. 選酒店都係以有停車場為主. 開車方面都景點安排都不多, 每天都有足夠時間休息唔會似以前咁安排到日日都密密麻麻最終都係辛苦自己.

最開心就係今次偷到一日出來行山. 雖然都係行左2小時左右, 但已經大滿足.

 

 

這個就係我地6日5夜洗費.作為我自己記錄!!!


機票 $1607

 酒店 $4492

5日租車,ETC及油費 $2840

活動 $696

食 $2960

手信 $6775

保險 176

合共:$19,670.00

 

 總計 (每人約 $)9834


JO | 27th Oct 2016 | 我的食譜 | (1 Reads)



回港後最想做就係煲湯飲, 特別宜家秋涼時口乾乾飲啖熱湯都覺得好滋潤. 這個清補涼一年四季都可以飲用既湯水, 去藥材店買家一, 二包閒時用來煲俾家人潤下都唔錯.

 

食譜參考:

https://cook1cook.com/recipe/26680 


JO | 25th Oct 2016 | 我的食譜 | (2 Reads)


有時係冷藏店會買幾塊牛扒放係雪櫃以備不時之需, 正正假日突然有朋友上來咁又懶出去再買野, 最好就係冰格取番牛扒出來整...簡簡單單整個開胃蕃茄肉丸再加D半溶芝士真係正晒.

食譜參考:

https://cook1cook.com/recipe/26617 


JO | 24th Oct 2016 | 我的食譜 | (1 Reads)


我自己非常喜歡這個湯水, 除左有我至愛既海參花膠外, 其實加入蓮子更加清甜而且有落金華火腿帶點咸香連調味都不用, 真係夠晒滋補.

食譜參考:https://cook1cook.com/recipe/26600 


JO | 24th Oct 2016 | 我的食譜 | (2 Reads)


我自己非常喜歡這個湯水, 除左有我至愛既海參花膠外, 其實加入蓮子更加清甜而且有落金華火腿帶點咸香連調味都不用, 真係夠晒滋補.

食譜參考:https://cook1cook.com/recipe/26600 


Next